-
វិចិត្រករមួយរូបប្រើប្រាស់សំរាមអេឡិចត្រូនិកធ្វើរូបចម្លាក់មេដឹកនាំ G7 ដើម្បីបង្ហាញពីភាពចាំបាច់ក្នុងការយកកាកសំណល់មកប្រើប្រាស់ ឬកែច្នៃឡើងវិញ (មានវីដេអូ)
អង់គ្លេស៖ វិចិត្រករមួយរូបបានប្រើប្រាស់កាកសំណល់គឿងអេឡិចត្រូនិក ដើម្បីធ្វើរូបចម្លាក់របស់មេដឹកនាំមានសេដ្ឋកិច្ចជឿនលឿន G7 នៅក្នុងតំបន់ ខនវ៉ល ប្រទេសអង់គ្លេស មុននឹងតំបន់នេះត្រូវទទួលរៀបចំកិច្ចប្រជុំកំពូល G7 ក្នុងសប្ដាហ៍នេះ ។រូបចម្លាក់មេដឹកនាំ G7 នេះមានដូចជានាយករដ្ឋមន្ត្រីអង់គ្លេស លោក បូរីស ចនសុន នាយករដ្ឋមន្ត្រីជប៉ុន លោក ស៊ូហ្គា យ៉ូស៊ីហ៊ីដេ ប្រធានាធិបតីបារាំង លោក អ៊ែមម៉ានុយអ៊ែល ម៉ាក្រុង នាយករដ្ឋមន្ត្រីអ៊ីតាលី លោក ម៉ារីអូ ដ្រាហ្គី នាយករដ្ឋមន្ត្រីកាណាដា លោក ចាស្ទីន ឌ្រូដូ អធិការបតីអាល្លឺម៉ង់លោកស្រី អាន់ជែឡា មើគែល និងប្រធានាធិបតីអាមេរិក លោក ចូ បៃដិន ។ បើតាមវិចិត្រករឆ្លាក់រូប លោក ចូ រ៉ាស់ លោកបានដាក់ឈ្មោះរូបចម្លាក់មេដឹកនាំ G7 ថា «Mount Recyclemore» ដែលមានទ្រង់ទ្រាយស្រដៀងគ្នានឹងរូបចម្លាក់ Mount Rushmore នៅក្នុងសហរដ្ឋអាមេរិក ។ វិចិត្រករឆ្លាក់រូបដៃឯករូបនេះបានប្រាប់ពីមូលហេតុថា…
-
ពិតជាអស្ចារ! យន្ដហោះគ្មានមនុស្សបើកចាក់សាំងអោយយន្ដហោះចម្បាំងកងទ័ពជើងទឹកអាមេរិកនៅលើអាកាសបានដោយជោគជ័យ (មានវីដេអូ)
បរទេស៖ យន្តហោះគ្មានមនុស្សបើក ដ្រូន (drone) បានផ្គត់ផ្គង់ឥន្ធនៈនៅលើអាកាសទៅអោយយន្តហោះចម្បាំងមួយគ្រឿង នៅក្នុងព្រឹត្តិការណ៍មួយដែលក្រុមហ៊ុន ប៊ូអ៊ីអ ចាត់ទុកថា ជាលើកដំបូងក្នុងប្រវត្តិសាស្ត្រអាកាសចរណ៍ ។ ការប្រកាសខាងលើនេះ ត្រូវបានធ្វើឡើងបន្ទាប់ពីការសាកល្បងដោយជោគជ័យ ទៅលើគំរូនៃយន្តហោះគ្មានមនុស្សបើកពិសេស ជំនាញខាងចាក់ប្រេងអោយយន្តហោះដទៃ ដែលត្រូវបានកងទ័ពជើងទឹកសហរដ្ឋអាមេរិក ដាក់ឈ្មោះអោយថា MQ-25 Stringray ។ យន្តហោះគ្មានមនុស្សបើក ដែលត្រូវបានបញ្ជាពីចម្ងាយបានចាក់សាំងដោយជោគជ័យទៅអោយយន្តហោះចម្បាំង F/A 18 Super Hornet របស់កងទ័ពជើងទឹកអាមេរិក