ភ្នំពេញ៖ ឯកឧត្តមឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងឯកឧត្តម Derek YIP ឯកអគ្គរដ្ឋទូតវិសាមញ្ញ និងពេញសមត្ថភាព នៃប្រទេសអូស្ត្រាលី ប្រចាំព្រះរាជាណាចក្រកម្ពុជា បានប្តេជ្ញាចិត្តក្នុងការបន្តពង្រឹងកិច្ចសហប្រតិបត្តិការបន្ថែមទៀតលើវិស័យជាច្រើន ដើម្បីជំរុញភាពជាដៃគូដ៏រឹងមាំ សម្រាប់ផលប្រយោជន៍ទៅវិញទៅមកនៃប្រទេសទាំងពីរ។ ការប្តេជ្ញាចិត្កនេះ បានធ្វើឡើងក្នុងជំនួបពិភាក្សាការងារកាលពីថ្ងៃទី១ ខែវិច្ឆិកា ឆ្នាំ២០២៤ នៅទីស្តីការក្រសួង។ រដ្ឋមន្ត្រីការបរទេសកម្ពុជាបានឆ្លុះបញ្ចាំងអំពីទំនាក់ទំនងដ៏រឹងមាំ និងយូរអង្វែងរវាងព្រះរាជាណាចក្រកម្ពុជា និងអូស្ត្រាលី ដោយភាគីទាំងពីរបានបញ្ជាក់ឡើងវិញនូវភាពជាដៃគូដ៏រឹងមាំ និងការប្តេជ្ញាចិត្តរួមគ្នាចំពោះការរីកចម្រើន និងកិច្ចសហប្រតិបត្តិការទៅវិញទៅមក ដែលបានកត់សម្គាល់ទំនាក់ទំនងទ្វេភាគី ចាប់តាំងពីការបង្កើតទំនាក់ទំនងការទូត។ ឯកឧត្តមឧបនាយករដ្ឋមន្ត្រី ក៏បានសម្តែងការកោតសរសើរយ៉ាងជ្រាលជ្រៅចំពោះការគាំទ្រដ៏យូរអង្វែងរបស់អូស្ត្រាលីសម្រាប់កម្ពុជា ដោយបានរំលេចពីតួនាទី ដ៏សំខាន់របស់អូស្ត្រាលី ក្នុងនៅក្នុងវិស័យជាច្រើន ដូចជា ការកសាងសមត្ថភាព ការអភិវឌ្ឍសង្គម និងបរិវត្តកម្មឌីជីថលនៅកម្ពុជា។ ឯកឧត្តមឧបនាយករដ្ឋមន្ត្រីក៏បានចែករំលែកអំពីយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ដែលជាក្របខណ្ឌដ៏សំខាន់ ក្នុងគោលដៅអភិវឌ្ឍន៍ជាតិផងដែរ៕ដោយ៖ពលជ័យរូបភាព៖ក្រសួងការបរទេស

បណ្ឌិត ហ៊ាង គឹមស្រឿន ប្រធានគណបក្សមហាសាមគ្គីជាតិខ្មែរ បានបញ្ជាក់ថា សង្គមមួយនិយាយស្រួល តែអនុវត្តពិបាក គ្រឹះរដ្ឋទាមទារឯកភាពជាតិជាធំ សាមគ្គីភាពជាវត្ថុបំណង ដែលខ្មែរត្រូវរួមគ្នាជាធ្នុងមួយ ដើម្បីរួមគ្នាអភិវឌ្ឍន៍ប្រទេស ដោយមិនធ្លាក់ចូលមនោគមនយោបាយបរទេស ដែលជាហេតុបែកបាក់ជាតិ។ សិទ្ធិបញ្ចេញមតិឋិតក្នុងក្របខណ្ឌច្បាប់ ធ្វើយ៉ាងណាក្នុងនាមអ្នកនយោបាយរិះគន់ក្នុងន័យស្ថាបនា ជួយឃ្លាំមើល ពិនិត្យភាពកង្វះខាតគ្រប់គ្រងរបស់គណបក្សជាប់ឆ្នោត ក៏ដូចជាការអនុវត្តមន្ត្រីថ្នាក់ក្រោមជាតិ ផ្តល់មតិ លើកជាមតិជូនរដ្ឋាភិបាលជាប់ឆ្នោត ដើម្បីរកវិធីដោះស្រាយជាជំហ៊ាន។ លោកបន្តថា ធ្វើយ៉ាងណាអ្នកនយោបាយជៀសឱ្យផុតការជាន់ដានប្រវត្តិសាស្ត្រ គឺសារនយោបាយបញ្ឆេះកំហឹងយកព្រំដែនជាដើមចមបំបែកបំបាក់ជាតិ និងកុំធ្វើនយោបាយបែបកំហឹងបុគ្គល ព្រោះបុគ្គលនីមួយៗត្រូវបានគាំពារដោយច្បាប់។ ករណីរឿងហេតុធ្វើការឃោសនាញុះញង់ឱ្យប្រជាពលរដ្ឋធ្វើបដិវត្តន៍ពណ៌ដើម្បីផ្តួលរំលំរាជរដ្ឋាភិបាល គឺសកម្មភាពទាំងនេះជាការឆោតល្ងង់បំផុត ព្រោះវាជាចេតនាបំផ្លាញជាតិ បំផ្លាញខ្លួនឯង​ និងបំផ្លាញសេចក្តីសុខរបស់ប្រជាពលរដ្ឋទៅវិញទេ។ ប្រភពដដែលបន្តទៀតថា ខ្មែរធ្លាក់ទៅក្នុងសង្គ្រាមក៏ដោយសារខ្មែរគ្នាយកឈ្នះមិនលែង យកគំនុំបុគ្គលធំជាងជាតិ ធ្វើនយោបាយប្រាប់បរទេសផ្តាច់ជំនួយឱ្យប្រជាពលរដ្ឋធ្លាក់ទៅក្នុងភាពក្រីក្រ​ ដើម្បីជាឱកាសបញ្ចេញសារនយោបាយភូតពលរដ្ឋថា រដ្ឋាភិបាលជាប់ឆ្នោតគ្មានសមត្ថភាព។ នយោបាយបែបនេះដូចដដែលៗពេកហើយសម្រាប់ខ្មែរ បើឈប់បានឈប់ទៅ ព្រោះការកសាងគ្រឹះរដ្ឋមួយឱ្យដំណើរការទៅបានចាមិនងាយស្រូលទេ វាត្រូវការបំពាក់បំប៉នជំនាញនៅតាមការងារអនុវត្តនីមួយៗ និងបូករួមកំណែទម្រង់មូលធនមនុស្សទៅតាមបរិបទការងារកម្ពុជា និងពិភពលោកផងដែរ។ មេបក្សរូបនេះលើកឡើងថា ប្រវត្តិខ្មែររលាយគ្រឹះរដ្ឋគ្មានសល់ សាធារណរដ្ឋខ្មែរដណ្តើមអំណាច កម្ទេចរាជានិយម ខ្មែរក្រហមបានអំណាច​ កម្ទេចរបបសាធារណរដ្ឋខ្មែរ​ ថាតើខ្មែរព្យាយាមកម្ទេចខ្មែរដល់ណាទៀត។ បើនិយាយពីប្រវត្តិសាស្ត្រ ខ្មែរឈ្លោះគ្នាម្តង ខ្មែរស្លាប់បាត់ទឹកដីម្តង អ្នកនយោបាយល្មមឈ្វេងយល់ពីពីខ្មែរ សួរថាចង់ឱ្យខ្មែរស្លាប់ហិនហោចប៉ុន្មានជំនាន់តទៅមុខទៀត៕ដោយ៖ពលជ័យ

នាយឧត្តមសេនីយ៍ វង្ស ពិសេន អគ្គមេបញ្ជា ការនៃកងយោធពលខេមរភូមិន្ទ បានពន្យល់ពីសភាពការណ៍ថ្មីៗមួយចំនួន ដែលកើតឡើងទាំងក្នុង និងក្រៅប្រទេស ជាពិសេស ក្រុមប្រឆាំងដែលរិះរកគ្រប់ល្បិចកល បង្កើតនូវព័ត៌មានប្រឌិត ពាក់ព័ន្ធនឹងកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម ញុះញង់ឱ្យមានបាតុកម្មប្រឆាំងរដ្ឋាភិបាល ហើយប្រើប្រាស់រូបភាពបាតុកម្មទៅជាបដិវត្តន៍ពណ៌ ដើម្បីផ្តួលរំលំរដ្ឋាភិបាលស្របច្បាប់។ ការពន្យល់នេះ ក្នុងឱកាសនាំយកអាវរងា ដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត សម្តេចធិបតី ហ៊ុន ម៉ាណែត និងលោកជំទាវបណ្ឌិត ទៅចែកជូនបណ្តាបញ្ជាការដ្ឋានទ័ពជំនាញ និងបណ្តាសាលាចំណុះអគ្គបញ្ជាការដ្ឋាន នៅព្រឹកថ្ងៃទី២ ខែវិច្ឆិកា ឆ្នាំ២០២៤។ អគ្គមេបញ្ជាការ បានលើកឡើងពីយុទ្ធសាស្រ្តរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្រ្តី បច្ចុប្បន្នជាប្រធានព្រឹទ្ធសភា និងបន្តដឹកនាំដោយសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនីតិកាលទី៧ បានខិតខំកសាងខ្សែបន្ទាត់ព្រំដែនមួយច្បាស់លាស់ ជាសមិទ្ធផលប្រវត្តិសាស្ត្រមិនធ្លាប់មាន ដើម្បីទុកជាមរតកសម្រាប់ប្រជាជាតិកម្ពុជាជានិច្ចនិរន្តរ៍។ ក្នុងន័យនេះ នាយឧត្តមសេនីយ៍ អគ្គមេបញ្ជាការ បានណែនាំឱ្យមេបញ្ជាការគ្រប់ថ្នាក់ ត្រូវបង្កើនស្មារតីប្រុងប្រយ័ត្ន ពិនិត្យតាមដានសភាពការណ៍ឱ្យបានហ្មត់ចត់ និងត្រូវយកចិត្តទុកដាក់គ្រប់គ្រងកម្លាំងឱ្យបានល្អ ជំហររឹងមាំ…

ភ្នំពេញ៖ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានថ្លែងកោតសរសើរនិងអរគុណចំពោះគណៈកម្មការដឹកនាំនិងរៀបចំសម័យប្រជុំពេញអង្គលើកទី១១ នៃសភាអន្តរជាតិ ដើម្បីភាពអត់ឱននិងសន្តិភាព (IPTP) និងអនុគណៈកម្មការទទួលបន្ទុកការងារផ្សេងៗ ដែលបានត្រៀមរៀបចំការងារ សម្រេចលទ្ធផលមួយចំនួនធំ នៅក្នុងការត្រៀមរៀបចំកិច្ចប្រជុំពេញអង្គលើកទី១១ នៃសភាអន្តរជាតិដើម្បីភាពអត់ឱន និងសន្តិភាព (IPTP) ដែលសភាកម្ពុជានឹងទទួលធ្វើជាម្ចាស់ផ្ទះ នាខែវិច្ឆិកានេះ។ នៅក្នុងកិច្ចប្រជុំត្រួតពិនិត្យអំពីវឌ្ឍនភាពការងារក្នុងការត្រៀមលក្ខណៈរៀបចំ សម័យប្រជុំពេញអង្គសភាអន្តរជាតិ ដើម្បីភាពអត់ឱននិងសន្តិភាព លើកទី១១ កាលពីថ្ងៃទី១ ខែវិច្ឆិកា ឆ្នាំ២០២៤ សម្តេចរដ្ឋសភាធិបតី ឃួន សុដារី បានគូសបញ្ជាក់ថា សម័យប្រជុំពេញអង្គសភាអន្តរជាតិ ដើម្បីភាពអត់ឱននិងសន្តិភាព លើកទី១១ ជាព្រឹត្តិការណ៍អន្តរជាតិដ៏សំខាន់ ដើម្បីបង្ហាញដល់សាធារណជនជាតិ និងមិត្តអន្តរជាតិ ពីឆន្ទៈនយោបាយ និងការប្តេជ្ញាចិត្តខ្ពស់របស់កម្ពុជា ចំពោះសន្តិភាពពិភពលោក ដោយប្រើប្រាស់យន្តការ ការសន្ទនានិងការទូត ក្នុងកាលៈទេសៈ ដែលពិភពលោកកំពុងប្រឈមនឹងការផ្ទុះសង្រ្គាម ការធ្លាក់ចុះនៃសណ្តាប់ធ្នាប់សាកល និងវិបត្តិសាកលនានា។ សម្តេចប្រធានរដ្ឋសភា បានគូសបញ្ជាក់ថា “យើងត្រូវតែត្រៀមឱ្យបានល្អ ទាំងការរៀបចំទូទៅ និងទាំងខ្លឹមសារ ដើម្បីលើកកម្ពស់មុខមាត់ និងកិត្តិនាមកម្ពុជា ជាអ្នកសេ្នហាលើកតម្កើងសន្តិភាព និងជាអ្នកលើកកម្ពស់ពហុភាគីនិយម មានលក្ខណៈបើកចំហ និងបរិយាបន្ន…

