ភ្នំពេញ : អ្នកនាំពាក្យក្រសួងយុត្តិធម៌ ,ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា និងមេដឹកនាំសម្ព័ន្ធសហជីពជាតិ បានថ្កោលទោសចំពោះទណ្ឌិត សម ង្ស៊ីនិងបក្ខពួកមួយចំនួនដែលបានញុះញង់ឲ្យ ប្រជាពលរដ្ឋចេញពីក្នុងផ្ទះ ខណៈដែលរាជរដ្ឋាភិបាលបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរាលដាលជំងឺកូវីដ១៩និងការពារអាយុជីវិតប្រជាពលរដ្ឋ។កាលពីរាត្រីថ្ងៃទី២៤ខែមេសាឆ្នាំ២០២១តាមរយៈផេកហ្វេសប៊ុករបស់ខ្លួនមេឧទ្ទាមក្រៅច្បាប់បានអំពាវនាវជំរុញឱ្យប្រជាជនចាកចេញពីផ្ទះដើម្បីប្រឆាំង នឹងវិធានការបិទខ្ទប់របស់រាជរដ្ឋាភិបាលនិងអាជ្ញាធរ។ លោក ជិន ម៉ាលីន រដ្ឋលេខាធិការនិងអ្នកនាំពាក្យក្រសួងយុត្តិធម៌បានបញ្ជាក់ថាការអំពាវនាវរបស់ សម រង្ស៊ី ឲ្យ ប្រជាពលរដ្ឋបះបោរប្រឆាំងនឹងវិធានការសមត្ថកិច្ចក្នុងការប្រយុទ្ធប្រឆាំងកូវីដ១៩ នេះ គឺជាអំពើល្មើសនឹងច្បាប់ ហើយសកម្មភាពល្មើសច្បាប់នេះវាជាទម្លាប់ និងជាចរិតនយោបាយរបស់ សម រង្ស៊ី តាំងពីដើមរៀងមកហើយ ។អ្នកណាក៏ដឹងដែរថា គាត់ហ៊ានប្រើប្រាស់គ្រប់មធ្យោបាយ និងធ្វើគ្រប់សកម្មភាពទាំងអស់ទោះបីជាបំពានច្បាប់ យ៉ាងណាក៏ដោយ ។គាត់ធ្វើយ៉ាងម៉េចបំផ្លាញវិធានការរបស់រដ្ឋាភិបាលដោយមិនគិតគូរសុខទុក្ខនិងសុវត្ថិភាពរបស់ ប្រជាពលរដ្ឋនោះទេ. គឺដើម្បីតែចំណេញផលប្រយោជន៍នយោបាយរបស់បក្សខ្លួន និងក្រុមខ្លួន និងផ្ទាល់ខ្លួនតែប៉ុណ្ណោះ។ ចំណែកលោកបណ្ឌិត គិន ភា ប្រធានវិទ្យាស្ថានទំនាក់ ទំនង អន្តរជាតិ នៃរាជបណ្ឌិតសភាកម្ពុជាវិញ បានថ្លែងថា ការដែលសម រង្ស៊ី ញុះញង់ឱ្យប្រជាពលរដ្ឋចេញពីផ្ទះដើម្បីធ្វើសកម្មភាពប្រកបមុខរបរអាជីវកម្មឡើងវិញ ខណៈដែលរាជរដ្ឋាភិបាលបានបិទខ្ទប់រាជធានីភ្នំពេញ និងទីក្រុងតាខ្មៅនៃខេត្តកណ្ដាល គឺល្មើសទៅនឹងច្បាប់ទៅនិងបំរាមរបស់រាជរដ្ឋាភិបាលដែលបានកំណត់ឱ្យប្រជាពលរដ្ឋនៅក្នុងគេហដ្ឋាន ក្នុងរយៈពេលនៃការបិទខ្ទប់ ហើយវិធានការនេះ គឺដើម្បីអាយុជីវិត…

