ភ្នំពេញ៖ ទោះបីជាក្រុមជនប្រឆាំងនិងជនបរទេសខ្លះខិតខំបំពងសំឡេង ថ្លែងអបអរសាទរជនសង្ស័យម្នាក់ឈ្មោះ ឈឹម ស៊ីថរ ដែលជា មេបាតុករខុសច្បាប់ បំផ្លាញផលប្រយោជន៍បុគ្គលិកណាហ្គា វើល បំផ្លាញក្រោយការរៀបចំផ្តល់ពានរង្វាន់សិទ្ធិមនុស្សពីក្រសួងការបរទេសសហរដ្ឋអាម៉េរិកក្តី តែប្រជាពលរដ្ឋខ្មែរទូទៅហាក់ដូចជាគ្មានការភ្ញាក់ផ្អើសនិងមិនចាប់អារម្មណ៍អ្វីសូម្បីបន្តិចឡើយ។ មិនភ្ញាក់ផ្អើលនិងមិនចាប់អារម្មណ៍ដោយសារតែនេះមិនមែនជាលើកទី១ ទេ ជន ដែលដើរបញ្ច្រាស់ច្បាប់ អ្នកស្រែកតវ៉ាតាមដងផ្លូវ អ្នកញុះញង់ ធ្វើឱ្យប៉ះពាល់ធ្ងន់ធ្ងរដល់សន្តិសុខ សណ្តាប់ធ្នាប់សាធារណៈ និងអ្នកដែលបម្រើផែនការនយោបាយបរទេសប្រឆាំងនឹងច្បាប់ ប្រឆាំងនឹងផលប្រយោជន៍ជាតិតែងតែត្រូវបានផ្តល់ពានរង្វាន់ពីបរទេស និងលកើតម្កើងទៅជាវីរៈបុរសនិងវីរនារី ឬតួឯកខាងសិទ្ធិមនុស្ស ផ្នែកបរិស្ថានឬធនធានធម្មជាតិ។ នេះគឺ ជាការបំពាក់បំប៉នមនោគមន៍វិជ្ជា លើកទឹកចិត្តបន្ថែមដល់ក្រុមជនល្មើសច្បាប់និងក្រុមជនដែលបម្រើផលប្រយោជន៍បរទេស ឱ្យបន្តបំពានច្បាប់និងធ្វើសកម្មភាពវិទ្ធង្សនាប្រឆាំងនឹងប្រទេសខ្លួន ខណៈអ្នកការពារសិទ្ធិមនុស្ស លើកស្ទួយសិទ្ធិមនុស្ស សង្គ្រោះជីវិតមនុស្ស អ្នកការពារបរិស្ថានធនធានធម្មជាតិ និងការពារលទ្ធិប្រជាធិបតេយ្យពិតប្រាកដធ្វើឱ្យពលរដ្ឋរួចរស់ជីវិត មានសិទ្ធិពេញលេញមិនត្រូវបានលើកទឹកចិត្តផ្តល់ពានរង្វាន់ឡើយ។ ប៉ុន្តែអ្នកការពារសិទ្ធិមនុស្ស និងការពារជីវិតមនុស្សជាសិទ្ធិមូលដ្ឋានរបស់មនុស្សជាតិបែរជាត្រូវបានស្តីបន្ទោស រងការរិះគន់វាយប្រហារ និងដាក់ទណ្ឌកម្ម។ មជ្ឈដ្ឋានទូទៅយល់ឃើញថា ជនសង្ស័យ ឈឹម ស៊ីថរ មិនស័ក្តិសមនឹងត្រូវបានលើកតម្កើងដូច្នេះហើយក៏មិនស័ក្តិសមនឹង ឈ្មោះថាជាអ្នកការពារសិទ្ធិមនុស្សដែរ ប៉ុន្តែអាចជា«ខ្ញុំកញ្ជះបរទេសដាច់ថ្លៃ» ទើបស័ក្តិសមជាង ព្រោះបើយោងលើសកម្មភាពដែបុគ្គលនេះបានធ្វើនាពេលកន្លងមក គឺមិនមែនដើម្បីការពារ ផលប្រយោជន៍អតីតបុគ្គលិកណាហ្គាវើលឡើយ និងក៏មិនមែនជាអ្នកការពារសិទ្ធិមនុស្សផេះកណ្តាលចង្ក្រាន្តស្អីទេ ប៉ុន្តែជាសកម្មភាពនៃបាតុកម្មខុសច្បាប់ ទទួលបានការបង្គាប់បញ្ជា និងរៀបចំផែនការពីបរទេស ទទួលការគាំទ្រថវិកាពីក្រៅប្រទេសដែលអាចជាលុយកខ្វក់ ឬមានការពាក់ព័ន្ធនឹងហិរញ្ញប្បទានភេរវកម្ម…

ភ្នំពេញ៖ អ្នកវិភាគរត់ចោលស្រុកមួយរូប ដែលល្ងង់ធ្វើចេះ និយាយគ្មានមើលច្បាប់ដែលចោទថា ឯកឧត្តមបណ្ឌិត ហ៊ុន ម៉ាណែត បកស្រាយបំភ្លៃច្បាប់ស្ដីពីការបោះឆ្នោតជ្រើសតាំងតំណាងរាស្ត្រ និងធ្វើសកម្មភាពនយោបាយរបស់ឯកឧត្តមបណ្ឌិត ហ៊ុន ម៉ាណែត បង្ហាញភាពមិនស្មើគ្នាក្នុងការប្រកួតប្រជែងនយោបាយ គឺផ្ទុយទៅនឹងរដ្ឋធម្មនុញ្ញ និងច្បាប់នានាស្ដីពីការបោះឆ្នោត គឺជាការមិនត្រឹមត្រូវនោះទេ ពីព្រោះសកម្មភាពរបស់ឯកឧត្តមបណ្ឌិត ហ៊ុន ម៉ាណែត នាពេលបច្ចុប្បន្ននេះ គឺមិនមែនជាការឃោសនាបោះឆ្នោតនោះទេ ប៉ុន្តែគឺជាសកម្មភាពដែលគណបក្សនយោបាយ ឬអ្នកនយោបាយ អនុវត្តតាមច្បាប់ស្តីពីគណបក្សនយោបាយ។ ឯកឧត្តម សោម សូរីដា អគ្គលេខាធិការរងគណៈកម្មាធិការជាតិរៀបចំការបោះឆ្នោត បានមានប្រសាសន៍ប្រាប់ AMS កាលពីរសៀលថ្ងៃទី១ ខែកុម្ភៈនេះថា សកម្មភាពរបស់គណបក្សនយោបាយ ឬក៏សកម្មភាពអ្នកនយោបាយបច្ចុប្បន្ននេះ គឺមិនមែនជាការឃោសនាបោះឆ្នោតទេ ប៉ុន្តែគឺជាសកម្មភាពដែលគណបក្សនយោបាយ ឬក៏អ្នកនយោបាយអនុវត្តតាមច្បាប់ស្តីពីគណបក្សនយោបាយ កន្លែងនេះចែកឱ្យដាច់អំពីការឃោសនាបោះឆ្នោត អំពីការធ្វើសកម្មភាពឃោសនាបោះឆ្នោត និងការធ្វើសកម្មភាពតាមច្បាប់ស្តីពីការគណបក្សនយោបាយ។ ឯកឧត្តមបញ្ជាក់ថា ការឃោសនាបោះឆ្នោតមានទិសដៅឱ្យគណបក្សនយោបាយ បេក្ខជនឈរឈ្មោះបោះឆ្នោតធ្វើការផ្សព្វផ្សាយកម្មវិធីនយោបាយរបស់ខ្លួនជូនអ្នកបោះឆ្នោត។ ចរិតនៃការឃោសនាបោះឆ្នោត ឬអាចនិយាយថា និយមន័យ នៃការឃោសនាបោះឆ្នោត គឺជាសកម្មភាពមួយចំនួនដែលត្រូវធ្វើជាសាធារណៈតាមមាត្រា ៦៨ ពីព្រោះមាត្រា ៦៨ ចែងពីសកម្មភាពនយោបាយរបស់គណបក្សនយោបាយក្នុងការធ្វើសកម្មភាពឃោសនាបោះឆ្នោត គឺជាសកម្មភាពមួយចំនួនដែលត្រូវធ្វើជាសាធារណៈក្នុងអំឡុងពេល២១ថ្ងៃ ដែលកំណត់ដោយច្បាប់ ដើម្បីបញ្ចុះបញ្ចូលអ្នកបោះឆ្នោតឱ្យបោះឆ្នោតគាំទ្របេក្ខជន ឬគណបក្សនយោបាយណាមួយ។…