នៅក្នុងជើងហោះហើរសាកល្បងកាលពីថ្ងៃទី៤ ខែមិថុនា ឆ្នាំ២០២១ ។ ជើងហោះហើរសាកល្បងខាងលើ ត្រូវបានចាប់ផ្ដើមពីនាវាផ្ទុកយន្តហោះ MidAmerica នៅ Mascoutah នៃរដ្ឋ Illinois ក្បែរមូលដ្ឋានរបស់ក្រុមហ៊ុន Boeing នៅ St. Louis ក្នុងរដ្ឋ Missouri ។ យន្តហោះគ្មានមនុស្សបើកខាងលើ ប្រើប្រាស់ប្រព័ន្ធផ្គត់ផ្គង់ប្រេងនៅលើអាកាស Cobham (ARS) ដែលកងទ័ពជើងទឹកអាមេរិក បំពាក់នៅលើយន្តហោះ Super Hornet មួយចំនួន ដែលធ្វើសកម្មភាពពីនាវាផ្ទុកយន្តហោះរបស់ពួកគេ…
-
ស្ថាបនិកក្រុមហ៊ុន Amazon លោក Jeff Bezos នឹងធ្វើដំណើរទៅកាន់ទីអវកាសនៅខែក្រោយនេះ (មានវីដេអូ)
បរទេស៖ ស្ថាបនិកក្រុមហ៊ុន Amazon លោក ជេហ្វ បេហ្សូស (Jeff Bezos) អះអាងថា រូបលោកនឹងហោះហើរទៅកាន់ទីអវកាសនៅខែកក្កដាខាងមុខនេះ នៅលើជើងហោះហើរមានមនុស្សដំបូងបំផុត ដែលដំណើរការដោយក្រុមហ៊ុនរ៉ុក្កែត Blue Origin របស់លោកផ្ទាល់ ។ តាមរយៈបណ្តាញសង្គម Instagram របស់ខ្លួន កំពូលមហាសេដ្ឋីពិភពលោករូបនេះបាននិយាយថា តាំងពីខ្ញុំមានអាយុ៥ឆ្នាំ ខ្ញុំសុបិន្តចង់ធ្វើដំណើរទៅទីអវកាស… នៅថ្ងៃទី២០ ខែកក្កដាខាងមុខនេះ ខ្ញុំនឹងធ្វើដំណើរជាមួយបងប្រុសរបស់ខ្ញុំ ។ បើតាមក្រុមហ៊ុន Blue Origin នោះ លោក បេហ្សូស និងបងប្រុសរបស់លោកឈ្មោះMark នឹងធ្វើដំណើរតាមជើងហោះហើរដំបូងរបស់យាន New Shepard របស់ក្រុមហ៊ុន ។ ដំណើរកម្សាន្តដ៏អស្ចារ្យខាងលើនេះ នឹងមានរយៈពេលសរុប១០នាទី ដោយអ្នកដំណើរទាំងបួននាក់នៅលើនោះនឹងចំណាយពេលនៅលើខ្សែបន្ទាត់កាម៉ាន់ ដែលកំណត់ព្រំដែនរវាងបរិយាកាសផែនដី និងទីអវកាស ។ បច្ចុប្បន្នក្រុមហ៊ុនកំពុងដាក់ដេញថ្លៃកៅអីទីបី ហើយការដេញថ្លៃនេះឥឡូវមានតម្លៃ២,៨លានដុល្លារ ដោយមានអ្នកចូលរួមជិត៦ពាន់នាក់មកពី១៤៣ប្រទេស ៕ ប្រភព៖ CNA
-
ផ្ទាំងទឹកកកនៅតំបន់សមុទ្រទឹកកកអាក់ទិចកំពុងតែមានកម្រាស់ស្តើងទៅៗលឿនជាងការរំពឹងទុក ខណៈមានការព្រួយបារម្ភពីបញ្ហាប្រែប្រួលអាកាសធាតុ (មានវីដេអូ)
