-
មេដឹកនាំគណបក្សខ្មែររួបរួមជាតិ កោតសរសើរវិធានការរបស់រាជរដ្ឋាភិបាលក្នុងការទប់ស្កាត់ការឆ្លងរីករាលដាលនៃជំងឺកូវីដ១៩
ភ្នំពេញៈ លោក ញឹក ប៊ុនឆៃ ប្រធានគណបក្សខ្មែររួបរួមជាតិបានកោតសរសើរ និងគាំទ្រចំពោះការចាត់វិធានការរបស់រាជរដ្ឋាភិបាលក្នុងការបិទខ្ទប់រាជធានីភ្នំពេញ និងតាមបណ្តាខេត្តមួយចំនួន ដើម្បីទប់ស្កាត់កុំឲ្យមានការឆ្លងរីករាលដាល នៃជំងឺកូវីដ១៩។ វិធានការនេះ គឺជាការត្រឹមត្រូវ។ លោក ញឹក ប៊ុនឆៃ បានបញ្ជាក់ប្រាប់ AMSនៅថ្ងៃទី១៧ខែឧសភានេះថា ជារួមលោកគាំទ្រក្នុងការចាត់វិធានការរបស់រាជរដ្ឋាភិបាលដើម្បីទប់ស្កាត់ការឆ្លងរាលដាលនៃជំងឺកូវីដ១៩ ហើយបើបណ្តែតបណ្តោយឱ្យអ្នកដែលនៅតំបន់ក្រហមដែលមានជំងឺកូវីដ១៩ ចេញដើរពីកន្លែងមួយទៅកន្លែងមួយ ធ្វើឱ្យការឆ្លងរីករាលដាលកាន់តែច្រើនឡើងៗ ព្រោះសូម្បីតែមានការបិទខ្ទប់ក៏ការឆ្លងរាលដាលនៅតែមានច្រើន។ លោក ញឹក ប៊ុនឆៃ បានបញ្ជាក់ថា “ដោយសាររាជរដ្ឋាភិបាលមានវិធានការទាន់ពេលវេលាបានធ្វើឱ្យការឆ្លងរាលដាល ជំងឺកូវីដ១៩ ក៏វាមានកម្រិតមួយមិនមានការឆ្លងរាលដាលខ្លាំង ដោយសារតែមានវិធានការក្នុងការទប់ស្កាត់ ហើយរាជរដ្ឋាភិបាលអនុវត្តគោលការណ៍នេះ គឺបានល្អក្នុងការទប់ស្កាត់ការឆ្លងរាលដាលជំងឺកូវីដ១៩”។ លោកបានបន្តថា នៅក្នុងដំណាក់កាលនៃការឆ្លងរាលត្បាតជំងឺកូវីដ១៩ គណបក្សខ្មែររួបរួមជាតិក៏បានចូលរួមចំណែកជាមួយរដ្ឋាភិបាលក្នុងការ ជួយចែកស្បៀងដល់ប្រជាពលរដ្ឋដែលជួយការលំបាកទៅតាមលទ្ធភាពដែលមាន។ ក្នុងនោះលោកបានចុះចែកស្បៀងដល់បុគ្គលិកមន្ទីរពេទ្យបង្អែក និងប្រជាពលរដ្ឋនៅប៉ោយប៉ែត ខេត្តបន្ទាយមានជ័យ ,នៅមន្ទីរពេទ្យពោធិ៍ពីរ (មន្ទីរពេទ្យយោធភូមិភាគ៤) ចែកជូនបុគ្គលិកមន្ទីរពេទ្យ និងអ្នកដែលសម្រាកនៅមន្ទីរពេទ្យ, ចែកស្បៀងដល់ប្រជាពលរដ្ឋខ្វះខាតចំនួន១៧០គ្រួសារ នៅភូមិបាក់ខែក សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ, ចែកស្បៀងដល់កម្មករ នៅឃុំក្រាំងល្វា ស្រុកឧត្តុង្គ ខេត្តកំពង់ស្ពឺ ជាដើម៕ដោយៈពលជ័យ
-
កិច្ចសន្ទនាសន្តិសុខចតុភាគី (QUAD) និងការប្រកួតប្រជែងរវាងប្រទេសមហាអំណាច