ភ្នំពេញ៖ លោក គង់ គាំ ឧត្តមទីប្រឹក្សាគណបក្សភ្លើងទៀនបានគោរពថ្លែងនូវអំណរគុណចំពោះសម្តេចអគ្គមហាសេនាបតីតេជោ ហ៊ុនសែន ប្រធានគណបក្សប្រជាជនកម្ពុជា នាយករដ្ឋមន្ត្រីនៃព្រះរាជាណាចក្រកម្ពុជា ដែលផ្តល់នូវការសន្ដោសចំពោះរូបលោក និងក្រុមគ្រួសាររបស់លោកក្នុងការមិនប្តឹងផ្តល់ក្នុងករណីដីធ្លីផ្ទះសម្បែង។ នេះបើយោងតាមលិខិតថ្លែងអំណរគុណរបស់លោកជម្រាបជូនសម្ដេចតេជោ ហ៊ុន សែន ចុះថ្ងៃទី៣១ ខែមករា។ លិខិតខាងលើបានរៀបរាប់ ខ្ញុំបាទ គង់ គាំ និងភរិយា សូមគោរពសម្តេចអគ្គមហាសេនាបតីតេជោ ហ៊ុនសែន ប្រធានគណបក្សប្រជាជនកម្ពុជា នាយករដ្ឋមន្ត្រីនៃព្រះរាជាណាចក្រកម្ពុជា ជាទីគោរពដ៏ខ្ពង់ខ្ពស់បំផុត។ តាមរយៈ គង់ បូរ៉ា សមាជិកគណបក្សប្រជាជនកម្ពុជាចូលរួមមហាសន្និបាតវិសាមញ្ញគណបក្សប្រជាជនកម្ពុជាថ្ងៃ២៨-២៩ ខែមករា ឆ្នាំ២០២៣ ដែលបានទទួល និងនាំបណ្តាំពីសម្តេចប្រធាន(ថ្នាក់ដឹកនាំ ទាំងអស់)គណបក្សប្រជាជនកម្ពុជាបានអះអាងពីសមានចិត្តក្នុងរយៈការរួមរស់ឆ្នាំ១៩៧៩ដល់ឆ្នាំ១៩៩៣) និងពីការយោគយល់ក្នុងរយៈកាលចាកចេញជាថ្នាក់ដឹកនាំគណបក្សប្រឆាំងឆ្នាំ១៩៩៥ ដល់ឆ្នាំ ២០២៣។ ប៉ុន្តែនៅរយៈពេលចុងក្រោយថ្មីៗ ដើម្បីកិត្តិយស និងតម្លៃរបស់គណបក្សប្រជាជនកម្ពុជា គណបក្សប្រជាជនកម្ពុជាបានសម្រេចដោយគ្មានជម្រើសទាំងបង្ខំចិត្តដកហូតដីផ្ទះលេខ៧១ ផ្លូវសម្តេចសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ជាសម្បត្តិក្រសួងការបរទេសវិញ។ លិខិតដដែលបានបញ្ជាក់ា ខ្ញុំបាទ គង់ គាំ និងភរិយា សោកស្តាយអំពីសេចក្តីសម្រេចនេះ តែយើងខ្ញុំប្ដីប្រពន្ធ ព្រមទាំងកូនចៅ សូមអរគុណសម្តេច…

