សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានបញ្ជាក់ថា ធនធានមនុស្សជាកត្តាកំណត់ដ៏សំខាន់សម្រាប់និរន្តភាព និងចីរភាពរបស់ប្រទេសជាតិ ព្រោះថា ធនធានមនុស្សអាចជួយឱ្យប្រទេសជាតិមានភាពរស់រវើក មានលទ្ធភាពប្រកួតប្រជែងជាមួយបណ្តាប្រទេសក្នុងសកលលោក អាចចាប់យកបាននូវឱកាស និងបន្ថយនូវគម្លាតនានា ជាពិសេសគម្លាតខួក្បាល និងជួយឱ្យមានឯករាជ្យភាពក្នុងការវិវត្តរីកចម្រើនដោយខ្លួនឯង។ ការបញ្ជាក់នេះ ក្នុងពិធីប្រគល់សញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ នៃសាកលវិទ្យាល័យ លីមកុកវីង នាថ្ងៃទី​១៣ ខែមិថុនា ឆ្នាំ២០២៤ ។ សម្តេចធិបតីបន្តថា ក្នុងន័យនេះ រាជរដ្ឋាភិបាល ក្រសួងអប់រំ យុវជន និង កីឡា, ដៃគូអភិវឌ្ឍ, វិស័យឯកជន និងគ្រប់អង្គភាពពាក់ព័ន្ធទាំងអស់ ត្រូវបន្តសហការ​ និងលើកស្ទួយវិស័យអប់រំ និងការបណ្តុះបណ្តាល ឱ្យកាន់តែល្អប្រសើរ តាមរយៈការធ្វើទំនើបកម្មអភិបាលកិច្ចគ្រប់គ្រង ការផ្តល់សេវាបង្រៀនប្រកបដោយគុណភាពខ្ពស់ និងកិច្ចខិតខំបន្តអភិវឌ្ឍសមត្ថភាពជាប្រចាំ ព្រមទាំងយកចិត្តទុកដាក់លើធនធានមនុស្សកម្ពុជា សម្រាប់ជាសសរទ្រូងដ៏រឹងមាំ និងពោរពេញដោយសមត្ថភាព។ ជាមួយការសម្តែងនូវអំណរសាទរ ចំពោះថ្នាក់ដឹកនាំ គ្រប់​គ្រង បុគ្គលិកសិក្សា សាស្ត្រាចារ្យ ដៃគូអភិវឌ្ឍ និង និស្សិតជ័យលាភីទាំងអស់ នៃសាកលវិទ្យាល័យ…

សមាជិក្រុមប្រឹក្សាខេត្តក្រចេះអាណត្តិទី៤ ចំនួន២១រូប ត្រូវបានប្រកាសសុពលភាពចូលបំពេញការងារនៅថ្ងៃទី១៣ ខែមិថុនា ឆ្នាំ២០២៤នេះ ក្រោមអធិបតីភាពឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ដោយមានការអញ្ជើញចូលរួមពីអ្នកតំណាងរាស្ត្រមណ្ឌលក្រចេះ តំណាងក្រសួងមហាផ្ទៃ សមាជិកសមាជិកក្រុមការងាររាជរដ្ឋាភិបាល និងថ្នាក់ដឹកនាំគណៈអភិបាលខេត្ត និងអាជ្ញាធរមូលដ្ឋាន មន្ទីរជំនាញជុំវិញខេត្ត។ ក្នុងចំណោមសមាជិកក្រុមប្រឹក្សាខេត្តទាំង២១ រូប ក្នុងនោះ សមាជិកក្រុមប្រឹក្សាខេត្តមកពីគណបក្សប្រជាជនកម្ពុជាមានចំនួន១៨ រូប និង៣រូប មកពីគណបក្សឆន្ទៈខ្មែរ។ ឯកឧត្តមរដ្ឋមន្ត្រីបានថ្លែងថា សមាជិក សមាជិកា ក្រុមប្រឹក្សាដែលជាប់ឆ្នោត ទោះបីជាមានសមាសភាពមកពីគណបក្សនយោបាយផ្សេងៗគ្នាក៏ពិតមែន ក៏ប៉ុន្តែតាមគោលការណ៍ច្បាប់រៀបចំអង្គការបានកំណត់ថា ក្រុមប្រឹក្សាជាតំណាងឱ្យប្រជាពលរដ្ឋក្នុងខេត្តក្រចេះទាំងមូល។ លើសពីនេះ ទោះបីជាក្រុមប្រឹក្សានៃរដ្ឋបាលថ្នាក់ក្រោមជាតិត្រូវបានជ្រើសរើសតាមរយៈការបោះឆ្នោតដោយផ្ទាល់ ឬមិនផ្ទាល់ក្តី ក៏ក្រុមប្រឹក្សានៃរដ្ឋបាលថ្នាក់ក្រោមជាតិគឺជាផ្នែកមួយនៃអំណាចនីតិប្រតិបត្តិ និងមានស្វ័យភាពក្នុងក្របខ័ណ្ឌដែលកំណត់ដោយច្បាប់ លិខិតបទដ្ឋានគតិយុត្តជាធរមាន ក្នុងការគ្រប់គ្រង ចាត់ចែងកិច្ចការមូលដ្ឋានរបស់ខ្លួន ដើម្បីឆ្លើយតបទៅនឹងតម្រូវការប្រជាពលរដ្ឋក្នុងដែនសមត្ថកិច្ចរបស់ខ្លួន។ ហេតុនេះ ក្នុងការអនុវត្តការងារ ឯកឧត្តម លោកជំទាវ ជាសមាជិក សមាជិកាក្រុមប្រឹក្សា ត្រូវខិតខំបម្រើផលប្រយោជន៍ និងសេចក្តីត្រូវការរបស់ប្រជាពលរដ្ឋទាំងអស់ដោយស្មើភាព តម្លាភាព គណនេយ្យភាព សមធម៌ និងបរិយាបន្ន ជាពិសេសមិនត្រូវប្រកាន់និន្នាការនយោបាយណាមួយនោះឡើយ។ ឯកឧត្តម នេត្រ ភក្ត្រា…

ភ្នំពេញ៖ សម្តេចតេជោ ហ៊ុន សែន បានសរសេរលើបណ្តាញសង្គមហ្វេសប៊ុក ថា ថ្ងៃ១២ ខែមិថុនា ឆ្នាំ២០២៤នេះ លោក ដេវីត ហួត (David Hutt) សរសេរផ្សាយនៅលើកាសែត The Diplomat ថា លោក Bill Burns នាយក CIA មិនបានជួបជាមួយ លោក ហ៊ុន សែន ទេ ដូចដែលខ្ញុំបានលើកឡើងកាលពីប៉ុន្មានថ្ងៃមុន ដែលខ្ញុំបាននិយាយទៅកាន់អគ្គនាយក CIA កាលពីថ្ងៃទី២ ខែមិថុនា ឆ្នាំ២០២៤។ សម្តេចតេជោបានបន្តថា តាមអ្វីដែលលោក Hutt លើកឡើងសំដៅថា ខ្ញុំភ័ន្តច្រឡំ។ ខ្ញុំគួរតែនិយាយដោយចំហថា ខ្ញុំបានធ្វើការជាមួយថ្នាក់ដឹកនាំ CIA តាំងតែពីឆ្នាំ១៩៩៧មកម្ល៉េះ។ជំនួបដែលសំខាន់ គឺនាយកចារកម្មជាតិ (National Intelligence) លោក James Clapper ជួបឆ្នាំ២០១១ នៅផ្ទះរាជធានីភ្នំពេញ។ ឆ្នាំ២០១២ ជួបជាមួយ នាយក CIA…

