ភ្នំពេញៈអ្នកនាំពាក្យរដ្ឋាភិបាលកម្ពុជា និងអ្នកស្រាវជ្រាវតាមដានព្រឹត្តិការណ៍សង្គម បានហៅការលើកឡើងរបស់អង្គការមួយចំនួនតូចនៅក្រៅប្រទេសអំពីលទ្ធិប្រជាធិបតេយ្យ និងសិទ្ធិមនុស្សនៅកម្ពុជា គឺជារឿងដដែលៗ ក្នុងការលាបពណ៌ និងបំផ្លាញរូបភាពទាំងក្រុមដទៃទៀត ឬក៏ប្រជាជាតិដទៃទៀត ដែលមិនចំណុះជាមួយក្រុមគ្នាគេ។ ឯកឧត្តម ផៃ ស៊ីផាន រដ្ឋមន្រ្តីប្រតិភូអមនាយករដ្ឋមន្រ្តី និងអ្នកនាំពាក្យរាជរដ្ឋាភិបាលកម្ពុជាបានមានប្រសាសន៍ប្រាប់ AMS នៅរសៀលថ្ងៃទី៧ ខែឧសភានេះថា ការលើកឡើងរបស់អង្គការបរទេសមួយចំនួនតូចអំពីបញ្ហាលទ្ធិប្រជាធិបតេយ្យ និងសិទ្ធិមនុស្សនៅកម្ពុជា គឺជារឿងដដែលៗ ហើយរាជរដ្ឋាភិបាលកម្ពុជាមិនយកចិត្តទុកដាក់នោះទេ។ វាជាក្បាលម៉ាស៊ីនក្នុងការលាបពណ៌តតាមរយៈព័ត៌មានដែលជាដំណើរការរបស់អង្គការនោះឯង។ ដូច្នេះអង្គការនេះមាននិន្នាការមានបក្ខពួក គេបំផ្លាញរូបភាពទាំងក្រុមដទៃទៀត ឬក៏ប្រជាជាតិដទៃទៀត ដែលមិនចំណុះជាមួយក្រុមគ្នាគេ ដូច្នេះគ្មានអ្វីគួរឲ្យចាប់អារម្មណ៍ទេ។ បញ្ជាក់បន្ថែមលើបញ្ហានេះអ្នកនាំពាក្យរាជរដ្ឋាភិបាលកម្ពុជាបានពន្យល់ថា ទី១.សិទ្ធិមនុស្សយើងនិយាយពីការគោរពនៃ សិទ្ធិអ្នកដទៃទៀតដែលគាំពារដោយច្បាប់។ ដូច្នេះសិទ្ធិមនុស្ស គឺនិយាយតាមច្បាប់នេះឯងដែលត្រូវគៅរពគ្នាទៅវិញទៅមក។ សិទ្ធិមានព្រំដែនដែលមិនរំលោភអ្នកដទៃទៀត។ បើសិទ្ធិមនុស្សនៅក្នុងរបបបប្រជាធិបតេយ្យធំធេងណាស់ គឺការគោរពគ្នាទៅវិញទៅមក។ រយៈពេលកន្លងមក គេយកអ្វីដែលជាពាក្យប្រជាធិបតេយ្យសេរីភាពរបស់គេរំលោភអ្នកដទៃទៀត។ បើនិយាយពីសិទ្ធិក្នុងរបបប្រជាធិបតេយ្យ គឺការទទួលខុសត្រូវ ដែលគេនិយាយជាភាសាច្បាប់ គេថានីតិរដ្ឋ។ ដូច្នេះការអនុវត្តនីតិរដ្ឋរបស់រដ្ឋាភិបាលកម្ពុជា ហេតុដូចម្តេចបានគេមិនគាំទ្រ ក៏ប៉ុន្តែគេតម្រូវឲ្យកម្ពុជាទៅជាប្រទេសនីតិរដ្ឋ អាស្រ័យហេតុដូច្នេះអ្វីដែលគេនិយាយ គឺយើងមិនសូមយកចិត្តទូកដាក់ទេ។ ចំណែកលោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា បានមានប្រសាសន៍ប្រាប់ AMS ថា អង្គការ Human…

ភ្នំពេញៈនៅក្នុង​«​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង​បង្ការ​ជំងឺ​កូ​រឹង​-១៩​សំដៅ​បង្កើត​ឱ្យ​បាន​នូវ​ភាពស៊ាំ​សង្គម​-​សេដ្ឋកិច្ច​នៅ​កម្ពុជា​ក្នុង​ឆ្នាំ​២០២១» ​ដែល​រៀបចំឡើង​ដោយ​ឧ​ត្ត​មក្រុមប្រឹក្សា​សេដ្ឋកិច្ចជាតិ​នៅក្នុង​ខែឧសភា​ ឆ្នាំ២០២១ បាន​បង្ហាញថា​​រាជរដ្ឋាភិបាល​ក៏បាន​ខិតខំ​ប្រឹងប្រែង​ក្នុង​ការទិញ​វាក់​សាំង​ផ្ទាល់​ពី​ប្រទេស​អ្នក​ផលិត​ និង​ស្វែងរក​ជំនួយ​ជាក់​សាំងពី​ស្ថាប័ន​អន្តរជាតិ​នានា​ និង​ពី​ប្រទេស​ជា​មិត្ត។ ជា​ផ្លែផ្កា​នៃ​កិច្ច​ខំប្រឹងប្រែង​នេះ​កម្ពុជា​បានក្លាយ​ជា​ប្រទេស​ទីមួយ​ក្នុងចំណោម​បណ្តា​ប្រទេស​ក្នុង​តំបន់​អាស៊ីអាគ្នេយ៍​ដែល​ទទួលបានវ៉ាក់សាំង​ពី​ស្ថាប័ន​កូ​រ៉ា​ក់​ ក៏ដូចជា​ទទួលបាន​ជំនួយ​មនុស្សធម៌​ជា​វ៉ាក់សាំង​ពី​មិត្ត​ចិន ​និង​ដែល​បានអនុញ្ញាត​ឲ្យ​កម្ពុជា​ចាប់ផ្តើម​យុទ្ធនាការ​ជាតិ​ចាក់​វ៉ាក់សាំង​នៅ​ដើមខែ​កុម្ភៈ​ ឆ្នាំ២០២១។ លើសពីនេះ​ទៀត​វ៉ាក់សាំង​ដែល​កម្ពុជា​បាន​បញ្ជា​ទិញ​ក៏បាន​មកដល់​ជា​ហូរហែ​។ ​រហូតមកដល់​ថ្ងៃទី៣០ ខែមេសា ឆ្នាំ២០២១ កម្ពុជា​ទទួលបាន​វ៉ាក់សាំង​សរុប​ចំនួន៤.០២៤ .០០០ដូ​ស។​ ​យុទ្ធនាការ​ជាតិ​ចាក់​វ៉ាក់សាំង​របស់​រាជរដ្ឋាភិបាល​កម្ពុជា​ ក្នុងដំណាក់កាល​ទី១ ក្នុង​គោលបំណង​បង្កើត​ភាពស៊ាំ​ដល់​អ្នកផ្តល់​សេវា​ជួរមុខ​ទូទាំងប្រទេស ដែល​រួមមាន​បុគ្គលិក​សុខាភិ​បាល​, កងកម្លាំង ប្រដាប់អាវុធ និងមន្ត្រី​សាធារណៈ​ព្រមទាំង​ក្រុម​ជន​ងាយ​រងគ្រោះ​មួយចំនួនទៀត។ ក្នុង​រយៈពេល​ត្រឹម៣ខែ​, គិត​ចាប់ពី​ខែកុម្ភៈ ដល់​ខែមេសា ឆ្នាំ២០២១ នេះ​, មន្ត្រី​សាធារណៈ​ជួរមុខ​, កងកម្លាំងប្រដាប់អាវុធ​, មន្ត្រីរាជការ និង​ប្រជាពលរដ្ឋ​ចំនួន​ជាង១,៣ លាន​នាក់​ទទួលបាន​នូវ​ការចាក់​វ៉ាក់សាំង​។ ជារួម​យុទ្ធនាការ​ជាតិ​ចាក់​វ៉ាក់សាំង ​ដំណាក់កាល​ទី​១​ដែល​គ្រោង​នឹងត្រូវ​បញ្ចប់​នាពេលខាងមុខ​ដ៏​ខ្លី​នេះ​បាន​ប្រព្រឹត្ត​ទៅក្នុង​ល្បឿន​មួយ​គួរ​ឲ្យ​កត់សម្គាល់​ និង​សម្រេចបាន​លទ្ធផល​តាម​ការគ្រោងទុក​។ ​ឈរលើ​លទ្ធផលនៃ​យុទ្ធនាការ​ជា​ចាក់​វ៉ាក់សាំង​ ដំណាក់កាល​ទី​១ នេះ​អាច​វាយតម្លៃ​អំពីភាពខ្លាំង​, ភាព​ខ្សោយ​, កាលានុវត្តភាព និងការគំរាមកំហែង នៅក្នុង​យុទ្ធនាការ​កន្លងមកនេះ​ដូច​មានចែងខាងក្រោម ៖ -​ភាពខ្លាំង​៖​ការសម្រេច​ចិត្តបាន​យ៉ាង​ឆាប់រហ័ស​ក្នុងការ​ចាក់​វ៉ាក់សាំង​, ​អ្នកបម្រើ​សេវា​ជួរមុខ បានទទួល​ការចាក់​វ៉ាក់សាំង​រួច​ចំនួន​ជាង១,៣លាន​នាក់​, ​ការប្រើប្រាស់​កម្លាំង​ជាតិ សរុប​ដែល​អាច​ចូលរួម​អនុវត្ត​យុទ្ធនា​ការចាក់​វ៉ាក់សាំង​៖ ​ក្រុមគ្រូពេទ្យ​ជាតិ កងកម្លាំង​យោធា​, ស៊ីវិល​, កងទ័ព នគរបាល​ជួរមុខ​, និង​ក្រុមគ្រូពេទ្យ​ស្ម័គ្រចិត្ត…

