ភ្នំពេញ : សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានរម្លឹកថា ថ្ងៃទី២០ ខែមិថុនា គឺជាខួបលើកទី៤៤ឆ្នាំ (២០ មិថុនា១៩៧៧-២០ មិថុនា ២០២១)នៃថ្ងៃដែល សម្តេចសម្រេចចិត្តដោយការឈឺចាប់យកជីវិតធ្វើដើមទុនដើម្បីតស៊ូរំដោះប្រជាជនកម្ពុជាចេញពីរបបប្រល័យពូជសាសន៍ ប៉ុល ពត។  សម្តេចតេជោ ហ៊ុន សែន បានសរសេរនៅលើទំព័រហ្វេសប៊ុកថា ថ្ងៃទី២០ ខែមិថុនា គឺជាខួបលើកទី៤៤ឆ្នាំ (២០ មិថុនា ១៩៧៧-២០មិថុនា ២០២១)នៃថ្ងៃដែល ខ្ញុំសម្រេចចិត្តដោយការឈឺចាប់យកជីវិតធ្វើដើមទុនដើម្បីតស៊ូរំដោះប្រជាជនកម្ពុជាចេញពីរបបប្រល័យពូជសាសន៍ ប៉ុល ពត។  សម្តេចតេជោ បានបញ្ជាក់ថា “ទោះបីពេលនេះខ្លួនខ្ញុំ និងប្រជាជនកម្ពុជាកំពុងទទួលបាននូវសេចក្តីសុខ តែខ្ញុំមិនដែលភ្លេចនូវទឹកភ្នែករាប់ម៉ឺន រាប់សែន ដំណក់ នៅពេលដែលខ្ញុំឈានជើងចេញពីមាតុភូមិចោលប្រជាជនកម្ពុជាដែលកំពុងរងគ្រោះ ពិសេសចាកចេញចោល ភរិយា ដ៏កំសត់ដែលកំពុងមានផ្ទៃពោះ។ ខ្ញុំអត់មានជម្រើសឲ្យល្អជាងនេះទេ ព្រោះយើងមិនអាចសុំការអាណិតពីពួក ប៉ុល ពតបានឡើយ។ ជម្រើសប្រកបដោយគ្រោះថ្នាក់ និងទឹកភ្នែកនោះហើយដែលនាំមកនូវសេចក្តីសុខ និងការរីកចម្រើនរហូត សព្វថ្ងៃនេះ។ ខ្ញុំធ្លាប់បានរៀបរាប់ពីប្រវត្តិដ៏ឈឺចាប់នេះច្រើនដងហើយ តែខ្ញុំមិនទាន់បានបញ្ចេញនូវចម្ងល់ក្នុងចិត្តខ្ញុំទាក់ទងជាមួយប្រវត្តិនេះដែលតាំងជាសំនួរថា ប្រសិនបើខ្ញុំមិនសម្រេចចិត្តដឹកនាំការតស៊ូដោយចាប់ផ្តើមពីថ្ងៃ២០ មិថុនា ១៩៧៧ ទេតើពេលនោះពួក ប៉ុល ពតសម្លាប់ខ្ញុំនៅឯណា? ដោយវិធីណា?។ សំនួរបន្ទាប់តើមានអ្នកស្នេហាជាតិណាផ្សេងទៀតបង្កើតឡើងនូវកងកម្លាំងប្រដាប់អាវុធ សាមគ្គីសង្រ្គាះជាតិជំនួសខ្ញុំដែរឬទេ? តើដំណើរឆ្ពោះមករំដោះប្រទេសពីរបប ប៉ុល ពត កើតមានឡើងបានដោយរបៀបណា? តើមានដំណោះស្រាយតាមរយៈការចចារ និងកិច្ចព្រមព្រៀងប៉ារីសឬទេ? និងចុងក្រោយតើមាននយោបាយ ឈ្នះ ឈ្នះ ដើម្បីបញ្ចប់សង្រ្គាមនាំមកនូវសន្តិភាព និងការអភិវឌ្ឍដូចសព្វថ្ងៃឬទេ?”។ សម្តេចនាយករដ្ឋមន្ត្រីបានលើកឡើងថា “សំនួរសង្ខេបទាំងនេះ តែងបង្កប់ក្នុងខួរក្បាលខ្ញុំជានិច្ច ហើយខ្ញុំក៏មិនអាចឆ្លើយជាមួយសំនួរនេះដោយខ្លួនឯងបានដែរ ខ្ញុំទុកជូនបងប្អូនជនរួមជាតិមេត្តាជួយរកចម្លើយ”។ នៅថ្ងៃទី២០ ខែមិថុនា ឆ្នាំ២០២១ នេះ គឺជាខួបលើកទី ៤៤ឆ្នាំ ទិវាចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ ប៉ុល ពត  ដែលសម្តេចតេជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រកម្ពុជាបានយកជីវិតទៅធ្វើដើមទុនដើម្បីរំដោះប្រទេសជាតិសង្គ្រោះអាយុជីវិត​ប្រជាជនកម្ពុជាចេញពីរបបប្រល័យពូជសាសន៍ ប៉ុល ពត។ សម្តេចពិជ័យសេនា ទៀ បាញ់ ឧបនាយរដ្ឋមន្ត្រ រដ្ឋមន្ត្រីក្រសួងការពារជាតិ និងជាប្រធានគណៈកម្មការសាងសង់វិមានឈ្នះឈ្នះតំណាង​ដ៏ខ្ពង់ខ្ពស់សម្តេច​តេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុង​ពិធី​ប្រារព្ធខួបលើកទី ៤៤ឆ្នាំ (២០ មិថុនា១៩៧៧-២០ មិថុនា ២០២១) ទិវាចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ ប៉ុល ពត នៅព្រឹកថ្ងៃទី២០ ខែ​មិថុនាឆ្នាំ២០២១ នៅតំបន់ប្រវត្តិសាស្រ្តយោធាតេជោកោះថ្ម X-១៦ ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។ (ពាក្យថា X16 គឺជាពាក្យកាត់ដែលខាងវៀតណាមបានកំណត់សំគាល់ច្រករបស់គេក្នុងព្រំប្រទល់គេនិងស្រុកមេមត់ខេត្តត្បូងឃ្មុំ) សូមជម្រាបថា ថ្ងៃទី២០ មិថុនា ១៩៧៧ កម្ពុជាស្ថិតក្រោមការគ្រប់គ្រង់របស់របបកម្ពុជាប្រជាធិបតេយ្យ ឬរបបវាលពិឃាត ឬរបបប្រល័យពូជសាសន៍បានកាប់សម្លាប់​ប្រជជាជនកម្ពុជាយ៉ាងឃោរឃៅបំផុត។ សម្តេចតេជោ ហ៊ុន សែន និងឥស្សរជនមួយចំនួនទៀតបានយកជីវិតទៅធ្វើដើមទុនដើម្បីរំដោះប្រទេសជាតិ សង្គ្រោះអាយុជីវិត​ប្រជាជនកម្ពុជាចេញពីរបបប្រល័យពូជសាសន៍ដែលដឹកនាំដោយបន ប៉ុល ពត ។ ដំណើរឆ្ពោះទៅមាគ៌ាសង្គ្រោះជាតិរបស់សម្តេចតេជោ ហ៊ុន សែន គឺសម្តេចបាន​ឆ្លង​ពីប្រទេសកម្ពុជាទៅកាន់ប្រទេសវៀតណាម។ការប្រារព្ធខួបលើកទី ៤៤ឆ្នាំ ទិវាចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ ប៉ុល ពត ​ គឺអាយុជីវិតរបស់ជាតិទាំងមូលពីព្រោះបើអត់មានថ្ងៃទី២០ មិថុនា ១៩៧៧ អត់មាន​យកជីវិត​ធ្វើដើម​ទុនរបស់សម្តេចតេជោ ហ៊ុន សែន ទេ ក៏អត់មានដែរថ្ងៃ ២ ធ្នូ , អត់មានទេថ្ងៃ ៧ មករា , ហើយវាអត់មានទេថ្ងៃទី២៩ ធ្នូ ១៩៩៨។ ការប្រារព្ធពិធីនេះ គឺដើម្បីជាការដឹងគុណ ក្នុងគោលដៅដើម្បីគោរពវិញ្ញាណក្ខន្ធ​ប្រជាជនកម្ពុជា​ដែល​ទទួល​រង​គ្រោះបាត់បង់​អាយុជីវិតដោយ​អយុត្តិធម៌ ការ​កាប់សម្លាប់ បង្អត់អាហារ ការឈឺគ្មាន​ថ្នាំព្យាបាល គោរពវិញ្ញាណក្ខន្ធយុទ្ធជន យុទ្ធនារី ប្រជាជនកម្ពុជាដែលស្នេហាជាតិ ក្លាហាន ស្ម័គ្រចិត្តក្រោកឡើងចូល​រួម​ជាមួយសម្តេចតេជោ ហ៊ុន សែន និងគណបក្ស​បប្រជាជនកម្ពុជា បានផ្តួលរំលំរបបប្រល័យពូជសាសន៍ ប៉ុល ពត៕  ដោយ:ពលជ័យ

ភ្នំពេញ: ឯកឧត្តម ហ៊ុន ម៉ានី បានរម្លឹកពីការយកជីវិតធ្វើដើមទុនរបស់សម្តេចតេជោ ហ៊ុន សែន កាលពី៤៤ឆ្នាំមុន ដើម្បីស្រោចស្រង់អាយុជីវិតប្រជាជន និងប្រទេសចេញពីរបបប្រល័យពូជសាសន៍ ប៉ុល ពត។ ឯកឧត្តម បានសរសេរលើហ្វេសប៊ុកថា កាលពី៤៤ឆ្នាំមុន ពេលវេលានេះ ជាពេលវេលាដ៏ឈឺចាប់ និងជូរចត់រកអ្វីប្រៀបផ្ទឹមពុំបាន ដែលបុរសម្នាក់ត្រូវធ្វើការសម្រេចចិត្តដ៏លំបាកបំផុតក្នុងការចេញដំណើរទៅធ្វើបេសកកម្មមួយដែលបានស្រោចស្រង់អាយុជីវិតប្រជាជន និងប្រទេសពីក្រញ៉ាំនៃរបបប្រល័យពូជសាសន៍ ៣ឆ្នាំ ៨ខែ និង២០ថ្ងៃ។ គឺនៅពេលនោះហើយ ដែលបុរសម្នាក់នោះត្រូវទុកប្រពន្ធ និងកូនជាទីស្រលាញ់ស្មើកែវភ្នែក និងបេះដូងដែលមិនទាន់បានឃើញពន្លឺថ្ងៃផង ដើម្បីទៅស្វែងរកការសង្រ្គោះជាតិនៅក្នុងកាលៈទេសៈ និងភាពប្រថុយប្រថានខ្ពស់បំផុត។ ការចាប់ផ្តើមដំណើរឆ្ពោះទៅការសង្រ្គោះជាតិរបស់សម្តេចតេជោ ហ៊ុន សែន នាថ្ងៃទី២០ ខែមិថុនា ១៩៧៧ គឺជាការចាប់ផ្តើមនៃចលនាតស៊ូមួយ គួបផ្សំនឹងចលនាតស៊ូនានាដើម្បីផ្តួលរំលំក្រុមខ្មែរក្រហម និងបញ្ចប់ការកាប់សម្លាប់ ប្រល័យពូជសាសន៍ ទារុណកម្ម និងរបបទាសភាព ហើយផ្តល់ជូនប្រជាជនមកវិញនូវការរស់រានមានជីវិតសាជាថ្មី ជីវភាពថ្លៃថ្នូរ ព្រមទាំងដំណើរស្វែងរកសន្តិភាពយូរអង្វែងមួយ។ ឯកឧត្តមបន្តថា ក្នុងការចងចាំនេះ គឺបានបង្កប់នូវអនុស្សាវរីយ៍ជាច្រើនសម្រាប់សម្តេចតេជោ ក្នុងនាមជាបុគ្គលផ្ទាល់ ដែលបានឆ្លងកាត់នូវពេលវេលាដ៏លំបាក និងអាក្រក់បំផុតក្នុងជីវិតរបស់លោក។ ការឈឺចាប់សែនវេទនានេះ កាន់តែធ្វើឱ្យលោកពិបាកទ្វេដងក្នុងការខាំមាត់សង្កត់ចិត្ត អត់ទ្រាំនឹងទង្វើដ៏ព្រៃផ្សៃទាំងឡាយដែលខ្លួនលោកផ្ទាល់ និងគ្រួសារដែលជាជនរងគ្រោះមួយក្នុងចំណោមក្រុមគ្រួសាររាប់លានផ្សេងទៀតបានជួបប្រទះ ដើម្បីផ្តោតស្រួចឆ្ពោះទៅការផ្តួលរលំរបបឃោរឃៅមួយនេះ…

ភ្នំពេញៈ នៅថ្ងៃទី២០ ខែមិថុនា ឆ្នាំ២០២១នេះ គឺជាខួបលើកទី ៤៤ឆ្នាំ ទិវាចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ ប៉ុល ពត ដែលសម្តេចតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជាបានយកជីវិតទៅធ្វើដើមទុនដើម្បីរំដោះប្រទេសជាតិ សង្គ្រោះអាយុជីវិត ប្រជាជនកម្ពុជាចេញពីរបបប្រល័យពូជសាសន៍ ប៉ុល ពត។ សម្តេចពិជ័យសេនា ទៀ បាញ់ ឧបនាយរដ្ឋមន្ត្រ រដ្ឋមន្ត្រីក្រសួងការពារជាតិ និងជាប្រធានគណៈកម្មការសាងសង់វិមានឈ្នះឈ្នះតំណាង ដ៏ខ្ពង់ខ្ពស់សម្តេច តេជោ ហ៊ុន សែន នាយករដ្ឋមន្ត្រី នឹងអញ្ជើញជាអធិបតីក្នុង ពិធី ប្រារព្ធខួបលើកទី ៤៤ឆ្នាំ (២០ មិថុនា ១៩៧៧-២០ មិថុនា ២០២១) ទិវាចងចាំដំណើរឆ្ពោះទៅផ្តួលរំលំរបបប្រល័យពូជសាសន៍ ប៉ុល ពត នៅព្រឹកថ្ងៃទី២០ ខែ មិថុនា ឆ្នាំ២០២១ នៅតំបន់ប្រវត្តិសាស្រ្តយោធាតេជោកោះថ្ម X-១៦ ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។ (ពាក្យថា X16 គឺជាពាក្យកាត់ដែលខាងវៀតណាមបានកំណត់សំគាល់ច្រករបស់គេក្នុងព្រំប្រទល់គេនិងស្រុកមេមត់ខេត្តត្បូងឃ្មុំ)…

