ប្រាសាទបេងមាលា មានទីតាំងស្ថិតនៅភូមិបេងមាលា ស្រុកស្វាយលើ ខេត្តសៀមរាប។ ប្រាសាទនេះស្ថិតនៅខាងកើតជើងភ្នំគូលែន និងខាងកើតក្រុងសៀមរាប ចម្ងាយផ្លូវប្រហែល៧៧គីឡូម៉ែត្រ។

ប្រាសាទព្រះធាតុខ្វាន់ពីរ ជាប្រាសាទ ដែលនៅសល់រូបរាងមួយប៉ុណ្ណោះក្នុងទឹកដីខេត្តក្រចេះ។ ប្រាសាទនេះគឺជាផ្នែកមួយនៃរាជធានីសម្ភុបុរៈ នៃដែនដីចេនឡាគោក។

ប្រាសាទភ្នំខ្យង មានទីតាំងស្ថិតនៅលើភ្នំខ្យងក្នុងភូមិភ្នំខ្យង ឃុំប្រាសាទភ្នំខ្យង ភាគខាងជើងទីរួមស្រុកកំពង់ត្រាច ចម្ងាយ៩គីឡូម៉ែត្រ ក្នុងខេត្តកំពត។ ប្រាសាទនេះមិនសូវមានគេស្គាល់ឡើយដោយសារតែទីតាំងមួយនេះ មិនមានការផ្សព្វផ្សាយទូលំទូលាយ។

ប្រាសាទគុកនគរ ស្ថិតនៅក្នុងទីតាំងវត្តគុហ៍នគរខាងលិចទីប្រជុំជនតាំងគោក ក្នុងភូមិត្រដក់ពង ឃុំពង្រ ស្រុកបារាយណ៍ ខេត្តកំពង់ធំ។បើគិតពីរង្វង់មូលស្គន់ទៅប្រាសាទនេះស្ថិតនៅចម្ងាយប្រមាណ២២គ.ម.។ ប្រាសាទនេះប្រើប្រាស់ថ្មបាយក្រៀមជាសម្ភារៈសំណង់ចម្បងក្រៅពីផ្ដែរស៊ុមទ្វារសសរពេជ្រសសរផ្អោបនាគចែង និងតោដែលប្រើប្រាស់ថ្មភក់។ការប្រើប្រាស់ថ្មបាយក្រៀមច្រើនធ្វើឲ្យតួប្រាសាទមើលទៅឃើញសម្បុរខ្មៅខុសពីប្រាសាទដទៃទៀត។ចំពោះខ្លោងទ្វារខាងកើតដែលមានច្រកចូលពីរ គឺនៅកណ្ដាល និងខាងត្បូង ឯច្រកចូលខាងជើងបែរជាធ្វើជាទ្វារបញ្ឆោតទៅវិញ តែច្រកចេញមានបី។ ចំណែកខ្លោងទ្វារខាងលិចមានទំហំតូចមានច្រកចូល តែមិនមានច្រកចេញ (ជាទ្វារបញ្ឆោត)។នៅទល់មុំអាគ្នេយ៍មានប៉មធំមួយទៀត ធ្វើបែរមកលិចដែលជាទូទៅគេហៅថា «បណ្ណាល័យ» ។នៅជាប់កំពែងខាងត្បូងមានជាសាលមួយដែលមានច្រកចូលពីទិសខាងជើងតែសាលរបៀបនេះមិនមាននៅកំពែងខាងជើងនោះទេ។ តាមការពិនិត្យមើលប្លង់សំណង់ជារួមនាំឲ្យយើងនឹកទៅដល់ប្រាសាទភ្នំជីសូរ្យ ប្រាសាទភ្នំជើងព្រៃ ប្រាសាទបាសែត ប្រាសាទឯកភ្នំ ដែលមានមណ្ឌបសន្ធឹងភ្ជាប់ពីខាងមុខប៉មធំ យ៉ាងណាក្ដីក៏មានប្រាសាទមួយចំនួនធំដែរ (នៅតំបន់អង្គរ) ដែលមានមណ្ឌបសន្ធឹងភ្ជាប់ពីខាងមុខប៉មធំ (ឧ.ធម្មនន្ទ,ចៅសាយទេវតា,បន្ទាយសម្រែ។ល។)។តាមការពិនិត្យមើលបន្ថែមលើផ្ដែរយើងសន្និដ្ឋានបានថាផ្ដែរនេះស្ថិតក្នុងរចនាប័ទ្មឃ្លាំង (ដើមសតវត្សទី១១) ។ដូច្នេះប្រាសាទនេះទំនងជាត្រូវបានកសាងក្នុងរាជ្យព្រះបាទសូយ៌្យវម្ម៌ទេព(ទី១)។តឹកតាងប្រវត្តិសាស្ត្រគួរឲ្យចងចាំក្នុងរាជ្យនេះគឺព្រះរាជាបានចេញបញ្ជាឲ្យគេកសាងប្រាសាទនៅពាសពេញអាណាចក្រដូចជាប្រាសាទបាសែត និងឯកភ្នំ នៅបាត់ដំបង ប្រាសាទភ្នំដា នៅតាកែវ ប្រាសាទភ្នំជើងព្រៃ និងគោកខ្វិត នៅកំពង់ចាម ប្រាសាទគុកនគរនេះជាដើម។មូលហេតុគឺទំនងជាព្រះអង្គត្រូវឲ្យប្រជានុរាស្ត្រស្គាល់ព្រះមហាក្សត្រថ្មី (ឯកសារប្រវត្តិសាស្ត្រនានាមាននិយាយពីជម្លោះរាជបល្ល័ង្កនៅដើមសតវត្សទី១១) និងទទួលថាព្រះអង្គមានអំណាចគ្រប់គ្រងប្រទេសបានទាំងមូល ៕

