សម្តេចក្រឡាហោម ស ខេង ឧបនាយាករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈបញ្ជាការសន្តិសុខអចិន្ត្រៃយ៍ សម្រាប់ការបោះឆ្នោត និងឯកឧត្តម ប្រាជ្ញ ចន្ទ ប្រធានគណៈកម្មាធិការជាតិររៀបចំការបោះឆ្នោត បានចេញសេចក្តីណែនាំដល់គណបក្សនយោបាយ ឬ/និងបេក្ខជន មិនត្រូវធ្វើសកម្មភាព កៀរគរ ប្រមូលកម្លាំងពី រាជធានី ខេត្តណាមួយ ទៅធ្វើសកម្មភាពនៅរាជធានី ឬខេត្តផ្សេង ក្នុងចេតនាបង្កចលាចល អសន្តិសុខសង្គម ដើម្បីបំផ្លាញយុទ្ធនាការឃោសនាបោះឆ្នោត និងការបោះឆ្នោតនោះឡើយ។

ក្រុមប្រតិកម្មព័ត៌មាន គ.ជ.ប បានច្រានចោលការចោទប្រកាន់ដោយគ្មានមូលដ្ឋានរបស់លោក សុន ឆ័យ តំណាងគណបក្សភ្លើងទៀន ដែលបានថ្លែងក្នុងវេទិកាអ្នកស្តាប់វិទ្យុអាស៊ីសេរី ដោយមានការចូលរួមពីឯកឧត្តម សុខ ឥសាន អ្នកនាំពាក្យគណបក្សប្រជាជនកម្ពុជា កាលពីថ្ងៃទី៣១ ខែឧសភា ឆ្នាំ២០២២។ នេះបើយោងតាមសេចក្តីបំភ្លឺរបស់ក្រុមប្រតិកម្មព័ត៌មាន គ.ជ.ប នៅថ្ងៃទី១ ខែមិថុនា ឆ្នាំ២០២២។

អនុលោមតាមច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងបទបញ្ជា និងនីតិវិធី សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ក្នុងគោលបំណងធានា ឱ្យដំណើរការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ប្រព្រឹត្តទៅដោយ រលូន ស្ថិតក្នុងបរិយាកាសសន្តិសុខ សុវត្ថិភាព និងសណ្តាប់ធ្នាប់សាធារណៈ គ្មានអំពើហិង្សា គ្មានការ គំរាមកំហែង គណៈកម្មាធិការជាតិរៀបចំការបោះឆ្នោត (គ.ជ.ប) បានធ្វើការណែនាំគណបក្សនយោបាយ ឬ/និងបេក្ខជន មិនត្រូវធ្វើសកម្មភាព កៀរគរ ប្រមូលកម្លាំងពី រាជធានី ខេត្តណាមួយ ទៅធ្វើសកម្មភាពនៅរាជធានី ឬខេត្តផ្សេង ក្នុងចេតនាបង្កចលាចល អសន្តិសុខសង្គម ដើម្បីបំផ្លាញយុទ្ធនាការឃោសនាបោះឆ្នោត និងការបោះឆ្នោតនោះឡើយ។

ថ្ងៃទី១ ខែមិថុនា ឆ្នាំ២០២២ ជាថ្ងៃទីដប់ពីរ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តទៅក្នុងបរិយាកាសមានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងគ្មានការគំរាមកំហែង។ គណបក្សនយោបាយដែលដាក់បេក្ខជនចូលរួមប្រកួតប្រជែងក្នុងការបោះឆ្នោត បានធ្វើសកម្មភាពនៅតាមមណ្ឌលបោះឆ្នោតនីមួយៗ ដើម្បីឃោសនាអំពីគោលនយោបាយ និងកម្មវិធីនយោបាយរបស់គណបក្សនយោបាយខ្លួនក្នុងការអភិវឌ្ឍឃុំ សង្កាត់។ នេះបើយោងតាមសេចក្តីប្រកាសព័ត៌មានរបស់ គ.ជ.ប នៅថ្ងៃទី១ ខែមិថុនា ឆ្នាំ២០២២។