ភ្នំពេញៈ សម្តេចនាយករដ្ឋមន្ត្រី ហ៊ុន សែន បានបញ្ជាក់តាមហ្វេសប៊ុកផ្លូវការនៅរសៀលថ្ងៃទី១៩ ខែមិថុនា នេះថា ដោយសារសម្តេចបានពាក់ព័ន្ធដោយប្រយោលជាមួយអ្នកកើតជំងឺកូវីដ-១៩ ក្រុមគ្រូពេទ្យតម្រូវឱ្យសម្តេចធ្វើតេស្ត និងធ្វើចត្តាឡីស័ករយៈពេល១៤ថ្ងៃ ចាប់ពីល្ងាចថ្ងៃទី១៩ ខែមិថុនា នេះរហូតដល់ថ្ងៃទី០៣ ខែកក្កដា ឆ្នាំ២០២១។ ជាមួយគ្នានេះសម្តេចតេជោហ៊ុនសែនក៏បានសូមអភ័យទោសដែលតម្រូវឱ្យសម្តេចលុបចោលកម្មវិធីជួបជុំទាំងអស់ដែលបានគ្រោងទុកទាំងការជួបផ្ទាល់ទាំងការជួបតាមវីដេអូ។ជាពិសេសសុំការយោគយល់ពីសំណាក់ឯកឧត្តមរដ្ឋមន្ត្រីការបរទេសអង់គ្លេសដែលគ្រោងជួបគ្នានៅម៉ោង៩:០០ព្រឹក ថ្ងៃទី ២៣ ខែ មិថុនា ឆ្នាំ ២០២១ ខាងមុខនេះនៅវិមានសន្តិភាព។  សម្តេចតេជោនាយករដ្ឋមន្ត្រីបានបញ្ជាក់ថាទោះត្រូវលុបចោលការជួបទាំងខ្មែរទាំងបរទេសតែសម្តេចនៅតែធ្វើការដូចពេលមុនជាមួយ គ្រប់ស្ថាប័នទាំងស៊ីវិលទាំងកងកម្លាំងប្រដាប់អាវុធ រាប់ទាំងការប្រជុំតាម ZOOM ផងដោយសារបច្ចេកទេស នេះមិនតម្រូវឱ្យមានមនុស្សចូលមកជិតសម្តេចទេ៕  ដោយៈពលជ័យ

ភ្នំពេញៈ មន្ត្រីជាន់ខ្ពស់នៃក្រសួងបរិស្ថានបានបញ្ជាក់យ៉ាងច្បាស់លាស់អំពីការបន្តពង្រឹងបន្ថែមទៀតនូវភាពជាដៃគូជាមួយសមាគម និងអង្គការមិនមែនរដ្ឋាភិបាលស្របច្បាប់ ដែលបានសហការល្អប្រកបដោយវិជ្ជាជីវៈ និងការទទួលខុសត្រូវ មានភាពស្មោះត្រង់ និងបានកំពុងចូលរួមផ្នែកជំនួយបច្ចេកទេសជាមួយរាជរដ្ឋាភិបាល និងក្រសួងបរិស្ថានក្នុងការ ការពារនិងអភិរក្សធនធានធម្មជាតិនៅកម្ពុជា។ ឯកឧត្តម នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថានបានថ្លែងនៅថ្ងៃទី១៩ ខែមិថុនា ឆ្នាំ២០២១នេះ ទៅកាន់បណ្តាញសារព័ត៌មានថា បច្ចុប្បន្នក្រសួងបរិស្ថានបាននិងកំពុងធ្វើកិច្វសហប្រតិបត្តិការយ៉ាងល្អ និងប្រកបដោយផ្លែផ្លាជាមួយដៃគូអភិវឌ្ឍន៍ ទីភ្នាក់ងារអង្គការសហប្រជាជាតិ ស្ថាប័នជាតិនិងឯកជនសមាគម និងអង្គការមិនមែនរដ្ឋាភិបាលជាតិនិងអន្តរជាតិប្រមាណ១០០ស្ថាប័ន ក្នុងវិស័យបរិស្ថាន និងធនធានធម្មជាតិដែលផ្តោតសំខាន់លើកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះ និងការអភិវឌ្ឍដោយចីរភាព។នេះមិនគិតពីសហគមន៍តំបន់ការពារធម្មជាតិជិត២០០ ដែលមានទីតាំងនៅក្នុងនិងជុំវិញតំបន់ការពារធម្មជាតិនៅកម្ពុជា ដែលបាន និងកំពុងចូលរួមយ៉ាង សកម្មជាមួយក្រសួងបរិស្ថានចូលរួម ទទួលខុសត្រូវលើកិច្ចការអភិរក្សធម្មជាតិ។ ឯកឧត្តមរដ្ឋលេខាធិការក្រសួងបរិស្ថាន បានគូសបញ្ជាក់ថា «ដៃគូអភិវឌ្ឍន៍ ទីភ្នាក់ងារអង្គការសហប្រជាជាតិស្ថានប័នជាតិ និងឯកជន សមាគម និងអង្គការមិនមែនរដ្ឋាភិបាលជាតិ និងអន្តរជាតិទាំងនេះ បានចុះអនុស្សរណៈនៃការយោគយល់កិច្ចព្រមព្រៀង និងកិច្ចសន្យាស្របតាមច្បាប់ជាធរមានដើម្បីធ្វើសកម្មភាពស្របច្បាប់ ចូលរួមចំណែកជាមួយរាជរដ្ឋាភិបាលក្នុងការងារបរិស្ថាន និងធនធានធម្មជាតិ។ ក្រសួងបរិស្ថានសូមសម្តែងនូវអំណរគុណចំពោះស្ថាប័ន