ភ្នំពេញ៖ នៅក្នុងដំណើរអញ្ជើញបំពេញទស្សនកិច្ចផ្លូវការនៅសាធារណរដ្ឋសិង្ហបុរី ពីថ្ងៃទី១៨-១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងជួបសម្តែងការគួរសមដោយឡែកពីគ្នាជាមួយ ឯកឧត្តម ថាមេន ស្ពានមូហ្គារ៉ាត់ណាម ប្រធានាធិបតី នៃសាធារណរដ្ឋសិង្ហបុរី និងនាយករដ្ឋមន្ត្រី នៃសាធារណរដ្ឋសិង្ហបុរី ដើម្បីផ្លាស់ប្តូរទស្សនៈគ្នាអំពីមធ្យោបាយនានាក្នុងការធ្វើឱ្យកាន់តែស៊ីជម្រៅនូវទំនាក់ទំនងទ្វេភាគី និងពង្រីកកិច្ចសហប្រតិបត្តិការលើវិស័យជាច្រើន។ ឯកឧត្តម មាស សុភ័ណ្ឌ ប្រធានក្រុមអ្នកនាំពាក្យរបស់នាយករដ្ឋមន្រ្តី បានផ្តល់បទសម្ភាសន៍ដល់អ្នកសារព័ត៌មាន ស្តីពីដំណើរអញ្ជើញបំពេញទស្សនកិច្ចផ្លូវការ របស់សម្តេចមហាបវរធីបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅសាធារណរដ្ឋសិង្ហបុរី ដែលនឹងប្រព្រឹត្តទៅចាប់ពីថ្ងៃទី១៨ ដល់ថ្ងៃទី១៩ ខែមិថុនា ឆ្នាំ២០២៤។ នាឱកាសនោះ ឯកឧត្តម មាស សុភ័ណ្ឌ បានបញ្ជាក់ថា តបតាមការអញ្ជើញរបស់សមភាគីសិង្ហបុរី សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់នៃរាជរដ្ឋាភិបាលកម្ពុជា អញ្ជើញបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ដែលនឹងប្រព្រឹត្តទៅចាប់ពីថ្ងៃទី១៨ ដល់ថ្ងៃទី១៩ ខែមិថុនា ឆ្នាំ២០២៤។ គណៈប្រតិភូជាន់ខ្ពស់…

ភ្នំពេញ៖ ក្រុមអតីតយុវជនដែលធ្លាប់បានធ្វើការងារជាមួយជនបរទេសឈ្មោះ អាឡិចហ្សង់ដ្រូ ហ្គន់សាឡេស ដេវិនសុន និងអង្គការមាតាធម្មជាតិ បានទម្លាយអំពីឧបាយកខ្មៅកង្វក់របស់ជនបរទេសឈ្មោះ អេឡិច ក្នុងការទាក់ទាញយុវជនអោយចូលរួមក្នុងការធ្វើការងារនយោបាយ និងប្រឆាំងជាមួយនឹងរាជរដ្ឋាភិបាល ក្រោមរូបភាពធ្វើកិច្ចការងារសង្គម។ ជាពិសេសជំរុញយុវជនឱ្យចេញប្រឆាំងជាមួយរដ្ឋាភិបាលគ្រប់រូបភាព និងឱ្យយុវជនស្អប់អាជ្ញាធរមូលដ្ឋាន និងរដ្ឋាភិបាល។ លោក ម៉េង ហេង អតីតសកម្មជនមាតាធម្មជាតិបានថ្លែងថា ជនបរទេសឈ្មោះ អេឡិច បានឱ្យយុវជនអានសៀវភៅបដិវត្តន៍ពណ៌ដែលមានជាច្រើនប្រភេទ និងរបៀបផ្តួលរំលំមានច្រើនបែប។ ជនបរទេសរូបនេះតែងតែប្រាប់យុវជនពីរបៀប និងយុទ្ធសាស្ត្រនៃការផ្តួលរំលំ និងឱ្យយុវជនមើលសៀវភៅមួយចំនួនពាក់ព័ន្ធការតស៊ូមតិប្រឆាំងកុម្មុយនីស្ត និងការផ្តួលរំលំរបបផ្តាច់ការផ្សេងៗនៅតំបន់អឺរ៉ុប។ ចំណែកលោក មួង សូនី អតីតសកម្មជនមាតាធម្មជាតិ បានថ្លែងឱ្យដឹងដែរថា ជនបរទេសឈ្មោះ អាឡិចហ្សង់ដ្រូ ហ្គន់សាឡេស ដេវិនសុន មានគោលបំណងលាក់បាំងអំពីបរិស្ថាន ប៉ុន្តែអ្វីដែលជនបរទេសរូបនេះចង់បាន គឺផ្សព្វផ្សាយព័ត៌មានអាក្រក់ពីរាជរដ្ឋាភិបាល និងការចូលរួមបាតុកម្មរបស់យុវជន។ ជនបរទេសរូបនេះបានជម្រុញកម្លាំងយុវជនឱ្យចេញប្រឆាំងជាមួយរដ្ឋាភិបាលគ្រប់រូបភាព។ នយោបាយសំខាន់របស់ជនបរទេសឈ្មោះ អេឡិច គឺជំរុញយុវជន និងសហគមន៍ឱ្យស្អប់អាជ្ញាធរមូលដ្ឋាន និងរដ្ឋាភិបាល ហើយជំរុញឱ្យយុវជនបន្តធ្វើសកម្មភាពដែលប៉ះពាល់ដល់សាធារណជន ដើម្បីឱ្យយុវជនត្រូវបានចាប់ខ្លួន ដើម្បីយកព័ត៌មានផ្សព្វផ្សាយចេញទៅក្រៅប្រទេសថា រដ្ឋាភិបាលអាក្រក់។ រីឯលោក យីន ឌីនិត អតីតសកម្មជនមាតាធម្មជាតិបានបញ្ជាក់ថា សកម្មភាពជាមួយជនបរទេសឈ្មោះ អេឡិច…

ភ្នំពេញ៖ ប្រវត្តិសាស្ត្រកម្ពុជាបានបង្ហាញច្បាស់ហើយថា សម័យកាលដែលខ្មែរស្គាល់ភាពរុងរឿង ល្បីល្បាញ គឺជាសម័យកាលដែលខ្មែរមានមេដឹកនាំខ្លាំងពូកែ ពោលគឺពូកែទាំងសមត្ថភាពដឹកនាំកសាងប្រទេស ទាំងសមត្ថភាពការពារអធិបតេយ្យភាពជាតិប្រឆាំងនឹងសត្រូវយាយីពីខាងក្រៅ។ ចំណែកសម័យកាលដែលប្រទេសជាតិធ្លាក់ចុះគឺជាសម័យកាលដែលខ្មែរបែកបាក់ ធ្លាក់ក្នុងសង្គ្រាមស៊ីវិល កាប់សម្លាប់គ្នា ដែលធ្វើឱ្យខ្មែរចំណាយពេលវេលាបំផ្លាញច្រើនជាងកសាងក្រោមស្នាដៃមេដឹកនាំខ្សោយ។ នេះបើតាមការបញ្ជាក់របស់ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល។ ឯកឧត្តម ប៉ែន បូណា បានបន្តថា ក្រោយពីញាំញីដោយភ្លើងសង្គ្រាមរហូតរអិលចូលក្នុងរបបប្រល័យពូជសាសន៍ដែលធ្វើឱ្យប្រទេសធ្លាក់ចុះដល់កម្រិតសូន្យនិងរងការបំផ្លិចបំផ្លាញខ្ទេចខ្ទីក្លាយជាផេះផង់ កម្ពុជាដ៏កំសត់ត្រូវបានសង្គ្រោះនិងស្តារឡើងវិញចេញពីទីលានកប់សាកសពដ៏គួរឱ្យតក់ស្លុតរន្ធត់ ឱ្យទៅជាប្រទេសដែលមានជីវិតស្រស់បំព្រង មានស្នាមញញឹម មានការអភិវឌ្ឍន៍លើសដើមក្នុងរយៈពេលយ៉ាងខ្លី និងមានសកម្មភាពការទូតរស់រវើកទាំងក្នុងឆាកតំបន់និងអន្តរជាតិ។ លទ្ធផលនេះមិនអាចសម្រេចបានឡើយប្រសិនបើខ្មែរគ្មានមេដឹកនាំខ្លាំងពូកែនិងរឹងមាំទេនោះ។ អ្នកនាំពាក្យរូបនេះបានបន្តទៀតថា ដែលហៅថា មេដឹកនាំខ្លាំងពូកែ គឺជាមេដឹកនាំដែលយកជីវិតរបស់ខ្លួនទៅប្តូរយកជីវិតប្រជាពលរដ្ឋដែលកំពុងរងគ្រោះក្នុងជ្រោះមរណៈ។ ជាមេដឹកនាំដែលមានសមត្ថភាពអាចបញ្ចប់សង្គ្រាមនិងបង្រួបបង្រួមទឹកដីដោយនាំមកនូវសុខសន្តិភាព ហើយអាចរក្សាសន្តិភាពនិងស្ថិរភាពនយោបាយឱ្យគង់វង្សយូរអង្វែង។ ជាមេដឹកនាំដែលមានឥទ្ធិពលខ្លាំងទាំងក្នុងក្របខណ្ឌនយោបាយជាតិនិងការទូត។ ជាមេដឹកនាំដែលសម្លឹងឆ្ពោះទៅមុខជានិច្ចដើម្បីសម្រេចគោលដៅប្រកបដោយភាពប្រាកដនិយម ទោះបីជាមានឧបសគ្គយ៉ាងណាក៏អាចពុះពារនិងជម្នះបាន។ ជាមេដឹកនាំដែលអាចកសាងប្រទេសបានលឿនជាងគេមិនធ្លាប់មានពីមុន ជាពិសេសមានឥទ្ធិពលអាចបន្សាបបាននូវរាល់ឧបាយកលទុច្ចរិតនានាដែលមានចេតនាបន្ទុចបង្អាក់ដំណើរការអភិវឌ្ឍន៍ជាតិ។ ឯកឧត្តម ប៉ែន បូណា បញ្ជាក់ថា ប្រទេសកម្ពុជាដែលបានធ្វើដំណើរមកដល់ចំណុចនេះ និងកំពុងឈរយ៉ាងរឹងមាំជាមួយសមិទ្ធផលដ៏ធំធេងដែលយើងបានឃើញចំពោះមុខនាពេលនេះ ពិតជាស្នាដៃឯកដែលកើតឡើងក្នុងសម័យកាលដែលខ្មែរមានមេដឹកនាំខ្លាំងពូកែនៅក្នុងប្រវត្តិសាស្ត្រសម័យទំនើប។ រាជរដ្ឋាភិបាលគណបក្សប្រជាជនកម្ពុជាដែលមានសម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចធិបតី ហ៊ុន ម៉ាណែត ជានាយករដ្ឋមន្ត្រីបន្តវេនបាននិងកំពុងរុញច្រាននាវាកម្ពុជាឆ្ពោះទៅសម្រេចចក្ខុវិស័យកម្ពុជាឆ្នាំ២០៣០ ក្លាយជាប្រទេសដែលមានចំណូលមធ្យមកម្រិតខ្ពស់ និងឆ្នាំ ២០៥០…

ភ្នំពេញ៖ តាមរយៈសារលិខិតរបស់សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានឱ្យដឹងថា ក្នុងឱកាសទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៧ ថ្ងៃទី១៥ ខែមិថុនា ឆ្នាំ២០២៤ ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ លើកទី៧ ដែលរៀបចំឡើងនៅថ្ងៃទី១៥ ខែ មិថុនា ឆ្នាំ២០២៤ ក្រោមប្រធានបទ “TVET រៀនឱ្យចប់ ឱ្យចេះ ឱ្យមានការងារ”។ ការជ្រើសរើសយកប្រធានបទ និងការរៀបចំទិវាជាតិនេះ គឺបង្ហាញឱ្យឃើញយ៉ាងច្បាស់លាស់នូវការប្តេជ្ញាចិត្តខ្ពស់របស់រាជរដ្ឋាភិបាល ក្នុងការអនុវត្តឱ្យបាននូវយុទ្ធសាស្ត្របញ្ចកោណ ដំណាក់កាលទី១ ដើម្បីកំណើន ការងារ សមធម៌ ប្រសិទ្ធភាព និងចីរភាព ដែលបានផ្តល់អាទិភាពគន្លឹះទី១ លើ “មនុស្ស” ហើយ “ផ្លូវ ទឹក ភ្លើង និងបច្ចេកវិទ្យា” គឺជាអាទិភាពបន្តបន្ទាប់តាមលំដាប់។ សម្តេចធិបតីបានបញ្ជាក់ថា “ការបណ្តុះបណ្តាលជំនាញបច្ចេកទេស” គឺជាមុំសំខាន់មួយ នៃបញ្ចកោណទី១ “ការអភិវឌ្ឍមូលធនមនុស្ស” ដែលជារបៀបវារៈក្នុងការកសាងនិងអភិវឌ្ឍមូលធនមនុស្ស ប្រកបដោយគុណភាព សមត្ថភាព ជំនាញវិជ្ជាជីវៈច្បាស់លាស់ គំនិតច្នៃប្រឌិត និងភាពប្រកួតប្រជែងខ្ពស់ ដោយ…