តើជំងឺចាស់របស់ក្រុមប្រឆាំងជ្រុលនិយមក្បត់ជាតិចង់រើឡើងវិញឬយ៉ាងណា? ខណៈផែនការជាបន្តបន្ទាប់ ដែលត្រូវបានបែកធ្លាយសុទ្ធតែជាផែនការដែលបានផ្សារភ្ជាប់នឹងការបោះឆ្នោត ក្នុងនោះមនុស្សជំនិតៗរបស់ទណ្ឌិត សម រង្ស៊ី ជាច្រើនរូបបានចូលមកក្នុងប្រទេសកម្ពុជា នារយៈពេលចុងក្រោយនេះ និងបានសហការធ្វើសកម្មភាពជាមួយក្រុមថ្នាក់ដឹកនាំនៃគណបក្សភ្លើងទៀនយ៉ាងសកម្មក្នុងនោះរួមមានឈ្មោះ ប៊ុត ធារី មកពីប្រទេសបារាំងក្រោយមកបានរត់គេចខ្លួនទៅប្រទេសបារាំងវិញ បន្ទាប់ពីបែកធ្លាយព័ត៌មាននិងអៀ ចាន់ណា សកម្មជនអតីតគណបក្សសង្គ្រោះជាតិ ត្រូវបានសមត្ថកិច្ចចាប់ខ្លួនពីបទរួមគំនិតក្បត់។ នៅថ្ងៃទី១ ខែមិថុនានេះ អ្នកស្និទ្ធនឹងក្រុមប្រឆាំងបានទម្លាយផែនការដ៏ក្តៅគគុកមួយរបស់ក្រុមប្រឆាំងដែលពួក គេគ្រោងនឹងកៀរគរមនុស្សឱ្យបានជាង ៣ ម៉ឺននាក់ មកពីបណ្តាខេត្តនានាមកកាន់រាជធានីភ្នំពេញនាថ្ងៃទី៣ ខែមិថុនា ឆ្នាំ២០២២ដើម្បីរួមនឹងកម្លាំងមានស្រាប់នៅរាជធានីភ្នំពេញ។

ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្រ្តៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាប្រធានយុវជនគណបក្សប្រជាជនកម្ពុជាថ្នាក់កណ្តាល បានបញ្ជាក់ថា ខុសពីបណ្តាប្រទេសមួយចំនួន ប្រជាពលរដ្ឋខ្មែរបានផ្តល់ទំនុកចិត្តទទួលយកការចាក់វ៉ាក់សាំងក្នុងក្របខ័ណ្ឌនៃយុទ្ធនាការជាតិ រហូតដល់ជាង៩០% នៃចំនួនប្រជាជនសរុប ១៦លាននាក់។ ដូច្នេះ យើងសង្ឃឹមថា នៅក្នុងការបោះឆ្នោតឃុំ-សង្កាត់សម្រាប់ឆ្នាំ២០២២នេះ ក៏ដូចជាការបោះឆ្នោតថ្នាក់ជាតិឆ្នាំ២០២៣ ខាងមុខ គណបក្សប្រជាជនកម្ពុជា ដែលបានដឹកនាំប្រទេស និងជួយសង្គ្រោះអាយុជីវិតប្រជាជនឆ្លងផុតពីគ្រោះភ័យវិបត្តិនៃជំងឺកូវីដ-១៩ ដ៏កាចសាហាវ ក៏នឹងបន្តទទួលបាននូវការគាំទ្រ និងការជឿជាក់ពីសំណាក់ប្រជាពលរដ្ឋយ៉ាងច្រើនលើសលប់លើសពី៩០% ដូចជោគជ័យនៃយុទ្ធនាការជាតិចាក់វ៉ាក់សាំងផងដែរ