និងអង្គភាពទាំងនេះដែលបានគោរពច្បាប់ និងចូលរួមសហការប្រកបដោយភាពស្មោះត្រង់ ក្នុងគោលដៅបម្រើឱ្យផលប្រយោជន៍ជាតិពិតប្រាកដ ហើយបច្ចុប្បន្ននេះ បាននិងកំពុងបន្តកិច្ចសហប្រតិបត្តិការយ៉ាងសកម្មជាមួយក្រសួងបរិស្ថាននៅតាមតំបន់ការពារធម្មជាតិនានាក៏ដូចជានៅលើផ្នែកផ្សេងទៀត»។ តើអ្វីជាឆន្ទៈរបស់ក្រសួងបរិស្ថានដែលធ្វើសកម្មភាពការពារធនធានធម្មជាតិយ៉ាងម៉ឹងម៉ាត់ ឯកឧត្តមរដ្ឋលេខាធិការ នេត្រ ភក្ត្រា បានបញ្ជាក់ថា…

ភ្នំពេញ: បើគ្មានអ្វីប្រែប្រួលទេ លោក Dominic Raab រដ្ឋមន្ត្រីក្រសួងការបរទេសអង់គ្លេស នឹងអញ្ជើញមកបំពេញទស្សនកិច្ចផ្លូវការមកកាន់ព្រះរាជាណាចក្រកម្ពុជា រយៈពេលពីរថ្ងៃ គឺចាប់ពីថ្ងៃទី២២ ដល់ថ្ងៃទី២៣ ខែមិថុនា ឆ្នាំ២០២១។ នេះបើតាមការបញ្ជាក់របស់មន្ត្រីជាន់ខ្ពស់អគ្គស្នងការដ្ឋាននគរបាលជាតិថ្លែងប្រាប់ AMS នៅព្រឹកថ្ងៃទី១៩ ខែមិថុនា ឆ្នាំ២០២១។ តាមកម្មវិធីដែលបានគ្រោងទុក លោករដ្ឋមន្ត្រីការបរទេសអង់គ្លេស នឹងមកដល់កម្ពុជានៅថ្ងៃទី២២ ខែមិថុនា តាមជើងយន្តហោះពិសេស ហើយនៅព្រឹកថ្ងៃទី២៣ ខែមិថុនា រដ្ឋមន្ត្រីការបរទេសអង់គ្លេសនឹងចូលជួបសម្តែងការគួរសមជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាកម្ពុជា នៅវិមានសន្តិភាព។ បន្ទាប់ពីជួបពិភាក្សាការងារជាមួយសម្តេចនាយករដ្ឋមន្ត្រី និងជួបប្រជុំជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបទេស និងសហប្រតិបត្តិការអន្តរជាតិ។ តាមកម្មវិធីលោករដ្ឋមន្ត្រីការបរទេសអង់គ្លេស ក៏នឹងអញ្ជើញទៅទស្សនកិច្ចនៅមន្ទីរប្រល័យពូជសាសន៍ទួលស្លែង និងមជ្ឈមណ្ឌលឯកសារកម្ពុជា មុននឹងធ្វើដំណើរនិវត្តន៍ទៅកាន់ប្រទេសអង់គ្លេសវិញ។ នៅមុនដំណើរទស្សនកិច្ចរបស់រដ្ឋមន្ត្រីការបរទេសអង់គ្លេសមកកម្ពុជានេះ មន្រ្តីជាន់ខ្ពស់នៃអគ្គស្នងការដ្ឋាននគរបាលជាតិ និងតំណាងស្ថានរាជទូតអង់គ្លេសប្រចាំនៅកម្ពុជា បានប្រជុំពិភាក្សាអំពីផែនការការពារសន្តិសុខ សណ្តាប់ធ្នាប់ ដំណើរទស្សនកិច្ចផ្លូវការរបស់រដ្ឋមន្ត្រីការបរទេសនៅនាយកដ្ឋានអង្គរក្សកាលពីថ្ងៃទី១៨ ខែមិថុនាម្សិលមិញ។ នាយឧត្តមសេនីយ៍ ឆៃ ស៊ីណារិទ្ធ អគ្គស្នងការរងនគរបាលជាតិបានបញ្ជាក់ថា កម្ពុជាតែងគិតគូរការពារសន្តិសុខសុវត្ថិភាពជូនចំពោះដំណើរទស្សនកិច្ចរបស់គណៈប្រតិភូនានា ទោះកម្ពុជាមិនបានរងការគំរាមកំហែងធ្ងន់ធ្ងរណាមួយក៏ដោយ។ លោកបានបញ្ជាក់ថា ចំពោះសភាពការណ៍សន្តិសុខនៅកម្ពុជា…

