ភ្នំពេញ៖ បុរសម្នាក់ដោយសារតែសុំលុយម្តាយចំនួន២០០០រៀល មិនបានខឹងរត់មកចង់កសម្លាប់ខ្លួននៅលើដើមឈើ ហេតុការណ៍នេះ បង្កការភ្ញាក់ផ្អើលកាលពីវេលាម៉ោង៧ និង៣០នាទីព្រឹក ថ្ងៃទី១៨ ខែវិច្ឆិកា ឆ្នាំ២០២០ ស្ថិតក្នុងភូមិគោករការ សង្កាត់គោករការ ខណ្ឌព្រៃព្នៅ រាជធានីភ្នំពេញ។ សមត្ថកិច្ច បានឲ្យដឹងថា សពមានឈ្មោះ ញាន ដា ហៅម៉ាប់ ភេទប្រុស អាយុ២៣ឆ្នាំ មុខរបរជាងម៉ូតូ រស់នៅក្នុងភូមិកើតហេតុ។ តាមប្រភពព័ត៌មានពីម្តាយជនរងគ្រោះ បានឲ្យដឹងថា នៅមុនពេលកើតហេតុ នៅយប់ថ្ងៃទី១៧ ខែវិច្ឆិកា ឆ្នាំ២០២០ ជនរងគ្រោះ បានសុំលុយគាត់ជាម្តាយចំនួន២០០០រៀល តែគាត់មិនព្រមឲ្យទើបជនរងគ្រោះរត់មកចង់កនៅលើដើមឈើទាំងកណ្តាលយប់ ដោយមិនមាននរណាម្នាក់ដឹងនោះទេ។ ម្តាយជនរងគ្រោះ បញ្ជាក់ទៀតថា នៅយប់កើតហេតុ ជនរងគ្រោះក្រោយពីសុំលុយមិនបានរួចក៏បាត់ខ្លួន គាត់ក៏ប្រឹងដើរស្វែងរកដែរ តែរកមិនឃើញសោះ តែនៅវេលាម៉ោង៧ និង៣០នាទីព្រឹកថ្ងៃទី១៨ ខែវិច្ឆិកា ឆ្នាំ២០២០ ទើបបង្កឲ្យមានការភ្ញាក់ផ្អើល ដោយមានអ្នកមកស្ទួចត្រីនៅកន្លែងកើតហេតុ ក៏ប្រទះឃើញសពជនរងគ្រោះក៏បានរាយការណ៍ទៅសម្ថកិច្ចមូលដ្ឋានរហូតបានដឹងរឿងដល់គាត់ជាម្តាយ។ ក្រោយពេលកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ រួមទាំងផ្នែកជំនាញកោសល្យវិច័យចុះមក ក្រោយពីធ្វើកោសល្យវិច័យរួច បានបញ្ជាក់ថាសពពិតជាបានធ្វើអត្តឃាតចង់កសម្លាប់ខ្លួនឯងពិតប្រាកដមែន រួចក៏ប្រគល់សពឲ្យយទៅក្រុមគ្រួសារសពយកទៅធ្វើបុណ្យតាមប្រពៃណី៕

ភ្នំពេញ៖ អាជ្ញាធរជាតិប្រយុទ្ធនឹងជំងឺអេដស៍ បានបើកកិច្ចប្រជុំពេញអង្គលើកទី២ ឆ្នាំ២០២០ តាមរយៈវីដេអូខនហ្វឺរេនដោយសារតែការគម្រាមកំហែងពីជំងឺកូវីដ-១៩ នៅព្រឹកថ្ងៃទី១៨ ខែវិច្ឆិកា ឆ្នាំ២០២០នេះ ក្រោមអធិបតីភាពលោក ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធ នឹងជំងឺអេដស៍ និងថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ជាច្រើននាក់ ព្រមទាំង ប្រធានគណៈកម្មាធិការប្រយុទ្ធនឹង ជំងឺ អេដស៍ តាមក្រសួង រដ្ឋលេខាធិការដ្ឋានរាជធានី-ខេត្ត និងមន្រ្តីកាកបាទក្រហមកម្ពុជាផងដែរ។ «កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍លើកទី២ ឆ្នាំ២០២០» តាមរយៈវីដេអូខនហ្វឺរេនជាលើកទី២ ដោយសារតែការគម្រាមកំហែងពីជំងឺកូវីដ-១៩ នៅតែបន្ត ហើយបង្ក ផលប៉ះពាល់ធ្ងន់ធ្ងរ ដល់ស្ថានភាពសុខភាព នយោបាយ សេដ្ឋកិច្ច ក្នុងទូទាំងតំបន់ និងពិភពលោកទាំងមូល ដែលមកទល់ពេលនេះស្ថានភាពនៃការរាតត្បាតជំងឺកូវីដ-១៩ នៅតែប៉ះពាល់ធ្ងន់ធ្ងរ ជាសកលនៅឡើយ ដែលត្រូវមានការចូលរួមទប់ស្កាត់ការចម្លងទាំងអស់គ្នា តាមរយៈសេចក្តីណែនាំកម្មវិធីបង្ការរបស់ក្រសួងសុខាភិបាល។ ទេសរដ្ឋមន្រ្តី អៀង មូលី បានថ្លែងនៅក្នុងកិច្ចប្រជុំនេះថា យោងតាមគម្រោងផែនការសកម្មភាពឆ្នាំ២០២០ កិច្ចប្រជុំពេញអង្គ អាជ្ញាធរជាតិប្រយុទ្ធនឹងជំងឺអេដស៍ ត្រូវប្រារព្ធឡើងរៀងរាល់៦ខែម្តង។ ដូច្នេះកិច្ចប្រជុំនៅថ្ងៃនេះ គឺជាកិច្ចប្រជុំលើកទី២ ក្នុងឆ្នាំ២០២០ ដើម្បីពិនិត្យមើលរួមគ្នានូវវឌ្ឍនភាព សមិទ្ធផល និងប្រសិទ្ធភាពក្នុងការប្រយុទ្ធនឹងជំងឺអេដស៍ សម្រាប់រយៈពេល៦ខែចុងឆ្នាំ២០២០ នេះ។…

