ភ្នំពេញៈ នៅព្រឹកថ្ងៃទី២៩ ខែឧសភា ឆ្នាំ២០២១នេះ សម្តេចតេជោ ហ៊ុន សែន ថ្លែងសារពិសេសប្រាប់រដ្ឋមន្រ្តីឱ្យបញ្ឈប់ការស្នើចាក់វ៉ាក់សាំងតាមវិស័យនៅខេត្តនេះបន្តិចខេត្តនោះបន្តិច ដោយកម្ពុជាត្រូវការចាក់ឱ្យពលរដ្ឋទាំងអស់ ដោយអនុវត្តតាមផែនការយុទ្ធសាស្រ្ត៕ សូមស្តាប់ប្រសាសន៍សម្តេចតេជោ ហ៊ុន សែន៖

ភ្នំពេញៈសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងគណៈប្រតិភូ កាលពីព្រឹកថ្ងៃសុក្រ ទី២៨ ខែឧសភា ឆ្នាំ២០២១នេះ បានអញ្ជើញចូលក្រាបថ្វាយបង្គំគាល់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុព្រះវររាជមាតា ជាតិខ្មែរ ព្រះប្រធានកិត្តិយសកាកបាទក្រហមកម្ពុជាដើម្បីថ្វាយព្រះពរនិងថ្វាយរបាយការណ៍ស្តីពីសមិទ្ធផលនិងវឌ្ឍនភាព សកម្មភាពការងារមនុស្សធម៌របស់កាកបាទក្រហមកម្ពុជាឆ្នាំ២០២០-២០២១ នៅព្រះបរមរាជវាំង៕ ​ក្នងឱកាសនេះសម្តេច​កិត្តិ​ព្រឹទ្ធ​បណ្ឌិត ប្រធាន​កាកបាទក្រហមកម្ពុជា បានទូល​ថ្វាយ​សុន្ទរកថា ថ្វាយព្រះពរ និង​របាយ​ការ​ណ៏​សកម្មភាព​មនុស្សធម៌ របស់​កាកបាទក្រហម​កម្ពុជា មាន​ខ្លឹមសារ​ដើម​ដ៏​ខ្ពង់ខ្ពស់​ជា អា​ទិ៍​ថាៈ សូម​ក្រាបថ្វាយបង្គំ ព្រះករុណា ព្រះមហាក្សត្រ ជា​អ​ម្ចាស់ជីវិតលើត្បូង និង​សម្តេចព្រះ​មហាក្សត្រី ព្រះវររាជ​មាតា​ជាតិខ្មែរ ព្រះប្រធាន​កិត្តិយស​កាក​បាទ​ក្រហម​កម្ពុជា ជាទី​សក្ការៈ​ដ៏​ខ្ពង់ខ្ពស់​បំផុត​! ​ខ្ញុំម្ចាស់សូម​ព្រះ​បរម​រាជានុញ្ញាត​សម្តែង​ថ្វាយ​នូវ​អំណរ​ព្រះរាជ​គុណ​ដ៏​ជ្រាលជ្រៅ​ជាទីបំផុត ថ្វាយ ព្រះករុណា ព្រះមហាក្សត្រ ជា​អ​ម្ចាស់ជីវិតលើត្បូង និង​សម្តេចព្រះ​មហាក្សត្រី ព្រះវររាជ​មាតា​ជាតិខ្មែរ ជាទី​សក្ការៈ​ដ៏​ខ្ពង់ខ្ពស់​បំផុត ដែល​បាន​ប្រោស​ព្រះរាជទាន​ខ្ញុំម្ចាស់ រួមជាមួយ​សម្តេចចៅហ្វា​វាំង គង់ សំអុល អនុប្រធាន​អចិន្ត្រៃយ៍ លោកជំទាវ…