អង់គ្លេស៖ ផ្ទាំងទឹកកកនៅតំបន់សមុទ្រទឹកកកអាក់ទិច នៃប៉ូលខាងជើង ហាក់កំពុងតែមានកម្រាស់ស្តើងទៅៗ លឿនជាងការរំពឹងទុកកន្លងមកដល់ទៅទ្វេដង ដោយធ្វើអោយមានផលប៉ះពាល់គួរអោយព្រួយបារម្ភចំពោះការប្រែប្រួលអាកាសធាតុ នេះបើតាមការសិក្សាស្រាវជ្រាវថ្មីមួយនៅចក្រភពអង់គ្លេស ។ ការសិក្សាវិភាគមួយដឹកនាំដោយក្រុមអ្នកស្រាវជ្រាវនៅសាកលវិទ្យាល័យ UCL របស់ចក្រភពអង់គ្លេសបានសន្និដ្ឋានថា ផ្ទាំងទឹកកនៅតំបន់សមុទ្រទឹកកកអាក់ទិច កំពុងតែមានកម្រាស់ស្តើងទៅៗក្នុងល្បឿនចន្លោះ៧០-១០០ភាគរយ លឿនជាងអ្វីដែលអ្នកវិទ្យាសាស្រ្តធ្លាប់បានមូលមតិគ្នាសន្និដ្ឋាននាពេលកន្លងមក ។ ក្រុមស្រាវជ្រាវនៃការសិក្សានេះ បានប្រើប្រាស់ផែនទីដែលមានទិន្នន័យថ្មីៗ នៃជម្រៅព្រិលនៅលើផ្ទាំងទឹកកកក្នុងតំបន់នោះ ។ គួរបញ្ជាក់ថា តំបន់សមុទ្រទឹកកកអាក់ទិច គឺជាជម្រកនៃផ្ទាំងកកកសរុបទំហំរាប់លាន គីឡូម៉ែត្រក្រឡា ដែលមានសារៈសំខាន់ជាខ្លាំង ដើម្បីបន្ថយកម្តៅភពរបស់យើង ប៉ុន្តែបច្ចុប្បន្នវាកំពុងតែកើនឡើងសីតុណ្ហភាពខ្លាំងឡើងៗ ។ កាលពីខែមុន បណ្តាប្រទេសនៅតំបន់អាក់ទិក រួមមានទាំងសហរដ្ឋអាមេរិក និងរុស្ស៊ីបានសន្យាថា នឹងប្រយុទ្ធប្រឆាំងនឹងការប្រែប្រួលអាកាសធាតុ ក៏ដូចជាដើម្បីការពារសន្តិភាពនៅក្នុងតំបន់ ៕ ប្រភព៖ CNA
-
ចិនបាញ់បង្ហោះផ្កាយរណបឧតុនិយមថ្មីមួយដោយជោគជ័យ
ចិន៖ ចិនបានបញ្ជូនផ្កាយរណបឧតុនិយមថ្មីមួយចូលទៅក្នុងគន្លងដែលបានគ្រោងទុក ចេញពីមជ្ឈមណ្ឌលបាញ់បង្ហោះផ្កាយរណប ស៊ីឆាង ក្នុងខេត្តស៊ីឈួន ដោយទទួលជោគជ័យទាំងស្រុង ។ ផ្កាយរណបខាងលើនេះមានឈ្មោះថា Fengyun-4B (FY-4B) ត្រូវបានបាញ់បង្ហោះដោយគ្រាប់រ៉ុក្កែត Long March-3B នៅវេលាម៉ោង០០និង១៧នាទីរំលងអាធ្រាត្រថ្ងៃទី៣ ខែមិថុនា (ម៉ោងក្នុងតំបន់) ។ បើតាមគម្រោងនោះ ផ្កាយរណបឧតុនិយមជំនាន់ថ្មីដំបូងបង្អស់របស់ចិននៅក្នុងគន្លងភូមិសាស្ត្រ FY-4B នឹងត្រូវប្រើប្រាស់ក្នុងវិស័យវិភាគ និងព្យាករណ៍អាកាសធាតុ ក៏ដូចជាការតាមដានបរិស្ថាន និងគ្រោះមហន្តរាយ ៕ ប្រភព៖ CGTN
-