​ភ្នំពេញៈរាជរដ្ឋាភិបាល​កម្ពុជា​បានដាក់​ចេញ​«​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង​បង្ការ​ជំងឺ​កូ​រឹង​-១៩​ សំដៅ​បង្កើត​ឲ្យ​បាន​នូវ​ភាពស៊ាំ​សង្គម​-​សេដ្ឋកិច្ច​នៅ​កម្ពុជា​ក្នុង​ឆ្នាំ​២០២១» ដែល​រៀបចំឡើង​ដោយ​ឧ​ត្ត​ម​ក្រុមប្រឹក្សា​សេដ្ឋកិច្ចជាតិ​នៅក្នុង​ខែឧសភា២០២១។ ជាមួយ​ផែនការ​នេះ​ រាជរដ្ឋាភិបាល​ក៏បាន​ព្យាករណ៍​ផងដែរ​នូវ​កត្តា​ហានិភ័យ​ធំៗ​ចំនួន​៣​សម្រាប់ការអនុវត្ត​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង​នេះ។​ ការចាក់​វ៉ាក់សាំង​បង្ការ​ជំងឺ​កូ​វី​-១៩ សំដៅ​បង្កើត​ឲ្យ​បាន​នូវ​ភាពស៊ាំ​សហគមន៍​នៅក្នុង​ទូទាំង​ព្រះរាជាណាចក្រ​កម្ពុជា​ គឺជា​វិធានការ​យុទ្ធសាស្ត្រ​គន្លឹះ​ដ៏​មានប្រសិទ្ធភាព​មួយ​ដែល​ត្រូវអនុវត្ត​គួបផ្សំ​ជាមួយ នឹង​វិធានការ​ចាំបាច់​ផ្សេងទៀត​ជាពិសេស​វិធានការ​៣-​កុំ និង​៣-​ការពារ ដើម្បី​ធានា​ឲ្យ​កម្ពុជា​អាច​បន្តដំណើរ​អភិវឌ្ឍ​ទៅមុខ​លើ​គន្លងនៃ “​ប្រក្រតីភាព​ថ្មី​»។ ទាក់ទងនឹងផែនការនេះ រាជរដ្ឋាភិបាលក៏បានប្រមើមើលដែរថា ​រាល់​ការ​ឈានទៅ​សម្រេចបាន​ជោគជ័យ​វា​ក៏មាន​កត្តា​ហានិភ័យ​ដែល​អាច​បង្ក​ឲ្យ​មាន​ភាពបរាជ័យ​ក្នុងការ​អនុវត្ត​ផែនការ​យុទ្ធសាស្ត្រ​នេះ​ផងដែរ។ ភាពមិនប្រាកដប្រជា និងការវិវត្ត​លឿន​នៃ​ជំងឺ​កូ​វីដ​-១៩ រួមជាមួយ​នឹង​ភាព​មាន​កម្រិត​ និង​ភាពស្មុគស្មាញ​នៃ​ការផ្គត់ផ្គង់​វ៉ាក់សាំង​អាច​បង្ក​ជា​ហានិភ័យ​ដែល​បណ្តាល​ឲ្យ​ប៉ះពាល់​ដោយ​ផ្ទាល់ ឬដោយ​ប្រយោល​ដល់​ការអនុវត្ត​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង។ ការ​ណ៍នេះ​ទាមទារ​ឲ្យ​រាជរដ្ឋាភិបាល​កម្ពុ​ជាមាន​ភាពបុរេស​កម្ម​ដោយ​ត្រូវ​កំណត់ និងគ្រប់គ្រង​ហានិភ័យ​ធំៗ ដែល​អាច​បង្ក​ឲ្យ​មាន​ភាពបរាជ័យ​ក្នុងការ​អនុវត្ត​ផែនការ​យុទ្ធសាស្ត្រ​នេះ។ ជារួម​កត្តា​ហានិភ័យ​ធំៗ​ចំនួន៣ សម្រាប់​ការអនុវត្ត​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង​នេះ​ត្រូវ​បានកំណត់​ដូចខាងក្រោម៖ ១).​ការទទួលបាន​វ៉ាក់សាំង​មិន​គ្រប់​តាម​តម្រូវការ ភាព​មាន​កម្រិត​នៃ​ការផ្គត់ផ្គង់​វ៉ាក់សាំង និងតម្រូវការ​ខ្ពស់​ពី​បណ្តា​ប្រទេស​នានា​នៅ​ទូទាំង​ពិភពលោក​អាច​បង្ក​ឲ្យ​មាន​ហានិភ័យ ក្នុងការ​ទទួលបាន​វ៉ាក់សាំង​ដើម្បី​បំពេញតម្រូវការ​ជាក់ស្តែង​របស់​កម្ពុជា។ បន្ថែម​លើ​នេះ​ភាពស្មុគស្មាញ​នៃ​បញ្ហា​បច្ចេកទេស​ក្នុងការ​គ្រប់គ្រង និងផ្គត់ផ្គង់​វ៉ាក់សាំង​ក៏​អាច​បង្ក​ឲ្យ​មានភាពយឺតយ៉ាវ​ក្នុងការ​អនុវត្ត​ផែនការ​យុទ្ធសាស្ត្រ​នេះ​ឲ្យ​សម្រេចបាន​នៅក្នុង​ឆ្នាំ២០២១ យ៉ាង​ឆាប់​តាមតែ​អាចធ្វើ​បាន​ផងដែរ។ ការណ៍​នេះ​ទាមទារ​ឲ្យ​រាជរដ្ឋាភិបាល​ខិតខំ​ធានា​រកប្រភព​សម្រាប់​ទិញ​ និង​ផ្គត់ផ្គង់​វ៉ាក់សាំង​ឲ្យ​បាន​គ្រប់គ្រាន់​តាម​តម្រូវការ ​និង​តាម​កាលកំណត់​ព្រមទាំង​ខិតខំ​កសាង​សមត្ថភាព​សម្រាប់​ត្រៀម​ដោះស្រាយ​បញ្ហា​បច្ចេកទេស​នានា​ពាក់ព័ន្ធ​នឹង​ការគ្រប់គ្រង​,​ការបែងចែក​,​ការដឹកជញ្ជូន និងការថែរក្សា​វាក់​សាំង​ជាដើម​ដែល​អាច​កើតមានឡើង​ជាយថាហេតុ។ យ៉ាងណាមិញ​,​ការសម្រេចចិត្ត​ដ៏​ត្រឹមត្រូវ​របស់​រាជ​រដ្ឋា​ភិបាល​ក្នុងការ​ចាប់យក​ដៃគូ​យុទ្ធសាស្ត្រ​ជាមួយ​មិត្ត​ចិន​ធ្វើជា​ស្នូល​សម្រាប់​ការ​ស្វះ​ស្វែងរក​ទិញ​វាក់​សាំង និងទទួលបាន​ជំនួយ​វ៉ាក់សាំង​បានក្លាយ​ជា​កត្តា​គន្លឹះ​មួយ​ដ៏​សំខាន់​ផងដែរ ដែល​អាចជួយ​ដោះស្រាយ​ហានិភ័យ​នៃ​ការខ្វះ​វ៉ាក់សាំង និងការផ្គត់ផ្គង់​វ៉ាក់សាំង​ឲ្យ​បាន​គ្រប់គ្រាន់​ និង​ទាន់ពេល។​ ២).​សមត្ថភាព​ក្នុងការ​អនុវត្ត​ផែន​ការចាក់​វ៉ាក់សាំង​៖​ចំនួន​ដ៏​ច្រើន​នៃ​ប្រជាពលរដ្ឋ​ដែល​ត្រូវ​ទទួលបាន​ការចាក់​វ៉ាក់សាំង និងរយៈពេល​ខ្លី​នៃ​យុទ្ធនាការ​ជាតិ​ចាក់​វ៉ាក់សាំង​អាច​បង្ក​ឲ្យមាន​បញ្ហា​ប្រឈម​និង​ភាពខ្វះខាត​នូវ​សមត្ថភាព ​ស្ថាប័ន​ និង​ធនធានមនុស្ស​ដែលមាន​សមត្ថភាព​គ្រប់គ្រាន់ ​ដើម្បី​ចូលរួម​ក្នុង​យុទ្ធនាការ​ជាតិ​ចាក់​វ៉ាក់សាំង​ប្រកប ដោយ​ប្រសិទ្ធភាព ​និងទាន់ពេល ។ ការណ៍​នេះ​ទាមទារ​នូវ​ការត្រៀម​រៀបចំ​ឲ្យ​បានល្អ​នូវ​ផែនការ​លម្អិត​សម្រាប់​អនុវត្តក្នុង​គ្រប់​ទិដ្ឋភាព និងការ​កៀរគរ​ក៏ដូចជា​ការប្រើប្រាស់​កម្លាំង​សរុប និងមធ្យោបាយ សរុប​របស់​ជាតិ​ដើម្បី​ចូលរួម​អនុវត្ត​យុទ្ធនាការ​ជាតិ​ចាក់​វ៉ាក់សាំង​នេះ​ឲ្យ​បាន​ប្រកបដោយ​ប្រសិទ្ធភាព​ខ្ពស់បំផុត​។​ ៣).​ការកើតឡើង ឬការឆ្លង​ចូលមក​កម្ពុជា​នូវ​ស​កូ​វីដ​-១៩​បំប្លែង​ថ្មី៖…

ភ្នំពេញៈរាជរដ្ឋាភិបាលកម្ពុជា បានរៀបចំជាស្រេចហើយនូវផែនការចាក់​វ៉ាក់សាំង​បង្កើត​ភាពស៊ាំ​នៅក្នុង​តំបន់​អាទិភាព​ខ្ពស់​នឹងត្រូវ​រៀបចំ​ឡើងជា៣ជំហាន អនុលោម​តាម​អភិក្រម «​ផ្កា​រីក​» ​ចាប់ផ្តើម​ចេញពី​រាជធានី​ភ្នំពេញ​ដែលជា​បេះដូង​នៃប្រទេស។ នៅក្នុង​ឆ្នាំ​២០២១ រាជរដ្ឋាភិបាលមានគម្រោងចាក់​វ៉ាក់សាំង​សម្រាប់​តំបន់​អាទិភាព​ខ្ពស់​ និង​តំបន់​អាទិភាព​មធ្យម​​ដែល​គ្រ​ប់ដ​ណ្តប់​លើ​រាជធានី​ខេត្ត​ចំនួន២៥ ស្មើ​នឹង​៧០​ក្រុង​/​ស្រុក ដែលមាន​មនុស្សសរុបប្រមាណ ៤.៩៤០.