ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តទៅនៅព្រឹកថ្ងៃអាទិត្យ ទី០៥ ខែមិថុនា ឆ្នាំ២០២២នេះ ចាប់ពីម៉ោង៧:០០នាទីព្រឹក ដល់ម៉ោង៣:០០នាទីរសៀល។ ប្រជាពលរដ្ឋបានឈរតម្រង់ជួរតាមលំដាប់លំដោយ ដើម្បីចូលទៅក្នុងការិយាល័យបោះឆ្នោត ក្នុងការបោះឆ្នោតជូនគណបក្សនយោបាយណាមួយដែលខ្លួនពេញចិត្ត ដោយមានអ្នកសង្កេតការណ៍ជាតិ និងអន្តរជាតិ ចូលរួមសង្កេតការណ៍អំពីដំណើរការនៃការបោះឆ្នោត។

គណៈកម្មាធិការជាតិរៀបចំការបោះឆ្នោត (គ.ជ.ប) នៅល្ងាចថ្ងៃទី០៤ ខែមិថុនា ឆ្នាំ២០២២នេះ បានជូនដំណឹងដល់សាធារណជន និងប្រព័ន្ធផ្សព្វផ្សាយជាតិ និងអន្តរជាតិថា គ.ជ.ប នឹងផ្សាយលទ្ធផលបឋមនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ចាប់ពីល្ងាចថ្ងៃទី៥ ខែមិថុនា ឆ្នាំ២០២២ ដល់ម៉ោង១២:០០នាទីយប់ និងបន្តផ្សាយចាប់ពីម៉ោង៨:០០នាទីព្រឹកថ្ងៃទី០៦ ខែមិថុនា ឆ្នាំ២០២២ ដល់ម៉ោង ១២:០០នាទីថ្ងៃត្រង់ តាមប្រព័ន្ធផ្សព្វផ្សាយដូចខាងក្រោម៖

ក្រុមអ្នកសង្កេតការណ៍អន្តរជាតិ បានសង្កេតឃើញថា ចំនួនប្រជាពលរដ្ឋដែលនឹងអញ្ជើញទៅបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលនឹងប្រព្រឹត្តទៅនៅថ្ងៃទី០៥ ខែមិថុនា ឆ្នាំ២០២២ គឺមានចំនួនច្រើន គណបក្សនយោបាយ និងប្រជាពលរដ្ឋមានភាពចាស់ទុំ ដែលនេះបង្ហាញពីប្រជាធិបតេយ្យខ្លាំង ដែលប្រជាពលរដ្ឋបានយកសិទ្ធិរបស់គាត់ទៅបោះឆ្នោត។

ថ្ងៃទី​៣ ខែមិថុនាឆ្នាំ​២០២២ ជា​ថ្ងៃទី​ដប់​បួន និង​ជា​ថ្ងៃ​ចុងក្រោយ​នៃ​យុទ្ធនាការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ គឺ​បាន​ប្រព្រឹត្ត​ទៅក្នុង​បរិយាកាស​មាន​សន្តិសុខ សុវត្ថិភាព សណ្តាប់ធ្នាប់​ល្អ គ្មាន​អំពើហិង្សា និង​គ្មាន​ការគំរាមកំហែង​។

យុទ្ធនាការ​ឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ ដែល​បាន​ប្រព្រឹត្តទៅ​រយៈពេល ១៤​ថ្ងៃ គឺ​ចាប់ពី​ថ្ងៃទី​២១ ខែឧសភា ដល់​ថ្ងៃទី​៣ ខែមិថុនា ឆ្នាំ​២០២២ នេះ ទោះបី​មាន​ករណីខ្លះ​បានកើតឡើងក្នុងអំឡុង ពេល​ឃោសនាបោះឆ្នោត​ក៏ដោយ ប៉ុន្តែ​ដោយមាន​ការសម្របសម្រួល និង​ការ​អធ្យាស្រ័យ​គ្នាទៅវិញទៅមក ទើប​ការឃោសនាបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ ប្រព្រឹត្ត​ទៅដោយ​រលូន​ល្អ ពុំមាន​ករណី​អំពើហិង្សា ឬ​ការគំរាមកំហែង​។​

គណ​ប្រជាជន​កម្ពុ​ជាមាន​ភាពរឹងមាំ គឺ​ដោយសារ​កម្លាំង​សាមគ្គីភាព​ដ៏​ស្អិតរ​មួ​តរបស់​ថ្នាក់ដឹកនាំ និង​ប្រតិបត្តិ​ករ​គ្រប់​លំដាប់ថ្នាក់ រួម​ជាមួយនឹង​ការគាំទ្រ​លើសលប់​ពី​សំណាក់​ប្រជាជន​ជា​ម្ចាស់​ស្រុក ដែល​បាន​បង្កឱ្យមាន​ឱកាស​ប​ម្រើ កសាង និង​អភិវឌ្ឍ​ប្រទេស​គ្រប់​អាណត្តិ​កន្លងមក​។