ភ្នំពេញ៖ លោក គង់ គាំ បានប្រកាសជាផ្លូវការនូវសម្រេចបញ្ចប់តួនាទី និងសកម្មភាពជាឧត្តមទីប្រឹក្សាគណបក្សភ្លើងទៀនចាប់ពីពេលនេះតទៅ។ នេះបើយោងតាមលិខិតរបស់លោក គង់ គាំ និងភរិយា គោរពថ្លែងអំណរគុណសម្តេចតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រី នៃកម្ពុជា កាលពីថ្ងៃទី៣១ ខែមករា ឆ្នាំ២០២៣។ នៅក្នុងលិខិតរបស់លោក គង់ គាំ បានបញ្ជាក់ថា “ខ្ញុំបាទ គង់ គាំ និងគណបក្សឆន្ទៈខ្មែរ ដែលបានសម្រេចការរួបរួម គឺដើម្បីគោលដៅ អនុវត្តវប្បធម៌នយោបាយថ្មី និងដើម្បីចូលរួមកសាងលំហប្រជាធិបតេយ្យ សេរី ពហុបក្ស ការគោរពសិទ្ធិនយោបាយ បរិយាកាសបោះ ឆ្នោតសេរីត្រឹមត្រូវ និងយុត្តិធម៌ (គ្មានវត្តមានក្រុមជ្រុលនិយមផ្តួល រំលំក្រៅសំឡេងឆ្នោតទៀតទេ)”។ លិខិតដែលបន្តថា ខ្ញុំសូមទទួលកំហុស និងសូមអភ័យទោសពីសម្តេច ពីថ្នាក់ដឹកនាំ ពីគណបក្សប្រជាជនកម្ពុជា ដែល យល់ឃើញថា កាយវិកា និងអំពើរបស់ខ្ញុំបាទ គង់ គាំ ក្នុងសកម្មភាពចុងក្រោយនេះ បានប៉ះពាល់ដល់កិត្តិយស សេចក្ដីថ្លៃថ្នូររបស់ថ្នាក់ដឹកនាំរបស់គណបក្សប្រជាជនកម្ពុជា និងប៉ះពាល់ដល់ភាពសុខសាន្ត ចំពោះសង្គមជាតិ។…

​ភ្នំពេញ​៖ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​នៃ​ព្រះរាជា ណា​ចក្រ​កម្ពុជា បាន​អញ្ជើញ​ធ្វើ​បទ​បង្ហាញជូន​គណៈកម្មការ​កិច្ចការបរទេស សហប្រតិបត្តិការ​អន្តរជាតិ ឃោសនាការ និង​ព័ត៌មាន របស់​រដ្ឋសភា នៃ​ព្រះរាជាណាចក្រ​កម្ពុជា ក្រោម​ប្រធានបទ «​គោលនយោបាយ​ការបរទេស​កម្ពុជា ក្នុង​បរិបទ​ថ្មី​នៃ​សណ្តាប់ធ្នាប់​ពិភពលោក​» ដែល​បាន​ប្រព្រឹត្តិ​ទៅ​នៅ​ថ្ងៃទី ០១ ខែកុម្ភៈ ឆ្នាំ​២០២៣ នៅ​វិមាន​រដ្ឋសភា​។​នេះ​បើ​យោងតាម​សេចក្តីប្រកាស​ព័ត៌មាន​​របស់​ក្រសួងការបរទេស​នៅ​រសៀល​ថ្ងៃទី ១ ខែកុម្ភៈ​ឆ្នាំ​២០២៣​។ ​ក្នុង​សេចក្តី​ផ្តើម​នៃ​បទ​បង្ហាញ​របស់ ឯកឧត្តម ឧបនាយករដ្ឋមន្ត្រី ប្រាក់ សុខុន បានបញ្ជាក់​យ៉ាងច្បាស់​លាស់​ថា «​ក្នុង​រយៈពេល​៥​ឆ្នាំ​ចុង​ក្រោយនេះ ពិភពលោក​បន្ត​វិវត្តន៍​ទៅរក​ប្រព័ន្ធ​អន្តរជាតិ​មួយ​ដែលមាន​លក្ខណៈ​សកល ពហុ​ប៉ូល និង​ស្មុ​គ្រ​ស្មាញ​។ ការវិវត្ត​នេះ​បាន​នាំមក​នូវ​ការផ្លាស់ប្តូរ​នៃ​ទំនាក់ទំនង​អន្តរជាតិ​យ៉ាង​ជ្រាលជ្រៅ ឆាប់រហ័ស ពិបាក​ប៉ាន់ស្មាន និង​ប្រកបដោយ​គ្រោះថ្នាក់​» ។​ ​ចំពោះ​បរិបទ​អន្តរជាតិ​និង​តំបន់ ឯកឧត្តម​ឧបនាយករដ្ឋមន្ត្រី បាន​រៀបរាប់​ដោយ​សង្ខេប​នូវ​ការវិវត្ត​មួយចំនួន ដូចជា ការប្រកួតប្រជែង​រវាង​មហាអំណាច​ធំៗ ការបង្កើត​សម្ព័ន្ធភាព​និង​គំនិត​ផ្តួចផ្តើម យ៉ាងច្រើន​អនេក​លើ​បញ្ហា​សន្តិសុខ សេដ្ឋកិច្ច និង​ការអភិវឌ្ឍ នៅ​ពាសពេញ​តំបន់ ផលប៉ះពាល់​នៃ​ជំងឺ​រាតត្បាត​កូ​វីដ​-១៩ សង្គ្រាម​នៅ​អ៊ុយ​ក្រែ​ន វិបត្តិ​នៅ​មី​យ៉ាន់​ម៉ា និង​ភាព​តានតឹង​នៅ​ឧបទ្វីប​កូរ៉េ ជាដើម​។​ល​។ ​ចំពោះ​ទិដ្ឋភាព​ក្នុងប្រទេស​វិញ​បទ​បង្ហាញ​ក៏បាន​រំលេច​ផងដែរ​នូវ​ការគ្រប់គ្រង​ប្រកប​ដោយ​ជោគជ័យ​នូវ​ជំងឺ​រាតត្បាត​កូ​វីដ​-១៩…

​ភ្នំពេញ៖ តប​តាម​ការអញ្ជើញ​របស់លោក​ជំទាវ រ៉េត​ណូ អិ​ល​.​ភី​. ម៉ារ​ស៊ូ​ឌី រដ្ឋមន្ត្រីការបរទេស​នៃ​សាធារណរដ្ឋ​ឥណ្ឌូនេស៊ី ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​នៃ​ព្រះរាជាណាចក្រ​កម្ពុជា នឹង​ដឹកនាំ​គណៈប្រតិភូ​អញ្ជើញ​ទៅ​ចូលរួម​កិច្ចប្រជុំ​ក្រុមប្រឹក្សា​សម្របសម្រួល​អាស៊ាន (ACC) លើក​ទី​៣២ ​និង​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន ដែល​នឹង​ប្រព្រឹត្តទៅ​ពីថ្ងៃ​ទី​៣-៤ ខែកុម្ភៈ នៅ​ទីក្រុង​ហ្សា​ការ​តា​។ នេះ​បើ​យោងតាម​សេចក្តីប្រកាស​ព័ត៌មាន​របស់​ក្រសួងការបរទេស និង​សហប្រតិបត្តិការ​អន្តរជាតិ នៅ​ថ្ងៃទី​១ ខែកុម្ភៈ ឆ្នាំ​២០២៣​។​ ប្រភពដដែលបាន​ឱ្យដឹងថា កិច្ចប្រជុំ ACC លើក​ទី​៣២ នឹង​ផ្តោតលើ​ការបន្ត​តាមដាន «​សេចក្តីថ្លែងការណ៍​រប​ស់​ថ្នាក់ដឹកនាំ​អាស៊ាន ស្តីពី​សំណើ​សុំចូល​ជា​សមាជិក​អាស៊ាន​របស់​ប្រទេស​ទី​ម័​រ​ខាងកើត​» និង​«​សេចក្តីប្រកាស​ស្តីពី​សេដ្ឋកិច្ច​បៃតង​»​។ រដ្ឋមន្ត្រីការបរទេស​អាស៊ាន ក៏​នឹង​ពិភាក្សា​អំពី​អាទិភាព​នានា​នៅក្នុង​ឆ្នាំ​២០២៣ ផងដែរ​។​ ប្រកាសព័ត៌មានខាងលើបានបញ្ជាក់ទៀតថា ក្នុង​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន រដ្ឋមន្ត្រី​នឹង​ពិភាក្សា​អំពី​ការបន្ត​តាមដាន​ការងារ​របស់​កិច្ចប្រជុំ​កំពូល​អាស៊ាន​លើក​ទី​៤០ និង​៤១ រួមទាំង «​ការពិនិត្យ​ឡើងវិញ​និង​ការសម្រេច​របស់​ថ្នាក់ដឹកនាំ ស្តីពី​ការអនុវត្ត​កិច្ចព្រមព្រៀង​ជា​ឯកច្ឆន្ទ​ប្រាំ​ចំណុច​» និង «​អនុសាសន៍​ស្តីពី​ការពង្រឹង​សមត្ថភាព និង​ប្រសិទ្ធភាព​ស្ថាប័ន​របស់​អាស៊ាន ដោយ​ក្រុមការងារ​កម្រិត​ខ្ពស់​លើ​ចក្ខុវិស័យ​ក្រោយ​ឆ្នាំ​២០២៥​របស់​សហគមន៍​អាស៊ាន​» ព្រមទាំង​ផ្លាស់ប្តូរ​ទស្សនៈ​អំពី​ទំនាក់ទំនង​ខាងក្រៅ​របស់​អាស៊ាន ក៏ដូចជា​បញ្ហា​ក្នុង​តំបន់ និង​អន្តរជាតិ ដែលជា​ផលប្រយោជន៍ និង​កង្វល់​រួម​ផងដែរ​។ ប្រភព​ដដែល​បន្តថា ឥណ្ឌូនេស៊ី នឹង​ដឹកនាំ​ដំណើរការ​អាស៊ាន​នៅ​ឆ្នាំនេះ ក្រោម​មូលបទ…

ភ្នំពេញ៖ ឯកឧត្តម អ៊ូអ៊ិណូ អាតស៊ូហ្ស៊ី ឯកអគ្គរាជទូតជប៉ុនប្រចាំកម្ពុជា បានវាយតម្លៃខ្ពស់ចំពោះការរីកចម្រើនរបស់ប្រទេសកម្ពុជា ដែលសម្រេចបាននូវសន្តិភាព សុវត្ថិភាព និងក្លាយជាគោលដៅទេសចរណ៍ ទាក់ទាញអ្នកទេសចរទូទាំងពិភពលោក និងបានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អរវាងកម្ពុជា ជប៉ុន ជាកត្តាដ៏សំខាន់សម្រាប់ពង្រឹងពង្រីកទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឈានដល់កម្រិតដៃគូរយុទ្ធសាស្រ្តគ្រប់ជ្រុងជ្រោយ។ ប្រទេសទាំងពីរ ជប៉ុន-កម្ពុជា បានកសាងទំនាក់ទំនង និងកិច្ចសហប្រតិបត្តិការដែលមានការជឿទុកចិត្តគ្នា តាមរយៈដំណើរការស្វែងរកសន្តិភាព និងកសាងប្រទេសឡើងវិញ។ ការបញ្ជាក់របស់ឯកអគ្គរាជទូតជប៉ុន បានធ្វើឡើងនៅក្នុងជំនួបសម្តែងការគួរសមជាមួយសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា នៅព្រឹកថ្ងៃទី១ ខែកុម្ភៈ ឆ្នាំ២០២៣។ ក្នុងនាមព្រឹទ្ធសភា និងក្នុងនាមសម្តេចផ្ទាល់ សម្តេចប្រធានព្រឹទ្ធសភាបានសម្តែងនូវការស្វាគមន៍ និងអបអរសាទរចំពោះឯកឧត្តម អ៊ូអ៊ិណូ អាតស៊ូហ្ស៊ី ដែលត្រូវបានតែងតាំងជាឯកអគ្គរាជទូតវិសាមញ្ញ និងពេញសមត្ថភាពនៃប្រទេសជប៉ុនប្រចាំព្រះរាជាណាចក្រកម្ពុជា។ សម្តេចបានកត់សម្គាល់ដោយសេចក្តីពេញចិត្ត និងវាយតម្លៃខ្ពស់ចំពោះទំនាក់ទំនងការទូតនៃប្រទេសទាំងពីរ ដែលបានវិវត្តពីកម្រិត “ដៃគូយុទ្ធសាស្រ្ត” នៅឆ្នាំ២០១៣ ទៅជាកម្រិត “ដៃគូយុទ្ធសាស្រ្តគ្រប់ជ្រុងជ្រោយ” ក្នុងឆ្នាំ២០២៣នេះ ស្របពេលនឹងការប្រារព្វខួបអនុស្សាវរីយ៍លើកទី៧០ នៃទំនាក់ទំនងការទូតកម្ពុជា-ជប៉ុន។ ជាមួយគ្នានេះ សម្តេចប្រធានព្រឹទ្ធសភា ក៏ដូចជាប្រជាជនកម្ពុជា បានសម្តែងនូវការអបអរសាទរខួបអនុស្សាវរីយ៍លើកទី៧០ នៃការបង្កើតទំនាក់ទំនងការទូតជាផ្លូវការរវាងកម្ពុជា-ជប៉ុន និងការដំឡើងកម្រិតទំនាក់ទំនងការទូតកម្ពុជា-ជប៉ុនទៅជា ”ដៃគូយុទ្ធសាស្រ្តគ្រប់ជ្រុងជ្រោយ”។…

ភ្នំពេញ៖ ឯកឧត្ដម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) កាលពីព្រឹកថ្ងៃទី៣១ ខែមករា ឆ្នាំ២០២៣ បានដឹកនាំកិច្ចប្រជុំពិនិត្យ និងសម្រេចលើសេចក្តីព្រាងសេចក្តីសម្រេចស្តីពីការដាក់ឱ្យប្រើប្រព័ន្ធបច្ចេកវិទ្យាក្នុងដំណើរការរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ និងសំណើសុំពិនិត្យ និងសម្រេចលើសេចក្តីសម្រេចមួយចំនួន រួមទាំងពិនិត្យលើសំណើសំខាន់ៗមួយចំនួនទៀត។ សេចក្តីព្រាងសេចក្តីសម្រេច និងសំណើមួយចំនួនដែល គ.ជ.ប ពិនិត្យសម្រេចមានដូចជា៖១.សេចក្តីព្រាងសេចក្តីសម្រេចស្តីពីការដាក់ឱ្យប្រើប្រព័ន្ធបច្ចេកវិទ្យា ក្នុងដំណើរការរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣២.សេចក្តីព្រាងគំរូទម្រង់ ខ្លឹមសារសម្ភារឯកសារបោះឆ្នោត ស្រោមសំបុត្រធំ មធ្យម និងតូច ចំនួន ២៣ប្រភេទ ស្បោងដាក់សម្ភារឯកសារចំនួន ៩ប្រភេទ និងបណ្ណប្រកាសហាមប្រើប្រាស់ទូរស័ព្ទ ម៉ាស៊ីន និងឧបករណ៍ថតរូប សម្រាប់ប្រើក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣៣.គំរូត្រា ៣ប្រភេទ ស្លាកសម្គាល់ទីស្នាក់ការគណៈកម្មការរៀបចំការបោះឆ្នោតឃុំ សង្កាត់ និងស្លាកសម្គាល់ការិយាល័យបោះឆ្នោត សម្រាប់ប្រើក្នុងការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣៤.សំណើសុំពិនិត្យ និងសម្រេចលើ៖