ភ្នំពេញៈ អ្នកនាំពាក្យក្រសួងព័ត៌មានបាន ឆ្លើយតបទៅនិងការលើកឡើង របស់គណៈកម្មការ អ្នកច្បាប់ អន្តរជាតិ (ICJ) និងក្រុម សង្គមស៊ីវិលក្នុងស្រុកមួយចំនួនតូច ដែលបានលើកឡើងថា អ្នកសារព័ត៌មាន និង ប្រព័ន្ធ ផ្សព្វផ្សាយ នៅ កម្ពុជាប្រឈម ការ គាបសង្កត់ កាន់តែ ខ្លាំង ឡើង អំឡុង ពេល នៃ ការ រាតត្បាត ជំងឺ កូ វីដ -១៩ គឺមិនបានឆ្លុះបញ្ចាំងអំពីស្ថានភាព ពិតប្រាកដ ក៏ដូចជា បរិយាកាសពិតប្រាកដ នៅក្នុងការអនុវត្តវិជ្ជាជីវៈ សារ ព័ត៍មាន នៅកម្ពុជាឡើយ។ លោក មាស សុភ័ណ្ឌ អ្នកនាំពាក្យក្រសួងព័ត៌មានបានមានប្រសាសន៍ថា ការលើកឡើងរបស់គណៈកម្មការ អ្នកច្បាប់ អន្តរជាតិ និងក្រុមសង្គមស៊ីវិលក្នុងស្រុកមួយចំនួនថា អ្នកសារព័ត៌មាន និងប្រព័ន្ធផ្សព្វផ្សាយ នៅ កម្ពុជាប្រឈម ការ គាបសង្កត់កាន់តែ ខ្លាំង ឡើង អំឡុង…

ភ្នំពេញ៖ កិច្ចប្រជុំកំពូលអាស៊ានក្រៅផ្លូវការនាទីស្នាក់ការថ្មីនៃលេខាធិការអាស៊ានក្នុងទីក្រុងហ្សាការតា សាធារណរដ្ឋឥណ្ឌូនេស៊ីរសៀលថ្ងៃទី២៤មេសានេះ បណ្តាមេដឹកនាំអាស៊ាន បានពិភាក្សាគ្នាយ៉ាផុសផុលទៅលើបញ្ហាតំបន់ និងអន្តរជាតិដែលជាក្តីបារម្ភរួម ជាពិសេសការវិវត្តថ្មីៗនៅក្នុងប្រទេសមីយ៉ាន់ម៉ា។ ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន បានប្រកាសជាថ្មីនៅចំពោះមុខមេដឹកនាអាស៊ានទាំងអស់ថា កម្ពុជាប្រកាន់ ខ្ជាប់គោលការណ៍មិនជ្រៀតជ្រែកកិច្ចការផ្ទៃក្នុងផងគ្នា។ ក៏ប៉ុន្តែសម្តេចតេជោ ហ៊ុន សែនបានសង្កត់ធ្ងន់ថាក្នុងនាមជាសមាជិកនៃគ្រួសារអាស៊ានកម្ពុជាត្រៀមខ្លួនជានិច្ចក្នុងការ ចូលរួមជាមួយប្រទេសអាស៊ានផ្សេងទៀតដើម្បីជួយមីយ៉ាន់ម៉ាត្រឡប់ទៅរកភាពប្រក្រីឡើងវិញក្នុងតួនាទី និងតាមទម្រង់ណាមួយដែលអាចធ្វើទៅបានអនុលាមតាមគោលការណ៍អាស៊ាន ហើយគ្រប់ភាគីទាំងអស់អាចទទួលយកបាន។ មេដឹកនាំអាស៊ានបានឈានទៅទៅសម្រេចបាននូវចំណុចរួមគួរឲ្យកត់សំគាល់អំពីជំហានដ៏មានសារៈសំខាន់ក្នុងការបន្ធូរបន្ថយភាពតានតឹងនៅក្នុងប្រទេសមីយ៉ាន់ម៉ាដើម្បីបង្កើតឡើងនូវកិច្ចសន្ទនាប្រកបដោយស្ថាបនា និងជាបណ្តើរៗឆ្ពោះទៅកាន់ដំណោះស្រាយប្រកបដោយសន្តិភាព និងការរួបរួមជាយូរអង្វែង និងត្រឡប់ទៅរកការផ្លាស់ប្តូរតាមបែបប្រជាធិបតេយ្យ និងប្រកបដោយសន្តិភាព។ ប្រមុខដឹកនាំអាស៊ានបានគូសបញ្ជាក់អំពីសារ:សំខាន់នៃតម្រូវការស្តាឡើងវិញឲ្យបានឆាប់នូវបរិយាកាសស្ថេរភាពនៅប្រទេសមីយ៉ាន់ម៉ាដើម្បីសុខុមាលភាពរបស់ ប្រជាជន។ ប្រមុខរាជរដ្ឋាភិបាលកម្ពុជាបានថ្លែងទៅកាន់មេដឹកនាំអាស៊ានថាកម្ពុជាប្រកាន់ខ្ជាប់គោលការណ៍មិនជ្រៀតជ្រែកកិច្ចការផ្ទៃក្នុងផងគ្នា។ សម្តេចបន្តថាក្នុងនាមជាគ្រួសារអាស៊ា នតែមួយកម្ពុជាបានតាមដានយ៉ាងយកចិត្តទុកដាក់អំពីស្ថានការណ៍នៅមីយ៉ាន់ម៉ាដែលកាន់តែមានសភាពស្រួចស្រាល និងស្មុគ្រស្មាញគួរឲ្យព្រួយបារម្ភ ។ ជាមួយគ្នានេះកម្ពុជា គាំទ្រសេចក្តីថ្លែងការណ៍របស់ប្រធានអាស៊ានកាលពីថ្ងៃទី១ខែកុម្ភៈ ២០២១ និងក្រោយពីកិច្ចប្រជុំរដ្ឋមន្រ្តីការបរទេសអាស៊ានថ្ងៃទី២ខែមីនា ២០២១ ដែលអំពាវនាវឲ្យគ្រប់ភាគីរក្សាការអត់ធ្មត់ចៀសវាងអំពើហិង្សា និងធ្វើការចរចារកដំណោះស្រាយដោយសន្តិវិធី។ សម្តេចតេជោមានប្រសាសន៍សង្កត់ធ្ងន់ថា«ក្នុងនាមជាសមាជិកនៃគ្រួសារអាស៊ានកម្ពុជាត្រៀមខ្លួនជានិច្ចក្នុងការចូលរួមជាមួយប្រទេសអាស៊ានផ្សេងទៀតដើម្បីជួយមីយ៉ាន់ម៉ាត្រឡប់ទៅរកភាពប្រក្រីឡើងវិញក្នុងតួនាទី និងតាមទម្រង់ណាមួយដែលអាចធ្វើទៅបានអនុលាមតាមគោលការណ៍អាស៊ានហើយគ្រប់ភាគីទាំងអស់អាចទទួលយកបាន»។ ដូចគ្នានឹងបណ្តាមេដឹកនាំអាស៊ានសម្តេចតេជោ បានថ្លែងក្នុងកិច្ចប្រជុំកំពូលអាស៊ាន ពិសេសក្រៅផ្លូវការ ដោយបានធ្វើការគូសបញ្ជាក់ថា ការរៀបចំទស្សនវិស័យសហគមន៍អាស៊ានក្រោយឆ្នាំ២០២៥។ សម្តេចវាយតម្លៃខ្ពស់ចំពោះដំណើរទៅមុខក្នុងកិច្ចប្រឹងប្រែងរៀបចំផែនទីបង្ហាញផ្លូវអនុវត្តការងារ និងការដាក់ចេញនូវលក្ខខណ្ឌប្រតិបត្តិសម្រាប់ ការចាត់តាំងក្រុមការងារជាន់ខ្ពស់ដើម្បីរៀបចំទស្សនវិស័យសហគមន៍អាស៊ានក្រោយឆ្នាំ២០២៥ ខណ:ដែលយើងបន្តខិតខំអនុវត្តន៍ឲ្យបានពេញលេញនូវទស្សនវិស័យសហគមន៍អាស៊ានឆ្នាំ២០២៥ ទោះបីមានបញ្ហាកូវីដ-១៩។ លើការរក្សាសន្តិភាពសន្តិសុខ និងវិបុលភាពតំបន់ សម្តេចតេជោ បានថ្លែងថាការរក្សាសាមគ្គីភាពនឹងបន្តពង្រឹងតួនាទីស្នូលរបស់អាស៊ានមានសារ:សំខាន់ស្លាប់រស់ ពុំនោះទេការ…

