Video: https://fb.watch/6iM4s02fPF/ យ៉េមែន៖ ហ៊ុំព័ទ្ធជុំវិញដោយអាថ៌កំបាំង និងរឿងព្រេងនិទានអារក្សនោះ តំបន់ Barhout នៅភាគខាងកើតប្រទេសយ៉េមែន ត្រូវបានគេស្គាល់ថា អណ្តូងនៃឋាននរក ឬ “Well of Hell” គឺជាអច្ឆរិយៈធម្មជាតិដែលត្រូវបានគេយល់ដឹងតិចតួចប៉ុណ្ណោះពីវា ។ នៅកៀកព្រំដែនជាមួយប្រទេសអូម៉ង់ ជាជាងរដ្ឋធានីសាណាអា របស់ប្រទេសយ៉េមែន ក្នុងចម្ងាយប្រមាណ១,៣០០គីឡូម៉ែត្រ ប្រហោងយក្សនៅវាលខ្សាច់នៃខេត្ត Al-Mahra មានទទឹងប្រវែង៣០ម៉ែត្រ ហើយត្រូវបានគេជឿជាក់ថា មានជម្រៅចាប់ពី១០០ទៅ២៥០ម៉ែត្រ ។ រឿងព្រេងនិទានក្នុងស្រុកបានរៀបរាប់ថា វា (ប្រហោងយក្ស) ត្រូវបានបង្កើតឡើងដើម្បីធ្វើជាគុកសម្រាប់ដាក់ពួកបិសាច ឬអារក្ស ។ ដោយឡែក មន្រ្តីយ៉េមែនវិញបាននិយាយថា ពួកគេមិនបានដឹងថាតើ មានអ្វីនៅខាងក្រោមនោះទេ ។ រីឯអគ្គនាយកភូគព្ភសាស្រ្ត និងធនធានរ៉ែរបស់ខេត្ត Mahra លោក Salah Babhair និយាយថា វា (ប្រហោងយក្ស) ជ្រៅណាស់ យើងមិនដែលទៅដល់បាតអណ្តូងទេ ព្រោះទីនោះមានអ៊ុកស៊ីសែនតិចតួច និងគ្មានខ្យល់ចេញ-ចូល ។ យើងបានទៅទស្សនាតំបន់នោះ ហើយបានចូលក្នុងអណ្តូងដែលមានចម្ងាយជាង៥០ទៅ៦០ម៉ែត្រចុះមកក្នុងនោះ ។ យើងបានកត់សម្គាល់ឃើញរបស់ចម្លែកៗនៅខាងក្នុង…

Video: https://fb.watch/6g9E6pks37/ អេហ្ស៊ីប៖ ម្នាក់ក្នុងចំណោមវិនិយោគិនលើរថយន្តដែលអាចបើកបរលើទឹកបាន ឈ្មោះ Karim Amin បាននិយាយថា នៅពេលខ្ញុំធ្លាប់បានរស់នៅក្រៅប្រទេសអេហ្ស៊ីប ខ្ញុំចង់ធ្វើគម្រោងនេះពីបរទេសតែម្តង ហើយបន្ទាប់មកខ្ញុំនឹងនាំយកវាមកកាន់ប្រទេសអេហ្ស៊ីប ។ បន្ទាប់មកខ្ញុំបាននិយាយពិភាក្សាជាមួយមិត្តរបស់ខ្ញុំ គឺលោក Al Manshawi ហើយពួកយើងបានបង្កើតគំនិត និងមានផែនការផលិតរថយន្តប្រភេទនេះ ជាមួយនឹងធនធានល្អបំផុតពីប្រទេសអេហ្ស៊ីប ។ ទីបំផុត ពួកយើងបានរកឃើញធនធានល្អក្នុងប្រទេសអេហ្ស៊ីប ហើយផលិតវា ។ ដូចដែលអ្នកអាចមើលឃើញ និងអរគុណដល់ព្រះ ដែលផលិតផលនេះគឺជារបស់ជនជាតិអេហ្ស៊ីបទាំងអស់… វាត្រូវបានផលិតដោយជនជាតិអេហ្ស៊ីប ជាមួយនឹងសម្ភារៈអេហ្ស៊ីប… មានតែម៉ាស៊ីនទេ ដែលជារបស់ជនជាតិជប៉ុន ។ គួរកត់សម្គាល់ ប្រភេទរថយន្តដែលអាចបើកបរលើទឹកបាននេះ បច្ចុប្បន្នត្រូវបានផលិតឡើងចំនួន១២គ្រឿងប៉ុណ្ណោះ ដោយពួកវា (រថយន្ត) មានតម្លៃចាប់ពី១ម៉ឺន៩ពាន់ដុល្លារ ដល់៤ម៉ឺន៤ពាន់៨រយដុល្លារ ៕ ប្រភព៖ Reuters