ភ្នំពេញ៖ នៅថ្ងៃទី១៥ ខែមិថុនា ឆ្នាំ២០២៤ នេះ គឺជាខួបទី៦២ ដែលតុលាការយុត្តិធម៌អន្ដរជាតិ ទីក្រុងឡាអេ បានសម្រេចឱ្យកម្ពុជាឈ្នះក្ដីលើភាគីថៃ ក្នុងសំណុំរឿងប្រាសាទព្រះវិហារ កាលពីថ្ងៃទី១៥ ខែមិថុនា ឆ្នាំ១៩៦២ ហើយដែលធ្វើឱ្យប្រជាពលរដ្ឋទូទាំងប្រទេសចង់ចាំនៅព្រះរាជបូជនីយកិច្ចដែលព្រះបរមរតនកោដ្ឋអតីតព្រះមហាក្សត្របានខិតខំប្រឹងប្រែងដើម្បីការពារអធិបតេយ្យភាពរបស់កម្ពុជាលើប្រាសាទព្រះវិហារ ដោយបានខិតខំប្រឹងប្រែងនាំយកករណីប្រាសាទព្រះវិហារទៅកាន់តុលាការយុត្តិធម៌អន្តរជាតិ។ អគ្គនាយកអាជ្ញាធរជាតិព្រះវិហារ ឯកឧត្តម គង់ ពុទ្ធិកា បានមានប្រសាសន៍ថា នៅថ្ងៃទី១៥ ខែមិថុនា ឆ្នាំ២០២៤ ដែលជាខួបទី៦២ ដែលតុលាការយុត្តិធម៌អន្ដរជាតិ ទីក្រុងឡាអេ បានសម្រេចឱ្យកម្ពុជាឈ្នះក្ដីលើភាគីថៃ ក្នុងសំណុំរឿងប្រាសាទព្រះវិហារ គឺជាការចងចាំ ជាស្មារតីសម្រាប់កូនខ្មែរ ក៏ដូចជាអាជ្ញាធរជាតិព្រះវិហារទទួលការងារក្នុងការគ្រប់គ្រងការអភិរក្ស ការអភិវឌ្ឍន៍នៅក្នុងតំបន់រមណីយដ្ឋានប្រាសាទព្រះវិហារ គឺប្រកាន់នៅស្មារតីមួយ គឺចងចាំនូវព្រះរាជបូជនីយកិច្ចដែលព្រះបរមរតនកោដ្ឋ អតីតព្រះមហាក្សត្របានខិតខំប្រឹងប្រែងដើម្បីការពារអធិបតេយ្យភាពរបស់កម្ពុជាលើប្រាសាទព្រះវិហារ ដោយបានខិតខំប្រឹងប្រែងនាំយកករណីប្រាសាទព្រះវិហារទៅកាន់តុលាការយុត្តិធម៌អន្តរជាតិ។ បន្ទាប់ពីខិតខំប្រឹងប្រែងនៅក្នុងការងារការទូតជាមួយប្រទេសជិតខាងលើករណីនេះដោយទទួលបានជោគជ័យ ជាលទ្ធផលមួយដែលយើងទទួលបានទាំងអស់គ្នា គឺកម្ពុជាទទួលបាននៅយុត្តិធម៌ដែលបានផ្តល់ដោយតុលាការយុត្តិធម៌អន្តរជាតិ ស្របតាមច្បាប់អន្តរជាតិ ដែលកម្ពុជាមានទឡ្ហីករណ៍គ្រប់គ្រាន់ មានអំណះអំណាងគ្រាប់គ្រាន់មានភស្តុតាងគ្រប់គ្រាន់ ទាំងផ្នែកប្រវត្តិសាស្ត្រ ទាំងផ្នែកឯកសារពាក់ព័ន្ធទៅនឹងការកំណត់នៅអធិបតេយ្យភាពរបស់កម្ពុជា ដើម្បីឱ្យតុលាការទទួលស្គាល់អធិបតេយ្យភាពរបស់កម្ពុជានៅលើប្រាសាទព្រះវិហារ។ ឯកឧត្តម គង់ ពុទ្ធិកា បានបញ្ជាក់ថា តុលាការយុត្តិធម៌អន្ដរជាតិ ទីក្រុងឡាអេ បានកាត់ក្តីដោយឯករាជ្យភាពផ្អែកទៅលើច្បាប់ ផ្នែកទៅលើអង្គហេតុ ហើយនឹងអង្គច្បាប់គ្រប់គ្រាន់ ដើម្បីធ្វើការកាត់សេចក្តីក្នុងករណីប្រាសាទព្រះវិហារ។…