តាម​ព័ត៌មាន​ផ្ទៃក្នុង​របស់​បក្ស​ភ្លើងទៀន​ បានឱ្យដឹងថា គណបក្ស​នេះ​ បានទទួល​ផែនការ​សម្ងាត់​ពី​មេ​ឧទ្ទាម​ក្រៅច្បាប់ សម រង្សី ឱ្យ​ប្រមូល​កម្លាំងពី​បណ្តា​ខេត្ត​ឱ្យ​ឡើង​ភ្នំពេញ​ឱ្យបាន​យ៉ាងតិច​បី​ម៉ឺន​នាក់​ ព្រមទាំង​មធ្យោបាយ​ដឹកជញ្ជូន​រាប់ពាន់​គ្រឿង​ដើម្បីធ្វើ​សកម្មភាព​អុកឡុក​រំខាន​ដល់​ដំណើរការ​បោះឆ្នោត​ឃុំ​សង្កាត់​នៅ​ថ្ងៃទី​៥​ ខែមិថុនា​ខាងមុខ​។​ ប៉ុន្តែ​ផែនការ​ដ៏​ពិសពុល​នេះ​ ត្រូវបាន​បែកធ្លាយ​មុនពេល​ពួកគេ​ចាប់ផ្តើម​។ បន្ទាប់ពី​បែកធ្លាយ​ផែនការ​សម្ងាត់​នេះ ឈ្មោះ ប៊ុត ធា​រី ហៅ សុគន្ធ ធា​រី​ ដែលជា​មនុស្ស​ជំនិតរបស់​មេ​ឧទ្ទាម​ក្រៅច្បាប់ សម រង្ស៊ី បាន​រត់គេចខ្លួន​ចេញពី​ប្រទេស​កម្ពុជា​ទៅ​ប្រទេស​បារាំង​វិញ​។ ការ​គេចខ្លួន​យ៉ាង​ស្លន់ស្លោ​នេះ គឺកើតឡើងបន្ទាប់ពីផែនការអាក្រក់បែកការណ៍

ឯកឧត្តម ប្រាជ្ញ ចន្ទ ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវឱ្យប្រជាពលរដ្ឋខ្មែរដែលមានឈ្មោះក្នុងបញ្ជីបោះឆ្នោតផ្លូវការឆ្នាំ២០២១ ទាំងអស់ មេត្តាអញ្ជើញទៅបោះឆ្នោត នៅតាមការិយាល័យបោះឆ្នោត តាមកាលបរិច្ឆេទ និងពេលវេលាកំណត់ឱ្យបានគ្រប់ៗគ្នា។ ការអំពាវនាវរបស់ប្រធាន គ.ជ.ប បានធ្វើឡើងនៅព្រលប់ថ្ងៃទី៣១ ខែឧសភា ឆ្នាំ២០២២នេះ ខណៈដែលការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ នៅសល់ត្រឹមតែ៥ថ្ងៃទៀតប៉ុណ្ណោះ ពោលគឺនៅថ្ងៃទី៥ ខែមិថុនា ឆ្នាំ២០២២។

គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់ថា រយៈពេល១១ថ្ងៃ ចាប់ពីថ្ងៃទី២១-៣១ ខែឧសភា ឆ្នាំ២០២២ នៃយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ គឺបានប្រព្រឹត្តទៅក្នុងបរិយាកាសមានសន្តិសុខ សុវត្ថិភាព សណ្តាប់ធ្នាប់ល្អ គ្មានអំពើហិង្សា និងគ្មានការគំរាមកំហែង។ គណបក្សនយោបាយដែលមានបញ្ជីបេក្ខជនឈរឈ្មោះបានធ្វើសកម្មភាពឃោសនាតាមលទ្ធភាព និងមធ្យោបាយផ្សេងៗ ដើម្បីស្វែងរកការគាំទ្រពីអ្នកបោះឆ្នោត។ នេះបើយោងតាមរបាយការណ៍បូកសរុបប្រចាំថ្ងៃរបស់ គ.ជ.ប ដែល AMS ទទួលបាននៅល្ងាចថ្ងៃទី៣១ ខែឧសភា ឆ្នាំ២០២២។