ស្ថាន​បេសកកម្ម​អចិន្ត្រៃយ៍​នៃ​ព្រះរាជាណាចក្រ​កម្ពុជា​ប្រចាំ​អង្គការសហប្រជាជាតិ​និង​អង្គការ​អន្តរជាតិ​នានានៅ​ទីក្រុង​ហ្សឺ​ណែវ បាន​ច្រានចោល​ទាំងស្រុង​នូវ​ការអត្ថាធិប្បាយ​ដែល​មិន​ត្រឹមត្រូវ ធ្វើ​ន​យោ​បា​យូ​ប​នីយកម្ម ជ្រើសរើស​តែមួយ​ជ្រុង កាលពី​ថ្ងៃទី​០២ ខែមិថុនា ឆ្នាំ​២០២២​របស់​អ្នកនាំពាក្យ របស់​ការិយាល័យ​ឧត្ដមស្នងការ​ទទួលបន្ទុក​សិទ្ធិមនុស្ស លោកស្រី Liz Throssell នៅមុន​ការបោះឆ្នោត ឃុំ​-​សង្កាត់​នៅ​កម្ពុជា​។

​គ​.​ជ​.​ប បាន​បញ្ជាក់ថា គណបក្សនយោបាយ បេក្ខជន ភ្នាក់ងារ​គណបក្សនយោបាយ អ្នកគាំទ្រគណបក្ស នយោបាយ រួម​នឹង​អ្នកគ្រប់គ្រង​បណ្តាញ​ផ្សព្វផ្សាយ​ព័ត៌មាន​គ្រប់​ប្រភេទ ត្រូវ​ចូលរួម​គោរព​ច្បាប់​ស្តីពី​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ បទបញ្ជា និង​នីតិវិធី​សម្រាប់​ការបោះឆ្នោត​ជ្រើសរើស​ក្រុមប្រឹក្សាឃុំ សង្កាត់ អាណត្តិ​ទី​៥ ឆ្នាំ​២០២២ រួម​នឹង​ក្រមសីលធម៌ សម្រាប់​ការបោះឆ្នោត​។​

បន្ទាប់ពីបានបើកសវនាការនៅរសៀលថ្ងៃទី០២ ខែមិថុនានេះ ក្រុមប្រឹក្សាជំនុំជម្រះគណៈកម្មាធិការជាតិរៀបចំការបោះឆ្នោត បានសម្រេចទទួលយកពាក្យបណ្តឹងរបស់មេធាវី គា អ៊ាវ តំណាងដោយអាណត្តិឲ្យឈ្មោះ ជិន ដាវី សកម្មជនគណបក្សប្រជាជនកម្ពុជា និងទទួលយកពាក្យបណ្តឹងរបស់លោក គង់ រ៉ៃយ៉ា ដែល គ.ជ.ប ទទួលបានកាលពីថ្ងៃទី៣០ ខែឧសភា ឆ្នាំ២០២២ ទុកជាត្រឹមត្រូវតាមទម្រង់ច្បាប់ ប៉ុន្តែបដិសេធចោលដោយផ្ទុយនឹងគតិច្បាប់។ ជាមួយគ្នានេះ ក្រុមប្រឹក្សាជំនុំជម្រះគណៈកម្មាធិការជាតិរៀបចំការបោះឆ្នោត បានសម្រេចលុបចោលការផាកពិន័យឈ្មោះ គង់ រ៉ៃយ៉ា ចំនួន៥លានរៀល និងរក្សាសិទ្ធិបោះឆ្នោត និងឈ្មោះក្នុងបញ្ជីបេក្ខជនគណបក្សភ្លើងទៀន ទាំង១៥រូប។

ឯកឧត្តម សោម សូរីដា អ្នកនាំពាក្យគណៈកម្មាធិការជាតិរៀបចំការបោះឆ្នោត បានបញ្ជាក់ប្រាប់ AMS នៅល្ងាចថ្ងៃទី០២ ខែមិថុនានេះថា “ទោះបីជាមានបណ្តឹងមួយចំនួនក៏ពិតមែន ប៉ុន្តែវាមិនអាចធ្វើឱ្យរំខាន ឬក៏រាំងស្ទះដល់ដំណើរការរៀបចំការបោះឆ្នោតនោះទេ”។ អ្នកនាំពាក្យ គ.ជ.ប បានអះអាងទៀតថា យុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលបានប្រព្រឹត្តទៅអស់រយៈពេល ១៣ថ្ងៃ គឺចាប់ពីថ្ងៃទី២១ ខែឧសភា ដល់ថ្ងៃទី២ ខែមិថុនា ឆ្នាំ២០២២នេះ គឺបានប្រព្រឹត្តទៅក្នុងបរិយាកាសសន្តិសុខ សុវត្ថិភាព និងសណ្តាប់ធ្នាប់សាធារណៈល្អ គ្មានអំពើហិង្សា គ្មានការគំរាមកំហែង។