ភ្នំពេញៈ លោក​មុត ចន្ថា អតីត​ប្រធាន​ខុទ្ទកាល័យ​លោក​កឹម សុខា ដែល​ទើប​ទទួលបាន​សិទ្ធិ​ធ្វើ​នយោបាយ​បានបង្ហាញ នូវ​ការយល់ឃើញថា ដើម្បី​ជួយ​ពលរដ្ឋ​ខ្មែរ​ឱ្យទាន់​ពេលវេលា​ក្នុង​វិបត្តិ​ចំពោះមុខ​គួរតែ​ឱ្យ​លោក យឹម សុវណ្ណ និង​លោក គី វណ្ណដា​រ៉ា បង្វែរ​ថវិកា​របស់​ទូ​រទស្ស​ន៍​ព្រះអាទិត្យ​ជាង ៧០​ម៉ឺន​ដុល្លារ ដែលជា​ថវិកា​បានមកពី​ការបរិច្ចាគ​របស់​ប្រជាពលរដ្ឋ ដើម្បី​យកមក​ជួយ​ពួកគាត់​វិញ​។​ ​ ​លោក មុត ចន្ថា បាន​សរសេរ​នៅលើ​គណនី​ហ្វេ​ស​ប៊ុ​ក​ផ្ទាល់ខ្លួន​ថា នៅ​ថ្ងៃទី​២៧ ខែមិថុនា ឆ្នាំ​២០១៥ គណបក្ស​សង្គ្រោះ ជាតិ បាន​បើក​ប្រមូល​ជំនួយ​ពី​សាធារណជន ដើម្បី​គាំទ្រ​គម្រោង​របស់​គណបក្ស​ស​ង្គ្រោះ​ជាតិ​នូវ​មូលនិធិ​បង្កើត​«​ទូរទស្សន៍ ព្រះអាទិត្យ​» ឬ “SUNTV”​។​គិត​ត្រឹម​ខែកញ្ញា​ឆ្នាំ​២០១៥​គណបក្ស​សង្គ្រោះ​ជាតិ​ប្រមូលបាន​ថវិកា​ដែល​បានមកពី​ការបរិច្ចាគ ថវិកា​ផ្ទាល់ខ្លួន​របស់​ប្រជាពលរដ្ឋ​ខ្មែរ​ជាង​៧០​ម៉ឺន​ដុល្លារ​អាមេរិក​។ នៅក្រោយ​លោក កឹម សុខា ត្រូវបាន​ចាប់ខ្លួន​និង​បន្ត​មក ទៀត​គណបក្ស​សង្គ្រោះ​ជាតិ ត្រូវ​រំលាយ​ដោយ​តុលាការ​កំពូល​នៅ​ថ្ងៃទី​១៦​ខែវិច្ឆិកា​ឆ្នាំ​២០១៧​តាម​បណ្តឹង​របស់​គណបក្ស ហ្វ៊ុនស៊ិនប៉ិច និង​គណបក្ស​យុវជន​កម្ពុជា​រួចមក ថវិកា​របស់​គណបក្ស និង​មូលនិធិ​បង្កើត​ទូរទស្សន៍​ព្រះអាទិត្យ​ត្រូវបាន​ដក ចេញពី​គណនី​ធនាគារ​ស្ងាត់បាត់​ឈឹង​។ ​លោក​បាន​បញ្ជាក់ថា មន្ត្រីជាន់ខ្ពស់​នៃ​គណបក្ស​សង្គ្រោះ​ជាតិ ០៣​រូប ដែលមាន​សិទ្ធិ​ចុះហត្ថលេខា​លើ Cheque​ដើម្បី​ដក ប្រាក់​ពី​ធនាគារ គឺ​១. លោក កឹម សុខា ប្រធាន​គណបក្ស​,…

​ភ្នំពេញៈ តប​តាម​ការអញ្ជើញ​របស់​ឯក​ឧ​ត្ត​ម មូ​ន ចេ​អ៊ី​ន ប្រធានាធិបតី​នៃ​សាធារណរដ្ឋ​កូរ៉េ សម្តេច​អគ្គមហាសេនាបតី តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នឹង​អញ្ជើញ​ចូលរួម​កិច្ចប្រជុំ​កំពូល​លើក​ទី​២​នៃ​ភាពជា​ដៃគូ សម្រាប់​ការអភិវឌ្ឍ​បៃតង និង​គោលដៅ​សកល​ឆ្នាំ​២០៣០ (P4G) ដែល​នឹង​ប្រព្រឹត្តិ​ទៅតាម​ប្រព័ន្ធ​វីដេអូ នៅ​ថ្ងៃទី ៣១ ខែឧសភា​ឆ្នាំ​២០២១​នៅ​ទីក្រុង​សេ​អ៊ូ​ល​សាធារណរដ្ឋ​កូរ៉េ​។​នេះ​បើ​យោងតាម​សេចក្តីប្រកាស​ព័​ត៍​មាន​របស់​ក្រសួងការបរទេស និង​សហប្រតិបត្តិការ​អន្តរជាតិ​នៅ​ថ្ងៃទី​២៨ ខែឧសភា ឆ្នាំ​២០២១​នេះ​។​ ក្រសួងការបរទេស និង​សហប្រតិបត្តិការ​អន្តរជាតិ​បាន​បន្តថា កិច្ចប្រជុំ​នេះ​ក្រោម​មូលបទ «​ការស្តារ​បៃតង​ឡើងវិញ​ប្រកប ដោយ​បរិ​យា​ប័ន្ន ដើម្បី​សម្រេចបាន​នូវ​អព្យាក្រឹតភាព​កាបូន​» សម្តេច​តេ​ជោ​នាយករដ្ឋមន្ត្រី​នឹង​អញ្ជើញ​ថ្លែង​សុន្ទរកថា លើ​ប្រធានបទ «​ការស្តារ​បៃតង​ឡើងវិញ​ប្រកបដោយ​បរិ​យា​ប័ន្ន​ពី​ជំងឺឆ្លង​កូ​វីដ​-១៩»​នៅក្នុង​សម័យប្រជុំ​កិច្ចសន្ទនា របស់​ថ្នាក់ដឹកនាំ​ដោយ​ផ្តោតទៅលើ​ទិដ្ឋភាព​សំខាន់ៗ​មួយចំនួន​រួមមាន​១)​ភាពចាំបាច់​ក្នុងការ​កែសម្រួល​គោលនយោបាយ​និង​ធនធាន ដើម្បី​អាច​ជម្នះ​ដោយ​ជោគជ័យ​លើ​ជំងឺ​រាតត្បាត​កូ​វីដ​-១៩​។​២)​ផលប៉ះពាល់​អវិជ្ជមាន​នៃ​ការប្រែប្រួល អាកាសធាតុ​ទៅលើ​សន្តិសុខ​និង​ការអភិវឌ្ឍ​សេដ្ឋកិច្ច​-​សង្គម​និង​៣)​សារៈសំខាន់​នៃ​ការស្តារ​បៃតង​ឡើងវិញ​សម្រាប់​ការអភិវឌ្ឍ​ប្រកបដោយ​ចីរភាព​។ សម្តេច​តេ​ជោ ក៏​នឹង​ចែករំលែក​អនុសាសន៍​ប្រកបដោយ​អត្ថន័យ​ទូលំទូលាយ និង​ប្រាកដ ដល់​កិច្ចប្រជុំ​កំពូល​ផងដែរ សម្រាប់​ការអភិវឌ្ឍ​ប្រកបដោយ​ចីរភាព និង​ភាព​ធន់ ក្រោយ​វិបត្តិ​ជំងឺ​កូ​វីដ​-១៩​។​ ​គួរ​កត់សម្គាល់ថា P4G ជា​គំនិត​ផ្តួចផ្តើម​សកល​ដែល​ត្រូវ​បានដាក់​ដំណើរ​នៅ​ឆ្នាំ​២០១៧​។ គំនិត​ផ្តួចផ្តើម​នេះ គឺជា​វេទិកា​ពហុភាគី​សម្រាប់រ​ដ្ឋា​ភិ​បាល​វិស័យ​ធុរកិច្ច​និង​អង្គការ​សង្គម​ស៊ីវិល​ធ្វើការ​រួមគ្នា​ដើម្បី​ឆ្លើយតប​ទៅនឹង​ការប្រែប្រួល​អាកាសធាតុ​និង​សម្រេចបាន​គោលដៅ​អភិវឌ្ឍ​ប្រកបដោយ​ចីរភាព​តាមរយៈ​ការ​ផ្តល់នូវ​ដំណោះស្រាយ​ប្រកបដោយ​នវានុវត្តន៍​។​កិច្ចប្រជុំ​កំពូល​P4G​លើក​ទី​២​នៅ​ទីក្រុង​សេ​អ៊ូ​ល​នឹង​ផ្តល់ឱកាស​ដល់​សហគម​ន៍​អន្តរជាតិ​អាច​បង្ហាញ​ការប្តេជ្ញាចិត្ត​រួមគ្នា ក្នុង​ការកសាង​ពិភពលោក​ដែល​ល្អប្រសើរ និង​កាន់តែ​បៃតង​ឡើង ក្រោយ​វិបត្តិ​កូ​វីដ​-១៩៕ ដោយៈ​ពល​ជ័យ​

