លោកជំទាវ អេ​វ៉ា ង្វៀន ប៊ិ​ញ​(Eva NGUYEN BINH ) ​ឯកអគ្គរដ្ឋទូត​បារាំ​ង​ប្រចាំ​កម្ពុជា​បាន​ថ្លែងថា​ ​ក្នុង​បេសកកម្ម​ការទូត​របស់​លោកជំទាវ​រយៈពេល៤​ឆ្នាំ​នៅកម្ពុជា ​លោកជំទាវ​បាន​មើលឃើញថា​កម្ពុជា​គឺជា​ប្រទេសមួយ​ដែលមាន​សុខសន្តិភាព ស្ថេរភាព​ និង​ការអភិវឌ្ឍ ពី​នោះ​ទៅទៀត​កម្ពុ​ជាមាន​យុទ្ធសាស្ត្រ​ដ៏​ជាក់លាក់​ក្នុងការប្រយុទ្ធ​ប្រឆាំងនឹង​កូ​វីដ​១៩ មិន​ដូច​អ្វីដែល​អ្នកដទៃ​មើល​មក​កម្ពុជា​ពី​ចម្ងាយ១២០០ គីឡូម៉ែត្រ​នោះទេ។ លោកជំទាវបាន​បន្តថា​ទាំងនេះ​ ជា​មូលហេតុ​ដែល​ធ្វើ​ឱ្យរដ្ឋាភិបាល​បារាំង​ ក៏ដូចជា​វិស័យ​ឯកជន​បារាំង​នៅ​បន្ត​ជាមួយ​កម្ពុជា​ចូលរួមចំណែក​ជាមួយ​កម្ពុជា​ដើម្បី​ជំរុញ​ការអភិវឌ្ឍ​ប្រកបដោយ​បរិ​យាប​ន្ន​ និង​ចីរភាព។​ ​លោកជំទាវ អេ​វ៉ា ង្វៀន ប៊ិ​ញ​(Eva NGUYEN BINH )​ឯកអគ្គរដ្ឋទូត​បារាំ​ង​ប្រចាំ​កម្ពុជា​បាន​ថ្លែង​បែបនេះ ​នៅក្នុង​ជំនួប​ជាមួយ​ប្រមុខ​រាជរដ្ឋាភិបាល​កម្ពុជា​ សម្តេច​អគ្គមហា​សេនាបតី​តេ​ជោ ហ៊ុន សែន នា​ព្រឹក​ថ្ងៃទី​១៨ ខែមិថុនា​នៅ​ទីស្តីការ​នាយករដ្ឋមន្ត្រី​(​វិមាន​សន្តិភាព​) ក្នុងឱកាស​ដែល​លោកជំទាវត្រូវបាន​បញ្ចប់​អាណត្តិ​ការទូត​នៅកម្ពុជា​។​ ​ឯកឧត្តម អ៊ាង សុផល្លែត ជំនួយការ​ផ្ទាល់​សម្តេច​តេ​ជោ ហ៊ុន សែន បាន​មានប្រសាសន៍ប្រាប់​អ្នកសារព័ត៌មាន​បន្ទាប់​ពី​ជំនួប​នោះ​ថា​ លោកជំទាវ អេ​វ៉ា ង្វៀន ប៊ិ​ញ បាន​គោរព​ថ្លែងអំណរគុណ​ជូន​ចំពោះ​សម្ដេច​តេ​ជោ​ហ៊ុម​សែន ​និង​មន្ត្រីរាជការ​កម្ពុជា​ទាំងអស់​ដែល​កន្លងមក​បាន​គាំទ្រ​នូវ​បេសកម្ម​របស់លោក​ស្រី​បាន​យ៉ាង​ល្អ​។ លោកជំទាវបានកត់សម្គាល់​ឃើញថា​៤​ឆ្នាំ​ក្នុង​បេសកកម្ម​ការទូត​របស់លោកជំទាវ​នៅ​ព្រះរាជាណាចក្រ​កម្ពុជា​ លោកជំទាវ​បាន​ជួបពិភាក្សា​ការងារ​ជាមួយ​សម្តេច​តេ​ជោ ហ៊ុន សែន ជាច្រើនលើក និងជួប​ជាមួយ​មន្ត្រី​កម្ពុជា​គ្រប់លំដាប់​ថ្នាក់​ដែល​រាល់​ការពិភាក្សា​ទាំងអស់​មាន​ភាព​ត្រង់​ទៅ​ត្រង់​មក​មាន​ភាព​បើកចំហ​ និង​មាន​ភាពស្មោះត្រង់​ដែល​ទាំងនេះ​ គឺជាកត្តា​ដ៏​សំខាន់​ធ្វើ​ឱ្យ​បេសកកម្ម​ការទូត​របស់លោកជំទាវនៅ​កម្ពុជា​បានទទួល​ជោគជ័យ​ក្នុងការ​ពង្រឹងពង្រីក​ទំនាក់ទំនង​រវាង​ប្រទេស​ទាំងពីរ​។​ លោកជំទាវ​ឯកអគ្គរដ្ឋទូត​បានធ្វើ​ការកត់សមគាល់ថា​…

ភ្នំពេញៈ អ្នកនាំពាក្យអគ្គស្នងការដ្ឋាននគរបាលជាតិ ឯកឧត្តមឧត្តមសេនីយ៍ឯក ឆាយ គឹមខឿន បានមានប្រសាសន៍ប្រាប់ AMS នៅព្រឹកថ្ងៃទី១៨ ខែមិថុនានេះថា ពាក់ព័ន្ធការចាប់ខ្លួនយុវជន ៣នាក់ ដែលអះអាងថា ជាសកម្មជនបរិស្ថាន ឬក៏ជាសកម្មជនមាតាធម្មជាតិប៉ុន្មានថ្ងៃកន្លងមកនេះ គឺផ្អែកតាមការស្រាវជ្រាវស៊ើបអង្កេត ប្រមូលភស្តុតាង ឯកសារសំណុំរឿង និងភស្តុតាងផ្សេងៗទៀត បានបង្ហាញថា “ពួកក្រុមនេះបានធ្វើសកម្មភាពមានអង្គការចាត់តាំងច្បាស់លាស់ ដែលមានជនបរទេសជាអ្នកគូសវាសផែនទីឱ្យធ្វើសកម្មភាព បានន័យថាបានដាក់ចេញ​នូវផែនការសកម្មភាពដើម្បីចាត់តាំងអនុវត្តធ្វើប្រតិបត្តិការ”។ អ្នកនាំពាក្យដដែលបានបន្តថា សមត្ថកិច្ចបានរកឃើញថា ទី១. ក្រុមនេះជាក្រុមដែលមានអង្គការចាត់តាំងខុសច្បាប់ និងមានបញ្ជាពីក្រោយដោយជនបរទេសឈ្មោះ អាឡិចសង់ដ្រូ ហ្គន់ស្សាឡេស ឌីវិសុន ( Alejandro Gonzalez Davidson) ជនជាតិអេស្បាញ។ ទី២. សមត្ថកិច្ចបានប្រមូលនិងរកឃើញថា គ្រប់សកម្មភាពរបស់ពួកគេ គេយកឈ្មោះជ្រកក្រោមស្លាកការពារបរិស្ថាន តែដើម្បីបន្លំធ្វើសកម្មភាពប្រមូលយកព័ត៌មានបញ្ហាផ្សេងៗធ្វើជាលេសដើម្បីធ្វើជាឈ្នាន់ ឬក៏ជាមូលហេតុញុះញង់ដល់ប្រជាពលរដ្ឋដល់សាធារណៈជនក្នុងគោលដៅប្រឆាំង និងផ្តួលរំលំរដ្ឋាភិបាល។ ទី៣.ក្រុមនេះ ធ្វើសកម្មភាពបានដោយសារតែការផ្តល់ហិរញ្ញប្បទានពីខាងក្រៅដែលពាក់ព័ន្ធជាមួយនឹងហិរញ្ញប្បទានភេរវកម្ម ដែលផ្គត់ផ្គង់ដោយមេខ្លោងរបស់គេជាជនបរទេស។ ដូច្នេះហេតុផលទាំងបីនេះ ធ្វើឲ្យសមត្ថកិច្ចកសាងសំណុំរឿង និងចាប់ខ្លួនពួកទាំងនេះដើម្បីផ្តន្ទាទោសតាមច្បាប់។ ឧត្តមសេនីយ៍ឯក ឆាយ គឹមខឿន បានបញ្ជាក់ថា ការធ្វើសកម្មភាពកន្លងមកនេះសុទ្ធតែមានផែនការចង្អុលដឹកនាំច្បាស់លាស់ មានមេបញ្ជាការជនជាតិបរទេសនៅក្រៅប្រទេស។ សូមជម្រាបថា…

ភ្នំពេញ៖ ជំនួបមួយបានប្រព្រឹត្តទៅកាលពីរសៀលថ្ងៃទី១៧ ខែមិថុនាម្សិលមិញ នៅអគ្គនាយកដ្ឋានអន្តោប្រវេសន៍ រវាងឯកឧត្តមនាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ជាមួយលោក វូ ក្វាងមីញ (Vu Quang Minh) ឯកអគ្គរដ្ឋទូតសាធារណរដ្ឋសង្គមនិយមវៀតណាមប្រចាំព្រះរាជាណាចក្រកម្ពុជា។ ប្រភពបញ្ជាក់ថា ក្នុងជំនួបនេះនាយឧត្តមសេនីយ៍ គៀត ច័ន្ទថារិទ្ធបានស្នើឱ្យឯកអគ្គរដ្ឋទូតសាធារណរដ្ឋសង្គមនិយមវៀតណាមប្រចាំកម្ពុជា ជំរុញកិច្ចសហប្រតិបត្តិការធ្វើយ៉ាងណាបំពេញបែបបទដើម្បីបញ្ជូនជនជាតិវៀតណាម ដែលរស់នៅខុសច្បាប់ ក្នុងប្រទេសកម្ពុជាទៅប្រទេសវៀតណាមវិញឲ្យបានឆាប់។ អគ្គនាយកអន្តោប្រវេសន៍បានបញ្ជាក់ជូនទូតវៀតណាមថា កិច្ចប្រតិបត្តិការការងារគ្រប់គ្រងជនបរទេស និងការអនុវត្តច្បាប់អន្តោប្រវេសន៍នៅកម្ពុជា គឺមានមិនដែលមានការរើសអើងឡើយ។ ចំណែកឯកអគ្គរដ្ឋទូតវៀតណាម បានថ្លែងអំណរគុណចំពោះកិច្ចខិតខំប្រឹងប្រែងរបស់អគ្គនាយកដ្ឋានអន្តោប្រវេសន៍ លើការងារគ្រប់គ្រងជនបរទេស ជាពិសេសប្រជាជនវៀតណាម ដែលកំពុងស្នាក់នៅក្នុងប្រទេសកម្ពុជានាពេលកន្លងមក ក្នុងនោះរួមមានៈ ការងារជំរឿនស្ថិតិជនបរទេស, ការទទួលពាក្យស្នើសុំ និងផ្តល់ប័ណ្ណស្នាក់នៅអចិន្រ្តៃយ៍ដល់ជនបរទេស និងការអនុវត្តច្បាប់អន្តោប្រវេសន៍ ជាដើម។ ទន្ទឹមនឹងនេះ ឯកអគ្គរដ្ឋទូតវៀតណាម ក៏បានលើកឡើងអំពីបញ្ហា ប្រឈមមួយចំនួនពាក់ព័ន្ធនឹងសិទ្ធិ និងប្រសិទ្ធភាពនៃការប្រើប្រាស់ប័ណ្ណស្នាក់នៅអចិន្រ្តៃយ៍ នៅក្នុងជីវភាពរស់នៅប្រចាំថ្ងៃរបស់ប្រជាជនវៀតណាមនៅរាជធានីភ្នំពេញ និងតាមបណ្តាខេត្តផងដែរ។ ពាក់ព័ន្ធនឹងការលើកឡើងរបស់លោកឯកអគ្គរដ្ឋទូត ឯកឧត្តមនាយឧត្តមសេនីយ៍ គៀត ច័ន្ទថារិទ្ធ បានបញ្ជាក់ថា អគ្គនាយកដ្ឋានអន្តោប្រវេសន៍នឹងធ្វើការសម្របសម្រួលបន្ថែមទៀតលើការងារផ្សព្វផ្សាយបទបញ្ញត្តិស្តីពីសិទ្ធិក្នុងការប្រើប្រាស់ប័ណ្ណស្នាក់នៅអចិន្រ្តៃយ៍ សម្រាប់ជនបរទេសនៅក្នុងប្រទេសកម្ពុជា ដល់អាជ្ញាធរមូលដ្ឋានតាមរាជធានី ខេត្ត ដើម្បីឱ្យមានការយល់ដឹង និងអនុវត្តត្រឹមត្រូវឈរលើមូលដ្ឋានច្បាប់។ ចំពោះជនជាតិវៀតណាមដែលរស់នៅខុសច្បាប់ក្នុងប្រទេសកម្ពុជា…

ភ្នំពេញ​៖ លោក នេត្រ ភក្ត្រា រដ្ឋលេខាធិការ និង​ជា​អ្នកនាំពាក្យ​ក្រសួងបរិស្ថាន បាន​បញ្ជាក់ថា ការបញ្ចប់​គម្រោង​ព្រៃ​ឡង់​បៃតង ដែលជា​កិច្ចសហប្រតិបត្តិការ​រ​វាង​កម្ពុជា និង​សហរដ្ឋ​មេ​រិ​ក នៅ​តំបន់​ដែនជម្រកសត្វព្រៃ​ព្រៃ​ឡង់ បាន​បង្ហាញថា ក្រសួងបរិស្ថាន ក្នុងនាម​សេនាធិការ​នៃ​រាជរដ្ឋាភិបាល និង​មន្ត្រី​របស់ខ្លួន​មានការ​ទទួលខុសត្រូវ និង​មាន​ភាពរឹងមាំ​គ្រប់គ្រាន់​ក្នុង​ភាពជា​ម្ចាស់​ក្នុងការ​បំពេញ​តួនាទី​និង​ភារកិច្ច​របស់ខ្លួន​លើ​ការការពារ​និង​អភិរក្ស​ធនធានធម្មជាតិ​ដោយ​ឈរ​នៅលើ​មូលដ្ឋាន​ច្បាប់​ជា​ធរមាន​។​ ​ការបញ្ជាក់​នេះ ធ្វើឡើង​បន្ទាប់ពី​សហរដ្ឋអាមេរិក សម្រេច​បញ្ចប់​ជំនួយ​ដល់​ស្ថាប័ន​នៃ​រាជរដ្ឋាភិបាល​កម្ពុជា នៅក្រោម​គម្រោង​ព្រៃ​ឡង់​បៃតង តាមរយៈ​ទីភ្នាក់ងារ​សហរដ្ឋអាមេរិក​សម្រាប់​ការអភិវឌ្ឍន៍​អន្តរជាតិ ហៅ​កាត់ USAID ក្រោម​ហេតុផល​ការកាប់​ឈើ​ខុសច្បាប់​នៅក្នុង និង​ជុំវិញ​ដែនជម្រកសត្វព្រៃ​នៅ​ព្រៃ​ឡង់​នៅតែ​បន្ត​មាន បើទោះបីជា​រដ្ឋាភិបាល​ខ្លួន បានផ្តល់​ជំនួយ​ជាង ១០០​លាន​ដុល្លារ ចាប់តាំងពី​ឆ្នាំ ២០១៦​មក តាមរយៈ​ទីភ្នាក់ងារ USAID ដើម្បី​អនុវត្ត​លើ​គម្រោង​ការពារ​ធនធាន​ព្រៃឈើ សត្វព្រៃ និង​ជីវៈចម្រុះ ដើម្បី​ធានា​អភិរក្ស និង​ការអភិវឌ្ឍន៍​ប្រកបដោយ​និរន្តរភាព​។​ ​សេចក្តីថ្លែងការណ៍​រប​ស់​ស្ថានទូត​អាមេរិកនៅ​កម្ពុជា​នៅ​ថ្ងៃទី​១៧ ខែមិថុនា​នេះ បញ្ជាក់ថា​«​ជំនួយ​របស់​សហរដ្ឋ​អាមេរិក​នឹងត្រូវ​បង្វែរ ទៅ​ជួយ​វិស័យ​ឯកជន សង្គម​ស៊ីវិល និង​ការងារ​របស់​សហគម​ន៍​មូលដ្ឋាន ដើម្បី​កែលម្អ​មុខរបរ​ប្រកប​ជីវភាព​រស់នៅ និង​ពង្រីក​កសិកម្ម ដែល​មិន​ប៉ះពាល់​បរិស្ថាន​។ ទន្ទឹមគ្នានេះ សហរដ្ឋអាមេរិក​នឹង​បន្ត​ធ្វើការ​ជាមួយ​រាជរដ្ឋាភិបាល​កម្ពុជា លើ​បញ្ហា​បរិស្ថាន និង​បម្រែបម្រួល អាកាសធាតុ ដែលជា​កង្វល់​រួម តាមរយៈ​កិច្ចសហការ​ជា​ដៃគូ​រវាង​សហរដ្ឋអាមេរិក និង​តំបន់​ទន្លេមេគង្គ​»​។​ ​ឆ្លើយតប​នឹង​បញ្ហា​បញ្ចប់​ជំនួយ​នេះ…

​ភ្នំពេញ : គណបក្ស​ប្រជាជន​កម្ពុជា​បានសម្រេច​ជ្រើស​រើសយក​ឯកឧត្តម ប្រាជ្ញ ចន្ទ​ជា​បេក្ខជន​ប្រធាន​គណៈកម្មាធិការ ជាតិ​រៀបចំ​ការបោះឆ្នោត (​គ​.​ជ​.​ប​.) ជំនួស​ឯកឧត្តម ស៊ិ​ក ប៊ុ​ក​ហុក ដែល​បាន​លាលែង​ពី​តួនាទី និង​តំណែង​ប្រធាន គ​.​ជ​.​ប​.​។ បន្ទាប់ពី​គណបក្ស​ប្រជាជន​កម្ពុជា​ជ្រើសរើស​បេក្ខជន​ប្រធាន គ​.​ជ​.​ប​. រួចហើយ​បញ្ជូនមក​គណៈកម្មាធិកា​រអចិន្ត្រៃយ៍​រដ្ឋសភា។ក្រោយ​​ថ្ងៃទី​១៧​ខែមិថុនា​នេះ​គណៈកម្មាធិការ​អចិន្ត្រៃយ៍​រដ្ឋសភា​នឹងធ្វើ​ការប្រជុំ​ដើម្បី​កំណត់​សម័យប្រជុំ​សភា បោះឆ្នោត​ផ្តល់​សេចក្តីទុកចិត្ត​ដល់​ឯកឧត្តម ប្រាជ្ញ ចន្ទ ជា​ប្រធាន​គ​.​ជ​.​ប​.​។ ​ការសម្រេច​ជ្រើសរើស​ឯកឧត្តម ប្រាជ្ញ ចន្ទ គឺ​បន្ទាប់ពី​គណៈកម្មាធិការ​អចិន្ត្រៃយ៍​រដ្ឋសភា កាលពី​ទី​១៥ ខែមិថុនា បានអនុម័ត​យល់ព្រម​នូវ​បេក្ខជន​ប្រធាន​គ​.​ជ​.