ភ្នំពេញៈ បន្ទាប់ពីកើតមានសកម្មភាពលួចលាក់នាំជនបរទេសចេញពីភូមិសាស្ត្របិទខ្ទប់ក្នុងរាជធានីភ្នំពេញ និងខេត្តស្វាយរៀង ដែលសមត្ថកិច្ចបានបង្ក្រាបបានកាលពីពេលថ្មីៗនេះ ដោយក្នុងនោះមានឧត្តមសេនីយ៍យោធាផ្កាយពីរម្នាក់ និងបកក្ខពួកចំនួន ៦នាក់ បានលួចនាំជនជាតិចិនចំនួន ២៨នាក់ ចេញពីរាជធានីភ្នំពេញទៅខេត្តស្វាយរៀង។ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដឹកនាំកិច្ចប្រជុំស្ដីពីសកម្មភាព និងវិធានការអនុវត្តក្នុងការបង្ការ ទប់ស្កាត់ និងបង្ក្រាបសកម្មភាពឆ្លងដែនដោយខុសច្បាប់ និងការលួចលាក់នាំជនបរទេសចេញពីភូមិសាស្ត្របិទខ្ទប់ តាមរយៈប្រព័ន្ធវីដេអូសន្និសីទនៅថ្ងៃទី២៦ ខែមេសា ឆ្នាំ២០២១ នេះ។ លោក សក់ សេដ្ឋា រដ្ឋលេខាធិការក្រសួងមហាផ្ទៃ បានបញ្ជាក់ឲ្យដឹងថា កន្លងមកនេះ នៅក្នុងពេលដែលរាជរដ្ឋាភិបាលរិតត្បិត ឬក៏បិទការចេញចូលប្រទេស លើកលែងតែករណីមួយចំនួនដែលអនុញ្ញាតឲ្យចេញចូល ហើយមានករណីខ្លះមានការលួចនាំមនុស្សឆ្លងកាត់ព្រំដែន និងមានករណីនាំលួចលាក់នាំជនបរទេសចេញពីតំបន់បិទខ្ទប់ទាំងនៅរាជធានីភ្នំពេញ និងខេត្តស្វាយរៀង។ ស្ថានភាពនេះ បើសិនជានៅតែមានវាធ្វើឲ្យប៉ះពាល់ដល់សន្តិសុខជាតិ និងសណ្តាប់ធ្នាប់ សុវត្ថិភាពសង្គម និងការចម្លងជំងឺកូវីដ១៩ ក៏មានហានិភ័យដែរ ដោយសារថា គឺទី១.លួចលាក់ចូលមកក្នុងខ្សែបន្ទាត់ព្រំដែនតាមរបៀង និងមិនបានធ្វើចត្តាឡីស័ក មិនបានអនុវត្តវិធានការសុខាភិបាល និងទី២. អ្នកដែលចេញពីតំបន់បិទខ្ទប់ ក៏អាចបង្កឲ្យមានការឆ្លងជំងឺកូវីដ១៩ដែរ។ ហេតុនេះហើយបានជាសម្តេចក្រឡាហោម ស ខេង ដឹកនាំកិច្ចប្រជុំមួយដោយមានការចូលរួមពីអគ្គនាយកដ្ឋានពាក់ព័ន្ធ និងអគ្គស្នងការនគរបាលជាតិ អគ្គនាយកដ្ឋានអន្តោប្រវេសន៍…

ភ្នំពេញៈ រាជរដ្ឋាភិបាលបានចេញសេចក្ដីណែនាំស្តីពីការពង្រឹងការអនុវត្តវិធានការដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងការពង្រឹងការអនុវត្តវិធានការនៅក្នុងភូមិសាស្ត្រដែលត្រូវបានបិទខ្ទប់ នៅតាមបណ្តារាជធានី-ខេត្ត។ សេចក្ដីណែនាំនេះ បានធ្វើឡើងនៅថ្ងៃទី២៥ ខែមេសា ឆ្នាំ២០២១។ នៅក្នុងសេចក្ដីណែនាំបានឲ្យដឹងថា