ប្រធាន NASA ប្រកាសពីបេសកកម្មថ្មីចំនួនពីរទៅកាន់ភពសុក្រ ក្នុងអំឡុងឆ្នាំ២០២៨-២០៣០ខាងមុខ (មានវីដេអូ)
បរទេស៖ អង្គការ NASA នៅថ្ងៃពុធសប្តាហ៍នេះ បានប្រកាសពីបេសកកម្មធំៗថ្មីចំនួនពីរទៅកាន់ភពសុក្រ ដែលនឹងចាប់ផ្តើមនៅចុងទសវត្សរ៍នេះ ពោលគឺនៅឆ្នាំ២០២៨-២០៣០ខាងមុខនេះ ។ ប្រភពបានអោយដឹងថា បេសកកម្មធំៗទាំងពីរខាងលើនេះ ត្រូវបានផ្តល់ថវិកាប្រមាណ៥០០លានដុល្លារ ស្ថិតនៅក្រោមកម្មវិធីរបកគំហើញរបស់ទីភ្នាក់ងារអវកាសអាមេរិកមួយនេះ ហើយបេសកកម្មនីមួយៗរំពឹងថា ចាប់ផ្តើមនៅអំឡុងឆ្នាំ២០២៨-២០៣០ ។ បេសកកម្មទាំងនេះ នឹងផ្តល់អោយសហគមន៍វិទ្យាសាស្ត្រទាំងមូលនូវឱកាស ដើម្បីស៊ើបអង្កេតភពមួយដែលយើងមិនធ្លាប់បានទៅជាង ៣០ឆ្នាំ ។ បើតាមអ្នកគ្រប់គ្រងថ្មីរបស់អង្គការ NASA លោក ប៊ីល នែលសុន (Bill Nelson) បេសកកម្មខាងលើនេះ មានគោលបំណងស្វែងយល់ពីវិធីដែលភពព្រះសុក្របានក្លាយជាពិភពមួយដូចឋាននរក ដែលមានសមត្ថភាពអាចរំលាយសំណនៅលើផ្ទៃដីរបស់វា ៕ ប្រភព៖ NASA
-
ប្រធាន NASA ប្រកាសពីបេសកកម្មថ្មីចំនួនពីរទៅកាន់ភពសុក្រ នាអំឡុងឆ្នាំ ២០២៨-២០៣០ ខាងមុខ
បរទេស៖ អង្គការ NASA នៅថ្ងៃពុធសប្តាហ៍នេះ បានប្រកាសពីបេសកកម្មធំៗថ្មីចំនួនពីរទៅកាន់ភពសុក្រ ដែលនឹងចាប់ផ្តើមនៅចុងទសវត្សរ៍នេះ ពោលគឺនៅឆ្នាំ២០២៨-២០៣០ខាងមុខនេះ ។ ប្រភពបានអោយដឹងថា បេសកកម្មធំៗទាំងពីរខាងលើនេះ ត្រូវបានផ្តល់ថវិកាប្រមាណ៥០០លានដុល្លារ ស្ថិតនៅក្រោមកម្មវិធីរបកគំហើញរបស់ទីភ្នាក់ងារអវកាសអាមេរិកមួយនេះ ហើយបេសកកម្មនីមួយៗរំពឹងថា ចាប់ផ្តើមនៅអំឡុងឆ្នាំ២០២៨-២០៣០ ។ បេសកកម្មទាំងនេះ នឹងផ្តល់អោយសហគមន៍វិទ្យាសាស្ត្រទាំងមូលនូវឱកាស ដើម្បីស៊ើបអង្កេតភពមួយដែលយើងមិនធ្លាប់បានទៅជាង ៣០ឆ្នាំ ។ បើតាមអ្នកគ្រប់គ្រងថ្មីរបស់អង្គការ NASA លោក ប៊ីល នែលសុន (Bill Nelson) បេសកកម្មខាងលើនេះ មានគោលបំណងស្វែងយល់ពីវិធីដែលភពព្រះសុក្របានក្លាយជាពិភពមួយដូចឋាននរក ដែលមានសមត្ថភាពអាចរំលាយសំណនៅលើផ្ទៃដីរបស់វា ៕ ប្រភព៖ NASA
-
ព្រះអាទិត្យសិប្បនិម្មិតរបស់ប្រទេសចិនបានបំបែកកំណត់ត្រាពិភពលោកដ៏អស្ចារ្យថ្មីមួយ (មានវីដេអូ)
ចិន៖ ព្រះអាទិត្យសិប្បនិម្មិតរបស់ប្រទេសចិន ដែលហៅឈ្មោះកាត់ថា (EAST) Experimental Advanced Superconducting Tokamak បានបំបែកកំណត់ត្រាក្នុងការពិសោធន៍ចុងក្រោយ ដោយផលិតកំដៅបាន១២០លានអង្សារសេក្នុងរយៈពេល១០១វិនាទី និងឈានដល់កម្រិតកំដៅ១៦០លានអង្សារសេក្នុងរយៈពេល ២០វិនាទី ។ ព្រះអាទិត្យសិប្បនិម្មិត (EAST) នឹងក្លាយជាផ្នែកមួយនៃកន្លែងដាក់បង្កើតថាម ពលដើរដោយនុយក្លេអ៊ែរអន្តរជាតិ (ITER) International Thermonuclear Experimental Reactor ជាគម្រោងវិទ្យាសាស្ត្រពិភពលោក ដែលនឹងក្លាយជាកន្លែងផលិតថាមពលដើរដោយនុយក្លេអ៊ែរធំបំផុតរបស់ពិភពលោក នៅពេលវាដំណើរការនៅឆ្នាំ២០៣៥ខាងមុខនេះ ។ ប្រទេសចំនួន៣៥ មានដូចជាចិន ឥណ្ឌា ជប៉ុន កូរ៉េខាងត្បូង រុស្ស៊ី និងសហរដ្ឋអាមេរិក ដែលកំពុងធ្វើការរួមគ្នាលើគម្រោងខាងលើនេះ ដើម្បីរិះរកវិធីបង្កើតប្រភពថាមពលមួយចេញពីរ៉េអាក់ទ័រនៃការរំលាយថាមពលនុយក្លេអ៊ែរ ។ បច្ចុប្បន្នប្រទេសទាំងនេះ កំពុងផលិតកំដៅដែលរលាយនុយក្លេអ៊ែរអោយបានសីតុណ្ហភាព១០០លានអង្សាសេ ។ គេជឿថា សីតុណ្ហាភាពនៅចំណុចស្នូលនៃព្រះអាទិត្យគឺ១៥លានអង្សារសេ មានន័យថា សីតុណ្ហភាពដែលផលិតដោយព្រះអាទិត្យសិប្បនិម្មិតរបស់ចិន (EAST) គឺប្រហែលនឹងកំដៅ៧ដងនៃព្រះអាទិត្យ ៕ ប្រភព៖ ស៊ីនហួរ
-
ស្ថានីយ៍វារីអគ្គិសនីដ៏ធំទី២នៅលើពិភពលោកបានបញ្ចប់ការចាក់បេតុងហើយ ដែលគ្រោងនឹងដាក់ដំណើរការនៅខែកក្កដា ឆ្នាំ២០២១ខាងមុខ (មានវីដេអូ)
Video: https://fb.watch/5RJOeJvrxn/ ចិន៖ ការចាក់បេតុងបានបញ្ចប់នៅថ្ងៃចន្ទដើមសប្តាហ៍នេះ សម្រាប់ទំនប់វារីអគ្គិសនីកម្ពស់២៨៩ ម៉ែត្រនៃតំបន់ ប៉ៃហឺថាន (Baihetan) ដែលជាស្ថានីយ៍វារីអគ្គិសនីធំទី ២លើពិភពលោក ដែលស្ថិតនៅភាគនិរតីប្រទេសចិន ។ ស្ថានីយ៍វារីអគ្គិសនី ប៉ៃហឺថាន មានបណ្តោយ៤៣៨ម៉ែត្រ និងទទឹង៣៤ម៉ែត្រ ស្មើនឹងទំហំទីលានបាល់បោះស្តង់ដារចំនួន៣៥កន្លែង និងមានផ្លូវរូងក្រោមដីជាង១៣០ ត្រូវបានសាងសង់នៅលើច្រាំងទាំងសងខាង