ខេត្តក្រចេះ៖ ចាប់ពីថ្ងៃទី១៧ ដល់១៨ ខែឧសភា ឆ្នាំ២០២១ ក្រុមការងារមន្ទីរទេសចរណ៍ខេត្តក្រចេះ បានចុះផ្តិតយកទស្សនីយភាពសក្តានុពលទេសចរណ៍នានានៅសហគមន៍អេកូទេសចរណ៍កោះព្រហ្មចារីជ្រោយបន្ទាយ ដែលពេលកន្លងទៅថ្មីៗនេះ។ សម្រាប់ថ្ងៃ១៩ ដល់២០ ខែឧសភា ក្រុមការងារបន្តចុះផ្តិតយកទស្សនីយភាពសក្តានុពលទេសចរណ៍នៅសហគមន៍អេកូទេសចរណ៍កោះសាមសិប ដែលស្ថិតក្នុងស្រុកសំបូរ ខេត្តក្រចេះ។ ជាលទ្ធផល ក្រុមការងារបានបញ្ចប់សកម្មភាពថតជាវីឌីអូកម្សាន្តរបស់ទេសចរ ចូលមកកម្សាន្តក្នុងសហគមន៍ ការបោះតង់សម្រាកលំហែ ព្រមទាំងសកម្មភាពទេសចរណ៍នានាជាច្រើនទៀតដើម្បីផលិតជាស្ពតផ្សព្វផ្សាយដល់ភ្ញៀវទេសចរកាន់តែជ្រាបទូលំទូលាយ។បន្ថែមលើសពីនោះក្រុមការងារបានផ្តល់ការបណ្តុះបណ្តាលបន្ថែមលើបដិសណ្ឋារកិច្ចភ្ញៀវ ការផ្តល់សេវាកម្មម្ហូបអាហារ និងទិដ្ឋភាពសំខាន់ៗមួយចំនួនទៀត ក្នុងគោលដៅត្រៀមទទួលស្វាគមន៍ទេសចរក្នុងស្រុក ពោលគឺសម្រាប់ដំណាក់កាលស្តារស្ថានភាពទេសចរឡើងវិញ ក្រោយពីវិបត្តិកូវីដ-១៩មានភាពធូរស្រាលឡើងវិញ។

ភ្នំពេញ៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានមានប្រសាសន៍ ថា ក្នុងឱកាសពិធីចម្រើនព្រះជន្ម ព្រះករុណាព្រះបាទសម្តេចព្រះបរមនាថ នរោត្តម សីហមុនី និងថ្ងៃចុងសប្តាហ៍ទីពីរនៃខែឧសភា រយៈពេល៣ថ្ងៃ ចាប់ពីថ្ងៃទី១៤-១៦ ខែឧសភា ឆ្នាំ២០២១ នៅទូទាំងប្រទេសកម្ពុជាទទួលបានភ្ញៀវទេសចរសរុបជិត៥ម៉ឺននាក់។ ឯកឧត្តម បានថ្លែងថា ភ្ញៀវសរុបមានចំនួន ៤៩,៩៣០ នាក់ ក្នុងនោះភ្ញៀវជាតិ ៤៩,៣៦៤ នាក់ និងភ្ញៀវបរទេសផ្ទៃក្នុង ៥៦៦ នាក់ គឺមានការកើនឡើងប្រមាណ ១៥៣.៣% ធៀបនឹងសប្តាហ៍មុន និងកើនឡើងប្រមាណ ៤៥៧,២៥% បើសិនធៀបនឹងសប្តាហ៍ដំបូង ដែលរាជរដ្ឋាភិបាលបានបិទបញ្ចប់ការបិទរមណីយដ្ឋានទូទាំងប្រទេស។ ប៉ុន្តែក៏នៅទាបជាងសភាពការណ៏មុន ២០ កុម្ភៈ ប្រមាណ ៨០% នៅឡើយ (ដែលភ្ញៀវទេសចរផ្ទៃក្នុងមានចំនួនជាមធ្យមប្រមាណ ២០-២៥ ម៉ឺននាក់ នាចុងសប្តាហ៍)។ គោលដៅទេសចរណ៍សំខាន់ៗដែលមានសកម្មភាពទេចរច្រើនជាងគេ រួមមាន៖ ខេត្តកំពត ១០,៩៤២ នាក់ ខេត្តបាត់ដំបង ៧,៧១០ នាក់ ខេត្តកំពង់ស្ពឺ ៥,៩១៣នាក់…