​ប​. ដែលមាន​លក្ខណៈសម្បត្តិ​គ្រប់គ្រាន់​ចំនួន​ពីររូប​គឺ​ឯកឧត្តម ប្រាជ្ញ ចន្ទ និង ឯ​ឧ​ត្ត​ម កា លាន ​បញ្ជូនទៅ​គណបក្ស​ប្រជាជន​កម្ពុជា​ជ្រើសរើស​បេក្ខជន​ចំនួន​មួយរូប​ផ្ញើមក​គណៈកម្មាធិការ អចិន្ត្រៃយ៍​រដ្ឋសភា​វិញ​។ ​ឯក​ឧ​ត្ក​ម ឡេង ប៉េងឡុង អគ្គលេខាធិការ​និង​ជា​អ្នកនាំពាក្យ​រដ្ឋសភា​បាន​មានប្រសាសន៍ប្រាប់ AMS នៅ​រសៀល​ថ្ងៃទី​១៦ ខែមិថុនា​នេះ​ថា​គណៈកម្មាធិការ​អចិន្ត្រៃយ៍​រដ្ឋសភា​បានទទួល​លិខិត​ឆ្លើយតប​របស់​គណបក្ស​ប្រជាជន​កម្ពុជា​កាលពី​ព្រឹក​ថ្ងៃ​១៦ ខែមិថុនា​នេះ​គឺ​បានសម្រេច​ជ្រើសរើស​ឯកឧត្តម​ប្រាជ្ញ​ចន្ទ​ជា​បេក្ខជន​ប្រធាន​គណៈកម្មាធិការ​ជាតិ រៀបចំ​ការបោះឆ្នោត (​គ​.​ជ​.​ប​)​។​ អ្នកនាំពាក្យ​រដ្ឋសភា​បាន​បន្តថា​បន្ទាប់ពី​គណៈកម្មាធិការ​អចិន្ត្រៃយ៍​រដ្ឋសភា​បានទទួល​លិខិត​ឆ្លើយតប​របស់​គណបក្ស​ប្រជាជន​កម្ពុជា​រួចហើយ តាមច្បាប់​ក្រោយ​ថ្ងៃទី​១៧​ខែមិថុនា​​គណៈកម្មាធិការ​អចិន្ត្រៃយ៍​រដ្ឋសភា​នឹង​ប្រជុំ​រៀបចំ​របៀបវារៈ​ដាក់​បេក្ខជន​ឯកឧត្តម ប្រាជ្ញា ចន្ទ​ ទៅក្នុង​សម័យប្រជុំ​ពេញអង្គ​នៅក្នុង​រដ្ឋសភា​ដើម្បី​បោះឆ្នោត​ផ្តល់​សេចក្តី ទុកចិត្ត​។​ ​ឯកឧត្តម ប្រាជ្ញ ចន្ទ…

​ភ្នំពេញ : ឯកឧត្តម ប្រាជ្ញ ចន្ទ និង ឯកឧត្តម កា លាន បាន​ក្លាយជា​បេក្ខជន​សម្រាប់​តំណែង​ជា​ប្រធាន​គ​ញណៈ​ក​ម្មា​ធិ​ការ ជាតិ​រៀបចំ​ការបោះឆ្នោត​(​គ​.​ជ​.​ប​.)​បន្ទាប់ពី​គណៈកម្មាធិការ​អចិន្ត្រៃយ៍​រដ្ឋសភា​បានអនុម័ត​យល់ព្រម​លើ​បេក្ខជន ទាំងពីរ​២​រូប​នៅ​ព្រឹក​ថ្ងៃទី​១៥​ខែមិថុនា​នេះ​នៅក្នុង​កិច្ចប្រជុំ​គណៈកម្មាធិការ​អចិន្ត្រៃយ៍​រដ្ឋសភា​ដឹកនាំ​ដោយ​សម្ដេច​អគ្គ​មហា ពញា​ចក្រី​ហេង​សំរិន​ប្រធានរដ្ឋសភា​តាម​ប្រព័ន្ធ​វីដេអូ​។​តាម​នីតិវិធី​បេក្ខជន​ឈរឈ្មោះ​នេះ​នឹងត្រូវ​បញ្ជូនទៅ​គណបក្សនយោបាយ​ពាក់ព័ន្ធ​ជ្រើសរើស​បេក្ខជន​មួយរូប រួច​ផ្ញើមក​គណៈកម្មាធិការ​អចិន្ត្រៃយ៍​រដ្ឋសភា​វិញ​។​ ​ឯកឧត្តម ឡេង ប៉េងឡុង អគ្គលេខាធិការ និង ជា​អ្នកនាំពាក្យ​ដ្ឋ​សភាជាតិ​បាន​ប្រាប់​AMS នៅមុននេះ​បន្តិច​ថា ឯកឧត្តម ប្រាជ្ញ ចន្ទ និង ឯកឧត្តម កា លាន គឺជា​បេក្ខជន​ដែល​បាន​ពាក្យ​ឈរឈ្មោះ​ធ្វើជា​បេក្ខជន​ប្រធាន​គ​.​ជ​.​ប​. ក្នុងចំណោម​ឥស្សរជន​៤ រូប​ដែល​បានមក​យកពាក្យ​ឈរឈ្មោះ​ពី​រដ្ឋសភា​។​លោក​បន្តថា​ការទទួល​ពាក្យ​បេក្ខជន​ឈរឈ្មោះ​ជា​បេក្ខភាព​ប្រធាន គ​.​ជ​.