កន្លងមករាជរដ្ឋាភិបាលកម្ពុជាបានដាក់ចេញនូវវិធានការនានាជាបន្តបន្ទាប់ សំដៅកាត់ផ្តាច់ និងទប់ស្កាត់ ការឆ្លងរាលដាលនៃជំងឺកូវីដ-១៩ នៅក្នុង “ព្រឹត្តិការណ៍សហគមន៍ ២០ កុម្ភៈ ២០២១” ដែលវិធានការទាំងនេះ រួមមាន៖ ការហាមឃាត់ការធ្វើដំណើរចេញ-ចូល និងឆ្លងកាត់រាជធានី-ខេត្ត , ការបិទរមណីយដ្ឋាន ទេសចរណ៍នៅទូទាំងប្រទេស ព្រមទាំងការបិទខ្ទប់ភូមិសាស្ត្រនៃរាជធានីភ្នំពេញ និងក្រុងតាខ្មៅនៃខេត្តកណ្តាល ដែលមានផ្ទុះការឆ្លងរាលដាលធ្ងន់ធ្ងរនៃជំងឺកូរីដ-១៩។ ទន្ទឹមនេះ គណៈអភិបាលខេត្តនានាក៏បានដាក់ចេញ នូវវិធានការចាំបាច់ជាបន្តបន្ទាប់ដើម្បីគ្រប់គ្រងការឆ្លងរាលដាលនៃជំងឺកូវីដ-១៩ ក្នុងភូមិសាស្ត្ររបស់ខ្លួន ជាពិសេសការដាក់ចេញនូវវិធានការបិទខ្ទប់ និងការកាត់ផ្តាច់ចរាចរណ៍មិនឱ្យចេញពីតំបន់ ដែលមានការ ឆ្លងរាលដាលនៃជំងឺកូវីដ-១៩ ក្នុងសហគមន៍។ ដោយផ្អែកលើបរិបទខាងលើនេះ និងដើម្បីធានា ក៏ដូចជា សម្រួលឡើងវិញដល់ដំណើរការសេដ្ឋកិច្ច និងសង្គមជាតិ រាជរដ្ឋាភិបាលបានសម្រេចអនុញ្ញាតឱ្យមានការធ្វើដំណើរឆ្លងកាត់ពីខេត្តមួយទៅខេត្តមួយឡើងវិញ ក៏ដូចជាការបើកឱ្យដំណើរការឡើងវិញនូវរមណីយដ្ឋាន ទេសចរណ៍នៅតាមបណ្តាខេត្ត តាមរយៈសេចក្ដីសម្រេចលេខ ៥៣ សសរ ចុះថ្ងៃទី២៥ ខែមេសា ឆ្នាំ២០២១ លើកលែងតែតំបន់បិទខ្ទប់នៃភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាល និងតំបន់បិទខ្ទប់ ផ្សេងទៀត…

ភ្នំពេញៈបន្លឺសំឡេងតាមរយៈវិទ្យុមួយនោះកាលពីរាត្រីថ្ងៃទី២៤ ខែមេសា បុរសម្នាក់ដែលតែងតែតម្កើងខ្លួនឯងថា ជាអ្នកវិភាគឯករាជ្យ ឬជាអ្នកជំនាញខាងនយោបាយ បានធ្វើការពណ៌នាលើសកម្មភាពប្រមុខរាជរដ្ឋាភិបាលកម្ពុជា ក្នុងកិច្ចប្រជុំកំពូលអាស៊ានពិសេសនៅប្រទេសឥណ្ឌូនេស៊ី។ លោកម្នាក់នោះនិយាយថាវត្តមានរបស់សម្តេចតេជោ ហ៊ុន សែន គ្រាន់តែដើម្បីយកមុខមាត់ និងមិនអាចរួមចំណែកជួយដោះស្រាយបញ្ហាអ្វីបានទេពិសេសបញ្ហាភូមា។ ស្តាប់ការវិភាគមួយបែបនេះ ធ្វើឱ្យយើងនឹកអស់សំណើច ព្រោះមិនដឹងជាគេយកស្អីមកសម្អាង?