ភ្នំពេញ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដឹកនាំគណៈប្រតិភូជាន់ខ្ពស់ បើកកិច្ចប្រជុំទ្វេភាគីជាមួយឯកឧត្តម Andrew Giles រដ្ឋមន្រ្តីក្រសួងអន្តោប្រវេសន៍ សញ្ជាតិ និងកិច្ចការពហុវប្បធម៌ នៅវិមានសភាអូស្ត្រាលីព្រឹកថ្ងៃទី១២ ខែមិថុនា ឆ្នាំ២០២៤នេះ។ កិច្ចប្រជុំនេះ គឺដើម្បីពង្រឹងនិងលើកកកម្ពស់កិច្ចសហប្រតិបត្តិការទ្វេភាគីមួយកម្រិតបន្ថែមទៀត។ ជាកិច្ចចាប់ផ្តើម ឯកឧត្តម Andrew Giles បានបង្ហាញការជឿជាក់ថា ដំណើរទស្សនកិច្ចរបស់ឯកឧត្តមអភិសន្តិបណ្ឌិត ស សុខា នៅអូស្ត្រាលី គឺមានសារៈសំខាន់ និងប្រាកដជាទទួលបានលទ្ធផលផ្លែផ្កាដូចការគ្រោងទុក ជាពិសេសការផ្លាស់ប្តូរយោបល់ និងបទពិសោធជាមួយអង្គភាពជំនាញលើកិច្ចការអន្តោប្រវេសន៍ កិច្ចការបទល្មើសបច្ចេកវិទ្យា និងការងារនគរបាល។ ជាការឆ្លើយតប ឯកឧត្តមអភិសន្តិបណ្ឌិត ស សុខា បានថ្លែងអំណរគុណឯកឧត្តមរដ្ឋមន្ត្រី និងភាគីអូស្ត្រាលី ដែលបានសម្របសម្រួលដំណើរទស្សនកិច្ចនេះ និងបានស្វាគមន៍យ៉ាងកក់ក្តៅជូនគណៈប្រតិភូកម្ពុជា។ ឯកឧត្តមអភិសន្តិបណ្ឌិត បានគូសបញ្ជាក់ថា ដំណើរទស្សនកិច្ចនេះជាដំណើរទស្សនកិច្ចលើកទី៣ បន្ទាប់ពីទស្សនកិច្ចលើក១ នៅសាធារណរដ្ឋសង្គមនិយមវៀតណាម និងលើកទី២ នៅសហព័ន្ធស្វីសនិងសាធារណរដ្ឋអាល្លឺម៉ង់ ចាប់តាំងពីឯកឧត្តមទទួលការតែងតាំងជាឧបនាយរដ្ឋមន្រ្តី រដ្ឋមន្រ្តីក្រសួងមហាផ្ទៃ។ រដ្ឋមន្ត្រីក្រសួងមហាផ្ទៃ ក៏បានគូសបញ្ជាក់ថា ទស្សនកិច្ចនេះនឹងផ្តល់បទពិសោធបន្ថែមដល់ប្រទេសកម្ពុជា លើការងារអន្តោប្រវេសន៍ កិច្ចការទប់ស្កាត់បង្ក្រាបបទល្មើសបច្ចេកវិទ្យាន…

ភ្នំពេញ៖ លោក ហេង សំណាង ប្រធានក្រុមយុវជនសង្គមស៊ីវិល នៃសមាគមយុវជនខ្មែរមហានគរ និងបណ្តុំអង្គការសមាគមសង្គមស៊ីវិល បានឱ្យដឹងថា អស់រយៈកាលកន្លងមកនេះ ទាំងក្រុមយុវជន ទាំងក្រុមអ្នកប្រកបរបរសេដ្ឋកិច្ចក្រៅប្រព័ន្ធ បានធ្វើយុទ្ធនាការជាច្រើនស្តីពី «យើងរួមគ្នាលុបកម្លាំងមនោគមវិជ្ជាខ្មៅកខ្វក់របស់ក្រុមប្រឆាំងជ្រុលនិយមឱ្យចេញផុតពីកម្ពុជា និងអំពាវនាវដល់មហាជនកុំចាញ់កល និងគាំទ្រ សកម្មភាពណាមួយរបស់ក្រុមជ្រុលនិយមនៅក្រៅស្រុក។ លោកបន្តថា