កិច្ចសន្ទនាចតុភាគី (The QUAD) នេះ គឺជាសម្ព័ន្ធភាពយុទ្ធសាស្ត្រដែលមានប្រទេសចំនួន 0៤ ជាសមាជិក ក្នុងនោះរួមមាន សហរដ្ឋអាមេរិក ជប៉ុន ឥណ្ឌា និងអូស្រ្តាលី។ The QUAD ១.០ និង The QUAD ២.០ នេះ គោលបំណងរបស់គាត់គឺមានភាពស្រដៀងគ្នាច្រើន តែខុសត្រង់ថា The QUAD ២.០ គឺផ្តោតសំខាន់ចម្បងទៅលើថា តើប្រទេសទាំង ០៤ នេះ ត្រូវធ្វើយ៉ាងណាដើម្បីឆ្លើយតបទៅនឹងឥទ្ធិពលរបស់ចិន។ នៅក្នុងកិច្ចសម្ភាសន៍នេះ លោក បោង ច័ន្ទសម្បត្តិ បានលើកឡើងថា The QUAD Vaccine Partnership គឺមានមហិច្ឆតាក្នុងផលិត ចែកចាយ និងបរិច្ចាក វ៉ាក់សាំងកូវីដ-១៩ យ៉ាងហោចណាស់ ១ពាន់លានដូស ទៅដល់បណ្តាលប្រទេសទាំងអស់នៅក្នុងតំបន់ឥណ្ឌូ-ប៉ាស៊ីហិ្វក រួមទាំងកម្ពុជាផងដែរ។ លោកក៏បានធ្វើការគូសបញ្ជាក់អំពីវិស័យមិនមែនសន្តិសុខ ០៤ ដែលជាបញ្ហាប្រឈមថ្មីរវាងការប្រកួតប្រជែងរវាងមហាអំណាចចិន និងមហាអំណាចសហរដ្ឋអាមេរិក រួមមានវិស័យបច្ចេកវិទ្យាហេដ្ឋារចនាសម្ព័ន្ធ បម្រែបម្រួលអាកាសធាតុ និង ខ្សែសង្វាក់ផ្គត់ផ្គង់សាកល…
-
អតីតអនុប្រធាននៃអតីតគណបក្សសង្គ្រោះជាតិ និងមេធាវីលោក កឹម សុខា ស្នើសុំសិទ្ធិធ្វើនយោបាយឡើងវិញ
ភ្នំពេញៈ អតីតអនុប្រធាននៃអតីតគណបក្សសង្គ្រោះជាតិ លោក ប៉ុល ហំម រួមទាំងលោក ផាន់ ច័ន្ទស័ក្តិ មេធាវីការពារ លោកកឹម សុខា បានដាក់ពាក្យស្នើសុំសិទ្ធិធ្វើនយោបាយឡើងវិញទៅក្រសួងមហាផ្ទៃនៅថ្ងៃទី១៧ ខែឧសភា ឆ្នាំ២០២១ នេះ។ មន្ត្រីជាន់ខ្ពស់ក្រសួងមហាផ្ទៃបានប្រាប់ AMS នៅព្រឹកថ្ងៃទី១៧ ខែឧសភានេះថា លោក ប៉ុល ហំម លោក ផាន់ ច័ន្ទស័ក្តិ បានដាក់ពាក្យមកក្រសួងមហាផ្ទៃស្នើសុំសិទ្ធិធ្វើនយោបាយឡើងវិញ ប៉ុន្តែដោយសារខុសបច្ចេកទេស និងមិនទាន់មានឯកសារគ្រប់គ្រាន់ ហើយខាងក្រសួងបានឱ្យគាត់យកពាក្យស្នើសុំទៅបំពេញឡើងវិញ និងភ្ជាប់ជាមួយឯកសារមួយចំនួន។ ចំណែកលោក ប៉ុល ហំម អតីតអនុប្រធាន នៃអតីតគណបក្សសង្គ្រោះជាតិសុំមិនធ្វើអត្ថាធិប្បាយទេចំពោះការស្នើសុំសិទ្ធិធ្វើនយោបាយឡើងវិញនេះ។ រីឯលោក ផាន់ ច័ន្ទស័ក្តិ មេធាវីការពារលោកកឹម សុខាមិនអាចសុំការអត្ថាធិប្បាយបានទេ។ គួរបញ្ជាក់ថា រហូតមកដល់ពេលនេះ អតីតមន្ត្រីជាន់ខ្ពស់នៃអតីតគណបក្សសង្គ្រោះជាតិ ចំនួន២១រូប ដែលត្រូវបានព្រះមហាក្សត្រចេញព្រះរាជក្រឹត្យត្រាស់បង្គាប់ផ្តល់នីតិសម្បទាឡើងវិញដែលត្រូវបានហាមឃាត់មិនឲ្យធ្វើសកម្មភាពនយោបាយសម្រាប់រយៈពេល៥ឆ្នាំ តាមអំណាចសាលដីកាចុះថ្ងៃទី១៦ ខែវិច្ឆិកា ឆ្នាំ២០១៧ របស់តុលាការកំពូល៕ដោយៈ ពលជ័យ