ភ្នំពេញ៖ ក្រសួងទេសចរណ៍ បានប្រកាសជ្រើសរើសបេក្ខជន-បេក្ខនារីដែលរស់នៅតំបន់ភូមិភាគឦសាន ពិសេសអ្នកនៅខេត្តរតនគិរី ឱ្យចូលសិក្សាវគ្គបណ្តុះបណ្តាលគ្រូបង្គោលផ្នែកសេវាកម្មម្ហូបអាហារ និងភេសជ្ជៈ (Food and Beverage Services) ដោយឥតគិតថ្លៃ ដើម្បីបំពេញសមត្ថភាពឱ្យកាន់តែល្អប្រសើរ ក្នុងការបណ្ដុះបណ្ដាលដល់អ្នកបម្រើការងារក្នុងវិស័យទេសចរណ៍បន្តទៀត។ កម្មវិធីបណ្ដុះបណ្ដាលនេះ រៀបចំឡើងក្រោមការសហការគ្នារវាងគណៈកម្មការគ្រប់គ្រងគម្រោង ហូកា (HoKa) នៃក្រសួងទេសចរណ៍ និងអង្គការស្វីសខន់ថាក់ (Swisscontact)។ លោក ជួប រតនា ប្រធាននាយកដ្ឋានផែនការអភិវឌ្ឍន៍ទេសចរណ៍ នៃក្រសួងទេសចរណ៍ និងជាប្រធានលេខាធិការដ្ឋាននៃគណៈកម្មការគ្រប់គ្រងគម្រោង ហូកា (HoKa) បានថ្លែងប្រាប់បណ្ដាញព័ត៌មាន Fresh News នាថ្ងៃទី១០ ខែឧសភា ឆ្នាំ២០២១ នេះថា «ការសិក្សាវគ្គបណ្តុះបណ្តាលគ្រូបង្គោលផ្នែកសេវាកម្មម្ហូបអាហារ និងភេសជ្ជៈនេះ គឺនឹងប្រព្រឹត្តទៅចាប់ពីថ្ងៃទី៧-១២ ខែមិថុនា ឆ្នាំ២០២១ តាមរយៈការបណ្តុះបណ្តាលអនឡាញ និងការអនុវត្តផ្ទាល់»។ គួរជម្រាបថា អត្ថប្រយោជន៍៍នៃការចូលរួមក្នុងវគ្គបណ្ដុះបណ្ដាលនេះ សិក្ខាកាមនឹងទទួលបានប្រាក់ចំណូលខ្ពស់ និងគុណភាពសេវាកម្ម, ក្លាយជាគ្រូបង្គោលដែលមានសមត្ថភាពគ្រប់គ្រាន់ និងមានការទទួលស្គាល់ពីក្រសួងទេសចរណ៍, ក្លាយជាគ្រូបង្គោលអាជីព និងឯករាជ្យ ក៏ដូចជាមានឱកាសភ្ជាប់បណ្ដាញទំនាក់ទំនងល្អនៅក្នុងវិស័យបដិសណ្ឋារកិច្ចផងដែរ។ អ្នកដែលអាចចូលរួមក្នុងវគ្គបណ្ដុះបណ្ដាលនេះបាន រួមមាន៖ អ្នកគ្រប់គ្រង ឬម្ចាស់អាជីវកម្មពីវិស័យឯកជន,…