ភ្នំពេញៈសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានឯកភាពកំណត់យកកាលបរិច្ឆេទ គឺថ្ងៃទី២៥-២៦ ខែវិច្ឆិកា ឆ្នាំ២០២១ ខាងមុខ ដើម្បីរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ ( ASEM13)។ នេះបើតាមការបញ្ជាក់របស់លោក កុយ ដាវីត អនុប្រធានប្រចាំការនៃគណៈកម្មការជាតិរៀបចំកិច្ចប្រជុំកំពូល អាស៊ីអឺរ៉ុបលើកទី១៣។ ឯកឧត្តម កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានថ្លែងប្រាប់ AMS នៅល្ងាចថ្ងៃទី២៧ ឧសភានេះថា កិច្ចប្រជុំកំពូលអាស៊ី-អឺរ៉ុប លើកទី១៣ ដែលនឹងប្រព្រឹត្តទៅពីថ្ងៃទី២៥-២៦ ខែវិច្ឆិកា ឆ្នាំ២០២១ «ការពង្រឹងពហុភាគីនិយមដើម្បីកំណើនរួមគ្នា»។ កិច្ចប្រជុំអាស៊ី-អឺរ៉ុប ជាវេទិកាសន្ទនាដែលមានគោលដៅជំរុញ និងលើកស្ទួយកិច្ចសហប្រតិបត្តិការជិតស្និទ្ធរវាងប្រទេសអាស៊ី និងអឺរ៉ុប ដែលឈរលើគោលការណ៍ស្មើភាពគ្នា និងដើម្បីប្រយោជន៍រួម។ សមាជិកនៃវេទិកានេះមានប្រទេសអាស៊ី និងអឺរ៉ុបសរុបទាំងអស់ ៥១ បូកជាមួយលេខាធិការដ្ឋានអាស៊ាន និងសហភាពអឺរ៉ុប។ សូមរម្លឹកថា តាមគម្រោងកម្ពុជាត្រូវរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ នៅថ្ងៃទី១៦-១៧ ខែវិច្ឆិកា ឆ្នាំ២០២០នៅរាជធានីភ្នំពេញ ក្រោមមូលបទ «ការពង្រឹងពហុភាគីនិយមដើម្បីកំណើនរួមគ្នា»។ ប៉ុន្តែដោយសារមានការឆ្លងរាលដាលនៃជំងឺកូវីដ រាជរដ្ឋាភិបាលក៏បានលើកពេលនៃកិច្ចប្រជុំនេះ។ ឯកឧត្តមឧបនាយករដ្ឋមន្រ្តី ប្រាក់…

ភ្នំពេញៈនៅលើក្រដាសសៀវភៅសចំនួនពីរទំព័រ បើទោះបីជាអក្សរដែលសរសេរដោយដៃ មិនសូវបានស្អាត តែការសរសេរមានរបៀបរៀបរយល្អ។ កំណាព្យចំនួនពីរ(មិនមានចំណងជើង) ត្រូវបានសរសេរដោយអ្នកជំងឺកូវីដ១៩។ កំណាព្យនេះត្រូវបានបង្ហោះឱ្យក្នុងគណនីហ្វេសប៊ុកផ្ទាល់ខ្លួនរបស់លោកជំទាវ ពេជ្រ ចន្ទមុន្នី ដែលគេស្គាល់ថាជាប្រធានគ្រូពេទ្យស្ម័គ្រចិត្តយុវជនសម្តេចតេជោ នៅថ្ងៃទី២៧ខែឧសភាឆ្នាំ២០២១។ ម្ចាស់កំណាព្យមិនបានបង្ហាញអត្តសញ្ញាណឡើយ។ ប៉ុន្តែប្រហែលជាអ្នកជំងឺសម្រាកព្យាបាលជំងឺនៅមន្ទីរពេទ្យហ្លួងម៉ែ ពីព្រោះមានការពណ៌នាទាក់ទងដល់មន្ទីរពេទ្យនេះ។ បទនិពន្ធបានសម្តែងនូវការអរគុណដល់សម្តេចតេជោ ហ៊ុន សែន