០០០ នាក់​ និង​ត្រូវការ​វ៉ាក់សាំង​ប្រមាណ ៩,៩ លាន​ដូ​ស។ នេះបើយោង តាម«​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង​បង្ការ​ជំងឺ​កូ​រឹង​-១៩​ សំដៅ​បង្កើត​ឲ្យ​បាន​នូវ​ភាពស៊ាំ​សង្គម​-​សេដ្ឋកិច្ច​នៅ​កម្ពុជា​ក្នុង​ឆ្នាំ២០២១»​ ដែលបានផ្សព្វផ្សាយជាសាធារណៈ កាលពីថ្ងៃទី៦ខែឧសភាឆ្នាំ២០២១។ នៅក្នុង​«​ផែនការ​យុទ្ធសាស្ត្រ​យុទ្ធនាការ​ជាតិ​ចាក់​វ៉ាក់សាំង​បង្ការ​ជំងឺ​កូ​រឹង​១៩ ​សំដៅ​បង្កើត​ឲ្យ​បាន​នូវ​ភាពស៊ាំ​សង្គម​-​សេដ្ឋកិច្ច​នៅ​កម្ពុជា​ក្នុង​ឆ្នាំ​២០២១»​ បានបរិយាយថា រាជរដ្ឋាភិបាល​បានកំណត់​នូវជំហាន​នៃ​ការចាក់​វ៉ាក់សាំង​សម្រាប់​តំបន់​អាទិភាព​ខ្ពស់​យោងតាម​ផែនការ​លទ្ធកម្ម​វ៉ាក់សាំង​ជា​ធរមាន។ ប្រទេស​កម្ពុជា​រំពឹងថា​នឹង​ទទួលបាន​វ៉ាក់សាំង​បន្ថែម ៧លាន​ដូ​ស​ពី​ខែឧសភា ដល់​ខែកក្កដា និង២,៥ លាន​ដូ​ស​ទៀត​ពី​ខែសីហាដល់ខែកញ្ញា។ វ៉ាក់សាំង​ដែល​រំពឹង ថា​នឹង​ទទួលបាន​នេះ​មាន​ចំនួន​គ្រប់គ្រាន់​ដើម្បី​សម្រេច​ឲ្យ​បាន​នូវ​«​យុទ្ធនាការ​ជាតិ ចាក់​វ៉ាក់សាំង​បង្ការ​ជំ​ង​កូដ​-១៩ ​នៅ​តំបន់​អាទិភាព​ខ្ពស់​សំដៅ​បង្កើត​ឲ្យ​បាន​នូវ​ភាពស៊ាំ​សង្គម​សេដ្ឋកិច្ច​នៅ​កម្ពុជា​នៅក្នុង​ឆ្នាំ​២០២១»។ ​ផ្អែកលើ​មូលដ្ឋាន​នេះ​និង​ដោយយោង​លើ​លទ្ធផល​នៃ​យុទ្ធនា​ការចាក់​វ៉ាក់សាំង​កន្លងមក​,​ការចាក់​វ៉ាក់សាំង​បង្កើត​ភាពស៊ាំ​នៅក្នុង​តំបន់​អាទិភាព​ខ្ពស់​នឹងត្រូវ​រៀបចំ​ឡើងជា៣ជំហាន អនុលោម​តាម​អភិក្រម «​ផ្កា​រីក​» ​ចាប់ផ្តើម​ចេញពី​រាជធានី​ភ្នំពេញ​ ដែលជា​បេះដូង​នៃ​ប្រទេស​ហើយ​ពង្រីក​ចេញទៅ​តាម​ភាព​សំខាន់​នៃ​តំបន់ និង​ភាព​ប្រទាក់ក្រឡា​គ្នា​នៃ​សង្គម​-​សេដ្ឋ កិច្ច​នៅក្នុង​តំបន់​អាទិភាព​ខ្ពស់​ទាំងអស់​ដូចខាងក្រោម៖ -​ជំហាន​ទី​១-​ពី​ខែឧសភា​ដល់​ពាក់កណ្តាល​ខែកក្កដា​ឆ្នាំ​២០២១៖​ ផ្តោតលើ​ក្រុម​ប្រជាជន​ទាំងអស់​ចាប់ពី​អាយុ​១៨​ឆ្នាំ​ឡើង ​ដែល​ធ្វើការ​និង​រស់នៅក្នុង​រាជធានី​ភ្នំពេញ​ និង​ខេត្ត​កណ្តាល​ទាំងមូល​(គ្របដណ្តប់​ប្រមាណ ២៥ ក្រុង​/​ស្រុក​/​ខណ្ឌ​) ដែលមាន​ចំនួន​សរុប​ជិត២,៥ លាន​នាក់​ និង​ត្រូវការ​វ៉ាក់សាំង​ចំនួន​ជិត៥លាន​ដូ​ស។​ -​ជំហាន​ទី​២-​ពី​ពាក់កណ្តាល​ខែកក្កដា ដល់​ខែកញ្ញា ឆ្នាំ២០២១៖​ ផ្តោតលើ​ក្រុម​ប្រជាជន​ចាប់ពី​អាយុ១៨ឆ្នាំ​ឡើង ​ដែល​ធ្វើការ និងរស់នៅក្នុង​ខេត្ត​ចំនួន១១​គ្របដណ្តប់​៣៣​ក្រុង​/…