ក្រុមប្រឆាំងជ្រុលនិយមនៅក្រៅស្រុក តែងតែផ្សព្វផ្សាយនូវមនោគមវិជ្ជាខ្មៅកខ្វក់របស់ពួកគេតារមយៈព័ន្ធផ្សព្វផ្សាយបរទេស ក្នុងនោះទណ្ឌិតភៀសខ្លួនក្រៅប្រទេស តែងតែធ្វើការឃោសនា និយាយវាយប្រហារជាន់ពន្លិចរាជរដ្ឋាភិបាលជាប្រចាំ ដោយមិនគិតពីផលប៉ះពាល់ដល់ការអភិវឌ្ឍសង្គមជាតិ និងសុខទុក្ខរបស់ប្រជាពលរដ្ឋកម្ពុជាម្ដងណាឡើយ។ ចំណែកក្រុមអង្គការសមាគមជ្រុលនិយមរណបម្ចាស់ជំនួយបរទេស ក៏ដូចគ្នា ពួកគេគ្មានភក្តីភាពចំពោះសង្គមជាតិ ឬមនសិការស្នេហាជាតិកម្ពុជាសោះឡើយ។ ពួកគេក្រៅតែពីការរិះរកវិធីសាស្រ្តជាន់ពន្លិចសមិទ្ធផលរាជរដ្ឋាភិបាលដែលកំពុងខិតខំអភិឌ្ឍន៍នាពេលសព្វថ្ងៃនេះ។ លោក ហេង សំណាង បន្តថា ជាការពិតណាស់ សូម្បីតែវិទ្យុបរទេសខេមរភាសាមួយចំនួន ដែលទទួលជំនួយពីបរទេស ពួកគេក៏ជាដើមចម ជាអ្នកចាក់ឆ្គឹះឆ្កៀលនៅពីក្រោយបថ្ថែមទៀតលើការផ្សព្វផ្សាយមនោគមវិជ្ជាខ្មៅកខ្វក់នេះ ក្នុងគោលបំណងធ្វើយ៉ាងណា បន្ទោសបង្អាប់មកកាន់រាជរដ្ឋាភិបាល តាមរយៈការបង្ហាញរូបភាពប្រឌិត ក្រឡៃការពិត ញុះញង់ឱ្យប្រជាជនខ្មែរស្អប់គ្នាទៅវិញ។ លោកចោទសួរថា តើពួកគេធ្វើបែបនេះដើម្បីប្រជាជនខ្មែរ ឬចង់បំផ្លាញ់ជាតិខ្លួនឯង?។ ប្រធានក្រុមយុវជនសង្គមស៊ីវិលរូបនេះ បានបញ្ជាក់ថា ក្នុងនាមជាយុវជនជំនាន់ក្រោយ និងជាកូនខ្មែរ លោករួមនឹងសមាជិក សមាជិកា និងពលរដ្ឋសេដ្ឋកិច្ចក្រៅប្រព័ន្ធគ្រប់មជ្ឈដ្ឋាន និងប្រើសិទ្ធិតាមគ្រប់រូបភាពវាយបកចំពោះក្រុមប្រឆាំងជ្រុលនិយមទាំងនោះដោយមិនលើកលែងឡើយ៕ដោយ៖ពលជ័យ

ភ្នំពេញ៖ ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានបញ្ជាក់ថា នយោបាយការបរទេសកម្ពុជាបន្តជំរុញតួនាទីរបស់កម្ពុជានៅក្នុងអង្គការតំបន់ ពិសេសអាស៊ាន ដើម្បីធានាបានថា កម្ពុជាកំពុងដើរតួនាទីយ៉ាងសកម្ម ដើម្បីជំរុញប្រយោជន៏ស្នូលរបស់ជាតិ។ កម្ពុជាក៏បានចូលរួមយ៉ាងសកម្មផងដែរនៅក្នុងនយោបាយការបរទេសលើឆាកពិភពលោក។ ការបញ្ជាក់នេះ ក្នុងវេទិកាពិភាក្សាលើប្រធានបទ “គោលនយោបាយការបរទេសកម្ពុជាក្នុងបរិបទអាស៊ាន” នៅព្រឹកថ្ងៃទី១២ ខែមិថុនា ឆ្នាំ២០២៤ នៅទីស្តីការក្រសួង។ វេទិកានេះ រៀបចំក្រសួងការបរទេស និងសហប្រតិបត្តិការអន្តរជាតិ និងក្លិបអ្នកកាសែតកម្ពុជា។ ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ និងលោក ពុយ គា ប្រធានក្លិបអ្នកការសែតកម្ពុជា អញ្ជើញដឹកនាំវេទិកាពិភាក្សាលើប្រធានបទ “គោលនយោបាយការបរទេសកម្ពុជាក្នុងបរិបទអាស៊ាន” ដោយមានការចូលរួមពីអ្នកសារព័ត៌មាន មកពីស្ថាប័ននានា។ ឯកឧត្តម គង់ ភោគ បានបញ្ជាក់ថា គោលនយោបាយការបរទេសរបស់រាជរដ្ឋាភិបាលកម្ពុជា រក្សាសង្គតភាព និងជំរុញបន្ថែមទៀតរាល់សកម្មភាពនូវរាល់ការងារអាទិភាព នៃនយោបាយការបរទេសរបស់រាជរដ្ឋាភិបាល។ ការងារអាទិភាពមួយចំនួនដែលផ្តោតសំខាន់សំរាប់ការងារនយោបាយការបរទេស និងសម្រាប់អាណត្តិរាជរដ្ឋាភិ បាលបន្តបន្ទាប់ទៀត ដែលជាការងារត្រូវអនុវត្តជាទៀងទាត់ដោយផ្អែកលើស្ថានភាពជាក៎ស្តែងក្នុងតំបន់ ពិភពលោក ជារួមមាន ៖ ការបន្តជំរុញពង្រឹងទំនាក់ទំនងជាមួយដៃគូនានា លើពិភពលោក។ មានការដំឡើងកម្រិតដៃគូ…

ភ្នំពេញ៖ ឯកឧត្តម អាណាតូលី បូរ៉ូវីក (Anatoly Borovik) ឯកអគ្គរដ្ឋទូតរុស្ស៊ីប្រចាំនៅកម្ពុជា បានបញ្ជាក់ថា នៅក្នុងរយៈពេល៦៨ឆ្នាំមកនេះ ទំនាក់ទំនងការទូតកម្ពុជា-រុស្ស៊ី បានផ្តល់ទំនុកចិត្តគ្នាទៅវិញទៅមក ដែលនៅតែជាមូលដ្ឋាននៃការអភិវឌ្ឍជាលំដាប់នូវអន្តរកម្មទ្វេភាគី។ ការបញ្ជាក់នេះ កម្មវិធីអបអរសាទរទិវាបុណ្យជាតិនៃសហព័ន្ធរុស្ស៊ី ដែលរៀបចំឡើងដោយស្ថានទូតសហព័ន្ធរុស្ស៊ី ប្រចាំនៅព្រះរាជាណាចក្រកម្ពុជា នៅសណ្ឋាគារសូហ្វីតែលភ្នំពេញភូគីត្រា កាលពីរាត្រីថ្ងៃទី១១ ខែមិថុនា ឆ្នាំ២០២៤។ ឯកអគ្គរដ្ឋទូតរុស្ស៊ីបានបន្តថា ប្រទេសរុស្ស៊ី ចាត់ទុកការពង្រឹងទំនាក់ទំនងពាណិជ្ជកម្ម និងសេដ្ឋកិច្ចជាចំណុចដ៏សំខាន់មួយនៅក្នុងការកសាងកិច្ចសន្ទនារុស្ស៊ី-កម្ពុជា។ ឯកឧត្តមឯកអគ្គរដ្ឋទូត ក៏បានលើកឡើងពីទំនាក់ទំនងដ៏ល្អនិងជិតស្និទ្ធរវាងកម្ពុជានិងរុស្ស៊ី។ កម្ពុជា-រុស្ស៊ី បានពង្រឹងអន្តរកម្មនយោបាយ និងទំនាក់ទំនងអន្តរសភា និងអន្តរគណបក្ស។ ទិវាបុណ្យជាតិរុស្ស៊ី បានប្រារព្ធធ្វើឡើងនៅក្នុងបរិយាកាសអធិកអធមនិងស្និទ្ធស្នាលជាទីបំផុត ដោយមានវត្តមានថ្នាក់ដឹកនាំស្ថាប័ននីតិប្បញ្ញត្តិ នីតិប្រតិបត្តិនិងប្រធានស្ថាប័ននានារបស់កម្ពុជាចូលរួម ជាមួយវត្តមាន ភ្ញៀវជាតិ អន្តរជាតិជាច្រើនទៀត។ ទិវានៃប្រទេសរុស្ស៊ីជានិមិត្តរូបនៃសាមគ្គីភាពរបស់ប្រជាពលរដ្ឋរុស្ស៊ី ដែលបង្ហាញពីការប្តេជ្ញារួមរបស់ពួកគេចំពោះទំនៀមទម្លាប់ និងគោលការណ៍ណែនាំអប់រំសីលធម៌ សេចក្តីគោរពមរតកដ៏រុងរឿងរបស់បុព្វបុរសរបស់ពួកគេ ការដំណើរបន្តគ្នាមិនដាច់ជំនាន់ និងសម័យកាល។ ជាមួយគ្នានេះដែរ សម្តេចរដ្ឋសភាធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានអញ្ជើញចូលរួមប្រារព្ធទិវាបុណ្យជាតិនៃសហព័ន្ធរុស្ស៊ី គួរជម្រាបថា ក្នុងឱកាសខួបអនុស្សាវរីយ៍លើកទី៣៤ នៃទិវាឯករាជ្យជាតិសហព័ន្ធរុស្ស៊ី នេះ សម្ដេចរដ្ឋសភាធិការធិបតី ឃួន…

ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ថា សារៈសំខាន់នៃការអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈ ដែលជាមូលដ្ឋានដ៏ចាំបាច់បំផុត ក្នុងការកសាងនូវប្រព័ន្ធរដ្ឋបាលសាធារណៈមួយ ដែលប្រកបដោយសមិទ្ធកម្ម មានជវភាព និងមានភាពធន់។ ការបញ្ជាក់នេះ ក្នុងកិច្ចប្រជុំគណៈកម្មាធិការជាតិកំណែទម្រង់រដ្ឋបាលសាធារណៈ វិមានសន្តិភាព នាព្រឹកថ្ងៃពុធ ទី១២ ខែមិថុនា ឆ្នាំ២០២៤។ សម្តេចធិបតី ហ៊ុន ម៉ាណែត បានបញ្ជាក់ថា អស់រយៈពេលជាង ៨ខែ មកហើយ ដែលគណៈកម្មាធិការជាតិជំរុញការអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧ នៃរដ្ឋសភា ឬ គ.វ.រ. បានជួបប្រជុំគ្នា។ សម្តេចធិបតីនាយករដ្ឋមន្ត្រីបានបន្តទៀតថា ការអនុវត្តវិធានការគន្លឹះនេះ ក៏ជាបុរេលក្ខខណ្ឌនៃការសម្រេច ចក្ខុវិស័យកម្ពុជា ឆ្នាំ២០៥០ ដែលត្រូវបានកំណត់ក្នុង យុទ្ធសាស្រ្តបញ្ចកោណ-ដំណាក់កាលទី១ ថា ក្នុងរយៈពេល២៥ឆ្នាំខាងមុខ កម្ពុជា ជាសង្គមជាតិមួយដ៏រស់រវើក ដោយមានរដ្ឋរឹងប៉ឹង មានអភិបាលកិច្ចល្អ និងស្ថាប័នរឹងមាំ ប្រកបដោយតម្លាភាព និងគណនេយ្យភាព ហើយបម្រើជាតិ និងប្រជាជន ប្រកបដោយប្រសិទ្ធភាព នៅក្នុងជវភាពនៃប្រព័ន្ធតួអង្គតែមួយ​ (Dynamics of…