ភ្នំពេញៈ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឆ្លើយតបទៅនឹងការរិះគន់ និងការចោទប្រកាន់គ្មានមូលដ្ឋានរបស់ក្រុមប្រឆាំង និងមជ្ឈដ្ឋាននានាដែលថា ការថយចុះ និងបាត់បង់ផលត្រី ដោយសារការអសមត្ថភាពរបស់ក្រសួងកសិកម្ម រដ្ឋបាលជលផល មន្ត្រីប្រព្រឹត្តអំពើពុករលួយនេសាទឧបករណ៍ខុសច្បាប់ កាប់បំផ្លាញព្រៃលិចទឹកកាន់កាប់ធ្វើកម្មសិទ្ធិខុសច្បាប់ និងគ្មានវិធានការលែងពូជត្រី។ ឯកឧត្តមរដ្ឋមន្រ្តីថា បុគ្គលទាំងនោះមិនបានអាននូវអ្វីដែលជារបត់នយោបាយក្នុងការធ្វើកំណែទម្រង់របស់រាជរដ្ឋាភិបាលលើអនុវិស័យនេះ។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងប្រាប់ AMS នៅថ្ងៃទី១៨ ខែមិថុនានេះថា លោកគិតថា គេអាចមានសិទ្ធិគ្រប់បែបយ៉ាងក្នុងការសម្តែងមតិ រួមទាំងការស្វែងរកមន្រ្តីពុករលួយ ដើម្បីបញ្ជូនទៅតុលាការ។ អ្វីដែលសំខាន់នោះ បុគ្គលនេះត្រូវចេះអាននូវអ្វីដែលជារបត់នយោបាយក្នុងការធ្វើកំណែទម្រង់របស់រាជរដ្ឋាភិបាលលើអនុវិស័យនេះ ពីការអនុវត្តវិមជ្ឈការមុនឆ្នាំ២០០៦ មកអនុវត្តមជ្ឈការក្រោយឆ្នាំ២០០៦។ រាជរដ្ឋាភិបាលសម្រេចធ្វើវិមជ្ឈការក្រោយឆ្នាំ២០១៦ ដោយត្រូវប្រគល់សិទ្ធិអំណាចទៅអភិបាលនៃគណៈអភិបាលរាជធានី-ខេត្តជាអ្នកដឹកនាំបង្រ្កាបបទល្មើស ជលផល និងព្រៃឈើ។ ក្នុងករណីនេះ គឺក្រសួងអាចអន្តរាគមន៍លុះត្រាតែមានសំណូមពរចាំបាច់តែប៉ុណ្ណោះ។ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានបញ្ជាក់ថា “ការបាត់បង់ធនធានធម្មជាតិកន្លងមក មានហេតុផលជាច្រើនដូចដែលខ្ញុំបានគូសបញ្ជាក់នៅក្នុងសេចក្តីប្រកាសព័ត៌មានរួចហើយ ព្រោះជាលក្ខណៈសត្យានុម័ត មិនមែនក្រសួងជាអ្នកធ្វើនោះទេ ព្រោះបានផ្តើមចេញពីដំណើរនៃការរីកលូតលាស់នៃវិស័យសេដ្ឋកិច្ចជាតិ កំណើនទីក្រុង ទីប្រជុំជន ការកកស្ទះដីល្បាប់តាមបណ្តាផ្លូវទឹក និងព្រែកនានា នៅតាមដងទន្លេជាដើម”។ ឯកឧត្តមរដ្ឋមន្ត្រីបានបន្តទៀតថា ដោយឡែកកាធ្វើវារីវប្បកម្មរបស់យើងនាពេលបច្ចុប្បន្ន…

លោកជំទាវ អេ​វ៉ា ង្វៀន ប៊ិ​ញ​(Eva NGUYEN BINH ) ​ឯកអគ្គរដ្ឋទូត​បារាំ​ង​ប្រចាំ​កម្ពុជា​បាន​ថ្លែងថា​ ​ក្នុង​បេសកកម្ម​ការទូត​របស់​លោកជំទាវ​រយៈពេល៤​ឆ្នាំ​នៅកម្ពុជា ​លោកជំទាវ​បាន​មើលឃើញថា​កម្ពុជា​គឺជា​ប្រទេសមួយ​ដែលមាន​សុខសន្តិភាព ស្ថេរភាព​ និង​ការអភិវឌ្ឍ ពី​នោះ​ទៅទៀត​កម្ពុ​ជាមាន​យុទ្ធសាស្ត្រ​ដ៏​ជាក់លាក់​ក្នុងការប្រយុទ្ធ​ប្រឆាំងនឹង​កូ​វីដ​១៩ មិន​ដូច​អ្វីដែល​អ្នកដទៃ​មើល​មក​កម្ពុជា​ពី​ចម្ងាយ១២០០ គីឡូម៉ែត្រ​នោះទេ។ លោកជំទាវបាន​បន្តថា​ទាំងនេះ​ ជា​មូលហេតុ​ដែល​ធ្វើ​ឱ្យរដ្ឋាភិបាល​បារាំង​ ក៏ដូចជា​វិស័យ​ឯកជន​បារាំង​នៅ​បន្ត​ជាមួយ​កម្ពុជា​ចូលរួមចំណែក​ជាមួយ​កម្ពុជា​ដើម្បី​ជំរុញ​ការអភិវឌ្ឍ​ប្រកបដោយ​បរិ​យាប​ន្ន​ និង​ចីរភាព។​ ​លោកជំទាវ អេ​វ៉ា ង្វៀន ប៊ិ​ញ​(Eva NGUYEN BINH )​ឯកអគ្គរដ្ឋទូត​បារាំ​ង​ប្រចាំ​កម្ពុជា​បាន​ថ្លែង​បែបនេះ ​នៅក្នុង​ជំនួប​ជាមួយ​ប្រមុខ​រាជរដ្ឋាភិបាល​កម្ពុជា​ សម្តេច​អគ្គមហា​សេនាបតី​តេ​ជោ ហ៊ុន សែន នា​ព្រឹក​ថ្ងៃទី​១៨ ខែមិថុនា​នៅ​ទីស្តីការ​នាយករដ្ឋមន្ត្រី​(​វិមាន​សន្តិភាព​) ក្នុងឱកាស​ដែល​លោកជំទាវត្រូវបាន​បញ្ចប់​អាណត្តិ​ការទូត​នៅកម្ពុជា​។​ ​ឯកឧត្តម អ៊ាង សុផល្លែត ជំនួយការ​ផ្ទាល់​សម្តេច​តេ​ជោ ហ៊ុន សែន បាន​មានប្រសាសន៍ប្រាប់​អ្នកសារព័ត៌មាន​បន្ទាប់​ពី​ជំនួប​នោះ​ថា​ លោកជំទាវ អេ​វ៉ា ង្វៀន ប៊ិ​ញ បាន​គោរព​ថ្លែងអំណរគុណ​ជូន​ចំពោះ​សម្ដេច​តេ​ជោ​ហ៊ុម​សែន ​និង​មន្ត្រីរាជការ​កម្ពុជា​ទាំងអស់​ដែល​កន្លងមក​បាន​គាំទ្រ​នូវ​បេសកម្ម​របស់លោក​ស្រី​បាន​យ៉ាង​ល្អ​។ លោកជំទាវបានកត់សម្គាល់​ឃើញថា​៤​ឆ្នាំ​ក្នុង​បេសកកម្ម​ការទូត​របស់លោកជំទាវ​នៅ​ព្រះរាជាណាចក្រ​កម្ពុជា​ លោកជំទាវ​បាន​ជួបពិភាក្សា​ការងារ​ជាមួយ​សម្តេច​តេ​ជោ ហ៊ុន សែន ជាច្រើនលើក និងជួប​ជាមួយ​មន្ត្រី​កម្ពុជា​គ្រប់លំដាប់​ថ្នាក់​ដែល​រាល់​ការពិភាក្សា​ទាំងអស់​មាន​ភាព​ត្រង់​ទៅ​ត្រង់​មក​មាន​ភាព​បើកចំហ​ និង​មាន​ភាពស្មោះត្រង់​ដែល​ទាំងនេះ​ គឺជាកត្តា​ដ៏​សំខាន់​ធ្វើ​ឱ្យ​បេសកកម្ម​ការទូត​របស់លោកជំទាវនៅ​កម្ពុជា​បានទទួល​ជោគជ័យ​ក្នុងការ​ពង្រឹងពង្រីក​ទំនាក់ទំនង​រវាង​ប្រទេស​ទាំងពីរ​។​ លោកជំទាវ​ឯកអគ្គរដ្ឋទូត​បានធ្វើ​ការកត់សមគាល់ថា​…

ភ្នំពេញៈ អ្នកនាំពាក្យអគ្គស្នងការដ្ឋាននគរបាលជាតិ ឯកឧត្តមឧត្តមសេនីយ៍ឯក ឆាយ គឹមខឿន បានមានប្រសាសន៍ប្រាប់ AMS នៅព្រឹកថ្ងៃទី១៨ ខែមិថុនានេះថា ពាក់ព័ន្ធការចាប់ខ្លួនយុវជន ៣នាក់ ដែលអះអាងថា ជាសកម្មជនបរិស្ថាន ឬក៏ជាសកម្មជនមាតាធម្មជាតិប៉ុន្មានថ្ងៃកន្លងមកនេះ គឺផ្អែកតាមការស្រាវជ្រាវស៊ើបអង្កេត ប្រមូលភស្តុតាង ឯកសារសំណុំរឿង និងភស្តុតាងផ្សេងៗទៀត បានបង្ហាញថា “ពួកក្រុមនេះបានធ្វើសកម្មភាពមានអង្គការចាត់តាំងច្បាស់លាស់ ដែលមានជនបរទេសជាអ្នកគូសវាសផែនទីឱ្យធ្វើសកម្មភាព បានន័យថាបានដាក់ចេញ​នូវផែនការសកម្មភាពដើម្បីចាត់តាំងអនុវត្តធ្វើប្រតិបត្តិការ”។ អ្នកនាំពាក្យដដែលបានបន្តថា សមត្ថកិច្ចបានរកឃើញថា ទី១. ក្រុមនេះជាក្រុមដែលមានអង្គការចាត់តាំងខុសច្បាប់ និងមានបញ្ជាពីក្រោយដោយជនបរទេសឈ្មោះ អាឡិចសង់ដ្រូ ហ្គន់ស្សាឡេស ឌីវិសុន ( Alejandro Gonzalez Davidson) ជនជាតិអេស្បាញ។ ទី២. សមត្ថកិច្ចបានប្រមូលនិងរកឃើញថា គ្រប់សកម្មភាពរបស់ពួកគេ គេយកឈ្មោះជ្រកក្រោមស្លាកការពារបរិស្ថាន តែដើម្បីបន្លំធ្វើសកម្មភាពប្រមូលយកព័ត៌មានបញ្ហាផ្សេងៗធ្វើជាលេសដើម្បីធ្វើជាឈ្នាន់ ឬក៏ជាមូលហេតុញុះញង់ដល់ប្រជាពលរដ្ឋដល់សាធារណៈជនក្នុងគោលដៅប្រឆាំង និងផ្តួលរំលំរដ្ឋាភិបាល។ ទី៣.ក្រុមនេះ ធ្វើសកម្មភាពបានដោយសារតែការផ្តល់ហិរញ្ញប្បទានពីខាងក្រៅដែលពាក់ព័ន្ធជាមួយនឹងហិរញ្ញប្បទានភេរវកម្ម ដែលផ្គត់ផ្គង់ដោយមេខ្លោងរបស់គេជាជនបរទេស។ ដូច្នេះហេតុផលទាំងបីនេះ ធ្វើឲ្យសមត្ថកិច្ចកសាងសំណុំរឿង និងចាប់ខ្លួនពួកទាំងនេះដើម្បីផ្តន្ទាទោសតាមច្បាប់។ ឧត្តមសេនីយ៍ឯក ឆាយ គឹមខឿន បានបញ្ជាក់ថា ការធ្វើសកម្មភាពកន្លងមកនេះសុទ្ធតែមានផែនការចង្អុលដឹកនាំច្បាស់លាស់ មានមេបញ្ជាការជនជាតិបរទេសនៅក្រៅប្រទេស។ សូមជម្រាបថា…

ភ្នំពេញ៖ ជំនួបមួយបានប្រព្រឹត្តទៅកាលពីរសៀលថ្ងៃទី១៧ ខែមិថុនាម្សិលមិញ នៅអគ្គនាយកដ្ឋានអន្តោប្រវេសន៍ រវាងឯកឧត្តមនាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ជាមួយលោក វូ ក្វាងមីញ (Vu Quang Minh) ឯកអគ្គរដ្ឋទូតសាធារណរដ្ឋសង្គមនិយមវៀតណាមប្រចាំព្រះរាជាណាចក្រកម្ពុជា។ ប្រភពបញ្ជាក់ថា ក្នុងជំនួបនេះនាយឧត្តមសេនីយ៍ គៀត ច័ន្ទថារិទ្ធបានស្នើឱ្យឯកអគ្គរដ្ឋទូតសាធារណរដ្ឋសង្គមនិយមវៀតណាមប្រចាំកម្ពុជា ជំរុញកិច្ចសហប្រតិបត្តិការធ្វើយ៉ាងណាបំពេញបែបបទដើម្បីបញ្ជូនជនជាតិវៀតណាម ដែលរស់នៅខុសច្បាប់ ក្នុងប្រទេសកម្ពុជាទៅប្រទេសវៀតណាមវិញឲ្យបានឆាប់។ អគ្គនាយកអន្តោប្រវេសន៍បានបញ្ជាក់ជូនទូតវៀតណាមថា កិច្ចប្រតិបត្តិការការងារគ្រប់គ្រងជនបរទេស និងការអនុវត្តច្បាប់អន្តោប្រវេសន៍នៅកម្ពុជា គឺមានមិនដែលមានការរើសអើងឡើយ។ ចំណែកឯកអគ្គរដ្ឋទូតវៀតណាម បានថ្លែងអំណរគុណចំពោះកិច្ចខិតខំប្រឹងប្រែងរបស់អគ្គនាយកដ្ឋានអន្តោប្រវេសន៍ លើការងារគ្រប់គ្រងជនបរទេស ជាពិសេសប្រជាជនវៀតណាម ដែលកំពុងស្នាក់នៅក្នុងប្រទេសកម្ពុជានាពេលកន្លងមក ក្នុងនោះរួមមានៈ ការងារជំរឿនស្ថិតិជនបរទេស, ការទទួលពាក្យស្នើសុំ និងផ្តល់ប័ណ្ណស្នាក់នៅអចិន្រ្តៃយ៍ដល់ជនបរទេស និងការអនុវត្តច្បាប់អន្តោប្រវេសន៍ ជាដើម។ ទន្ទឹមនឹងនេះ ឯកអគ្គរដ្ឋទូតវៀតណាម ក៏បានលើកឡើងអំពីបញ្ហា ប្រឈមមួយចំនួនពាក់ព័ន្ធនឹងសិទ្ធិ និងប្រសិទ្ធភាពនៃការប្រើប្រាស់ប័ណ្ណស្នាក់នៅអចិន្រ្តៃយ៍ នៅក្នុងជីវភាពរស់នៅប្រចាំថ្ងៃរបស់ប្រជាជនវៀតណាមនៅរាជធានីភ្នំពេញ និងតាមបណ្តាខេត្តផងដែរ។ ពាក់ព័ន្ធនឹងការលើកឡើងរបស់លោកឯកអគ្គរដ្ឋទូត ឯកឧត្តមនាយឧត្តមសេនីយ៍ គៀត ច័ន្ទថារិទ្ធ បានបញ្ជាក់ថា អគ្គនាយកដ្ឋានអន្តោប្រវេសន៍នឹងធ្វើការសម្របសម្រួលបន្ថែមទៀតលើការងារផ្សព្វផ្សាយបទបញ្ញត្តិស្តីពីសិទ្ធិក្នុងការប្រើប្រាស់ប័ណ្ណស្នាក់នៅអចិន្រ្តៃយ៍ សម្រាប់ជនបរទេសនៅក្នុងប្រទេសកម្ពុជា ដល់អាជ្ញាធរមូលដ្ឋានតាមរាជធានី ខេត្ត ដើម្បីឱ្យមានការយល់ដឹង និងអនុវត្តត្រឹមត្រូវឈរលើមូលដ្ឋានច្បាប់។ ចំពោះជនជាតិវៀតណាមដែលរស់នៅខុសច្បាប់ក្នុងប្រទេសកម្ពុជា…