-
សម្តេចក្រឡាហោម ស ខេង ៖កងកម្លាំងនគរបាលជាតិបានកសាងនូវស្នាដៃធំៗជាច្រើនជូនសង្គមជាតិក្នុងការទប់ស្កាត់ និងបន្សាបឥទ្ធិពលនៃឧបាយកលបដិវត្តន៍ពណ៌ និងការអនុវត្តផែនការទុច្ចរិតគ្រប់រូបភាព
ភ្នំពេញៈ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថាកងកម្លាំងនគរបាលជាតិ បានប្រកៀកស្មាជាមួយកងយោធពលខេមរភូមិន្ទ ការពារបូរណភាពទឹកដី រក្សាបាននូវព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ ព្រមទាំងបានដាក់ចេញនូវវិធានការប្រកបដោយប្រសិទ្ធភាពក្នុងការទប់ស្កាត់អំពើ ភេរវកម្ម និងឧក្រិដ្ឋកម្មឆ្លងដែនគ្រប់ប្រភេទ។កងកម្លាំងនគរបាលជាតិបានកសាងនូវស្នាដៃធំៗជាច្រើនជូនសង្គមជាតិ ក្នុងការទប់ស្កាត់ និងបន្សាបឥទ្ធិពលនៃឧបាយកលបដិវត្តន៍ពណ៌ និងការអនុវត្តផែនការទុច្ចរិតគ្រប់រូបភាព។ សម្តេចក្រឡាហោម ស ខេង បានបញ្ជាក់ដូច្នេះនៅក្នុងសារលិខិតជូនពរផ្ញើជូនកងកម្លាំងនគរបាលជាតិ ក្នុងទិវារំឭកខួបអនុស្សាវរីយ៍លើកទី ៧៦ ថ្ងៃកំណើតនគរបាលជាតិ នៅថ្ងៃទី១៦ ខែឧសភា ឆ្នាំ២០២១។ សម្តេចក្រឡាហោមថ្លែងនៅក្នុងសារជូនពរនេះថា រយៈពេលពេញ ១ឆ្នាំកន្លងទៅនេះកងកម្លាំងនគរបាលជាតិបាន ប្រកៀកស្មាជាមួយកងយោធពល ខេមរភូមិន្ទ ការពារបូរណភាពទឹកដី រក្សាបាននូវព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ ព្រមទាំងបានដាក់ចេញនូវវិធានការប្រកបដោយប្រសិទ្ធភាពក្នុងការទប់ស្កាត់អំពើ ភេរវកម្មនិងឧក្រិដ្ឋកម្មឆ្លងដែនគ្រប់ប្រភេទស្របពេលដែលប្រតិបត្តិការបង្ក្រាបបទល្មើសដែលមានឥទ្ធិពលដល់ចិត្តសាស្ត្រសង្គម ដូចជា លួច ឆក់ ប្លន់ រំលោភ និងការប្រើប្រាស់អាវុធខុសច្បាប់ទទួលបានលទ្ធផលខ្ពស់គួរឲ្យកត់សម្គាល់។ ទន្ទឹមគ្នានេះ យុទ្ធនាការប្រយុទ្ធប្រឆាំងគ្រឿងញៀនខុសច្បាប់ ការពង្រឹងអនុវត្តច្បាប់ចរាចរណ៍ផ្លូវគោក អំពើជួញដូរ មនុស្ស ពិសេសស្ត្រី និងកុមារ ការអនុវត្តច្បាប់អន្តោប្រវេសន៍ ការបម្រើសេវាចាំបាច់នានាសម្រួលដល់ជីវភាពរស់នៅ…
-
សម្តេចតេជោបានរំលឹកដល់នគរបាលជាតិ រក្សាឲ្យបាននូវស្ថិរភាព សន្តិសុខ ទប់ស្កាត់និងបង្ក្រាបឲ្យបានទាន់ពេលវេលានូវរាល់ឧបាយកលសកម្មភាពរបស់ក្រុមឧទ្ទាមក្បត់ជាតិនិងបក្ខពួក
ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាទន្ទឹមនឹងកោតសរសើរក៏ បានដាស់តឿនដល់កងកម្លាំងនគរបាលជាតិឱ្យបន្តបំពេញកាតព្វកិច្ចក្នុងនាមជាកម្លាំងស្នូល ដោយរក្សាឲ្យបាននូវស្ថិរភាព សន្តិសុខ ទប់ស្កាត់ និង បង្ក្រាបឲ្យបានទាន់ពេលវេលានូវរាល់ឧបាយកលសកម្មភាពរបស់ក្រុមឧទ្ទាមក្បត់ជាតិនិងបក្ខពួកដោយមិនឲ្យពួកឧទ្ទាមសម្រេចផែនការទុច្ចរិត របស់ពួកគេជាដាច់ខាត។ ការលើកឡើងនេះបានបង្ហាញនៅក្នុងសារលិខិតចំនួនបួនទំព័ររបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជាក្នុងទិវារំឮកខួបអនុស្សារីយ៍លើកទី៧៦១៦ ឧសភា ១៩៤៥ – ១៦ ឧសភា ២០២១) ថ្ងៃកំណើតនគរបាលជាតិ។ សម្តេចតេជោបានបញ្ជាក់នៅក្នុងសារលិខិតថាឆ្នាំ២០២១ និងឆ្នាំ២០២២ ខាងមុខនេះស្របពេលដែលសង្គ្រាមប្រឆាំងជំងឺកូវីដ-១៩ នៅតែបន្តនិងពុំអាចកំណត់ពេលវេលាបញ្ចប់បានច្បាស់លាស់នោះ សភាពការណ៍សន្តិសុខសកលលោកក៏នៅតែបន្តប្រែប្រួលស្មុគស្មាញពោរពេញដោយគ្រោះថ្នាក់ហើយនឹងជះឥទ្ធិពលជាអវិជ្ជមានដល់បរិយាកាសសន្តិសុខនៅ កម្ពុជាយើងជាក់ជាមិនខានឡើយ ។ សម្តេចតេជោបានទាញការចាប់អារម្មណ៍ដល់កងកម្លាំងនគរបាលជាតិថា “ក្នុងខណៈពេលដូចគ្នានេះដែរព្រះរាជាណាចក្រ កម្ពុជានឹងត្រូវត្រៀមលក្ខណៈសម្បត្តិរៀបចំដំណើរការបោះឆ្នោតជ្រើសរើស ក្រុមប្រឹក្សាឃុំ-សង្កាត់អាណត្តិទី៥ឆ្នាំ ២០២២ ដែលជាគោលដៅនៃការប៉ុនប៉ងវាយប្រហាររបស់ក្រុមឧទ្ទាមក្បត់ជាតិដើម្បីបំផ្លាញកិច្ចដំណើរការនៃព្រឹត្តិការណ៍នយោបាយដ៏សំខាន់នេះ ។ ដូចនេះស្ថានការណ៍នាពេលខាងមុខទោះបីតិចឬច្រើន ផ្ទាល់ឬប្រយោល សុទ្ធតែមានផលប៉ះពាល់ដល់សន្តិសុខផ្ទៃក្នុងយ៉ាងពិតប្រាកដ ដែលបញ្ហាទាំងអស់នេះតម្រូវឲ្យកងកម្លាំងនគរបាលជាតិបន្តពង្រឹងស្មារតីប្តេជ្ញាចិត្តខ្ពស់បំពេញកាតព្វកិច្ចក្នុងនាមជាកម្លាំងស្នូល រក្សាឲ្យបាននូវស្ថិរភាព សន្តិសុខ ទប់ស្កាត់និងបង្ក្រាបឲ្យបានទាន់ពេលវេលានូវរាល់ឧបាយកលសកម្មភាពរបស់ក្រុមឧទ្ទាមក្បត់ជាតិនិងបក្ខពួកដោយមិនឲ្យពួកគេសម្រេចផែនការទុច្ចរិតទាំងនេះបានជាដាច់ខាត”។ សម្តេចតេជោបានបន្តថាទន្ទឹមគ្នានេះដែរការគំរាមកំហែងដោយអំពើភេរវកម្មអន្តរជាតិ ការរីករាលដាលនៃឧក្រិដ្ឋកម្ម ឆ្លងដែនការបន្តកើតឡើងនូវបទល្មើសព្រហ្មទណ្ឌ បទល្មើសគ្រឿងញៀន អំពើជួញដូរមនុស្ស ពិសេសស្ត្រីនិងកុមារ បទល្មើសបច្ចេកវិទ្យា ការនាំចូលចរាចរណ៍ឱសថ និង