ដោយៈជម្ពូនុទ ភ្នំពេញៈ កន្លងទៅថ្មីៗនេះក្រោមឈ្មោះដែលហៅថា គណៈកម្មការអ្នកច្បាប់អន្តរជាតិ (ICJ) និងអង្គការអ្នកកាសែតគ្មានព្រំដែន (Reporter without border) បាននិយាយនិងធ្វើការតម្លៃទៅលើវិធានការរបស់រាជរដ្ឋាភិបាលអាជ្ញាធរដែនដីក្នុងការទប់ស្កាត់ការរីរាលដាលនៃជំងឺកូវីដ១៩ថា បានធ្វើឱ្យរិតត្បិតទៅលើវិស័យសារព័ត៌មាន លំហូរនៃការទទួលព័ត៌មាន និងសេរីភាពបញ្ចេញមតិ។ ការលើកឡើងនេះមើលដំបូងហាក់ដូចជាសមទំនង ព្រោះថា វិធានការបិទខ្ទប់របស់រាជរដ្ឋាភិបាល បាននិយាយដល់ការធ្វើដំណើរ និងសកម្មភាពផ្សេងៗដែលល្មើសទៅនឹងវិធានសុខាភិបាលជាដើម។ រឹតតែធ្ងន់ជាងនេះ នៅតំបន់ដែលកំណត់ថា តំបន់ក្រហមនោះ ការរឹតបន្តឹងមានលក្ខណៈកាន់តែម៉ឺងម៉ាត់ទាំងសម្រាប់ប្រជាជនរស់នៅក្នុងតំបន់ក្រហម ក៏ដូចជាអ្នកដែលត្រូវឆ្លងកាត់ទីនោះ។ ប៉ុន្តែនៅពេលពិនិត្យឱ្យស៊ីជម្រៅបន្តិចនឹងឃើញថា ការលើកឡើងនេះមិនបានឆ្លុះបញ្ចាំងពីការពិតនៃភាពជាក់ស្តែងនៅកម្ពុជាឡើយ។ តែវាមានរបៀបវារៈនយោបាយច្រើនជាង។ ច្បាស់ជាងនេះទៀត គឺពួកគេកំពុងធ្វើសម្រេចចិត្តជំនួសអ្នកកាសែតកម្ពុជា ដែលជាម្ចាស់ប្រទេសទៅវិញ។ នៅកម្ពុជានាដើមឆ្នាំ២០២០បន្ទាប់ពីការរកឃើញវិជ្ជមានកូវីដ១៩ លើបុរសជនជាតិម្នាក់នៅក្រុងព្រះសីហនុ បានក្លាយជាសញ្ញាដាស់អង្រួនថា ជំងឺរាតត្បាតដ៏កាចសាហាវបានឈានចូលមកកម្ពុជាហើយ ហើយដែលពុំអាចធ្វេសប្រហែសឡើយ។ បន្តមកព្រឹត្តិការណ៍សហគមន៍ថ្ងៃ៣វិច្ឆិកា ព្រឹត្តិការណ៍សហគមន៍២៨វិច្ឆិកា និងចុងក្រោយគឺព្រឹត្តិការណ៍សហគមន៍២០កុម្ភៈ។ ព្រឹត្តិការណ៍សហគមន៍២០កុម្ភៈ មានស្ថានភាពធ្ងន់ជាងព្រឹត្តិការណ៍មុនៗ ព្រោះចាប់ពីព្រឹត្តិការណ៍នេះដែលមានកម្រិតឆ្លងលឿន និងទំហំធំធេង។ ព្រឹត្តិការណ៍នេះ បានធ្វើឱ្យកម្ពុជាចាប់ផ្តើមមានមនុស្សស្លាប់និងកម្រិតឆ្លងថ្មីក្នុងចំនួនរាប់រយនាក់ក្នុងមួយថ្ងៃ និងមានមនុស្សស្លាប់ស្ទើររាល់ថ្ងៃដែរ។ គិតត្រឹមម៉ោង៧ព្រឹកថ្ងៃ២៣ខែមេសា កម្ពុជាមានអ្នកឆ្លងជំងឺកូវីដ១៩សរុប ៨.៨៤៨នាក់, អ្នកជាសះស្បើយ ៣.១៤៨ នាក់, អ្នកកំពុងព្យាបាល ៥.៦៣៣នាក់ និងអ្នកស្លាប់ ៦១នាក់។ ដោយសារតែស្ថានភាពកាន់តែមិនអាចបន្ធូរដៃឬខ្វះការប្រុងប្រយ័ត្នបង្ការជាមុន…