ភ្នំពេញ៖ ប្រទេសកម្ពុជាយើងបានស្គាល់ «ត្រកូលអ្នកនយោបាយក្បត់ជាតិ» ៣ជំនាន់មកហើយដែលប្រវត្តិសាស្ត្របានចារទុកក្នុងក្រាំងមាស។ ប៉ុន្តែវង្សត្រកូលមួយនេះក៏នឹងត្រូវបញ្ចប់ ហើយ ត្រឹមទាយាទចុង ក្រោយរបស់ខ្លួនដែលកំពុងត្រៀមបញ្ចប់ អាជីពនយោបាយ ក៏ដូចជាបញ្ចប់វង្ស ត្រកូល«ក្បត់ជាតិ» បីជំនាន់របស់ខ្លួនយ៉ាងអាម៉ាស់បំផុត។ ត្រកូល «អ្នកនយោបាយក្បត់ជាតិ» មួយនេះ ដែលបានបន្តពីជីតាឪពុករហូតដល់កូនត្រូវបានលោក «ភិនយ៉ូ ភុងចារ៉ឺន ដែលជាហោរាសាស្ត្រដ៏ល្បីនៅស្រុកថៃ» ទស្សន៍ទាយប្រាប់ សកម្មជន អតីតបក្សប្រឆាំងនៅឆ្នាំ២០១៥ ថា មេបក្សរបស់ខ្លួននឹង «ជួបគ្រោះធំប្រៀបដូចពស់ដាច់ក្បាល និងដាច់ដងខ្លួន-បាក់ឆ្អឹងខ្នង-ទៅមុខលែងរួច និងថយក្រោយមិនកើត» ជាពិសេសគឺដូចអ្នកលេងអុក គឺ «អស់ផ្លូវ, អស់ក្រឡាដើរទាល់ច្រក និងត្រូវគេព័ទ្ធជិត»។ រហូតមកដល់បច្ចុប្បន្ននេះ ពាក្យសំដីទស្សន៍ទាយប៉ុន្មានឃ្លានេះ គឺគ្មានអ្វីខុសបន្តិចនោះឡើយ ពោលគឺពេលនេះវង្សត្រកូល«ក្បត់ជាតិ» បីជំនាន់នេះពិតជានឹងត្រូវដាច់ពូជក្បត់ជាតិត្រឹមនេះដូចអ្វីដែលហោរាសាស្ត្រថៃរូបនេះបាននិយាយបញ្ជាក់ថា «ជំហ៊ានរបស់លោក ហ៊ុន សែន ដែលកំពុងដឹកនាំគឺជាជំហ៊ានគីង្គក់ ប៉ុន្តែពីមួយ ជំហ៊ានទៅមួយជំហ៊ានគឺលោក ហ៊ុន សែន ប្រើទម្ងន់ដំរី»។ ក្រោមកណ្តាប់ដៃបុរសខ្លាំងកម្ពុជាឈ្មោះ ហ៊ុន សែន ដែលជាតួអង្គអ្នកនយោបាយតែម្នាក់គត់ក្នុងប្រវត្តិសាស្ត្រសម័យទំនើបដែលអាចបង្ក្រាបត្រកូល «ក្បត់ជាតិបីជំនាន់» នេះបាន ពីព្រោះ សូម្បីតែជំនាន់ព្រះបរមរតនៈកោដ្ឋ ព្រះបិតាជាតិដ៏ល្បីល្បាញក៏មិនអាចផ្តាច់ឬសគល់ត្រកូល…

ភ្នំពេញ: សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានគូសបញ្ជាក់ថា «ការជឿទុកចិត្តគ្នា គឺជាដើមទុនដ៏សំខាន់បំផុតនៅក្នុងដំណើរការនៃការបង្កើតសន្តិភាព និងការផ្សះផ្សាជាតិ។ ដើម្បីទទួលបានការ ជឿទុកចិត្តនេះ យើងត្រូវការកិច្ចសន្ទនាដ៏ស្មោះត្រង់រវាងអ្នកពាក់ព័ន្ធផ្សេងៗគ្នា ទាំងរដ្ឋ ទាំងស្ថាប័នមិនមែនរដ្ឋ»។ ការបញ្ជាក់របស់សម្តេចតេជោ ហ៊ុន សែន