ចិន៖ អាជ្ញាធរក្នុងតំបន់បាននិយាយថា ស្ថានីយវារីអគ្គិសនី វូដុងទើ (Wudongde) របស់ប្រទេសចិន ដែលជាស្ថានីយ៍ធំជាងគេទី៧របស់ពិភពលោកនោះ បានចាប់ផ្តើមដំណើរការហើយ ។ ជាមួយនឹងថាមពលដែលបានដំឡើងសរុប១០.២លានគីឡូវ៉ាត់ ស្ថានីយវារីអគ្គិសនីខ្នាតយក្សនេះ គឺជាគម្រោងសំខាន់មួយនៅក្នុងកម្មវិធីបញ្ជូនថាមពលអគ្គីសនី នៅភាគខាងកើតឆៀងខាងលិចរបស់ប្រទេសចិន ហើយវាស្ថិតនៅលើដងទន្លេ ជីនហ្សា ក្បែរព្រំដែនខេត្តយន់ណាន និងខេត្តស៊ីឆ័ន ។ បើតាមប្រធានរោងចក្រអគ្គិសនី វូដុងទើ ដែលស្ថិតក្រោមក្រុមហ៊ុនសាជីវកម្មចិន Three Gorges លោក Wang Jintao ស្ថានីយវារីអគ្គិសនីខាងលើនេះ នឹងជំរុញការអភិវឌ្ឍដែលមានគុណភាពខ្ពស់ នៃខ្សែក្រវាត់សេដ្ឋកិច្ចទន្លេ Yangtze និងសម្របសម្រួលក្នុងការអភិវឌ្ឍន៍តំបន់ ។ គួរកត់សម្គាល់ ស្ថានីយនេះដែរ បានចាប់ផ្តើមសាងសង់នៅចុងឆ្នាំ ២០១៥ ហើយវាបានចាប់ផ្តើមផលិតអគ្គិសនីនៅចុងខែមិថុនា ឆ្នាំ២០២០កន្លងទៅ ដោយវាអាចផលិតថាមពលបានប្រហែល៣៨.៩ពាន់លានគីឡូវ៉ាត់ម៉ោងក្នុងមួយថ្ងៃ ៕ ប្រភព៖ CGTN

ចិន៖ អ្នកគ្រប់គ្រងរដ្ឋបាលរបស់អង្គការ NASA លោក Bill Nelson បានអបអរសាទរដល់ប្រទេសចិនដែលបានទទួលជោគជ័យទាំងស្រុង ក្នុងការបាញ់បង្ហាញគ្រាប់រ៉ុក្កែត Long March-2F Y12 ដែលផ្ទុកយានអវកាស ហ្សិនចូវ ១២ និង អវកាសយានិកចំនួន៣រូបឡើងទៅកាន់ទីអវកាស ដោយពួកគេនឹងត្រូវចូលរួមកសាងស្ថានីយអវកាសដំបូងរបស់ចិន ដែលកំពុងលេចរូបរាងជាបណ្តើរៗ ។លោក Nelson បានបញ្ជាក់នៅក្នុងសេចក្តីថ្លែងការណ៍មួយថា សូមអបអរសាទរចិន ចំពោះភាពជោគជ័យក្នុងការបញ្ជូនអវកាសយានិកឡើងទៅកាន់ទីអវកាសរបស់ពួកគេ… ខ្ញុំទន្ទឹងរង់ចាំមើលការរុករកផ្នែកវិទ្យាសាស្រ្តដែលនឹងមកដល់នាពេលខាងមុខនេះ ។ គួរកត់សម្គាល់ អវកាសយានិកដំបូងបានធ្វើដំណើរដោយសុវត្ថិភាពទៅដល់ស្ថានីយអវកាសថ្មីរបស់ប្រទេសចិនហើយ នៅក្នុងថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់) ដែលប្រការនេះគឺជាការបោះជំហានដ៏ធំមួយសម្រាប់ទីក្រុងប៉េកាំង ដើម្បីក្លាយជាប្រទេសមហាអំណាចដ៏ធំបំផុតមួយនៅទីអវកាស ។សូមជម្រាបថា ការបាញ់បង្ហោះយានផ្ទុកអវកាសយានិកទាំង៣រូបខាងលើនេះ ត្រូវបានធ្វើឡើងនៅអំឡុងម៉ោងជាង៩ព្រឹកថ្ងៃព្រហស្បតិ៍នេះ (ម៉ោងនៅទីក្រុងប៉េកាំង) ចេញពីមូលដ្ឋានបាញ់បង្ហោះ ជីវក្វាន់ នៃតំបន់វាលខ្សាច់ ហ្គោពី ស្ថិតនៅក្នុងខេត្ត ហ្គាន់ស៊ូ ភាគពាយព្យប្រទេសចិន ។ អវកាសយានិកទាំង៣រូប ដែលត្រូវជាក្រុមដំបូងគេនៃបេសកកម្មនេះ នឹងត្រូវស្នាក់នៅក្នុងបន្ទប់ស្ថានីយអវកាសចិន ដែលកំពុងស្ថិតក្នុងដំណាក់កាលសាងសង់ សម្រាប់រយៈពេល៣ខែ ៕ ប្រភព៖ CGTN

ចិន៖ ដូចតាមការគ្រោងទុក គឺនៅព្រឹកថ្ងៃព្រហស្បតិ៍នេះ ចិនបានទទួលជោគជ័យក្នុងការបាញ់បង្ហោះគ្រាប់រ៉ុក្កែត Long March-2F Y12 ដែលផ្ទុកយានអវកាស ហ្សិនចូវ ១២ និង អវកាសយានិកចំនួន ៣រូបឡើងទៅកាន់ទីអវកាស ដោយពួកគេនឹងត្រូវចូលរួមកសាងស្ថានីយអវកាសដំបូងរបស់ចិន ដែលកំពុងលេចរូបរាងជាបណ្តើរៗ ។ ការបាញ់បង្ហោះនេះ ធ្វើឡើងនៅម៉ោងជាង៩ព្រឹកថ្ងៃព្រហស្បតិ៍នេះ (ម៉ោងក្នុងតំបន់) ចេញពីមូលដ្ឋានបាញ់បង្ហោះ ជីវក្វាន់ នៃតំបន់វាលខ្សាច់ ហ្គោពី ស្ថិតនៅក្នុងខេត្ត ហ្គាន់ស៊ូ ភាគពាយព្យប្រទេសចិន ។ យានអវកាស ហ្សិនចូវ ១២ ត្រូវបានផ្តាច់ខ្លួនពីគ្រាប់រ៉ុក្កែត Long March-2F Y12 នៅក្រោយរយៈពេល៥៧៣វិនាទីនៃការបាញ់បង្ហោះចេញពីផ្ទៃផែនដី ។ យាន ហ្សិនចូវ ១២ និងអវកាសយានិក៣រូបនេះ គឺស្ថិតក្នុងបេសកកម្មបាញ់បង្ហោះលើកទី៣ ក្នុងចំណោមបេសកកម្មសរុបចំនួន១១ដែលចិនត្រូវបំពេញ ដើម្បីកសាងស្ថានីយអវកាសថ្មីអោយរួចរាល់នៅអំឡុងចុងឆ្នាំ២០២២ ។ គួរកត់សម្គាល់ អវកាសយានិកចិនទាំង៣រូប គឺសុទ្ធសឹងតែជាអ្នកវិទ្យាសាស្ត្រ និងអ្នកជំនាញវិស្វកម្មជើងចាស់របស់ចិន ដែលធ្លាប់មានបទពិសោធន៍ក្នុងការស្រាវ ជ្រាវទីអវកាសជាច្រើនឆ្នាំមកហើយ ក្នុងនោះមានដូចជាលោក នី ហៃហ្សេង លោក លីវ ប៉ូមីង…