ភ្នំពេញ៖ “ដោយសារកត្តាសន្តិភាព និងសេរីភាព គ្រិស្តសាសនិកជននៅកម្ពុជាមានឱកាសពេញលេញក្នុងការប្រតិបត្តិជំនឿរបស់ខ្លួន ហើយអាចបន្តចែករំលែកសេចក្តីស្រឡាញ់ និងមេត្រីភាពដល់អ្នកប្រតិបត្តិជំនឿដូចគ្នា និងដល់សង្គមជាតិទាំងមូល ព្រមទាំងបានរួមចំណែកក្នុងការលើកស្ទួយសុខដុមនីយកម្មសាសនានៅកម្ពុជា តាមរយៈការទប់ស្កាត់ ការកាត់បន្ថយ និងការលុបបំបាត់រាល់អំពើខុសច្បាប់ និងអំពើអកុសលទាំងពួង ដើម្បីរក្សាសន្តិភាព ស្ថិរភាព សន្តិសុខ សណ្តាប់ធ្នាប់សាធារណៈ និងសុវត្ថិភាពដ៏ពេញលេញ ទាំងផ្លូវកាយ ផ្លូវចិត្ត និងផ្លូវស្មារតី ដើម្បីរួមចំណែកក្នុងការអភិវឌ្ឍសង្គម-សេដ្ឋកិច្ច សម្រាប់ជាផលប្រយោជន៍រួម ប្រកបដោយភាពសុខដុមរមនាជាដរាបតទៅ”។ នេះជាការបញ្ជាក់របស់ឯកឧត្តមបណ្ឌិត ហ៊ុន ម៉ាណែត ក្នុងពិធីអបអរសាទរមរតកដំណឹងល្អ ១០០ឆ្នាំ (១៩២៣-២០២៣) កាលពីថ្ងៃទី២៨ ខែមករា ឆ្នាំ២០២២។ ឯកឧត្តមបណ្ឌិត ហ៊ុន ម៉ាណែត បានចូលរួមអបអរសាទរចំពោះការប្រារព្ធពិធីមរតកដំណឹងល្អ ខួប១០០ឆ្នាំ ដែលជាព្រឹត្តិការណ៍ប្រវត្តិសាស្ត្រមួយរបស់គ្រិស្ទសាសនិកជននៅកម្ពុជា ដើម្បីសម្ដែងនូវការរំឭក និងការអរព្រះគុណដល់ព្រះយេស៊ូគ្រិស្ត និងដើម្បីសម្ដែងនូវការដឹងគុណចំពោះបេសកជនមកពីនិកាយផ្សេងៗ និងប្រទេសនានា ដែលបាននំាសេចក្តីស្រឡាញ់ មេត្រីភាព និងដំណឹងល្អជូនប្រជាជនកម្ពុជា ចាប់តាំងពីឆ្នាំ១៩២៣ រហូតមកដល់ពេលបច្ចុប្បន្ន ដោយបានវិវត្តខ្លួនស្របតាមកាលៈទេសៈជាច្រើនដែលប្រទេសកម្ពុជាបានឆ្លងកាត់នាពេលកន្លងមក។ ឯកឧត្តមបណ្ឌិត ហ៊ុន ម៉ាណែត បានបន្តថា សុខដុមនីយកម្ម ជាមូលដ្ឋានដ៏សំខាន់សម្រាប់ការទទួលបាននូវសុខសន្តិភាពពេញលេញ ទាំងសន្តិភាពផ្លូវកាយ…