បានធ្វើឡើងតាមរយៈសារអបអរសាទរក្នុងកម្មវិធីមហាសន្និបាតនៃក្តីសង្ឃឹមលើកទី៦ និងកម្មវិធីប្រកាស «ស្ថាប័នស្រាវជ្រាវឆ្នាំ២០២២ (THINK TANK 2022)» ជាមួយនឹងថ្នាក់ដឹកនាំស្រលាញ់សន្តិភាព នៅជុំវិញពិភពលោក ដែលរៀបចំឡើងដោយសហព័ន្ធសន្តិភាពសកល (Universal Peace Federation – UPF) ដែលនឹងផ្សព្វផ្សាយដល់អ្នកទស្សនាជុំវិញពិភពលោកជាង៤០០លាននាក់ នាព្រឹកថ្ងៃទី៩ ខែឧសភា ឆ្នាំ២០២១។ សម្តេចតេជោ នាយករដ្ឋមន្ត្រីជឿជាក់ថា «ស្ថាប័នស្រាវជ្រាវឆ្នាំ២០២២ ដោយផ្អែកលើប្រាជ្ញារួមគ្នា និងជំនាញរបស់អ្នកជំនាញ ព្រមទាំងអ្នកអនុវត្តផ្ទាល់មកពីតំបន់ និងពិភពលោក នឹងផ្តល់នូវវិធីសាស្រ្តរួមថ្មីមួយ ឆ្ពោះទៅរកការសម្រេចបាននូវសន្តិភាព និងស្ថិរភាពយូរអង្វែងនៅឧបទ្វីបកូរ៉េ» ផងដែរ។ គួរបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ធ្លាប់បានផ្តល់កិត្តិយសចូលរួមថ្លែងសុន្ទរកថាគន្លឹះនៅក្នុងកម្មវិធីមហាសន្និបាតនៃក្តីសង្ឃឹមលើកទី១ កាលពីឆ្នាំ២០២០ម្តងហើយ។ សូមជម្រាបផងដែរថា…

ភ្នំពេញៈស្ថានបេសកកម្មអចិន្រ្តៃយ៍នៃព្រះរាជាណាចក្រកម្ពុជា នៅទីក្រុងហ្សឺណែវ បានបដិសេធចោលទាំងស្រុងចំពោះទស្សនៈផ្ទាល់ខ្លួនរបស់លោកស្រីសាស្រ្តាចារ្យ Mary Lawlor អ្នករាយការណ៍ពិសេសស្តីពីស្ថានភាពអ្នកការពារសិទ្ធិមនុស្សដែលបានថ្លែងកាលពីថ្ងៃទី០៧ ខែឧសភា ឆ្នាំ២០២១ ពាក់ព័ន្ធនឹងការជំនុំជម្រះក្តីនៅកម្ពុជា។ ស្ថានបេសកកម្មអចិន្រ្តៃយ៍បានបន្តថា ដោយសារការអត្ថាធិប្បាយរបស់លោកស្រីសាស្រ្តាចារ្យ Mary Lawlor មានព័ត៌មានមិនពិត និងបង្កឱ្យមានការភ័ន្តច្រឡំ ស្ថានបេសកកម្មអចិន្ត្រៃយ៍ កម្ពុជា សូមផ្តល់ជូននូវការសង្កេតមួយចំនួនដូចតទៅ៖ទី១)កម្ពុជាផ្តល់តម្លៃចំពោះអង្គការក្រៅរដ្ឋាភិបាលដែលបានចុះបញ្ជីត្រឹមត្រូវ និងប្រតិបត្តិការនៅក្នុងព្រំដែននៃច្បាប់។ តែគួរឱ្យសោកស្តាយ លោកស្រីសាស្រ្តាចារ្យហាក់បែរជាតស៊ូមតិគាំទ្រ អង្គការខុសច្បាប់មួយ ដែលបន្លំខ្លួនជ្រកក្រោមស្លាកការងារបរិស្ថានទៅវិញ។ បើទោះជាស្ថាបនិកនៃអង្គការនោះបានសម្រេចសុំលុបឈ្មោះចេញពីបញ្ជីដោយឯកឯងកាលពីឆ្នាំ២០១៧រួចហើយក៏ដោយ ក៏បុគ្គលដឹកនាំខុសច្បាប់មួយរូបនៃអង្គការនេះនៅតែ បន្តកេងចំណេញ ប្រើប្រាស់ចលនានេះដដែលរហូតដល់បច្ចុប្បន្ន។ នៅពេលថ្មីៗនេះ បុគ្គលនោះក៏បានថ្លែងសារភាពជាសាធារណៈថា របៀបវារៈនៃសកម្មភាពរបស់ខ្លួនគឺ “លើសពីហេតុផលបរិស្ថាន” និងថា ត្រូវប្រើប្រាស់ “គ្រប់មធ្យោបាយទាំងអស់” ដើម្បីផ្លាស់ប្ដូរការដឹកនាំរដ្ឋនៅកម្ពុជា។ ក្រុមដែលតាំងខ្លួនជាអ្នកការពារសិទ្ធិពុំមានសិទ្ធិអាចបំពានច្បាប់ ដោយនិទណ្ឌភាពឡើយ។ បទល្មើស គឺជាបទល្មើស ហើយគេមិនអាចប្រើប្រាស់សកម្មភាពខុសច្បាប់ជាទទ្ប្ហីករណ៍សម្រាប់បុព្វហេតុផ្សេងណាមួយបានទ្បើយ។ទី២)លោកស្រីសាស្រ្តាចារ្យ ពុំដែលសង្កត់ធ្ងន់ទាល់តែសោះថា ការអនុវត្តសិទ្ធិសេរីភាពនៃការបញ្ចេញមតិ ការបង្កើតសមាគម និងការប្រមូលផ្តុំដោយសន្តិវិធី ត្រូវភ្ជាប់ទៅនឹងករណីកិច្ច ការទទួលខុសត្រូវ និងការកំហិតជាពិសេស ដែលកំណត់ដោយច្បាប់ ដូចមានចែងនៅក្នុងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ។ ការខកខានថ្លែងបែបនេះ រឹតតែជំរុញនិងផ្តល់កម្លាំងបន្ថែមឱ្យបុគ្គលកាន់តែល្មើសច្បាប់ផ្សព្វផ្សាយព័ត៌មានមិនពិត និងញុះញង់ឱ្យមានអំពើហិង្សា និងការបែកបាក់ក្នុងសង្គម ដែលទាំងនេះសុទ្ធសឹងតែជាទង្វើរុញ…

ភ្នំពេញៈសង្គ្រាមប្រឆាំងនឹងការឆ្លងរីករាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈដែលដឹកនាំដោយរាជរដ្ឋាភិបាលកម្ពុជានៅតែមានសភាពខ្លាំងក្លាជានិច្ច។ ព្រឹត្តិការណ៍សហគមន៍ ២០ កុម្ភៈមានអ្នកឆ្លងជាង ១៨០០០ នាក់ និងអ្នកស្លាប់ជាង ១០០នាក់ដែលនេះ គឺជាសោកនាដកម្មថ្មីមួយសម្រាប់កម្ពុជាដែលបង្កឡើងដោយជំងឺកូវីដ១៩ ហើយចាំបាច់ទាំងអស់គ្នាត្រូវរួមសាមគ្គីគ្នាដើម្បីគ្រប់គ្រងព្រឹត្តិការណ៍នេះឱ្យបាន។ ក្រៅពីអនុវត្តវិធានការចាំបាច់នានាក្នុងការជួយសង្គ្រោះ និងការពារអាយុជីវិតប្រជាពលរដ្ឋពី សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្តោតសំខាន់លើការកសាងខឿនការពារសុខុមាលភាពប្រជាពលរដ្ឋតាមរយៈការស្វះស្វែងរកវ៉ាក់សាំងកូវីដ១៩ ចាក់បង្ការជូនប្រជាពលរដ្ឋ។ ពលរដ្ឋខ្មែរជឿជាក់លើការដឹកនាំរបស់រាជរដ្ឋាភិបាល ជាពិសេសសម្តេចតេជោ ហ៊ុន សែន នាយករដ្ឋមន្ត្រី ក្នុងការប្រយុទ្ធប្រឆាំង និងទប់ស្កាត់ការឆ្លងរីករាលដាលនៃជំងឺកូវីដ-១៩ ហើយមានជំនឿថា ការចាក់វ៉ាក់សាំងបង្ការជំងឺកូវីដ ១៩ ដែលរាជរដ្ឋាភិបាលផ្តល់ជូនពលរដ្ឋទូទាំងប្រទេស ក្នុងរយៈពេលសមស្របខាងមុខនេះ រួមនឹងការអនុវត្តវិធានការចាំបាច់នានា គឺជាក្តីសង្ឃឹមនាំកម្ពុជាវិលត្រឡប់មករកប្រក្រតីភាពឡើងវិញឆាប់រហ័ស និងសម្រាប់ការងើបឡើងវិញនៃសេដ្ឋកិច្ចជាតិ៕

ភ្នំពេញៈសម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានធ្វើការអំពាវនាវ ជាថ្មីម្តងទៀតដល់ម្ចាស់ផ្ទះជួលទាំងអស់ ដោយសុំការយោគយល់ការ ចូលរួមចែករំលែកជាមួយបងប្អូនកម្មករ កម្មការិនីនៅតំបន់បិទខ្ទប់តាមរយៈកាយវិការមនុស្សធម៌ដោយផ្អាក ឬបន្ធូរបន្ថយថ្លៃជួលបន្ទប់ ក្នុងពេលដែល​ពួកគេ​មិនទាន់បាន​បើកប្រាក់​ខែ​ពី​ថៅកែ​រោងចក្រ​និង​កំពុង​ជួប​ការលំបាក។ ​ទន្ទឹមនេះក៏បានស្នើទៅអាជ្ញាធរអគ្គិសនី រដ្ឋាករទឹកស្វយ័តរកវិធីអនុគ្រោះ​នៅក្នុង​ការយកថ្លៃ​ទឹក ថ្លៃ​ភ្លើង ដែលជា​ការរួមចំណែក​ជាមួយនឹង​ម្ចាស់​ផ្ទះជួល​ដើម្បី​ដោះស្រាយ​បញ្ហា​រួម​របស់​កម្មករ​កម្មការិនី​នៅតំបន់បិទខ្ទប់។​ ក្នុងសារពិសេសជាសំឡេងដែលត្រូវបានផ្សព្វផ្សាយនៅព្រឹកថ្ងៃទី៨ខែឧសភានេះ​​​ ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​សម្តេច​ត​ជោនាយករដ្ឋមន្រ្តីនៃកម្ពុជា​មានប្រសាសន៍ថា​ ​សម្តេចសូមធ្វើការ​អំពាវនាវ​ទៅកាន់​បងប្អូន​ជាម្ចាស់ផ្ទះជួល ផ្ទះសំណាក់ ទាក់ទិន​ជាមួយនឹង​តម្លៃ​ឈ្នួលផ្ទះរបស់​កម្មករ​ កម្មការិនី។ ​ក្នុង​ប៉ុន្មាន​ថ្ងៃកន្លងទៅនេះ​ជាពិសេស​ម្សិលមិញ​នេះ​គឺមាន​ការទាមទារ​យក​ប្រាក់​ថ្លៃឈ្នួល​ផ្ទះ​ពី​កម្មករ​កម្មការិនី​រប​ស់​យើង ក្នុងពេលដែល​កម្មករ​កម្មការិនី​របស់​យើង​មិនទាន់បាន​បើកប្រាក់​ខែ ហើយកំពុង​ស្ថិត​នៅក្នុង​តំបន់​បិទ​ខ្ទប់​នៅឡើយ​។ គឺ​នៅ​តំបន់​ក្រហម​ក្នុងស្ថានភាព​បែបនេះ ​សម្តេចសុំ​អង្វរក​ចំ​ពោះ​ម្ចាស់​ផ្ទះជួល​ទាំងអស់ សូមមេត្តា​យោគយល់​ដល់​ការលំបាក​របស់​កម្មក​រ កម្មការិនី​របស់​យើងក្នុងពេល​វេលា​មួយ​ដែល​យើងទាំងអស់គ្នា​សុទ្ធ​តែមាន​ជួប​ការលំបាក​​។​ ​រំលឹកទៅរកអ្វីដែលសម្តេចបានធ្វើការអំពាវនាវនាពេលកន្លងទៅ សម្តេច​តេ​ជោ ហ៊ុន សែន បានមានប្រសាសន៍ថា​ក្នុង​រយៈពេល​កន្លងទៅនេះ​ក៏មាន​ម្ចាស់​ផ្ទះជួល​មួយចំនួន​បានសម្រេច​មិន​យកប្រាក់​ឈ្នួល​របស់​កម្មករ​កម្មការិនី ក្នុង​ចំនួន​មួយរយៈ​ខ្លី​ ឬក៏​បញ្ចុះថ្លៃ ហើយក៏​មាន​មួយចំនួនទៀត​បានអនុញ្ញាត​ឲ្យ​ប្រើប្រាស់​ក្នុង​រយៈពេល​វែង ដែលសម្តេចក៏បាន ធ្វើ​លិខិត​ថ្លែងអំណរគុណ​ចំពោះ​ពួកគាត់​រួចហើយ។ ប៉ុន្តែ​ក៏​នៅ​សេសសល់​បងប្អូន​មួយចំនួនដោយខ្វះការយោគយល់ ​បង្កើតឱ្យមាន​បញ្ហា​ឡើង តែ​ម្សិលមិញ​នេះ​មានការ​ប្រញាប់​ប្រ​ញា​ល់​ធ្វើការ​ដោះស្រាយ​នៅ​ទីកន្លែង​នោះ។ សម្តេច​តេ​ជោ​នាយករដ្ឋមន្ត្រី​ក៏បាន​សុំ​អង្វរក​ចំពោះ​ម្ចាស់​ផ្ទះជួល​ទាំងឡាយសុំ​ផ្អាក​ជា​បណ្ដោះអាសន្ន​នូវការយក​ប្រាក់​ឈ្នួល​ពី​កម្មករ​កម្មការិនី​ក្នុងពេលដែល​កម្ម​ករក​ម្ម​ការិនី​មិនទាន់​បើកប្រាក់​ឈ្នួល​ពី​ថៅកែ​នៅឡើយ ហើយ​ប្រសិនបើ​ម្ចាស់ផ្ទះ​ឈ្នួល​ទាំងឡាយ​នឹងធ្វើ​ទៅបាន​រួមគ្នា​ធ្វើ​ដើម្បី​ជួយ​ទៅដល់​កម្មករ​កម្មការិនី​របស់​យើង។ ឧទាហរណ៍​ការបញ្ចុះ​ថ្លៃបន្ទប់​ជួល​ដែល​បាន​នឹង​កំពុងស្នាក់នៅក្នុង​ចំនួន​ប៉ុន្មាន​ភាគរយ, ចំនួន​តិច​ឬ​ចំនួន​ច្រើន តាម​លទ្ធភាព​ដែល​អាចធ្វើ​ទៅបាន។ ប្រសិនបើ​ម្ចាស់​ផ្ទះជួល​ខ្លះ​អាច​លើកលែងបាន​ក្នុង​មួយខែ​ពីរ​ខែ ឬ ៣ខែ ក៏​សុំ​ធ្វើការ​លើកលែង។​ ​សម្តេច​តេ​ជោ​បន្តថា​ ​សម្តេច​ដឹងថា​ម្ចាស់​ផ្ទះជួល​មួយចំនួនខ្លះ​ខ្ចីលុយ​ធនាគារយកមក​សាងសង់​ផ្ទះជួល​ទាំងនោះ បងប្អូន​ពិតជា​មានការ​លំបាក​ដូចគ្នា ដែល​ម្ខាង​ជា​កូនបំណុល ម្ខាង​ទៀត​ក៏​ជា​ម្ចាស់បំណុល។ ប៉ុន្តែ​សម្តេចសង្ឃឹមថា​ម្ចាស់​ផ្ទះជួល​ទាំងអស់​នឹង​អាច​យល់បាន​នូវ​ការលំបាក​រួម…

ភ្នំពេញៈនៅព្រឹកថ្ងៃទី០៨ ខែឧសភា ឆ្នាំ២០២១នេះ សម្តេចតេជោ ហ៊ុន សែន ផ្ញើសារពិសេសជូនជនរួមជាតិ ដោយសំណូមពរដល់ម្ចាស់ផ្ទះជួល, អគ្គិសនីកម្ពុជា និងរដ្ឋាករទឹកកម្ពុជា ផ្អាកយកប្រាក់ថ្លៃជួលពីកម្មករ-កម្មការិនី នៅក្នុងតំបន់បិទខ្ទប់៕