ចិន៖ ទីភ្នាក់ងារអវកាសចិននិយាយថា ចិនមានផែនការបញ្ជូនអវកាសយានិកចំនួន៣នាក់ដំបូងឡើងទៅកាន់ស្ថានីយអវកាសថ្មីរបស់ខ្លួននៅព្រឹកថ្ងៃព្រហស្បតិ៍ស្អែកនេះ ។ បេសកកម្មនេះត្រូវបានរំពឹងថា នឹងចេញដំណើរនៅម៉ោង៩៖២២នាទីព្រឹកថ្ងៃព្រហ ស្បតិ៍ (ម៉ោងក្នុងតំបន់) ដោយប្រើយានអវកាសដឹកមនុស្ស ហ្សិនចូវ ១២ ចេញពីទីក្រុង ជីវក្វាន់ ក្នុងខេត្ត ហ្គាន់ស៊ូ ភាគពាយព្យប្រទេសចិន ។ ចំណែកឯសមាសភាពអវកាសយានិក គឺជាបុរសទាំងអស់ ដែលមានអាយុ៤៥ឆ្នាំ ៥៤ឆ្នាំ និង ៥៦ឆ្នាំ ។ បេសកកម្មយាន ហ្សិនចូវ ១២ នឹងជាបេសកកម្មទី៣ ក្នុងចំណោមបេសកកម្មសរុបចំនួន១១ដែលចិនត្រូវធ្វើឡើង ដើម្បីសម្រេចជាស្ថាពរនូវការសាងសង់ស្ថានីយអវកាសរបស់ខ្លួនឲ្យបាននៅចុងឆ្នាំ២០២២ ។ ចិនបានចាប់ផ្តើមការសាងសង់ស្ថានីអវកាសនេះ កាលពីខែមេសាកន្លងទៅ ជាមួយការបាញ់បង្ហោះកំណាត់បន្ទប់ស្នូលរបស់វាឈ្មោះ ធានហឺ ។ រីឯកាលពីចុងខែឧសភា ចិនបានបញ្ជូនយានដឹកសម្ភារផ្គត់ផ្គង់ផ្សេងៗឡើងទៅកាន់កំណាត់បន្ទប់នោះ ។ អវកាសយានិកចិនទាំង៣រូបនឹងត្រូវស្នាក់នៅក្នុងកំណាត់បន្ទប់ ធានហឺ រយៈពេល៣ខែ ដើម្បីដឹកនាំដំណើរការទីអវកាស ការងារថែទាំ និងការពិសោធន៍វិទ្យាសាស្រ្ត ៕ ប្រភព៖ AP

ចិន៖ រដ្ឋបាលអវកាសចិន CNSA បានបញ្ចេញរូបភាពថ្មីៗ នៃទេសភាពរបស់ផ្ទៃដីពណ៌ក្រហមរបស់ភពព្រះអង្គារ (Mars) នៅថ្ងៃសុក្រសប្តាហ៍នេះ ដែលថតបានដោយយានរ៉ូបូតចល័ត ជូរ៉ុង (Zhurong) ។ យាននេះបានចុះទៅដល់លើផ្ទៃភពអង្គារ កាលពីខែឧសភាកន្លងទៅ នាំឲ្យចិនក្លាយជាប្រទេសទីពីរនៅលើផែនដី ដែលបានសម្រេចជោគជ័យបែបនេះ បន្ទាប់ពីសហរដ្ឋអាមេរិក ។ រូបភាពថ្មីៗខាងលើត្រូវបានបង្ហាញជាសាធារណៈ ក្នុងកម្មវិធីមួយរៀបចំឡើងនៅរដ្ឋធានីប៉េកាំង ។ គួរកត់សម្គាល់ យានរ៉ូបូតចល័ត ជូរ៉ុង ជាផ្នែកសំខាន់ជាងគេនៃបេសកកម្ម ធានវិន-១ (Tiawen-1) ដែលជាបេសកកម្មភពអង្គារលើកដំបូងបង្អស់ប្រទេសចិន ។ ក្រៅពីយានចល័តលើដី បេសកកម្ម ធានវិន-១ ក៏មានផ្កាយរណប ដែលកំពុងគោចរជុំវិញភពអង្គារ និងសម្រាប់ផ្ទេរទិន្នន័យ ក៏ដូចជាការទំនាក់ទំនងរវាងយាន ជូរ៉ុង និងក្រុមការងារចិននៅលើផែនដីផងដែរ ៕ ប្រភព៖ ស៊ីនហួរ