(ភ្នំពញ)៖ យោងតាមឯកសារ និងភស្តុតាងមួយចំនួនដែលបង្ហោះនៅលើ Facebook មួយឈ្មោះ «កម្ចាត់ជនក្បត់» បានបង្ហាញពីផែនការធ្វើសកម្មភាពខុសច្បាប់ របស់ក្រុមចលនាមាតាធម្មជាតិ បង្ហោះនៅល្ងាចថ្ងៃទី៦ ខែឧសភា ឆ្នាំ២០២១នេះ។ Facebook «កម្ចាត់ជនក្បត់» បានសរសេររៀបរាប់យ៉ាងដូច្នេះថា ក្រុមចលនាមាតាធម្មជាតិដែលដឹកនាំ ដោយជនជាតិអេស្ប៉ាញឈ្មោះ អាឡិច ហ្គន់សាឡេស ដេវិតសុន ដែលធ្វើសកម្មភាពដោយគ្មានច្បាប់នៅកម្ពុជា បានចូលរួមយ៉ាងសកម្មនៅក្នុងការអនុវត្តផែនញុះញង់ និងបង្កចលាចលសង្គមធ្វើឱ្យប៉ះពាល់យ៉ាងធ្ងន់ធ្ងរដល់សន្តិសុខ និងសណ្តាប់ធ្នាប់សាធារណៈ ក្រោមលេសបរិស្ថាន និងធនធានធម្មជាតិ។ សកម្មភាពខុសច្បាប់ទាំងនេះ ត្រូវបានអាជ្ញាធរមានសមត្ថកិច្ចចាត់វិធានការច្បាប់ ហើយនៅព្រឹកថ្ងៃទី៥ ខែឧសភា ឆ្នាំ២០២១ ក្រុមចលនាមាតាធម្មជាតិដែលរួមមាន ជនជាតិអេស្បាញឈ្មោះអាឡិច ហ្គន់សាឡេស ដេវិតសុន និងយុវជន៤រូប ត្រូវបានសាលាដំបូងរាជធានីភ្នំពេញ ចេញសាលក្រមរកឃើញថា មានពិរុទ្ធភាពពីបទញុះញង់ និងបង្កចលាចលសង្គមហើយបានសម្រេចផ្តន្ទាទោស ដាក់ពន្ធនាគារពី១៨ ខែដល់២០ខែនិងបង់ប្រាក់ពិន័យ ៤លានរៀលក្នុងម្នាក់ៗ។ ជនជាប់ចោទឈ្មោះ អាឡិច និងថុន រដ្ឋា ត្រូវបានកាត់ទោសជាប់ពន្ធនាគារយៈពេល២០ខែ ចំណែកយុវជនចលនាធម្មជាតិ ៣ នាក់ទៀតជាប់ពន្ធនាគារ ១៨ ខែរាប់ពីពេលចាប់ខ្លួន។ ឯកសារ បានបង្ហាញពីការរៀបចំផែនការរួមរបស់ក្រុមចលនាមាតាធម្មជាតិ តាំងពីឆ្នាំ២០១៧…

ភ្នំពេញៈ នៅថ្ងៃទី៦ ខែឧសភា ឆ្នាំ២០២១ ដែលជាថ្ងៃដំបូងនៃការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត មានគណបក្សនយោបាយ ចំនួន១ ដែលបានមកដាក់ពាក្យចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត នៅគណៈកម្មការរៀបចំការបោះឆ្នោតខេត្តកំពត (គ.ខ.ប) គិតត្រឹមម៉ោង១៧:៣០នាទី។ ប្រធានគណៈកម្មការរៀបចំការបោះឆ្នោតខេត្តកំពត លោក តែ ជិនណារិទ្ធ បានបញ្ជាក់ថា គណៈកម្មការរៀបចំការ បោះឆ្នោតខេត្តកំពតបានទទួលពាក្យចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោតពីគណបក្សប្រជាជនកម្ពុជា។ សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ ការចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត មានរយៈពេល៥ថ្ងៃ ដោយត្រូវចាប់ផ្តើម ពីថ្ងៃទី៦ ដល់ថ្ងៃទី១០ ខែឧសភា នៅរៀងរាល់ម៉ោងធ្វើការ។ គណបក្សនយោបាយ ដែលបានចុះបញ្ជីត្រឹមត្រូវស្របតាមច្បាប់ស្តីពីគណបក្សនយោបាយនៅក្រសួងមហាផ្ទៃ មានសិទ្ធិចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត ឆ្នាំ២០២១ ដែលនឹងប្រព្រឹត្តទៅនៅថ្ងៃអាទិត្យ ទី២៥ ខែកក្កដា ឆ្នាំ២០២១។ ពាក្យសុំចុះបញ្ជីគណបក្សនយោបាយ និងបញ្ជីបេក្ខជនឈរឈ្មោះបោះឆ្នោតគណបក្សនយោបាយទាំងអស់អាច ស្នើសុំនៅ គ.ជ.ប ឬ នៅលេខាធិការដ្ឋានរៀបចំការបោះឆ្នោតខេត្តកំពត ឬទាញយកពីគេហទំព័រ គ.ជ.ប www.nec.gov.kh…