ប្រមុខរាជរដ្ឋាភិបាលនៃកម្ពុជា ដែលបានខិតខំយកចិត្តទុកដាក់ក្នុងការប្រយុទ្ធប្រឆាំងនឹងជំងឺកូវីដចង្រៃ និងការជួយសង្រ្គោះដល់ប្រជាពលរដ្ឋដែលជួបនឹងជំងឺរាតត្បាតជាសកលនេះ។ កំណាព្យ ក៏បានអរគុណដោយចំឈ្មោះចំពោះលោកជំទាវ ពេជ្រ ចន្ទមុន្នី ដែលជាគ្រូពេទ្យចិត្តធម៌បំពេញការងារជួយសង្រ្គោះអ្នកជំងឺដោយមិនខ្លាចនឿយ ហត់ជារៀងរាល់ថ្ងៃ៕សូមអានអត្ថបទកំណាព្យដែលជូនភ្ជាប់ជាមួយៈ

ភ្នំពេញៈគណៈកម្មាធិការជាតិរៀបចំការបោះឆ្នោត(គ.ជ.ប)បានឱ្យដឹងថាគ.ជ.បនឹងរៀបចំកិច្ចប្រជុំពិគ្រោះយោបល់ស្តីពីការបោះឆ្នោតសាកល្បងជ្រើសរើស ក្រុមប្រឹក្សាឃុំ សង្កាត់ ឆ្នាំ២០២១ នៅថ្ងៃសុក្រ ទី២៨ ខែឧសភា ឆ្នាំ២០២១ វេលាម៉ោង ៧:៣០នាទីព្រឹក តាមប្រព័ន្ធអនឡាញ (Jitsi Meet )។យោងតាមសេចក្តីជូនដំណឹងរបស់ គ.ជ.ប នៅថ្ងៃទី២៧ខែឧសភាឆ្នាំ២០២១។ ប្រភពដដែលបញ្ជាក់ថា សេចក្តីជូនដំណឹងនេះចាត់ទុកជាការអញ្ជើញភាគីពាក់ព័ន្ធទាំងអស់និងប្រព័ន្ធផ្សព្វផ្សាយព័ត៌មាន ចូលរួមក្នុងកម្មវិធីនេះ។ ដើម្បីចូលរួមក្នុងកិច្ចប្រជុំនេះ សូមធ្វើទំនាក់ទំនងតាមរយៈលេខទូរស័ព្ទ៖ ០១១ ៦៨៩ ៧៨៩ /០១២ ៣៧៧ ៩៨៧ ដើម្បីឱ្យសហការីធ្វើការភ្ជាប់ចូលទៅកាន់ Group Telegram នៃកម្មវិធី ពិគ្រោះយោបល់។ ក្រុមការងារបច្ចេកទេស គ.ជ.ប ត្រូវរៀបចំសាកល្បងដំណើរការនៃការប្រជុំនេះនៅរសៀលថ្ងៃទី២៧ ខែឧសភាវេលាម៉ោង៣៕

ភ្នំពេញៈអ្នកនាំពាក្យក្រសួងព័ត៌មាន បានឆ្លើយតបទៅនឹងការលើកឡើងរបស់ក្រុមអង្គការសង្គមស៊ីវិលមួយចំនួនដែលថា រដ្ឋាភិបាលបានរារាំងមិនឲ្យអ្នកសារព័ត៌មានរាយការណ៍ពីករណីឆ្លងរាលដាលនៃជំងឺកូវីដ១៩នោះ គឺជាការមួលបង្កាច់ មានចេតនាមិនល្អចំពោះរាជរដ្ឋាភិបាលកម្ពុជា និងដើម្បីជាផលប្រយោជន៍នយោបាយ និងការពារផលប្រយោជន៍ក្រុមគោលដៅនយោបាយ ដែលជាសកម្មជនរបស់ពួកគេតែប៉ុណ្ណោះ។ ការឆ្លើយតបរបស់អ្នកនាំពាក្យក្រសួងព័ត៌មានបានធ្វើឡើងបន្ទាប់ពីអង្គការសិទ្ធិមនុស្សអន្តរជាតិមួយចំនួន បានអំពាវនាវដល់រដ្ឋាភិបាលឱ្យបញ្ឈប់ជាបន្ទាន់នូវការវាយប្រហារមកលើសេរីភាពនៃការបញ្ចេញមតិ និងអ្នកសារព័ត៌មាននៅក្នុងបរិបទជំងឺកូវីដ១៩។ ឯកឧត្តម មាស សុភ័ណ្ឌ អ្នកនាំពាក្យក្រសួងព័ត៌មានប្រាប់ AMS នៅព្រឹកថ្ងៃទី២៧ខែឧសភាថា ការលើកឡើងរបស់ក្រុមអង្គការសង្គមស៊ីវិលមួយចំនួន គឺបានបង្កប់នៅចេតនាមិនល្អចំពោះរាជរដ្ឋាភិបាលកម្ពុជា ក៏ដូចជាព្រះរាជាណាចក្រកម្ពុជា។ ការលើកឡើងនេះ គឺដើម្បីតែជាផលប្រយោជន៍នយោបាយរបស់ក្រុមពួកគេ និង ក្រុមគោលដៅរបស់ពួកគេនៅក្នុងចេតនាមិនល្អចំពោះរាជរដ្ឋាភិបាលកម្ពុជា ដើម្បីបម្រើតែផលប្រយោជន៍នយោបាយរបស់ក្រុមពួកគេ ក៏ដូចជាផលប្រយោជន៍ និងការពារផលប្រយោជន៍ក្រុមគោលដៅដែលជាសកម្មជននយោបាយរបស់ពួកគេតែប៉ុណ្ណោះ។ ការលើកឡើងនេះ មិនបានឆ្លុះបញ្ចាំងអំពីស្ថានភាពជាក់ស្តែងក៏ដូចជាបរិយាកាសពិតប្រាកដនៅក្នុងការអនុវត្តសិទ្ធិសេរីភាពបញ្ចេញមតិ ក៏ដូចជាសិទ្ធិសរីភាពសារព័ត៌មាននៅកម្ពុជានោះទេ។ អ្នកនាំពាក្យដដែលបានបន្តថា នៅក្នុងអំឡុងពេលនៃការរីករាលដាលនៃជំងឺកូវីដ១៩ បណ្តាប្រទេសទាំងអស់នៅក្នុងពិភពលោក ក៏ដូចជា កម្ពុជាបានដាក់ចេញនូវវិធានការចាំបាច់នានា ដើម្បីធ្វើយ៉ាងណាធានាបាននូវផលប្រយោជន៍សាធារណៈ ក៏ដូចជាសុខភាពសាធារណៈ និងគោលបំណងធ្វើយ៉ាងណាឱ្យព្រះរាជាណាចក្រកម្ពុជាអាចកាត់ផ្តាច់ពីការរីករាលដាលនៃជំងឺកូវីដ១៩ក្នុងសហគមន៍ជាទ្រង់ទ្រាយធំបាន។ ការដាក់ចេញនៅវិធានការចាំបាច់របស់រាជរដ្ឋាភិបាល ក៏ដូចជាក្រសួងស្ថាប័នពាក់ព័ន្ធក្នុងគោលបំណងតែមួយគត់ គឺដើម្បីបម្រើផលប្រយោជន៍សាធារណៈ បម្រើសុខភាពសាធារណៈរបស់ប្រជាពលរដ្ឋមិនដូចជាការលើកឡើងរបស់អង្គការសង្គមស៊ីវិលមួយចំនួននោះទេ។ ការលើកឡើងរបស់ពួកគេ ដើម្បីតែផលប្រយោជន៍នយោបាយ និងទាក់ទាញប្រជាប្រិយភាព និងការគាំទ្រទៅដល់ពួកគេតែប៉ុណ្ណោះ ហើយវាជារឿងដដែលៗដែលមិនមានអ្វីប្លែកនោះទេ។ អ្នកនាំពាក្យបានបញ្ជាក់ថា សេរីភាពនៃការបញ្ចេញមតិក៏ដូចជាសេរីភាពសារព័ត៌មាននៅកម្ពុជា ត្រូវធានាដោយច្បាប់រដ្ឋធម្មនុញ្ញនៃព្រះរាជាណាចក្រកម្ពុជា។ ដូច្នេះការអនុវត្តនៅសិទ្ធិសេរីភាពនៃការបញ្ចេញមតិ និងសិទ្ធិសេរីភាពខាងសារព័ត៌មាន គឺត្រូវផ្សារភ្ជាប់ទៅនឹងការអនុវត្តច្បាប់ក៏ដូចជាករណីយកិច្ចនិងកាតព្វកិច្ច ដែលបុគ្គលគ្រប់រូមត្រូវចូលរួមអនុវត្ត ដើម្បីធានាបាននូវការបញ្ចេញមតិក៏ដូចជាសេរីភាពខាងសារព័ត៌មានដោយត្រឹមត្រូវ…