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អបអរសាទរខួប៦២ឆ្នាំ តុលាការយុត្តិធម៌អន្តរជាតិ សម្រេចឱ្យកម្ពុជាជាម្ចាស់កម្មសិទ្ធិលើប្រាសាទព្រះវិហារ ១៥ មិថុនា ១៩៦២ – ១៥ មិថុនា ២០២៤។ សូមជម្រាបថា ថ្ងៃទី១៥ ខែមិថុនា ឆ្នាំ២០២៤ នេះ គឺជាខួបទី៦២ ដែលតុលាការយុត្តិធម៌អន្ដរជាតិ ទីក្រុងឡាអេ បានសម្រេចឱ្យកម្ពុជាឈ្នះក្ដីលើភាគីថៃ ក្នុងសំណុំរឿងប្រាសាទព្រះវិហារ កាលពីថ្ងៃទី១៥ ខែមិថុនា ឆ្នាំ១៩៦២។ ក្រោយពីប្រទេសកម្ពុជាបានទទួលឯករាជ្យពីបារាំង នៅថ្ងៃទី០៩ ខែវិច្ឆិកា ឆ្នាំ១៩៥៣ ថៃបានចូលកាន់កាប់ប្រាសាទព្រះវិហារ នៅឆ្នាំ១៩៥៤។ ព្រះករុណា ព្រះមហាវីរក្សក្សត្រ ព្រះបរមរតនកោដ្ឋ (នរោត្ដម សីហនុ) បានប្តឹងទៅតុលាការយុត្តិធម៌អន្តជាតិ ទីក្រុងឡាអេ នៅថ្ងៃទី០៦ ខែតុលា ឆ្នាំ១៩៥៩។ សាលក្រមតុលាការអន្តរជាតិ ថ្ងៃទី១៥ ខែមិថុនា ឆ្នាំ១៩៦២ បានកាត់សេចក្តីដោយសម្រេចប្រគល់ប្រាសាទព្រះវិហារ មកឱ្យកម្ពុជាវិញ ក្រោយពីថៃបានឈ្លានពានកាន់កាប់ប្រាសាទព្រះវិហារ។តុលាការយុត្តិធម៌អន្តជាតិ ICJ បានចេញសាលដីកានេះ ដោយបានសម្រេចសេចក្តីថា៖១. ប្រាសាទព្រះវិហារស្ថិតនៅក្នុងទឹកដី…

ភ្នំពេញ៖ មេដឹកនាំសហព័ន្ធសហជីព សមាគមរបស់សហភាពសហជីពរក្សាសិទ្ធិកម្មករកម្ពុជា បានព្រមានថា បើសិនជាមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) នៅតែបន្តសកម្មភាពណាមួយដែលធ្វើឱ្យប៉ះពាល់ដល់សហជីព ប៉ះពាល់ដល់សេដ្ឋកិច្ចជាតិ នឹងមានកម្មករ និយោជិត ក៏ដូចជាក្នុងប្រព័ន្ធក្រៅប្រព័ន្ធរាប់ពាន់នាក់អាចនឹងធ្វើសកម្មភាពតវ៉ាណាមួយ ដើម្បីឱ្យសង់ត្រាល់បញ្ឈប់រាល់សកម្មភាព ហើយអាចនឹងរៀបចំពាក្យបណ្តឹងទៅក្រសួងពាក់ព័ន្ធដើម្បីស្នើសុំឲ្យពិនិត្យមើល និងស៊ើបអង្កេតទៅលើការងាររបស់សង់ត្រាល់។ លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា បានឱ្យដឹងថា ការតវ៉ានេះ ដោយសារតែអង្គការសង់ត្រាល់បានលូកដៃជ្រៅទៅទៅក្នុងសហជីពធ្វើឱ្យបាត់បង់អត្ថប្រយោជន៍រួមរបស់កម្មករ និយោជិតទូទាំងប្រទេស។ ហើយជាកង្វល់របស់សហជីព ក៏ដូចជាកម្មករ និយោជិត គឺមិនចង់ឱ្យសង់ត្រាល់លូកដៃចូលផ្ទៃក្នុងការងាររបស់សហជីព កម្មករ និយោជិតទេ ព្រោះសង់ត្រាល់បានចុះបញ្ជីនៅក្រសួងមហាផ្ទៃ។ ប្រធានសហភាពសហជីពរក្សាសិទ្ធិកម្មករកម្ពុជាបានបញ្ជាក់ថា សម្រាប់ការមើលឃើញរបស់ខ្ញុំ ឃើញគណនីហ្វេសប៊ុករបស់សង់ត្រាល់ គឺការលូកដៃចូលជ្រៅរបស់គាត់ (សង់ត្រាល់) ទាក់ទងសកម្មភាពបានចាប់ដៃក៏ដូចជាសរសេរព័ត៌មានរិះគន់រាជរដ្ឋាភិបាលវ៉ៃប្រហារមកលើរាជរដ្ឋាភិបាល ដូចគ្នាទៅនឹងវិទ្យុបរទេសផ្សាយខេមរភាសាមួយចំនួន ធ្វើឱ្យក្រុមសហជីពក៏ដូចជាកម្មករ និយោជិតរាប់ម៉ឺននាក់ដែលមានិន្នការកណ្តាល មិនគាំទ្រសកម្មភាពមួយចំនួនរបស់សង់ត្រាល់។ ហើយការចូលរួមតវ៉ាជាង១០០នាក់ នៅមុខស្នាក់ការសង់ត្រាល់ គ្រាន់តែជាលើកទី១ ទេ ហើយបើសិនជាសង់ត្រាល់នៅតែបន្តសកម្មភាពណាមួយដែលធ្វើឲ្យប៉ះពាល់ដល់សហជីព ប៉ះពាល់ដល់សេដ្ឋកិច្ចជាតិ នឹងមានកម្មករ និយោជិត ក៏ដូចជាក្នុងប្រព័ន្ធក្រៅប្រព័ន្ធរាប់ពាន់នាក់អាចនឹងធ្វើសកម្មភាពណាមួយដើម្បីឱ្យសង់ត្រាល់បញ្ឈប់រាល់សកម្មភាព។ លោក ហង្ស រ៉ាវី បានសង្កត់ធ្ងន់ថា បើសិនជាសង់ត្រាល់នៅតែបន្តសកម្មភាពណាមួយខាងសមាគមក៏ដូចជាសហព័ន្ធសហជីពអាចនឹងរៀបចំពាក្យបណ្តឹងណាមួយទៅក្រសួងពាក់ព័ន្ធដើម្បីស្នើសុំឱ្យពិនិត្យមើល និងស៊ើបអង្កេតទៅលើការងាររបស់សង់ត្រាល់។…

ភ្នំពេញ៖ ក្រុមសមាជិកអង្គការសង្គមស៊ីវិល សហភាពសហជីពរក្សាសិទ្ធកម្មករកម្ពុជា ប្រមាណជា១០០នាក់ បានប្រមូលផ្តុំគ្នាធ្វើការតវ៉ានៅមុខទីស្នាក់ការមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ( សង់ត្រាល់ ) ស្ថិតនៅផ្ទះលេខ៣៥៩ ផ្លូវ ៦៩ បេតេ ក្រុម៣ ភូមិត្នោតជ្រុំ២ សង្កាត់បឹងទំពន់ទី២ ខណ្ឌមានជ៏យ រាជធានីភ្នំពេញ នារសៀលថ្ងៃទី១៤ ខែមិថុនា ឆ្នាំ២០២៤។ ក្នុងការតវ៉ានេះ ក្រុមអ្នកតវ៉ាបានគ្នាស្រែករិះគន់លើមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ដែលកំពុងបំផ្លាញកិច្ចខិតខំប្រឹងប្រែងរបស់អង្គការសហជីព និងធ្វើនយោបាយបំផ្លាញសន្តិភាព។ នៅលើបដារក្រុមអ្នកតវ៉ាបានសរសេរថា៖.សង់ត្រាល់ បានចូលជ្រៀតជ្រែកកិច្ចការបរទេស.សកម្មភាពរបស់សង់ត្រាល់ ជាសកម្មភាពធ្វើនយោបាយ បំផ្លាញសន្តិភាព.