ផលិតផលក្លែងក្លាយខូចគុណភាព អំពើហិង្សាក្នុងគ្រួសារ សកម្មភាពក្មេងទំនើង។ល។នៅតែជាប្រធានបទស្មុគស្មាញដែលត្រូវតែបន្តខិតខំរិះរកវិធានការគន្លឹះដោះស្រាយឆ្លើយតបប្រកបដោយប្រសិទ្ធភាពខ្ពស់ដើម្បីធ្វើឲ្យវិស័យសន្តិសុខសណ្តាប់ធ្នាប់សាធារណៈក្លាយជាសសរស្តម្ភដ៏រឹងមាំបម្រើឲ្យការអភិវឌ្ឍប្រទេសជាតិលើគ្រប់វិស័យ។…
-
គ.ជ.ប ត្រូវបានអញ្ជើញឱ្យចូលរួមក្នុងវេទិកាអន្តរជាតិក្រុងសេអ៊ូលសម្រាប់ការបោះឆ្នោតនៅឆ្នាំ២០២១ ក្នុងបរិបទកូវីដ-១៩
ភ្នំពេញៈ គណៈកម្មាធិការជាតិរៀបចំការបោះឆ្នោត (គ.ជ.ប) នៃព្រះរាជាណាចក្រកម្ពុជាដែលជាសមាជិកមួយ នៃសមាគមស្ថាប័នបោះឆ្នោតពិភពលោក (A-WEB) ក្នុងចំណោមសមាជិកសរុប ១១៤ មកពី ១០៦ ប្រទេស ទទួលបានការអញ្ជើញពីលេខាធិការដ្ឋាន A-WEB ឱ្យចូលរួមក្នុងវេទិកាអន្តរជាតិក្រុងសេអ៊ូល លើកទី៧ ដែលរៀបចំដោយ គ.ជ.ប នៃសាធារណរដ្ឋកូរ៉េតាមប្រព័ន្ធអនឡាញ (Online) កាលពីរសៀលថ្ងៃទី១៣ ខែឧសភា ឆ្នាំ២០២១។ លោក ស៊ិក ប៊ុនហុក ប្រធាន គ.ជ.ប បានចាត់តាំងក្រុមការងារជាច្រើនរូបនៃអគ្គលេខាធិការដ្ឋាន គ.ជ.បដឹកនាំដោយ លោក ឌឹម សុវណ្ណារុំ សមាជិក និងជាអ្នកនាំពាក្យ គ.ជ.ប ឱ្យចូលរួមក្នុងវេទិកាអន្តរជាតិក្រុងសេអ៊ូល នេះដើម្បីដក ស្រង់មេរៀន និងបទពិសោធន៍សម្រាប់ត្រៀមរៀបចំការបោះឆ្នោតនាពេលខាងមុខនៅកម្ពុជាក្នុងបរិបទកូវីដ-១៩។ វេទិកាអន្តរជាតិនេះ ផ្ដោតសំខាន់លើប្រធានបទចំនួន ២ គឺ៖១. វិបត្តិលទ្ធិប្រជាធិបតេយ្យ និងការកសាងទំនុកចិត្តក្នុងការបោះឆ្នោត២. តួនាទី និងទំនួលខុសត្រូវរបស់ប្រព័ន្ធផ្សព្វផ្សាយសង្គមក្នុងការបោះឆ្នោត វាគ្មិនជំនាញៗមកពីអង្គការមូលនិធិអន្តរជាតិសម្រាប់ប្រព័ន្ធបោះឆ្នោត (IFES)គណៈកម្មការរៀបចំការបោះឆ្នោត នានា អង្គការ MEMO ៩៨ (អង្គការឃ្លាំមើលប្រព័ន្ធផ្សព្វផ្សាយព័ត៌មាន) អ្នកជំនាញតាមប្រព័ន្ធ…
-
សម្តេចតេជោ ហ៊ុន សែន បញ្ជាឱ្យក្រុមមេធាវីការពារក្តីជូនកញ្ញា មាន ពេជ្ររីតា ឱ្យដល់ទីបញ្ចប់