ប្រាសាទស្រី គឺជាប្រាសាទមួយបានកសាងឡើងមានអាយុកាលរាប់សតវត្សរ៍មកហើយ នៅក្នុងចំណោមប្រាសាទជាច្រើន ស្ថិតនៅក្នុងស្រុកកំពង់លែង ខេត្តកំពង់ឆ្នាំង ។ ប្រាសាទមួយនេះស្ថិតក្នុងទីតាំងវត្តប្រាសាទ នៅក្នុងភូមិប្រាសាទ ឃុំដា ស្រុកកំពង់លែង ខេត្តកំពង់ឆ្នាំង

នៅលើចង្កេះភ្នំប្រសិទ្ធិភាគខាងជើង គេឃើញមានប្រាសាទឥដ្ឋមួយ ដែលមានវ័យចំណាស់ជាងគេក្នុងតំបន់នោះ ដោយហេតុថាប្រាសាទនោះត្រូវបានសាងសង់នាសម័យវប្បធម៌ចេនឡាមានឈ្មោះថា ប្រាសាទស្រីគ្រប់លក្ខណ៍ ។

ព្រៃសហគមន៍ទឹកជប់ខ្នារពោធិ៍ ហៅម្យ៉ាងទៀតគឺព្រៃកោងកាងទឹកសាប ឬកោងកាងភ្នំ ជាតំបន់រមណីយដ្ឋានធម្មជាតិដ៏ទាក់ទាញថ្មីមួយទៀត ដែលមានទីតាំងស្ថិតនៅក្នុងឃុំខ្នារពោធិ៍ ស្រុកសូទ្រនិគម ខេត្តសៀមរាប ដែលមានចម្ងាយពីទីរួមខេត្តសៀមរាប ភាគឦសាន ប្រមាណ៣០ គីឡូម៉ែត្រ ។

វត្តឈើខ្មៅគឺជាអារាមមួយដែលមានអាយុកាលរាប់រយឆ្នាំ នឹងត្រូវបានគេសាងសង់នៅលើទីទួលអណ្ដែតកណ្ដាលផ្ទៃទឹកនារដូវវស្សា ហើយត្រូវបានព័ទ្ធជុំវិញដោយព្រៃរនាមនារដូវប្រាំង។ វត្តមួយនេះមានទីតាំងស្ថិតនៅក្នុងភូមិកោះជីវាំង ឃុំព្រៃចាស់ ស្រុកឯកភ្នំ ខេត្តបាត់ដំបង ជាប់ព្រំប្រទល់ជាមួយភូមិទ្រាយ ឃុំពោធិ៍ទ្រាយ ស្រុកពួក ខេត្តសៀមរាប

ប្រាសាទចតុមុខ ត្រូវបានកសាងឡើងក្នុងទសវត្សរ៍ទី១២នៃរជ្ជកាលព្រះបាទជ័យវរ្ម័នទី៧ ។ កម្ទេចថ្មគូបតូចធំដួលរាយប៉ាយពាសពេញដី ដែលមនុស្សជាច្រើនធ្លាប់ដើរជាន់ដោយមិនបានចាប់អារម្មណ៍នោះទេ។ រាល់ថ្មនីមួយៗសុទ្ធតែជាវត្ថុសក្ការបូជារបស់ពុទ្ធសាសនិក បានប្រែក្លាយជាវិមានប្រាសាទពុទ្ធបដិមាដ៏អស្ចារ្យ និងទាក់ចិត្ដភ្ញៀវទេសចរក្រោយកិច្ចការជួសជុលដំឡើងតួប្រាសាទចតុមុខ ត្រូវបានបញ្ចប់ទាំងស្រុង។

ស្ពានកំពង់ក្តី ឬស្ពានប្រាប់ទិស គឺជាស្ពានបុរាណមួយដែលវែងជាងគេនៅកម្ពុជា ក្នុងសម័យអង្គរ។ ស្ពាននេះត្រូវបានសាងសង់ក្នុងសតវត្សរ៍ទី១២ ក្នុងរជ្ជកាលព្រះបាទជ័យវរ័ន្មទី៧ ដោយសង់ពីថ្មបាយក្រៀម និងថ្មភក់ មានបណ្ដោយ ៨៦ម៉ែត្រ ទទឹង ១៦ម៉ែត្រ កម្ពស់ពីបាតស្ទឹង ១១ម៉ែត្រ និងមានរន្ធត្រដេវ (ប្រឡោះសម្រាប់ចរន្តទឹកឆ្លងកាត់)ចំនួន ២១ត្រដេវ។