ភ្នំពេញ៖ អ្នកនាំពាក្យក្រសួងយុត្តិធម៌ ឯកឧត្តម សេង ឌីណា បានមានប្រសាសន៍ថា ការបង្កើតចលនាផ្តួលរំលំរដ្ឋាភិបាល ដោយយកគំរូតាមប្រទេសបង់ក្លាដែសនេះ គឺជាផែនការដណ្តើមអំណាច តាមមធ្យោបាយក្រៅពីការបោះឆ្នោតតាមគោលការណ៍នៃលទ្ធិប្រជាធិបតេយ្យសេរីពហុបក្ស ដែលមានចែងក្នុងរដ្ឋធម្មនុញ្ញ ដែលជាច្បាប់កំពូលរបស់ជាតិ និងច្បាប់ជាធរមាននៃព្រះរាជាណាចក្រកម្ពុជា។ អំពើនេះ គឺជាបទឧក្រិដ្ឋកម្មធ្ងន់ធ្ងរ ដែលត្រូវផ្តន្ទាទោសក្រោម “បទល្មើសឧបឃាត” តាមបញ្ញត្តិមាត្រា ៤៥១ និងមាត្រា ៤៥២ នៃក្រមព្រហ្មទណ្ឌ ដោយដាក់ពន្ធនាគារ ពី ១៥ឆ្នាំ ទៅ ៣០ឆ្នាំ ហើយប្រសិនបើជនល្មើសជាអ្នករាជការសាធារណៈ ទោសសម្រាប់ “បទល្មើសឧបឃាត” នេះ ត្រូវដាក់ពន្ធនាគារអស់មួយជីវិត។ អ្នកនាំពាក្យក្រសួងយុត្តិធម៌បានបញ្ជាក់ទៀតថា ចំណែកបុគ្គលទាំងឡាយដែលចូលរួមក្នុងគម្រោងនេះ ត្រូវជាប់ទោសពី “បទល្មើសរួមគំនិតក្បត់” ដែលជាបទឧក្រិដ្ឋមានចែង និងផ្តន្ទាទោសតាមបញ្ញត្តិមាត្រា ៤៥២ នៃក្រមព្រហ្មទណ្ឌ ដោយដាក់ពន្ធនាគារពី ៥ឆ្នាំ ទៅ ១០ឆ្នាំ ហើយទោសនេះ ត្រូវបន្ថែមស្ថានទម្ងន់ទោសដាក់ពន្ធនាគារពី ១០ឆ្នាំ ទៅ ២០ឆ្នាំ ប្រសិនបើជនល្មើស គឺជាអ្នករាជការសាធារណៈ។ ជាមួយនឹងករណីនេះដែរ កាលពីថ្ងៃទី៣០ ខែតុលា សម្ព័ន្ធភាពបណ្តុំសមាគមអង្គការសង្គមស៊ីវិលបានចេញសេចក្តីថ្លែងការណ៍…

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសរសេរលើបណ្តាញសង្គមតេឡក្រាមថា កាលពីថ្ងៃទី២២ ខែសីហា ឆ្នាំ២០២៤ កន្លងទៅ សម្តេចបានប្រកាសបង្កើត “មូលនិធិកសាងហេដ្ឋារចនាសម្ព័ន្ធតាមព្រំដែនដោយផ្តោតលើការកសាងផ្លូវក្រវាត់ព្រំដែន” ហើយចាប់ពីថ្ងៃទី ២៦ សីហា ២០២៤ មក ក្រុមការងារមូលនិធិបានចាប់ផ្តើមទទួលការបរិច្ចាគថវិកាដោយស្ម័គ្រចិត្តពីជនរួមជាតិខ្មែរគ្រប់ទិសទីទាំងក្នុង និងក្រៅប្រទេស។ សម្តេចធិបតីនាយករដ្ឋមន្ត្រីបានបញ្ជាក់ថា ចលនានៃការបរិច្ចាគថវិកាក្នុង “មូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្ដោតលើការកសាងផ្លូវក្រវាត់ព្រំដែន” ត្រូវបិទបញ្ចប់នៅថ្ងៃទី៣១ ខែតុលា ឆ្នាំ២០២៤ នេះ ដោយមានការចូលរួមយ៉ាងច្រើនកុះករពីសំណាក់ប្រជាពលរដ្ឋខ្មែរគ្រប់មជ្ឈដ្ឋានទាំងក្នុង និងក្រៅប្រទេសចំនួន៧២០.១០៥ អង្គ/នាក់ ដែលបានចូលរួមបរិច្ចាគ និងទទួលបានថវិកាសរុបចំនួន ៣២.៩៥២.៤៤២.០៤៤ រៀល និងប្រាក់ដុល្លាអាមេរិកសរុបចំនួន ១៨.