ដែលមានប្រវែងសរុប២១៧គីឡូម៉ែត្រ ។ វាមានទីតាំងស្ថិតនៅដងទន្លេ ជីងសា និងផ្នែកខាងលើនៃទន្លេ យ៉ាងហ្ស៊ឺ ស្ថិតនៅលំដាប់ទី២បន្ទាប់ពីគម្រោង ស៊ីគ័រជីស្ទែម នៅខេត្ត ហ៊ូប៉ី ភាគកណ្តាលប្រទេសចិន ។ ទំនប់វារីអគ្គិសនី ប៉ៃហឺថាន មានរោងផលិតម៉ាស៊ីនចំនួន១៦ ដែលនីមួយៗមានកម្លាំងមួយលានគីឡូវ៉ាត់ ធំជាងគេបំផុតនៅលើពិភពលោក ។ ក្រៅពីផលិតអគ្គិសនីជាចម្បង ទំនប់វារីអគ្គិសនីនេះ ក៏មានមុខងារគ្រប់គ្រងគ្រោះទឹកជំនន់ ការបូមខ្សាច់ និងនាវាចរណ៍ផងដែរ ។ ស្ថានីយ៍វារីអគ្គិសនី ប៉ៃហឺថាន នឹងចាប់ផ្តើមដំណើរការនៅខែកក្កដា ឆ្នាំ២០២១ ហើយអង្គភាពទាំងអស់ត្រូវបានរំពឹងថា នឹងដំណើរការនៅខែកក្កដា ឆ្នាំ២០២២ខាងមុខនេះ ៕ ប្រភព៖ CGTN
-
ចិនត្រៀមបញ្ជូនអវកាសយានិក៣រូបឡើងទៅកាន់ស្ថានីយអវកាស Tianhe នៅខែក្រោយនេះ (មានវីដេអូ)
Video: https://fb.watch/5Qo2ixLWgO/ ចិន៖ មន្ត្រីនៃរដ្ឋបាលអវកាសចិន និងជាអវកាសយានិកចិនដំបូង ដែលនឹងរួមដំណើរជាមួយសមាជិកពីររូបទៀតបាននិយាយថា ពួកគេនឹងត្រូវបានបញ្ជូនទៅកាន់ស្ថានីយអវកាសចិន ធានហឺ (Tianhe) ដែលកំពុងស្ថិតក្នុងការសាងសង់នៅអំឡុងខែមិថុនាខាងមុខនេះ ។ លោក វ៉ាង លីវៃ ដែលជាអនុប្រធានកម្មវិធីកែច្នៃបេសកកម្មនាំមនុស្សទៅទីអវកាស និងត្រូវជាអវកាយិកដែលមានតួនាទីឡើងទៅកាន់ស្ថានីយអវកាស ធានហឺ ដោយផ្ទាល់នៅក្នុងខែមិថុនាខាងមុខ បានបញ្ជាក់ថា ការបាញ់បញ្ជូនអវកាសយានិកទាំង៣រូប នឹងក្លាយជាការធ្វើតេស្ត នៃដំណើរការរបស់ ធានហឺ ក្នុងការទទួលក្រុមអវកាសយានិកចិនដំបូង និង ដើម្បីដឹកជញ្ជូនឥន្ធនៈ ព្រមទាំងគ្រឿងបរិក្ខាផ្គត់ផ្គង់ចាំបាច់នានាទៅកាន់ទីនោះបន្ថែមទៀតផងដែរ ។ សម្រាប់បន្ទប់បន្ថែមនៃស្ថានីយអវកាស ធានហឺ ដែលអវកាសយានិកបីរូបខាងលើនេះត្រូវជិះនោះ មានឈ្មោះថា ហ្សិនចូវ ១២ (Shenzhou 12) នឹងត្រូវរុញច្រានដោយគ្រាប់រ៉ុក្កែតចិន ឡុង ម៉ាច ចេញពីមូលដ្ឋានបាញ់បង្ហោះឈ្មោះ ជីវក្វាន់ (Jiuquan) ស្ថិតនៅភាគឦសានប្រទេសចិន នៅអំឡុងខែមិថុនាឆាប់ៗនេះ ៕ ប្រភព៖ CNA និង FN