ភ្នំពេញ​:​អ្នកនាំពាក្យ​ក្រសួងយុត្តិធម៌​បាន​បញ្ជាក់ថា​ការទាមទារ​និង​ការ​ថ្កោលទោស​របស់​អ្នកជំនាញ​អង្គការសហប្រជាជាតិ (​អ​.​ស​.​ប​)​អំពី​ការកាត់ទោស​សកម្មជន​៣​នាក់ គឺ​គ្មាន​ទម្ងន់​ផ្នែក​ច្បាប់ ឬ​មាន​សម្ពាធ​ទៅលើ​តុលាការ​នោះទេ​។ ​ការឆ្លើយតប​របស់​អ្នកនាំពាក្យ​ក្រសួងយុត្តិធម៌​បាន​ធ្វើឡើង​បន្ទាប់ពី​អ្នកជំនាញ​អ​.​ស​.​ប នៅ​ថ្ងៃទី​៧​ខែឧសភា​ឆ្នាំ​២០២១ បានធ្វើការ​ថ្កោលទោស​ចំពោះ​ការសម្រេច​ផ្តន្ទាទោស​សកម្មជន​បី​រូប​ដាក់ពន្ធនាគារ​រយៈ​ពេល​រហូតដល់ ២០ ខែ ហើយ​បាន​ជំ​រុញឱ្យ​រដ្ឋាភិបាល​ដោះលែង​ពួកគេ​ជាបន្ទាន់​និង ដោយ​គ្មាន​លក្ខខណ្ឌ ។​ ​ឯកឧត្តម ជិន ម៉ា​លីន រដ្ឋលេខាធិការ​និង​ជា​អ្នកនាំពាក្យ​ក្រសួងយុត្តិធម៌​បាន​ថ្លែងប្រាប់ AMS ថា​ការចេញ​សេចក្តី ថ្លែងការណ៍​ថ្កោលទោស ឬ​ចោទប្រកាន់​ដោយ​គ្មាន​មូលដ្ឋាន​របស់​អ្នកជំនាញ​អ​.​ស​.​ប គឺ​គ្មាន​ទម្ងន់​ផ្នែក​ច្បាប់ ឬ​មាន​សម្ពាធ​ទៅលើ​តុលាការ​នោះបានទេ​ហើយក៏​មិនអាច​ជួយ​ដល់​សកម្មជន​ទាំង​៣​នាក់​ដែលជា​ជនជាប់ចោទ​នេះ​បានដែរ​។ មានតែ​ការចូលរួម​ក្នុង​ដំណើរការ​នីតិវិធី​របស់​តុលាការ​នោះទេ ដោយ​ស្វែងរក​ភស្តុតាង​សក្ខីកម្ម មូលដ្ឋាន​ផ្លូវច្បាប់​ឲ្យ​បាន​រឹងមាំ ដើម្បី​តតាំង​ជាមួយនឹង​បទ​ចោទ ធ្វើការ​ដោះ​បន្ទុក​តាមផ្លូវ​តុលាការ ទើប​ជា​មធ្យោបាយ​ស្របច្បាប់ ដាក់​អាច​ការពារ​ដល់​សកម្ម​ជន​ទាំងបី​រូបនេះ​បាន​។​ ​សកម្មជន​ទាំង​បីនាក់​រួមមាន : ១. ឈ្មោះ ថុ​ន រដ្ឋា ,២. ឈ្មោះ ឡុង គ​ន្ធា និង​ឈ្មោះ ភួ​ន កែវ​រស្មី ដែលជា​សមាជិក​អង្គការ​មាតា​ធម្មជាតិ (​អិ​ម អិន ស៊ី​) ត្រូវបាន​ចាប់ខ្លួន​ក្នុង​ខែកញ្ញា ឆ្នាំ​២០២០ ត្រូវបាន​ចោទប្រកាន់​តាម មាត្រា​៤៩៤ និង​មាត្រា​៤៩៥ នៃ​ក្រមព្រហ្មទណ្ឌ​។ ​សកម្មជន ឡុង គ​ន្ធា…