៧២៩.៩៩៨ ដុល្លាអាមេរិក (គិតជាទឹកប្រាក់ដុល្លារអាមេរិកប្រមាណ ២៦.៩៦៧.៦០៩ ដុល្លាអាមេរិក)។ សម្តេចធិបតីបានបន្តថា វិភាគទានស្ម័គ្រចិត្តដែលទទួលបាននេះ នឹងត្រូវយកទៅប្រើប្រាស់ក្នុងការកសាងផ្លូវក្រវាត់ព្រំដែន។ ដើម្បីធានាការគ្រប់គ្រង ប្រើប្រាស់ថវិការបានត្រឹមត្រូវ តម្លាភាព និងចំគោលដៅ ខ្ញុំបានសម្រេចបង្កើតក្រុមការងារចំពោះកិច្ច ដើម្បីគ្រប់គ្រងមូលនិធិកសាងហេដ្ឋារចនាសម័្ពន្ធតាមព្រំដែន ដោយផ្ដោតលើការកសាងផ្លូវក្រវាត់ព្រំដែន ដែលដឹកនាំដោយឯកឧត្តម នាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី…

ភ្នំពេញ៖ ឯកឧត្តម Xi Jinping អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិន បានបញ្ជាក់ថា ចិននិងកម្ពុជាជាមិត្តដែកថែប និងសហគមន៍ជោគវាសនារួម។ ប៉ុន្មានឆ្នាំចុងក្រោយនេះ ឯកឧត្តម និងសម្តេចតេជោ ហ៊ុន សែន បានជួបពិភាក្សាការងារច្រើនលើក និងរក្សាការប្រាស្រ័យទាក់ទងគ្នាតាមរយៈទម្រង់ច្រើន បានកុងសង់ស៊ីសគ្នាសំខាន់មួយចំនួន ដែលបានជំរុញយ៉ាងខ្លាំងនូវការរីកចម្រើនទំនាក់ទំនងទ្វេភាគី។ នេះបើយោងតាមសារលិខិតថ្លែងអំណរគុណរបស់ឯកឧត្តម Xi Jinping ផ្ញើជូនសម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ក្នុងឱកាសខួបលើកទី៧៥ នៃការបង្កើតសាធារណរដ្ឋប្រជាមានិតចិន កាលពីថ្ងៃទី២៦ កញ្ញា ឆ្នាំ២០២៤ កន្លងទៅនេះ។ នៅក្នុងលិខិតថ្លែងអំណរគុណរបស់ឯកឧត្តម Xi Jinping បានជម្រាបជូនសម្តេចតេជោ ហ៊ុន សែន មានខ្លឹមសារថា ក្នុងឱកាសខួបលើកទី៧៥ នៃការបង្កើតសាធារណរដ្ឋប្រជាមានិតចិន សម្តេចប្រធានបានផ្ញើជូនលិខិតអបអរសាទរប្រកបដោយភាពកក់ក្តៅដែលបានបង្ហាញពីមត្តិភាពចំពោះប្រទេសចិន និងឆន្ទៈពិត ប្រាកដក្នុងការអភិវឌ្ឍទំនាក់ទំនងជាមួយប្រទេសចិន របស់សម្តេចប្រធាន និងគណបក្សប្រជាជនកម្ពុជា។ ក្នុងនាមគណបក្សនិងប្រជាជនចិន និងក្នុងនាមខ្លួនខ្ញុំផ្ទាល់ សូមថ្លែងអំណរគុណយ៉ាងជ្រាលជ្រៅ។ ឯកឧត្តម Xi Jinping បានបញ្ជាក់ថា ចិននិងកម្ពុជាជាមិត្តដែកថែប និងសហគមន៍ជោគវាសនារួម។ ប៉ុន្មានឆ្នាំចុងក្រោយនេះ…