ភ្នំពេញៈអតីតមន្ត្រីជាន់ខ្ពស់នៃអតីតគណបក្សសង្គ្រោះជាតិ ដែលជាប់បម្រាមបានចេញមកសុំសិទ្ធិធ្វើនយោបាយជាបន្តបន្ទាប់ បន្ទាប់ពីអស់សង្ឃឹមថា អតីតគណបក្សគណបក្សសង្គ្រោះជាតិ ត្រូវបានរំលាយក្រោមច្បាប់មិនអាចរស់ឡើងវិញ ទោះជាដោយមធ្យោបាយណា និងការបែកបាក់សាមគ្គីផ្ទៃក្នុងរវាងថ្នាក់ដឹកនាំអតីតគណបក្សសង្គ្រោះជាតិកាន់តែជ្រាលជ្រៅ។ អតីតគណបក្សសង្គ្រោះជាតិ បានបែកជាបំណែកតូចៗ។ ក្នុងកិច្ចសម្ភាសជាមួយ AMS លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបបណ្ឌិត្យសភាកម្ពុជាបានបង្ហាញ នូវការយល់ឃើញថា ការសុំនីតិសម្បទានយោបាយឡើងវិញពីសំណាក់លោក ប៉ុល ហំម ដែលមានតួនាទីជាអនុប្រធាននៃអតីតគណបក្សសង្រ្គោះជាតិ និងអតីតថ្នាក់ដឹកនាំនៃអតីតគណបក្សសង្គ្រោះជាតិដទៃទៀត គឺបង្ហាញឲ្យឃើញថាពួក គាត់អស់សង្ឃឹមចំពោះលទ្ធភាពណាមួយដែលពួកគាត់តែងតែនិយាយថា ការចង់ឲ្យរស់ឡើងវិញនៃអតីតគណបក្សសង្គ្រោះជាតិ។ វាជារឿងអស់សង្ឃឹមសម្រាប់ពួកគាត់ គឺជាលទ្ធភាពមួយដែលមិនអាចទៅរួច ពីព្រោះអតីតគណបក្សសង្គ្រោះជាតិ ត្រូវបានរំលាយក្រោមច្បាប់ និងមានហេតុផលត្រឹមត្រូវខាងផ្លូវច្បាប់ដែលចាំបាច់ត្រូវរំលាយ។ វាក៏ជាការបង្ហាញឱ្យឃើញថា ការបែកបាក់សាមគ្គីផ្ទៃក្នុង, ឯកភាពផ្ទៃក្នុងរវាងថ្នាក់ដឹកនាំអតីតគណបក្សសង្គ្រោះជាតិ មានកម្រិតជ្រាលជ្រៅនៅក្នុងចំណោមនៃថ្នាក់ដឹកនាំរបស់ពួកគាត់។ លោកបន្តថា យើងសង្កេតឃើញថា ជាបន្តបន្ទាប់មកអតីតគណបក្សសង្គ្រោះជាតិ បានបែកជាបំណែកតូចៗ។ ពោលមួយផ្នែកអ្នកគាំទ្រលោក កឹម សុខា ដើរតាមគោលនយោបាយរបស់លោក កឹម សុខា ដែលគេហៅថា ក្រុម កឹម សុខា និយម និងមួយផ្នែកទៀត គឺក្រុមដែលដើរតាមលោក សម រង្ស៊ី ហើយអ្វីៗបន្ទរតាមលោក សម រង្ស៊ី…