សង់ត្រាល់កំពុងបំផ្លាញកិច្ចខិតខំប្រឹងប្រែងរបស់អង្គការសហជីព.សង់ត្រាល់ជាក្រុមនយោបាយមានដៃគូរសហការជាមួយវិទ្យុអាស៊ីសេរី VOD VOA ក្នុងការបំផ្លាញសន្តិភាពនៅកម្ពុជា.សង់ត្រាល់ជាអាយ៉ងបរទេសប្រឆាំងកិច្ចខិតខំប្រឹង​ប្រែងរបស់អង្គការសហជីព។ នៅក្នុងសេចក្តីថ្លឺងការណ៍បានឱ្យដឹងថា ថ្នាក់ដឹកនាំសហព័ន្ធសហជីព សមាគម ដែលតំណាងឱ្យសមាជិកសមាជិកា ដែលបំពេញការងារ ក្នុងវិស័យវាយនភ័ណ្ឌកាត់ដេរសម្លៀកបំពាក់ ផលិតស្បែកជើង និងកាបូប សេដ្ឋកិច្ចក្រៅប្រព័ន្ធ នៅទូទាំងព្រះរាជាណាចក្រកម្ពុជា ដែលមានសមាជិកជាង ៤០,០០០នាក់ ធ្វើការងារ និងប្រកបរបរក្រៅប្រព័ន្ធនៅប្រទេសកម្ពុជា មានការព្រួយបារម្ភយ៉ាងខ្លាំងអំពី សេដ្ឋកិច្ចក្នុងគ្រួសារ និងស្ថេរភាពការងារ នៅកន្លែងធ្វើការ នៅពេលដែល យើងខ្ញុំទាំងអស់គ្នាបានឃើញនូវសកម្មភាពរបស់អង្គការសង់ត្រាល់។ សកម្មភាពរបស់ អង្គការសង់ត្រាល់…

ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ បានអនុញ្ញាតឱ្យ លោកជំទាវ Deirdre Ní Fhallúin ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋអៀរឡង់ ប្រចាំព្រះរាជាណាចក្រកម្ពុជា ដែលមាននិវេសនដ្ឋាននៅទីក្រុងហាណូយ ចូលជួបសម្តែងការគួរសម នៅទីស្តីការក្រសួង នៅថ្ងៃទី១៣ ខែមិថុនា ឆ្នាំ២០២៤។ ឯកឧត្តមឧបនាយករដ្ឋមន្ត្រី និងលោកជំទាវឯកអគ្គរដ្ឋទូត បានកត់សម្គាល់ដោយក្តីពេញចិត្តយ៉ាងខ្លាំងចំពោះទំនាក់ទំនង និងកិច្ចសហប្រតិបត្តិការល្អរវាងព្រះរាជាណាចក្រកម្ពុជា និងសាធារណរដ្ឋអៀរឡង់ ហើយបានគូសបញ្ជាក់ពីសារៈសំខាន់នៃការលើកកម្ពស់បន្ថែមទៀតនូវទំនាក់ទំនងរវាងប្រទេសទាំងពីរក្នុងវិស័យដែលនាំមកនូវផលប្រយោជន៍រួម។ ឯកឧត្តមឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅចំពោះរដ្ឋាភិបាលអៀរឡង់ ចំពោះជំនួយដ៏មានតម្លៃ ជាពិសេសលើវិស័យអប់រំ ការដោះមីន និងសុខាភិបាល។ លោកជំទាវឯកអគ្គរដ្ឋទូត បានបញ្ជាក់ពីការប្តេជ្ញាចិត្តរបស់រដ្ឋាភិបាលអៀរឡង់ក្នុងការធ្វើឱ្យកាន់តែស៊ីជម្រៅនូវទំនាក់ទំនងរបស់ខ្លួនជាមួយបណ្តាប្រទេសក្នុងតំបន់ ជាពិសេសប្រទេសកម្ពុជា ដោយបានគូសបញ្ជាក់បន្ថែមទៀតថា វិស័យអប់រំជាសសរស្តម្ភសំខាន់នៃកម្មវិធីកិច្ចសហប្រតិបត្តិការរបស់អៀរឡង់ ដែលស្របទៅនឹងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា។ ភាគីទាំងពីរបានសង្កត់ធ្ងន់លើសារៈសំខាន់នៃការបង្កើតយន្តការពិគ្រោះយោបល់ទ្វេភាគី ឬគណៈកម្មការសេដ្ឋកិច្ចចម្រុះ ដែលនឹងត្រួសត្រាយផ្លូវដើម្បីពង្រឹង និងស្វែងរកវិស័យថ្មីសម្រាប់ភាពជាដៃគូ ជាពិសេសក្នុងការផ្លាស់ប្តូរពាណិជ្ជកម្ម និងសេដ្ឋកិច្ចរវាងប្រទេសទាំងពីរ។ ជាមួយគ្នានេះ ភាគីទាំងពីរក៏បានផ្លាស់ប្តូរទស្សនៈលើបញ្ហាតំបន់ និងអន្តរជាតិដែលមានផលប្រយោជន៍ទៅវិញទៅមក៕ដោយ៖ពលជ័យរូបភាព៖ក្រសួងការបរទេស

ឯកឧត្តម សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និងលោកជំទាវ Milena Caridad Zaldivar ឯកអគ្គរដ្ឋទូតគុយបាប្រចាំព្រះរាជាណាចក្រកម្ពុជា បានសន្យាពង្រឹងទំនាក់ទំនងតាមរយៈសកម្មភាពជាក់ស្តែងក្រោមកិច្ចព្រមព្រៀងទ្វេភាគីដែលមានស្រាប់ ក្នុងអំឡុងពេលនៃជំនួបសម្តែងការគួរសមរបស់លោកជំទាវឯកអគ្គរដ្ឋទូតថ្មី កាលពីថ្ងៃទី១០ ខែមិថុនា ឆ្នាំ២០២៤ ។ ភាគីទាំងពីរ បានឯកភាពគ្នាផងដែរក្នុងការពង្រីកកិច្ចសហប្រតិបត្តិការក្នុងវិស័យថ្មីៗដែលមានសក្តានុពល រួមទាំង កសិ-ពាណិជ្ជកម្ម ផលិតកម្មស្រូវ និងការវិនិយោគ។ ឯកឧត្តម ឧបនាយករដ្ឋមន្រ្ដី បានសម្តែងសេចក្ដីពេញចិត្តចំពោះវឌ្ឍនភាពនៃកិច្ចសហប្រតិបត្តិការ និងទំនាក់ទំនងរវាងកម្ពុជា និងគុយបា។ ឯកឧត្តម ឧបនាយករដ្ឋមន្រ្ដី បានបង្ហាញការគាំទ្រយ៉ាងពេញលេញចំពោះលោកជំទាវឯកអគ្គរដ្ឋទូត Zaldivar ដើម្បីទទួលបានជោគជ័យក្នុងអាណត្តិការងារ។ ឯកឧត្តម ឧបនាយករដ្ឋមន្រ្ដី ក៏បានសម្តែងនូវសេចក្ដីថ្លែងអំណរគុណរបស់កម្ពុជាចំពោះជំនួយដ៏មានតម្លៃរបស់គុយបា ក្នុងអំឡុងទសវត្សរ៍ឆ្នាំ៨០។ លោកជំទាវឯកអគ្គរដ្ឋទូត Zaldivar បានរំលឹកអំពីចំណងមិត្តភាពដ៏រឹងមាំរវាងគុយបា និងកម្ពុជា និងរវាងថ្នាក់ដឹកនាំមុនៗ និងបច្ចុប្បន្ននៃប្រទេសទាំងពីរ។ លោកជំទាវ បានកោតសរសើរចំពោះសមិទ្ធផល និងកំណើនសេដ្ឋកិច្ចដ៏គួរឱ្យកត់សម្គាល់របស់កម្ពុជា ក្រោមការដឹកនាំបច្ចុប្បន្ន ព្រមទាំងបានអះអាងជាថ្មីនូវការប្តេជ្ញាចិត្តរបស់ប្រទេសគុយបា ដើម្បីធ្វើកិច្ចសហប្រតិបត្តិការឱ្យកាន់តែស៊ីជម្រៅជាមួយកម្ពុជា ជាពិសេសលើវិស័យកសិកម្ម កីឡា សុខាភិបាល និងការផ្លាស់ប្តូរការអប់រំ។ ឯកឧត្តម ឧបនាយករដ្ឋមន្រ្ដី…