ភ្នំពេញ: សម្តេចតេជោ ហ៊ុនសែន នាយករដ្ឋមន្រ្តីនៃកម្ពុជបានចេញបញ្ជាឱ្យក្រុមមេធាវីស្ម័គ្រចិត្តរបស់សម្តេចចេញ ការពារក្តី និងស្វែងរកយុត្តិធម៌ដល់ទីបញ្ចប់ជូន កញ្ញា មាន ពេជ្ររីតា ពិធីការិនីទូរទស្សន៍ MY TVនិងជាអតីតតារា បង្ហាញម៉ូត Miss Grand Cambodia ដែលរងការចោទប្រកាន់មួលបង្កាច់ និងបង្ខូចកេរ្តិ៍ឈ្មោះពីសំណាក់លោកឧកញ៉ា ហេង សៀ។ លោកឧកញ៉ា ហេង សៀ បានបញ្ចេញព័ត៌មានជាបន្តបន្ទាប់ថា ខ្លួនមានទំនាក់ទំនងស្នេហាយ៉ាងស៊ីជម្រៅជាមួយកញ្ញា មាន ពេជ្ររីតា ។ រហូតហ៊ានប្រើពាក្យស៊ីនំឲ្យលក់ថែមទៀតផង។ ចំណែកកញ្ញា មាន ពេជ្ររីតា បានបដិសេធថា ខ្លួនមិនដែលមានទំនាក់ទំនងស្នេហាស៊ីជម្រៅជាមួយ ឧកញ៉ា ហេង សៀ នោះទេ។ កញ្ញាក៏បានច្រានចោលនូវរូបភាពអាសអាភាសដែលប្រឌិតដោយឧកញ៉ា ហេង សៀ ផងដែរ។ ការដាក់បទបញ្ជារបស់សម្តេចតេជោ ហ៊ុន សែន និងការបដិសេធរបស់កញ្ញា មាន ពេជ្ររីតាបានធ្វើឡើងបន្ទាប់ពីលោក ឧកញ៉ា ហេង សៀ បានបញ្ចេញនូវលិខិតមួយ កាលពីថ្ងៃទី១៣ ខែឧសភា ឆ្នាំ២០២១…
-
អ្នកចាក់វ៉ាក់សាំងបង្ការកូវីដ១៩ ម្ជុលទី២ លានគឺជាកម្មការិនីអាយុ២៣ឆ្នាំ
ភ្នំពេញៈនៅថ្ងៃនេះ១៤ ខែ ឧសភា ២០២១គេបានរកឃើញមនុស្សទី២លានដែលមកទទួលការចាក់វ៉ាក់សាំង បង្ការជំងឺកូវីដ១៩ ដែលបានទៅក្មួយស្រី ទិត ចិន្តា អាយុ២៣ឆ្នាំ ជាកម្មការរិនីរោងចក្រដែលនឹងទទួលបានរង្វាន់លើក ទឹកចិត្តចំនួនទឹកប្រាក់១០លានរៀលទៀត។នេះបើយោងតាមទំព័រហ្វេសប៊ុកផ្លូវរបស់សម្តេចតេជោហ៊ុន សែន នាយករដ្ឋមន្រ្តីនៃកម្ពុជានាមុននេះបន្តិច។ ផេកផ្លូវការនៅព្រឹកថ្ងៃទី១៤ខែឧសភានេះសម្តេចតេជោបានបញ្ជាក់ថា បន្ទាប់ពីការចាប់ផ្តើមចាក់វ៉ាក់សាំងថ្ងៃ១០ ខែ កុម្ភៈ ២០២១ ដែលម្ជុលទី១បានទៅ ហ៊ុន ម៉ាណែត។ថ្ងៃ១១ ខែ មេសា ២០២១យើងបានរកឃើញមនុស្សទី១លាន ដែលបានចាក់វ៉ាក់សាំងដែលបានទៅក្មួយ ប៉ាន់ សុវណ្ណរិទ្ធិ ដែលទទួលបានរង្វាន់១០លានរៀលផងដែរ។ថ្ងៃនេះ១៤ ខែ ឧសភា ២០២១ យើងរកឃើញមនុស្សទី២លាន ដែលបានទៅក្មួយស្រី ទិត ចិន្តា អាយុ ២៣ឆ្នាំ ជាកម្មការរិនីរោងចក្រដែលនឹងទទួលបានរង្វាន់លើកទឹកចិត្តចំនួនទឹកប្រាក់១០លានរៀលទៀត។ សូមក្មួយស្រី ទិត ចិតា្តទទួលយករង្វាន់ពី លោកជំទាវ ឱ វណ្ណឌីន ប្រធានគណៈកម្មការចំពោះកិច្ចលើការចាក់វ៉ាក់សាំង។ សម្តេចបន្តថា ក្នុងយុទ្ធសាស្ត្រពន្លត់ភ្លើង ល្អជាងអង្គុយបក់ផ្សែងយើងគ្មានជម្រើសណាអោយល្អជាងការខិតខំស្វែង រកវ៉ាក់សាំងចាក់ជូនប្រជាជនយើងនោះទេ។ការឆ្លងក្នុងសហគមន៍ម្តងហើយម្តងទៀតនៅស្ទើរគ្រប់ប្រទេសតម្រូវអោយយើងខិតខំរកវិធីទប់ស្កាត់ការឆ្លងនិងការបាត់បង់ជីវិតប្រជាជនយើងតាមរយៈការចាក់វ៉ាក់សាំង។ ក្នុងចំណោមប្រជាជនទាំងចាស់ទាំងក្មេង១៦លាននាក់មានប្រជាជនដែលមានអាយុ១៨ឆ្នាំឡើងដែលនឹងត្រូវចាក់វ៉ាក់សាំងតែ១០លាននាក់ប៉ុណ្ណោះដែលថ្ងៃនេះយើងចាក់បាន២លាននាក់ស្មើនឹង២០ភាគរយរួចទៅហើយ។ ការចាក់វ៉ាក់សាំងនេះយើងក៏បាននិងកំពុងអនុវត្តយុទ្ធសាស្ត្រផ្ការីកគឺចាក់ពីក្នុងចេញក្រៅគឺចាក់នៅរាជធានីភ្នំពេញដែលមានមនុស្សរស់នៅកុះករជាមុន បន្ទាប់ទៅនឹងចេញទៅបណ្តាខេត្តទៅតាមលំដាប់អាទិភាព។សូមបងប្អូនកុំបារម្ភ រាជរដ្ឋាភិបាលនឹងចាក់ជូនគ្រប់ៗគ្នាគ្រាន់តែមុននិងក្រោយប៉ុណ្ណោះ៕ដោយៈជម្ពូនុទ
-
អ្នកនាំពាក្យគណៈកម្មាធិការសិទ្ធិមនុស្សកម្ពុជា ឆ្លើយតបទៅនឹងការចោទប្រកាន់របស់សង្គមស៊ីវីល
ភ្នំពេញ : ឯកឧត្តម ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជាបានធ្វើការឆ្លើយតបទៅ នឹងការចោទប្រកាន់របស់សង្គមស៊ីវីលមួយចំនួនតូចទាក់ទងការកំណត់វ៉ាក់សាំងកាតព្វកិច្ចសម្រាប់មន្ត្រីរាជការនិងជាលក្ខខណ្ឌសម្រាប់ធ្វើជាមន្រ្តី គឺមិនមែនជាការរំលោភបំពានសិទ្ធិស្មើភាពគ្នាចំពោះមុខច្បាប់នោះទេ។ អនុប្រធាននិងជាអ្នកនាំពាក្យគណៈកម្មាធិការសិទ្ធិមនុស្សកម្ពុជាបានបញ្ជាក់ថាផ្អែកលើគោលការណ៍ច្បាប់សិទ្ធិមនុស្សជាតិ និងអន្តរជាតិ អាជ្ញាធរសាធារណៈ អាចកំណត់នូវលក្ខខណ្ឌមួយចំនួនបានក្នុងការជ្រើសរើសមន្រ្តីដូចជាលក្ខខណ្ឌ អាយុ បទពិសោធន៍ សញ្ញាបត្រ ពិរុទ្ធភាព ការចាក់វ៉ាក់សាំង ជាដើម។ល។ រួមទាំងលក្ខខណ្ឌផ្សេងទៀតផងដែរ ដែលមានភាពចាំបាច់ និងដើម្បីធានាបាននូវគុណភាព ប្រសិទ្ធិភាព និងសុវត្ថិភាពរបស់ស្ថាប័នដែលការកំណត់នេះ មិនមែនជាការរំលោភបំពានសិទ្ធិស្មើភាពគ្នាចំពោះមុខច្បាប់នោះទេ ព្រោះថា វាធ្វើឡើងដើម្បីប្រយោជន៍សាធារណៈ ហើយជាពិសេសលក្ខខណ្ឌវ៉ាក់សាំងនេះ គឺដើម្បីទប់ស្កាត់និងប្រយុទ្ធប្រឆាំងការឆ្លងរាលដាលកូវីដ-១៩មិនមែនដើម្បី ប្រយោជន៍ឯកជននោះទេ។ ប្រភពដដែលបញ្ជាក់ទៀតថា ប្រសិនបើការកំណត់លក្ខខណ្ឌវ៉ាក់សាំងកតព្វកិច្ចនេះជាការរំលោភបំពានសិទ្ធិស្មើភាព គ្នាចំពោះមុខច្បាប់ ដូចសង្គមស៊ីវីចោទប្រកាន់មែននោះ ហេតុអ្វីក៏មិនលើកពីលក្ខណ្ឌផ្សេងទៀតដូចជាអាយុ បទពិសោធន៍ និងសញ្ញាបត្រ ជាដើម។ល។ ថាជាការរំលោភបំពានសិទ្ធិស្មើភាពគ្នាចំពោះមុខច្បាប់ផងដែរទៅ ព្រោះថាអ្នកដែលមិនអាចបំពេញបានលក្ខខណ្ឌទាំងនេះ មិនអាចប្រឡងធ្វើជាមន្រ្តីបាននោះទេ។ ឯកឧត្តម ជិន ម៉ាលីន បានបន្តថា សិទ្ធិស្មើភាពគ្នាចំពោះមុខច្បាប់ មិនមែនមានន័យថាពលរដ្ឋត្រូវទទួលបាននូវលក្ខខណ្ឌ ដូចគ្នាទាំងអស់ពីរដ្ឋនៅគ្រប់ករណីនិងគ្រប់កាលៈទេសៈនោះទេ គឺអាចមានការលើកលែងហើយដែលករណី លើកលែងនេះ ធ្វើឡើងក្នុងស្ថានភាពចាំបាច់ និងដើម្បីប្រយោជន៍សាធារណៈ ដូចជាអនីតិជនមិនអាចបោះឆ្នោតបាន អ្នកធ្លាប់មានទោសពីបទឧក្រឹដ្ឋមិនត្រូវបានអនុញ្ញាតឱ្យធ្វើជាមន្រ្តីរាជការនិងលោកសង្ឃមិនអាចបង្កើតបក្សនយោបាយ បាន…
-
អ្នកវិភាគ៖ ជញ្ជីងយុត្តិធម៌ក្នុងសំណុំរឿងឧកញ៉ា ហេង សៀ និងពិធីការិនី មាន ពេជ្ររីតា ការគាំទ្រភាគីម្ខាងៗដោយមិនទាន់បានដឹងការពិត ឬការរកឃើញការពិត នឹងធ្វើឱ្យចិត្តលម្អៀងបាត់បង់លំនឹងនៃភាពយុត្តិធម៌ក្នុងចិត្ត
ចាប់តាំងពីថ្ងៃម្សិលមិញ សាធារណជនបានចាប់អារម្មណ៍ខ្លាំងលើសំណុំរឿងប្តឹងបកគ្នាទៅវិញទៅមករវាងឧកញ៉ា ហេង សៀ និងពិធីការិនី មាន ពេជ្ររីតា ក្នុងហេតុការណ៍ដែលបានកើតឡើងកាលពីថ្ងៃទី ៤ ខែឧសភា ឆ្នាំ២០២១ ដោយនៅក្នុងនោះឧកញ៉ា ហេង សៀ បានប្តឹងពិធីការិនី មាន ពេជ្ររីតា ពីបទលួចមានស្ថានទម្ងន់ទោស ចំណែកឯពិធីការិនី មាន ពេជ្ររីតា ប្តឹងឧកញ៉ា ហេង សៀ ពីបទប៉ុនប៉ងចាប់រំលោភសេពសន្ធវៈនៅក្នុងរថយន្ត។ អត្ថាធិប្បាយពិតជាមានច្រើនក្នុងចំណោមសាធារណជនដែល បានទទួលតែព៌ត័មានមួយចំនួន និងភស្តុតាងខ្លះនៃអង្គហេតុ ដែលត្រូវបានផ្សព្វផ្សាយ និងចែករំលែកតាមបណ្តាញសារព័ត៌មាន ក៏ដូចជាបណ្តាញសង្គមនានា ហើយរហូតដល់បងប្អូនបានធ្វើបុរេវិនិច្ឆ័យទៅលើអង្គ ហេតុដែលបានកើតឡើងថែមទៀត។ ក្នុងសំណុំរឿងនេះ៖ ១-បើបងប្អូនពិតជាស្រឡាញ់យុត្តិធម៌ សូមគាំទ្រការស្វែងការពិត! ការគាំទ្រភាគីម្ខាង ដោយមិនទាន់បានដឹងការពិត ឬការរកឃើញការពិត គឺនឹងធ្វើឱ្យចិត្តលម្អៀងបាត់បង់លំនឹងនៃភាពយុត្តិធម៌ក្នុងចិត្ត។ ២-អ្វីដែលបងប្អូនបានដឹងអំពីសំណុំរឿងនេះ តាមបណ្តាញសារព័ត៌មាន និងបណ្តាញសង្គម គឺគ្រាន់ផ្នែកមួយនៃអង្គហេតុប៉ុណ្ណោះ ហើយព័ត៌មានទាំងនេះ ក៏មិនទាន់អាចបញ្ជាក់បានការពិតនៅឡើយទេ។ មានតែស្ថានប័នដែលមានសមត្ថកិច្ច រួមមាន មន្រ្តីនគរបាលយុត្តិធម៌, ព្រះរាជអាជ្ញា និងស្ថាប័នតុលាការប៉ុណ្ណោះ ដែលមានភារកិច្ច និងការទទួលខុសត្រូវតាមផ្លូវច្បាប់ ដើម្បីស្រាវជ្រាវអោយបានច្បាស់លាស់ និងគ្រប់ជ្រុងជ្រោយ…