​ប​. រយៈពេល ៥​ថ្ងៃ គឺ​ចាប់ពី​ថ្ងៃទី​៧ ដល់​ថ្ងៃទី​១១ ខែមិថុនា ដោយមាន​បេក្ខជន​ចំនួន​៤​រូប​តែប៉ុណ្ណោះ ហើយ​ក្នុងចំណោម​បេក្ខជន​ទាំង ៤​រូប គឺមាន​បេក្ខជន​២​រូប​ទេ​ដែល​បាន​បំពេញបែបបទ​យកមក​ដាក់​នៅ​អគ្គលេខាធិការដ្ឋាន​រដ្ឋ​សភា​។​បេក្ខជន​ចំនួន ២​រូបនេះ​មាន​សំណុំបែបបទ​គ្រប់គ្រាន់​ហើយ​បេក្ខជន​ចំនួន ២​រូប​ទៀត គឺ​មិនបាន​ដាក់ពាក្យ​ទេ​។​ ​លោក​បាន​បន្តថា គណៈកម្មាធិការ​អចិន្ត្រៃយ៍​នៃ​រដ្ឋសភា បើក​កិច្ចប្រជុំ​នៅ​ថ្ងៃទី​១៥ ខែមិថុនា នេះ​ដើម្បី​ពិនិត្យ​ជ្រើសរើស បេក្ខភាព​ប្រធាន​គ​.​ជ​.​ប​.​ថា​តើ​ត្រឹមត្រូវ​តាមច្បាប់​ឬក៏​អត់​?​។​នៅពេល​ពិនិត្យ​មើលថា​ត្រឹមត្រូវ​តាមច្បាប់​ហើយ​គណៈកម្មាធិការ អចិន្ត្រៃយ៍​នៃ​រដ្ឋសភា​ទៅ​សម្របសម្រួល​សុំ​ឲ្យ​គណបក្ស​ដែល​បាន​ស្នើសុំ​តែងតាំង​ឯកឧត្តម ស៊ិ​ក ប៊ុន​ហុក ជា​ប្រធាន​គ​.​ជ​.​ប​. ពីមុនមក…

ភ្នំពេញ : សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៃព្រះរាជាណាចក្រកម្ពុជា បានដឹកនាំប្រតិភូយោធាជាន់ខ្ពស់ក្រសួងការពារជាតិ ចូលរួមកិច្ចប្រជុំរដ្ឋមន្ត្រីការពារជាតិអាស៊ានលើកទី១៥ (15 ADMM) កិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី៨ (8″ ADMM-Plus) និងកិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន-ចិន ពីថ្ងៃទី១៥ ដល់១៦ ខែមិថុនាឆ្នាំ២០២១តាមប្រព័ន្ធonline។  ការអញ្ជើញចូលរួមកិច្ចប្រជុំនេះ គឺតាមការអញ្ជើញរបស់រដ្ឋមន្ត្រីការពារជាតិព្រុយណេដារូសាឡាម។ នាយកដ្ឋានកិច្ចការអាស៊ាន នៃក្រសួងការពារជាតិបានឲ្យដឹងថា : ១.នៅក្នុងកិច្ចប្រជុំរដ្ឋមន្ត្រីការពារជាតិអាស៊ាន សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នឹងចូលរួមអនុម័តឯកសារទស្សនទានចំនួន៤ ក្នុងក្របខ័ណ្ឌកិច្ចប្រជុំរដ្ឋមន្ដ្រីការពារជាតិអាស៊ាន និងសេចក្ដីប្រកាសបេដាសេរីបេហ្គាវ៉ាន់ក្នុងការប្រារព្ធខួបលើកទី១៥ របស់រដ្ឋមន្ត្រីការពារជាតិអាស៊ាន ឆ្ពោះទៅកាន់ការត្រៀមជាស្រេច សម្រាប់អនាគត សន្តិភាព និងវិបុលភាពអាស៊ាន។ ២. នៅក្នុងកិច្ចប្រជុំរដ្ឋមន្ត្រីការពារជាតិអាស៊ាន-បូក សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិនឹងផ្លាស់ប្តូរទស្សនៈ ស្ដីពីបរិយាកាស សន្តិសុខតំបន់ និងអន្តរជាតិ។ ក្នុងពេលនោះ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិ នឹងចូលរួមអនុម័តសេចក្តីប្រកាសបេដាសេរីបេហ្គាវ៉ាន់ ដោយរដ្ឋមន្ត្រីការពារជាតិអាស៊ាន-បូក ក្នុងការប្រារព្ធខួបលើកទី១៥ របស់រដ្ឋមន្ត្រីការពារជាតិអាស៊ាន ឆ្ពោះទៅកាន់ការត្រៀមជាស្រេច សម្រាប់អនាគត សន្តិភាព និងវិបុលភាពអាស៊ាន។ ៣. ស្របគ្នានឹងកិច្ចប្រជុំនេះដែរ សម្តេចពិជ័យសេនា ទៀ បាញ់ ឧបនាយករដ្ឋមន្តី រដ្ឋមន្ត្រីក្រសួងការពារជាតិនឹងចូលរួមកិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន-ចិន។ ក្នុងកិច្ចប្រជុំនេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នឹងផ្លាស់ប្តូរទស្សនៈស្តីពីសភាពការណ៍ក្នុងតំបន់ និងអន្តរជាតិផងដែរ៕  ដោយ :ពលជ័យ

ភ្នំពេញៈ ឯកឧត្តម កែវ រ៉េមី រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានគណៈកម្មាធិការសិទ្ធិមនុស្សកម្ពុជា បានទទួលជួប លោក Luke Arnold អគ្គរាជទូតស្តីទីអូស្រ្តាលីប្រចាំកម្ពុជា ដើម្បីពិភាក្សាការងារពាក់ព័ន្ធទនឹងស្ថានភាពសិទ្ធិមនុស្ស នៅកម្ពុជា និងវឌ្ឍនភាពការងារពាក់ព័ន្ធនឹងការរៀបចំសេចក្តីព្រាងច្បាប់ស្តីពីការបង្កើតស្ថាប័នសិទ្ធិមនុស្សជាតិ។ ជំនួបពិភាក្សារវាងប្រធានគណៈកម្មាធិការសិទ្ធិមនុស្សកម្ពុជា និងអគ្គរាជទូតស្តីទីអូស្រ្តាលីបានធ្វើឡើងនៅថ្ងៃទី១៤ ខែមិថុនា ឆ្នាំ២០២១ នៅគណៈកម្មាធិការសិទ្ធិមនុស្សកម្ពុជា។ ឯកឧត្តម ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជាបានបញ្ជាក់ថាក្នុងឱកាសនោះលោក Luke Arnold បានថ្លែងអំណរគុណ និងបង្ហាញសុឆន្ទៈ និងការប្តេជ្ញាបន្តជួយដល់កម្ពុជាជាពិសេសដំណើការនៃការរៀបចំ សេចក្តីព្រាងច្បាប់បង្កើតស្ថាប័នសិទ្ធិមនុស្សជាតិនេះ។ វឌ្ឍនភាពនៃការរៀបចំសេចក្តីព្រាងច្បាប់បង្កើតស្ថាប័នសិទ្ធិមនុស្សជាតិ ដែលទទួលបានការឯកភាពពីសម្តេចតេជោ ហ៊ុន សែន នាពេលកន្លងមក ឱ្យខាងគណៈកម្មាធិការសិទ្ធិមនុស្សកម្ពុជា ជាអ្នករៀបចំ ហើយខាងអូស្រ្តាលី ក៏បានចូលរួមសហការផងដែរ ក្នុងការផ្តល់ជាធាតុចូលតាមរយៈអង្គការវេទិកា អាស៊ីប៉ាស៊ីហ្វិក ដែលមានមូលដ្ឋាននៅអូស្ត្រាលី។ ឯកឧត្តមបន្តថា ពេលនេះក្រុមការងារបានបញ្ចប់រួចហើយនូវសេចក្តីព្រាងដំបូង និងកំពុងរៀបចំនូវកិច្ចពិគ្រោះយោបល់ជាមួយគ្រប់ភាគីពាក់ព័ន្ធជាបន្តបន្ទាប់ទៀតក្នុងពេលឆាប់ៗខាងមុខនេះ។ ជាមួយគ្នានេះដែរ អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជា បានគូសបញ្ជាក់ថាពាក់ព័ន្ធនឹង ស្ថានភាពសិទ្ធិមនុស្សជាទូទៅ ខាងអូស្រ្តាលីបានកត់សម្គាល់ពីចំណុចវិជ្ជមានមួយចំនួនពាក់ព័ន្ធសេរីភាពសាសនា និងសិទ្ធិអ្នកស្រឡាញ់ភេទដូចគ្នា ព្រមទាំងបានកោតសរសើរ និងវាយតម្លៃខ្ពស់ពីការដឹកនាំរបស់សម្តេចតេជោ ជាពិសេសក្នុងការឆ្លើយតបនឹងការឆ្លងរាលដាលកូវីដ១៩…

ភ្នំពេញៈ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានបញ្ជាឱ្យសមត្ថកិច្ចជំនាញពាក់ព័ន្ធធ្វើការស្រាវជ្រាវឲ្យបានច្បាស់ករណីបុគ្គលមួយចំនួនបានយកលុយពីប្រជាពលរដ្ឋជាថ្នូរនឹងទទួលបានប័ណ្ណចាក់វ៉ាក់សាំងដើម្បីយកមកចាត់វិធានការតាមច្បាប់ ពីព្រោះការចាក់វ៉ាក់សាំងជូនប្រជាពលរដ្ឋ គឺមិនយកលុយនោះទេ។ ការបញ្ជាឱ្យស្រាវជ្រាវរកក្រុមមនុស្សខិលខូចយកលុយពីប្រជាពលរដ្ឋនេះ បានធ្វើឡើងនៅក្នុងកិច្ចប្រជុំបូកសរុបលទ្ធផលយុទ្ធនាការចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋ កម្មករ កម្មការិនី និងជនបរទេសដែលមានអាយុចាប់ពី១៨ឆ្នាំ ឡើង នៅក្នុងខណ្ឌចំនួន៦នៅរាជធានីភ្នំពេញ និងទីក្រុងតាខ្មៅ នៃខេត្តកណ្ដាល នៅថ្ងៃទី១៤ ខែមិថុនា ឆ្នាំ២០២១នេះ។ សម្តេចពិជ័យសេនា ទៀ បាញ់ បានមានប្រសាសន៍ប្រាប់ AMS នៅរសៀលថ្ងៃទី១៤ ខែមិថុនា នេះថា “រឿងនេះគ្រាន់តែ យើងមានព័ត៌មានថា មានអ្នកខ្លះយកលុយពីប្រជាពលរដ្ឋប៉ុន្តែវាមិនទាន់មានសភាពជាក់ស្តែងទេ បានជាខ្ញុំប្រាប់ទៅបងប្អូន​ស្រាវជ្រាវមើលឱ្យច្បាស់មើលអ្នកណា? បើអ្នកណាហ៊ានប្រព្រឹត្តរបៀបនឹង យើងមិនបណ្តែតបណ្តោយឲ្យធ្វើបែបនេះ បានទេ។ ត្រូវតែចាត់វិធានការតាមផ្លូវច្បាប់ ព្រោះប្រមុខដឹកនាំរបស់យើង បានបញ្ជាក់ហើយបញ្ជាក់ទៀត ចាក់វ៉ាក់សាំងជូនប្រជាពលរដ្ឋ គឺមិនយកលុយទេ”។ សម្តេចពិជ័យសេនាបានបញ្ជាក់ទៀតថា “បើសិនជាអ្នកណាយកលុយក្នុងទម្រង់ណាមួយ គឺយើងនឹងមានវិធានការហើយ ចាត់ទុកថា ដើរផ្ទុយពីបំណងប្រាថ្នារបស់ប្រមុខដឹកនាំហើយ”។ សូមជម្រាបថាក្រសួងការពារជាតិបានបើកយុទ្ធនាការចាក់វ៉ាក់សាំងជូនប្រជាពលរដ្ឋរស់នៅក្នុងតំបន់ក្រហមក្នុងភូមិសាស្ត្ររាជធានីភ្នំពេញ បានធ្វើឡើងកាលពីថ្ងៃទី០១ខែឧសភា ឆ្នាំ២០២១។ យោងតាមរបាយការណ៍ក្រសួងការពារជាតិកម្ពុជា ចេញផ្សាយកាលពីថ្ងៃទី១៣ ខែមិថុនាម្សិលមិញ បានឲ្យដឹងថា ការចាក់វ៉ាក់សាំងការពារជំងឺកូវីដ១៩ លើកទី១…