ភ្នំពញ៖ នៅថ្ងៃទី០៧ ខែឧសភា ឆ្នាំ២០២១នេះ Facebook ឈ្មោះ «កម្ចាត់ជនក្បត់» បានបន្តបង្ហាញពីផែនការធ្វើសកម្មភាពខុសច្បាប់ របស់ក្រុមចលនាមាតាធម្មជាតិ។ បើយោងតាមឯកសារ និងភស្តុតាងមួយចំនួនដែលបង្ហោះនៅលើ Facebook មួយនេះបានរៀបរាប់ជាមួយខ្លឹមសារទាំងស្រុងថា៖ ភស្តុតាងដែលមន្ត្រីស៊ើបអង្កេតលើករណីចលនាមាតាធម្មជាតិ បានបង្ហើបឱ្យដឹងថា ជនជាតិអេស្បាញ ឈ្មោះអេឡិច ហ្គន់សេឡេស ដេវិតសុន ដែលចូលមកក្នុងប្រទេសកម្ពុជាតាំងពីឆ្នាំ ២០០៦ ទោះបីជាត្រូវបាន បណ្តេញចេញពីប្រទេសកម្ពុជាក្តី តែបុគ្គលនេះនៅតែបន្តសកម្មភាពធ្វើវិទ្ធង្សនាប្រឆាំងនឹងកម្ពុជា ដោយទទួលប្រាក់ជំនួយពីម្ចាស់ជំនួយបរទេសនានា និងការគាំទ្រទាំងថវិកាពីសកម្មជន និងគាំទ្រនយោបាយពីអតីតគណបក្សសង្គ្រោះជាតិ។ រាល់ផែនការសកម្មភាពដែលបានរៀបចំឡើងដែលមានក្រុមយុវជនក្នុងស្រុកជាអ្នកអនុវត្ត ត្រូវបានគូសវាសនិងដឹកនាំធ្វើដោយជនបរទេស ហើយមានគោលដៅញុះញង់ និងបង្កចលាចលសង្គមនិងធ្វើឱ្យមានការងើបបះបោរប្រឆាំងនឹងរដ្ឋាភិបាលលើវិស័យផ្សេងៗ ជាពិសេសចលនាមាតាធម្មជាតិបានជ្រើសរើស មុខព្រួញមួយចំនួន ដើម្បីវាយប្រហារគឺអាជីវកម្មខ្សាច់ ប្រឆាំងនឹងវិនិយោគទុនចិននៅកោះកុង និងព្រះសីហនុ ទំនប់អគ្គិសនីសេសានក្រោម ២ និងលើអាជីវកម្មមាស និងគម្រោងវិនិយោគជាច្រើនទៀត។ ចលនាមាតាធម្មជាតិនេះគឺជាឈ្មោះប្រើ ដើម្បីបន្តសកម្មភាពវិទ្ធង្សនារបស់ពួកគេ ក្រោយពេលដែលអង្គការមាតាធម្មជាតិដែលអាឡិចធ្លាប់ជ្រកត្រូវបានភិក្ខុ ព្រហ្ម ធម្មជាតិ ជាប្រធានស្ថាបនិកអង្គការនេះស្នើសុំក្រសួងមហាផ្ទៃលុនឈ្មោះចេញពីបញ្ជីក្រោយបានរកឃើញថា អាឡិច ក្នុងអនុប្រធានអង្គការមាតាធម្មជាតិ បានយកត្រាអង្គការប្រើប្រាស់តាំងពីឆ្នាំ ២០១៣ និងបានធ្វើសកម្មភាពផ្ទុយនឹងលក្ខន្តិកៈរបស់អង្គការ និងបង្កការស្មុគស្មាញជាច្រើនដល់ថ្នាក់ដឹកនាំអង្គការ។ បញ្ជីហិរញ្ញវត្ថុរបស់អង្គការមាតាធម្មជាតិត្រូវបានគ្រប់គ្រងដោយ អាឡិច។ អាឡិចគ្រប់គ្រងទាំងហិរញ្ញវត្ថុ…

វីដេអូស្តីអំពី «ភស្តុតាងបង្ហាញថាចលនាមាតាធម្មជាតិរៀបចំផែនការញុះញង់ និងបង្ក ចលាចលសង្គមបម្រើឱ្យផែនការបដិវត្តន៍ពណ៌នៅកម្ពុជាក្រោមលេសបរិស្ថាននិងធនធានធម្មជាតិ» ដែលមានរយៈពេល 9នាទី 36វិនាទី៕