ភ្នំពេញៈ ប្រធានសម្ព័ន្ធសហជីពជាតិបានឆ្លើយតបទៅក្រុមសហជីពក៏ដូចជាអង្គការសង្គមស៊ីវិលមួយចំនួនតូច ដែលបានលើកឡើងអំពីស្ថានភាពកម្មករ កម្មការិនី នៅក្នុងអំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ នៃខេត្តកណ្តាលនាពេលកន្លងមកនេះ។ ប្រធានសម្ព័ន្ធសហជីពជាតិរូបនេះបានអះអាងថា ការនិយាយនោះជាការបំភ្លៃការពិត បង្កភាពញុះញង់ ចំពោះកម្មករនិយោជិត។ លោក ហ្វា សាលី ប្រធានសម្ព័ន្ធសហជីពជាតិ បានមានប្រសាសន៍ប្រាប់ AMSនៅថ្ងៃទី៦ខែឧសភានេះ ថា មានក្រុមសហជីព ក៏ដូចជាអង្គការសង្គមស៊ីវិលមួយចំនួនតូច បានលើកឡើងហួសពីស្ថានភាពជាក់ស្តែង និងបំភ្លៃបំផ្លើសបង្កភាពញុះញង់ និងចលាចលចំពោះកម្មករនិយោជិត។ លោកថា គឺមិនមានអ្នកណាម្នាក់ស្រែកថា ដាច់អាហាររហូតដល់ស្លាប់នោះទេ។ មកដល់ពេលនេះ នៅក្នុងតំបន់បិទខ្ទប់ គឺកម្មករ កម្មការិនីនិងប្រជាពលរដ្ឋបាន ទទួលស្បៀងអាហារគ្រប់គ្រាន់ ដោយមិនមានអ្នកណា ម្នាក់ដាច់ពោះស្លាប់ដោយសារអត់អាហារនោះទេ។ រាជរដ្ឋាភិបាលបានខិតខំពុះពារបិទខ្ទប់តំបន់មួយចំនួន ដើម្បីបញ្ជៀសពីការស្លាប់ដោយសារជំងឺកូវីដ១៩ និងដើម្បីឲ្យប្រជាពលរដ្ឋ ទទួលបានសុខមាលភាពល្អជៀសវាងការឆ្លងរីលរាលដាលជំងឺដ៏កាចសាហាវនេះ។ ប្រធានសម្ព័ន្ធសហជីពជាតិបានសូមឲ្យអង្គការសង្គមស៊ីវិល និងសហជីពមួយចំនួនតូចដែលមាននិន្នាការ ទៅរកខាងប្រឆាំងសូមឲ្យមានសុទិដ្ឋនិយម និយាយឲ្យមានការពិតជាក់ស្តែង។ កុំនិយាយបំផ្លើស។ ចំពោះការលើកឡើងរបស់អង្គការសង្គមស៊ីវិលខ្លះនោះ គឺវាហួសពីការពិតដែរ។ ដូចជាទាក់ទងថ្លៃស្នាក់នៅ ពីព្រោះមានម្ចាស់ផ្ទះជួលមួយចំនួនក៏បានអនុគ្រោះលើកលែងមិនយកថ្លៃ ផ្ទះជួលនោះទេ និងខ្លះទៀតយក៥០ភាគរយ។ ហេតុនេះកុំលើកឡើងបញ្ហានេះ ហើយមកដាក់បន្ទុកលើរាជរដ្ឋាភិបាល។ ជាមួយគ្នានេះ លោកប្រធានសម្ព័ន្ធសហជីពជាតិក៏បានអំពាវនាវដល់រាជរដ្ឋាភិបាលមិនគួរណាអនុញ្ញាតឲ្យមានការបើករោងចក្រសហគ្រាសឡើងវិញទេ នៅតំបន់ដែលពោរពេញ ដោយការឆ្លងជំងឺកូវីដ១៩ ជាពិសេសនៅតំបន់ក្រហម…

ភ្នំពេញៈនៅថ្ងៃទី០៦ ខែឧសភា ឆ្នាំ២០២១នេះ សម្តេចតេជោ ហ៊ុន សែន ថ្លែងសារពិសេសពាក់ព័ន្ធការសម្រេចចិត្តបិទខ្ទប់ខេត្តមួយចំនួន និងបញ្ជាឲ្យអភិបាលខេត្តកែសម្រួលសេចក្តីសម្រេចឡើងវិញបន្ទាន់៕

វីដេអូ៖ ល្បិចនយោបាយ «មាន់រងាវមុនថ្ងៃរះ» ជាសម្រែកខ្មោចស៊ីពែ