។ សូមនិយាយបន្តិចអំពីសម្តេចតេជោហ៊ុនសែន។ ក្នុងតំណែងជានាយករដ្ឋមន្រ្តីជិត៤០ឆ្នាំ និងជារដ្ឋមន្រ្តីការបរទេសជាច្រើនឆ្នាំ សម្តេចតេជោហ៊ុនសែនបានដឹកនាំប្រទេសក្រោកឈរ និងដើរចេញពីភាពខេ្ទចខ្ទាំដោយសារសង្រ្គាម, ដោយសារការបំផ្លិចបំផ្លាញពីរបបប្រល័យពូជសាសន៍, ទប់ស្កាត់ការវិលត្រឡប់វិញនូវពួកខ្មែរក្រហម,ទប់ទល់នឹង ការហ៊ុមព័ទ្ធទាំងឡាយពីខាងក្រៅ និងដឹកនាំកសាងប្រទេសរហូតមានការរីកចម្រើនយ៉ាងឆាប់រហ័សនា ពេលបច្ចុប្បន្ន។ នយោបាយឈ្នះ-ឈ្នះ ដែលកើតចេញពីភាពឈ្លាសវៃប៉ិនប្រសប់ពោរពេញដោយបទពិសោធន៍ និងក្តីក្លាហានដោយយកជីវិតធ្វើដើមទុនរបស់សម្តេចតេជោ បានសម្រេចបង្កើតនូវសន្តិភាពពេញលេញដោយបញ្ចប់ ទាំងស្រុងនូវអង្គការចាត់តាំង នយោបាយយោធានៃពួកឧទ្ទាមខ្មែរក្រហម។ កម្ពុជាបានបញ្ចប់ការបែងចែកទឹកដី និងបង្រួបបង្រួមខ្មែរតែមួយក្រោមការដឹកនាំរបស់រាជរដ្ឋាភិបាលតែមួយ។ សន្តិភាពមានតម្លៃធំធេងពុំអាចកាត់ថ្លៃ បាន។ ថ្ងៃ២៩ ធ្នូ ១៩៩៨ បានបង្កើតសន្តិភាពពេញលេញលើកដំបូងក្នុងរយៈពេលរាប់រយឆ្នាំចុងក្រោយ នៃប្រវត្តិសាស្ត្រកម្ពុជា។ នៅឯប្រទេសឥណ្ឌូនេស៊ី សម្តេចតេជោ អញ្ជើញទៅទីនោះ គឺដើម្បីចូលរួមកិច្ចប្រជុំរបស់មេដឹកនាំអាស៊ាន ដែលបាន រៀបចំនៅលេខាធិការដ្ឋានអាស៊ាននៅថ្ងៃទី២៤ខែមេសា។ នេះគឺជាកិច្ចប្រជុំកំពូលលើកទី១ ក្នុងទម្រង់ជាការចូលរួម ដោយផ្ទាល់ចាប់តាំងពីជំងឺរាតត្បាតកូវីដ១៩ បានផ្ទុះឡើងកាលពីដើមឆ្នាំ២០២០។ មេដឹកនាំអាស៊ានបាន ពិភាក្សាគ្នាយ៉ាងទូលំទូលាយលើបញ្ហាតំបន់ និងអន្តរជាតិដែលជាក្តីបារម្ភរួមជាពិសេសការវិវត្តថ្មីៗនៅក្នុងប្រទេស មីយ៉ាន់ម៉ា។ វត្តមានរបស់សម្តេចតេជោ…

ភ្នំពេញ : អ្នកនាំពាក្យក្រសួងយុត្តិធម៌ ,ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា និងមេដឹកនាំសម្ព័ន្ធសហជីពជាតិ បានថ្កោលទោសចំពោះទណ្ឌិត សម ង្ស៊ីនិងបក្ខពួកមួយចំនួនដែលបានញុះញង់ឲ្យ ប្រជាពលរដ្ឋចេញពីក្នុងផ្ទះ ខណៈដែលរាជរដ្ឋាភិបាលបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរាលដាលជំងឺកូវីដ១៩និងការពារអាយុជីវិតប្រជាពលរដ្ឋ។កាលពីរាត្រីថ្ងៃទី២៤ខែមេសាឆ្នាំ២០២១តាមរយៈផេកហ្វេសប៊ុករបស់ខ្លួនមេឧទ្ទាមក្រៅច្បាប់បានអំពាវនាវជំរុញឱ្យប្រជាជនចាកចេញពីផ្ទះដើម្បីប្រឆាំង នឹងវិធានការបិទខ្ទប់របស់រាជរដ្ឋាភិបាលនិងអាជ្ញាធរ។ លោក ជិន ម៉ាលីន រដ្ឋលេខាធិការនិងអ្នកនាំពាក្យក្រសួងយុត្តិធម៌បានបញ្ជាក់ថាការអំពាវនាវរបស់ សម រង្ស៊ី ឲ្យ ប្រជាពលរដ្ឋបះបោរប្រឆាំងនឹងវិធានការសមត្ថកិច្ចក្នុងការប្រយុទ្ធប្រឆាំងកូវីដ១៩ នេះ គឺជាអំពើល្មើសនឹងច្បាប់ ហើយសកម្មភាពល្មើសច្បាប់នេះវាជាទម្លាប់ និងជាចរិតនយោបាយរបស់ សម រង្ស៊ី តាំងពីដើមរៀងមកហើយ ។អ្នកណាក៏ដឹងដែរថា គាត់ហ៊ានប្រើប្រាស់គ្រប់មធ្យោបាយ និងធ្វើគ្រប់សកម្មភាពទាំងអស់ទោះបីជាបំពានច្បាប់ យ៉ាងណាក៏ដោយ ។គាត់ធ្វើយ៉ាងម៉េចបំផ្លាញវិធានការរបស់រដ្ឋាភិបាលដោយមិនគិតគូរសុខទុក្ខនិងសុវត្ថិភាពរបស់ ប្រជាពលរដ្ឋនោះទេ. គឺដើម្បីតែចំណេញផលប្រយោជន៍នយោបាយរបស់បក្សខ្លួន និងក្រុមខ្លួន និងផ្ទាល់ខ្លួនតែប៉ុណ្ណោះ។ ចំណែកលោកបណ្ឌិត គិន ភា ប្រធានវិទ្យាស្ថានទំនាក់ ទំនង អន្តរជាតិ នៃរាជបណ្ឌិតសភាកម្ពុជាវិញ បានថ្លែងថា ការដែលសម រង្ស៊ី ញុះញង់ឱ្យប្រជាពលរដ្ឋចេញពីផ្ទះដើម្បីធ្វើសកម្មភាពប្រកបមុខរបរអាជីវកម្មឡើងវិញ ខណៈដែលរាជរដ្ឋាភិបាលបានបិទខ្ទប់រាជធានីភ្នំពេញ និងទីក្រុងតាខ្មៅនៃខេត្តកណ្ដាល គឺល្មើសទៅនឹងច្បាប់ទៅនិងបំរាមរបស់រាជរដ្ឋាភិបាលដែលបានកំណត់ឱ្យប្រជាពលរដ្ឋនៅក្នុងគេហដ្ឋាន ក្នុងរយៈពេលនៃការបិទខ្ទប់ ហើយវិធានការនេះ គឺដើម្បីអាយុជីវិត…

ភ្នំពេញៈ អ្នកនាំពាក្យក្រសួងព័ត៌មានបាន ឆ្លើយតបទៅនិងការលើកឡើង របស់គណៈកម្មការ អ្នកច្បាប់ អន្តរជាតិ (ICJ) និងក្រុម សង្គមស៊ីវិលក្នុងស្រុកមួយចំនួនតូច ដែលបានលើកឡើងថា អ្នកសារព័ត៌មាន និង ប្រព័ន្ធ ផ្សព្វផ្សាយ នៅ កម្ពុជាប្រឈម ការ គាបសង្កត់ កាន់តែ ខ្លាំង ឡើង អំឡុង ពេល នៃ ការ រាតត្បាត ជំងឺ កូ វីដ -១៩ គឺមិនបានឆ្លុះបញ្ចាំងអំពីស្ថានភាព ពិតប្រាកដ ក៏ដូចជា បរិយាកាសពិតប្រាកដ នៅក្នុងការអនុវត្តវិជ្ជាជីវៈ សារ ព័ត៍មាន នៅកម្ពុជាឡើយ។ លោក មាស សុភ័ណ្ឌ អ្នកនាំពាក្យក្រសួងព័ត៌មានបានមានប្រសាសន៍ថា ការលើកឡើងរបស់គណៈកម្មការ អ្នកច្បាប់ អន្តរជាតិ និងក្រុមសង្គមស៊ីវិលក្នុងស្រុកមួយចំនួនថា អ្នកសារព័ត៌មាន និងប្រព័ន្ធផ្សព្វផ្សាយ នៅ កម្ពុជាប្រឈម ការ គាបសង្កត់កាន់តែ ខ្លាំង ឡើង អំឡុង…