ភ្នំពេញៈ អង្គការសហប្រជាជាតិ(អ.ស.ប) នៅកម្ពុជា បានឆ្លើយតបចំពោះការផ្ទុះជំងឺកូវីដ-១៩ និងចំពោះការអនុវត្តវិធានការឆ្លើយតបចំពោះជំងឺកូវីដ-១៩នាពេលបច្ចុប្បន្ន។ តាមរយៈការសហការយ៉ាងជិតស្និទ្ធជាមួយនឹងរាជរដ្ឋាភិបាលកម្ពុជា អ.ស.ប បានផ្ដល់ការគាំទដល់ការរៀបចំ និងការអនុវត្តកម្មវិធីជំនួយសង្គមក្នុងស្ថានភាពបន្ទាន់ ជាកម្មវិធីថ្មី ដែលត្រូវបានអនុវត្តក្នុងទម្រង់ជាការឧបត្ថម្ភជាសាច់ប្រាក់តែមួយលើក។ នេះបើយោងតាមសេចក្តីប្រកាសព័ត៌មានរបស់តំណាងអ.ស.ប ប្រចាំនៅកម្ពុជាកាលពីថ្ងៃទី២៥ ខែឧសភា ឆ្នាំ២០២១។កម្មវិធីនេះនឹងត្រូវអនុវត្តនៅសប្តាហ៍ទី១នៃខែមិថុនាឆ្នាំ២០២១។ កម្មវិធីនេះមានគោលបំណងទ្រទ្រង់ជីវភាពរស់នៅរបស់ប្រជាពលរដ្ឋដែលមានការលំបាកផ្នែកជីវភាពប្រជាពលរដ្ឋ និងគ្រួសារប្រជាពលរដ្ឋ ដែលមានការលំបាកផ្នែកជីវភាព គ្រួសារដែលរងផលប៉ះពាល់ដោយសារការអនុវត្តវិធានការបិទខ្ទប់ និងគ្រួសារដែលមានសមាជិកបាត់បង់ជីវិត ឬឆ្លងជំងឺកូវីដ-១៩។ ជំនួយបច្ចេកទេសដែល ផ្តល់ដល់រាជរដ្ឋាភិបាល រួមមាន៖-ប៉ាន់ប្រមាណពីវិសាលភាព និងទំហំសក្តានុពលនៃ “កម្មវិធីជំនួយសង្គមក្នុងស្ថានភាពបន្ទាន់” ធ្វើការកំណត់ អត្តសញ្ញាណជាមុន និងចុះឈ្មោះអ្នកទទួលផលមកពីក្រុមងាយរងគ្រោះ ដូចជា ក្រុមប្រជាពលរដ្ឋដែលរស់នៅកៀកនឹងភាពក្រីក្រ ហើយដែលកំពុងប្រកបមុខរបរដែលងាយរងផលប៉ះពាល់ តាមរយៈការសហការជាមួយនឹងក្រសួងផែនការ។-កសាងសមត្ថភាពគ្រប់គ្រងយន្តការកំណត់អត្តសញ្ញាណ និងកម្មវិធីឧបត្ថម្ភសាច់ប្រាក់ ដែលកំពុងអនុវត្ត ដោយក្រសួងសង្គមកិច្ច អតីតយុទ្ធជន និងយុវនីតិសម្បទា។-រៀបចំក្របខ័ណ្ឌ និងឧបករណ៍ពិនិត្យតាមដាន និងវាយតម្លៃ (M&E) សម្រាប់កម្មវិធីឧបត្ថម្ភសាច់ប្រាក់ដោយសហការជាមួយនឹងក្រុមប្រឹក្សាជាតិគាំពារសង្គម/ក្រសួងសេដ្ឋកិច្ច និងហិរញ្ញវត្ថុ។-កម្មវិធីជំនួយសង្គមជាសាច់ប្រាក់ ក្នុងអំឡុងពេលប្រយុទ្ធនឹងជំងឺកូវីដ-១៩ ដែលប្រើប្រាស់ប្រព័ន្ធអត្តសញ្ញាណកម្ម គ្រួសារក្រីក្រ បានបន្តអនុវត្តក្នុងរយៈពេលដែលមានការអនុវត្តវិធានការបិទខ្ទប់ និងបានផ្ដល់ការឧបត្ថម្ភដល់ប្រជាពលរដ្ឋក្រីក្រជាង ៧សែនគ្រួសារ (៧០០ ០០០ គ្រួសារ) ស្មើនឹងមនុស្សជាង២៨ លាននាក់។ កម្មវិធីឧបត្ថម្ភសាច់ប្រាក់ជូនគ្រួសារក្រីក្រនេះ…