ភ្នំពេញៈកាលពីថ្ងៃទី៤ ខែឧសភា ឆ្នាំ២០២១ ក្រសួងព័ត៌មានបានចេញសេចក្តីជូនដំណឹងស្តីពីការចូលយកព័ត៌មាន និងការផ្សាយព័ត៌មានក្នុងតំបន់ហាមឃាត់។ បន្ថែមលើការណែនាំនេះ អ្នកនាំពាក្យក្រសួងព័ត៌មានបានបញ្ជាក់ថាមានមូលហេតុធំពីរដែលជំរុញឱ្យក្រសួងត្រូវតែហាមប្រាម។ ឯកឧត្តម មាស សុភ័ណ្ឌ អ្នកនាំពាក្យក្រសួងព័ត៌មានបញ្ជាក់ប្រាប់ថា ទាក់ទងទៅនឹងសេចក្តីប្រកាសព័ត៌មានកាលពីថ្ងៃទី៤ខែឧសភាឆ្នាំ២០២១ អំពីការហាមប្រាមមិនឲ្យអ្នកសារព័ត៌មានចូលទៅក្នុងតំបន់ហាមឃាត់ ជាពិសេសតំបន់ក្រហម ដើម្បីធ្វើការផ្សព្វផ្សាយនោះគឺទី១.ក្រសួងព័ត៌មានសង្កេតឃើញថាការផ្សព្វផ្សាយរបស់អ្នកសារព័ត៌មានមួយចំនួនដែលបានផ្សព្វផ្សាយអំពីតំបន់ហាមឃាត់ ជាពិសេសតំបន់ក្រហមក៏ដូចជាសកម្មភាពផ្សេងៗទៀតដែលចូលទៅកន្លែងព្យាបាលអ្នកជំងឺកូវីដ ទាំងមន្ទីពេទ្យរដ្ឋ និងឯកជន ដូចជាការដេញតាមរថយន្តសង្គ្រោះ ដើម្បីផ្សព្វផ្សាយព័ត៌មាននោះ គឺជាការផ្សព្វផ្សាយដែលមិនមាននូវប្រភពច្បាស់លាស់ ក៏ដូចជានូវការផ្ទៀងផ្ទាត់ព័ត៌មានឲ្យបានគ្រប់ ជ្រុងជ្រោយ ពីស្ថាប័នពាក់ព័ន្ធ ក៏ដូចជាអ្នកជំនាញពាក់ព័ន្ធនៅក្នុងការអនុវត្តការងារប្រចាំថ្ងៃនៅក្នុងតំបន់ទាំងនោះ ក៏ដូចជាពាក់ព័ន្ធទៅនឹងការអនុវត្តវិធានការសុខាភិបាល ដូចជា ច្បាប់ លិខិតបទដ្ឋានគតិយុត្តិ សារាចរណែនាំ គោលការណ៍ណែនាំរបស់ រាជរដ្ឋាភិបាល។ នេះគឺជាចំណុចដែលប្រាសចាកពីក្រមសីលធម៌វិជ្ជាជីវៈ ក៏ដូចជាច្បាប់បើមានជាធរមានផងដែរ។ ទី២. ការដែលមិនអនុញ្ញាតឲ្យអ្នកសារព័ត៌មាន ចូលទៅក្នុងតំបន់ក្រហម គឺជាវិធានការរបស់រាជរដ្ឋាភិបាលនៅក្នុងការទប់ស្កាត់ ការរីករាលដាលជំងកូវីដនៅក្នុងសហគមន៍នៅក្នុងព្រះរាជាណាចក្រកម្ពុជា ធ្វើយ៉ាងណាកុំឱ្យមានការរីករាលដាលឬក៏មានការឆ្លងជាបន្តបន្ទាប់ចេញពីតំបន់ដែលកំពុងតែមានហានិភ័យខ្ពស់ នៃការរីករាលដាលនៃជំងឺកូវីដ១៩ គឺតំបន់ក្រហម។ ដូច្នេះហើយអ្នកសារព័ត៌មានទាំងអស់ ដូចជាប្រជាពលរដ្ឋ គឺត្រូវតែគោរពឲ្យបានខ្ជាប់ខ្ជួនបំផុតចំពោះការដាក់ចេញការដាក់ចេញនូវវិធានការនានារបស់រាជរដ្ឋាភិបាល ដូចជាក្រសួងសុខាភិបាល ជាពិសេសនៅក្នុងតំបន់ក្រហមដែលជា តំបន់ហាមឃាត់តំបន់មានហានិភ័យខ្ពស់នៅក្នុងការរីករាលដាលនៃជំងឺកូវីដ។ ដូច្នេះហើយការដែលអាជ្ញាធរមានសមត្ថកិច្ច​ ក៏ដូចជារាជរដ្ឋាភិបាលនេះហាមឃាត់ គឺមិនមែនក្នុងគោលបំណងដើម្បីបំបិទសិទ្ធិប្រជាពលរដ្ឋដូចជាបំបិទសិទ្ធិអ្នកសារព័ត៌មាន នោះទេ។ ការដាក់ចេញនូវវិធានការនេះគឺដើម្បីធានាអំពីការការពារសុខភាពសាធារណៈរបស់ប្រជាពលរដ្ឋដែលរស់នៅក្នុងតំបន់មានហានិភ័យខ្ពស់ក្នុងការរីករាលដាលនៃជំងឺកូវីដ១៩ ដូចជាការការពារនៃការរីករាលដាលនៅក្នុងសហគមន៍ និងនៅក្នុងព្រះរាជាណាចក្រកម្ពុជាទាំងមូល។…