ភ្នំពេញ៖ លោក សួន សេរីរដ្ឋា អ្នកតាមដានព្រឹត្តិការណ៍នយោបាយ និងជាប្រធានក្រុមប្រឹក្សាភិបាលវេទិកាសន្តិភាពកម្ពុជា បានថ្លែងថា ចំពោះកិច្ចសហប្រតិបត្តិការរវាងប្រព័ន្ធផ្សព្វផ្សាយកម្ពុជា និងប្រព័ន្ធផ្សព្វផ្សាយ នៃប្រទេសចិន បានតាំងចិត្តរួមគ្នាក្នុងការប្រយុទ្ធប្រឆាំងនឹងព័ត៌មានក្លែងក្លាយគ្រប់ទម្រង់ដែលបង្កើតឡើងដោយក្រុមអគតិ ដើម្បីចូលរួមថែរក្សាបាននូវសុខសន្តិភាព ការអភិវឌ្ឍ និងការពារចំណងមិត្តភាពដែកថែប នៃប្រទេសទាំងពីរ គឺពិតជាមានសារៈសំខាន់ ក្នុងការរួមគ្នាលុបបំបាត់ប្រព័ន្ធផ្សព្វផ្សាយ ឬក៏ព័ត៌មានដែលមិនពិតដែលធ្វើឡើងក្នុងចេតនាញុះញង់ បំបែកបំបាក់សាមគ្គីភាព មិត្តភាព រវាងកម្ពុជា-ចិន។ កិច្ចសហប្រតិបត្តិការនេះ គឺដើម្បីធ្វើយ៉ាងណាបន្សាប ឬក៏ឈានទៅដល់ការលុបបំបាត់ទាំងស្រុងនូវព័ត៌មានមិនពិត ក្នុងន័យចាក់រុកបំបែកបំបាក់សាមគ្គីភាព មិត្តភាព រវាងកម្ពុជា-ចិន ដើម្បីទៅនឹងផលប្រយោជន៍នៃប្រទេសនីមួយ គឺជាកត្តាចាំបាច់។ លោកបានបន្តថា កន្លងមកពួកក្រុមអ្នកអគតិ ក្រុមអ្នកជ្រុលនិយម តែងតែប្រើប្រាស់ទំនាក់ទំនងល្អរវាងកម្ពុជា-ចិន ធ្វើជាប្រធានបទដើម្បីនិយាយអាក្រក់អំពីសមិទ្ធផលនៃការអភិវឌ្ឍ ឬក៏ការវិនិយោគទៅវិញ។ ពិភពលោកនេះ ប្រទេសណាក៏ដោយ សូម្បីតែប្រទេសមហាអំណាចក៏ត្រូវការទំនាក់ទំនងជាមួយចិន ដើម្បីកសាងខឿនសេដ្ឋកិច្ច វប្បធម៌ និងទំនាក់ទំនងអន្តរជាតិដែរ។ ក៏ប៉ុន្តែនៅពេលដែលគេឃើញថា ចិនមានទំនាក់ទំនងល្អជាមួយកម្ពុជា គេចិញ្ចឹមចិត្តច្រណែន ឈ្នានីស ហើយចង់បំបែកបំបាក់នៅចំណងមិត្តភាពដែកថែបរវាងចិន និងកម្ពុជា ដោយធ្វើនយោបាយបំបែកបំបាក់គ្រប់រូបភាពទាំងអស់នៅលើបណ្តាញសង្គម និងសារព័ត៌មានរបស់ពួកគេ។ នៅពេលដែលមានកិច្ចសហប្រតិបត្តិការរវាងក្រសួង ស្ថាប័ន នៃរដ្ឋាភិបាលកម្ពុជា និងរដ្ឋាភិបាលចិន ដើម្បីរួមគ្នាបន្សាបឥទ្ធិពលនៅព័ត៌មានបំបែកបំបាក់ ហើយដើម្បីឈានទៅដល់ការលុបបំបាត់ទាំងស្រុង…