លោក Kim Han-Gil ប្រធានគណៈកម្មាធិការរួបរួមជាតិ នៃការិយាល័យប្រធានាធិបតីសាធារណរដ្ឋកូរ៉េ បានសម្ដែងការកោតសរសើរការអភិវឌ្ឍដ៏ឆាប់រហ័សលើគ្រប់វិស័យរបស់កម្ពុជា និងបានបង្ហាញនូវសុទិដ្ឋិនិយមថា ក្រោមការដឹកនាំដ៏ឈ្លាសវៃរបស់សម្ដេចធិបតី កម្ពុជានឹងកាន់តែអភិវឌ្ឍន៍រីកចម្រើនខ្លាំងក្លាថែមទៀត។ ការកោតសរសើរនេះ ក្នុងជំនួបសម្តែងការគួរសម និងពិភាក្សាការងារជាមួយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជានៅវិមានសន្តិភាព នាព្រឹកថ្ងៃទី៣១ ខែតុលា ឆ្នាំ២០២៤។ ជាមួយគ្នានោះលោក Kim Han-Gil បានសម្ដែងនូវការរីករាយចំពោះទំនាក់ទំនងដ៏ល្អប្រសើររវាងប្រទេសទាំងពីរ និងបានវាយតម្លៃខ្ពស់ចំពោះការរួមចំណែករបស់ពលករកម្ពុជានៅកូរ៉េ ក្នុងការជំរុញកំណើនសេដ្ឋកិច្ច ព្រមទាំងបានលើកឡើងថា រដ្ឋាភិបាលកូរ៉េចាត់ទុកថាពលករបរទេស រួមទាំងពលករកម្ពុជានៅកូរ៉េ គឺជាដៃគូសំខាន់ក្នុងការជំរុញកំណើន និងការអភិវឌ្ឍសេដ្ឋកិច្ចកូរ៉េ។ ជាការឆ្លើយតប សម្ដេចធិបតី បានសម្ដែងនូវការពេញចិត្តចំពោះការរីកចម្រើននៃទំនាក់ទំនងការទូតរវាងប្រទេសទាំងពីរដែលបានដំឡើងកម្រិតទំនាក់ទំនងដល់ “ភាពជាដៃគូយុទ្ធសាស្ត្រ” កាលពីខែឧសភា ឆ្នាំ២០២៤​ ដែលការណ៍នេះកាន់តែជំរុញកិច្ចសហប្រតិបត្តិការកម្ពុជា-កូរ៉េឱ្យកាន់តែរឹងមាំថែមទៀត។ សម្ដេចធិបតីក៏បានថ្លែងអំណរគុណចំពោះរដ្ឋាភិបាល និងប្រជាជនកូរ៉េដែលតែងតែបានជួយដល់ការកសាង និងអភិវឌ្ឍន៍កម្ពុជា តាមរយ:ការកសាងហេដ្ឋារចនាសម្ព័ន្ធ និងការបណ្ដាក់ទុនវិនិយោគលើវិស័យអចលនទ្រព្យ ធនាគារ កសិកម្ម កម្មន្តសាល និងឧស្សាហកម្ម ជាដើម។ សម្ដេចធិបតីវាយតម្លៃខ្ពស់ ចំពោះរដ្ឋាភិបាលកូរ៉េដែលបាន​ផ្តល់ការគាំពារ​ដល់ពលករកម្ពុជា​ ដែលកំពុងធ្វើការនៅប្រទេសកូរ៉េ។ មុននឹងបញ្ចប់ សម្តេចធិបតី ក៏បានលើកទឹកចិត្តឱ្យលោក Kim Han-Gil បន្តកិច្ចសហការដ៏ល្អ…

នៅព្រឹកថ្ងៃព្រហស្បតិ៍​ ១៤រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែតុលា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បាននិងកំពុងអញ្ជើញដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា នៅវិមានព្រឹទ្ធសភា។ របៀបវារៈនៃកិច្ចប្រជុំមានដូចខាងក្រោម៖១- ពិនិត្យ និងសម្រេចលើរបាយការណ៍សង្ខេបស្តីពីលទ្ធផល និងសកម្មភាពការងាររបស់ព្រឹទ្ធសភានៅចន្លោះសម័យប្រជុំលើកទី១ និងលើកទី២ នីតិកាលទី៥។២- កំណត់កាលបរិច្ឆេទ របៀបវារៈ និងសមាសភាពលេខាធិការសម័យប្រជុំព្រឹទ្ធសភា លើកទី២ នីតិកាលទី៥។៣-ផ្សេងៗ៕ដោយ៖ពលជ័យរូបភាព៖ព្រឹទ្ធសភា