ភ្នំពេញ៖ អាជ្ញាធរជាតិប្រយុទ្ធនឹងជំងឺអេដស៍ បានបើកកិច្ចប្រជុំពេញអង្គលើកទី២ ឆ្នាំ២០២០ តាមរយៈវីដេអូខនហ្វឺរេនដោយសារតែការគម្រាមកំហែងពីជំងឺកូវីដ-១៩ ក្រោមអធិបតីភាព ទេសរដ្ឋមន្រ្តី អៀង មូលី ប្រធានអាជ្ញាធរជាតិប្រយុទ្ធ នឹងជំងឺអេដស៍ និងថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ជាច្រើននាក់ ព្រមទាំង ប្រធានគណៈកម្មាធិការប្រយុទ្ធនឹង ជំងឺ អេដស៍ តាមក្រសួង រដ្ឋលេខាធិការដ្ឋានរាជធានី-ខេត្ត និងមន្រ្តីកាកបាទក្រហមកម្ពុជា ។ ទេសរដ្ឋមន្រ្តី អៀង មូលី ថ្លែងនៅក្នុងកិច្ចប្រជុំថា យោងតាមគម្រោងផែនការសកម្មភាពឆ្នាំ២០២០ កិច្ចប្រជុំពេញអង្គ អាជ្ញាធរជាតិប្រយុទ្ធនឹងជំងឺអេដស៍ ត្រូវប្រារព្ធឡើងរៀងរាល់៦ខែម្តង។ កិច្ចប្រជុំលើកទី២ ក្នុងឆ្នាំ២០២០ ដើម្បីពិនិត្យមើលរួមគ្នានូវវឌ្ឍនភាព សមិទ្ធផល និងប្រសិទ្ធភាពក្នុងការប្រយុទ្ធនឹងជំងឺអេដស៍ សម្រាប់រយៈពេល៦ខែចុងឆ្នាំ២០២០ ។ ការពិភាក្សាលើចំណុចខ្វះខាតមួយចំនួន ដែលទាមទារនូវដំណោះស្រាយ តាមរយៈការចូលរួមរបស់លោក លោកស្រី នាងកញ្ញា ដែលមានវត្តមាន។ តាមរបៀបវារៈកិច្ចប្រជុំ យើងនឹងមានបទបង្ហាញចំនួន២ ដែលរៀបចំដោយអគ្គលេខាធិការដ្ឋាន អាជ្ញាធរជាតិប្រយុទ្ធនឹងជំងឺអេដស៍។ ប្រធានអាជ្ញាធរជាតិប្រយុទ្ធ នឹងជំងឺអេដស៍រូបនេះ បន្ថែមថា រាជរដ្ឋាភិបាលកម្ពុជាបានសម្រេចជាគោលការណ៍ ប្រកបដោយការប្តេជ្ញាចិត្តខ្ពស់ក្នុងការលុបបំបាត់ជំងឺអេដស៍ តាមរយៈការកំណត់ យ៉ាងច្បាស់លាស់ នូវគោលដៅសូន្យបី គឺ «គ្មានការឆ្លងមេរោគអេដស៍ថ្មី»,…

នៅថ្ងៃទី១៧ ខែវិច្ឆិកា ឆ្នាំ២០២០ អតីតមិត្តរួមជំនាន់សាលាបាក់ទូកមួយក្រុម ដែលបានប្រមូលផ្តុំចងក្រងគ្នាមកជាច្រើនឆ្នាំ បានបន្ត វប្បធម៌ជួយគ្នាក្នុងគ្រាលំបាក ជាថ្មីទៀត បើទោះបីជាស្ថានភាពកម្ពុជា កំពុងប្រឈមជាមួយការរីករាលដាលនូវជំងឺឆ្លង កូវីដ-១៩ ក៏ដោយ។ ដោយយោងទៅលើការមមាញឹកក្នុងភារកិច្ចរាងៗខ្លួនផង និងជៀសវាងការប្រមូលផ្តុំគ្នាច្រើនផង អតីតមិត្តរួមជំនាន់ នៃសាលាបាក់ទូកទាំងនេះ បានបំបែកគ្នាជាពីរក្រុម នាំយកសម្ភារៈ ភេសជ្ជៈ ផ្លែឈើ និង ថវិកា ទៅប្រគល់ជូននិងសួរសុខទុក្ខ អ្នកជំងឺ ០២នាក់ផ្សេងគ្នា ដែលជាអតីតមិត្តរួមជំនាន់ និង អតីត គ្រូបង្រៀនពួកគេ កាលពីអំឡុងឆ្នាំ១៩៨០-១៩៨៩។ ការចែករំលែកជួយគ្នាថ្មីនេះរួមមាន៖១- លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានដឹកនាំមិត្តភក្ដិ ធ្លាប់រៀនជំនាន់ជាមួយគ្នា មួយចំនួន មានទាំង អតីត លោកគ្រូបង្រៀនគណិតវិទ្យាដ៏ល្បីនៅសាលាបាក់ទូក គឺលោកគ្រូ គំ ពិន រួមដំណើរជាមួយផង ចុះទៅសួរសុខទុក្ខអតីតមិត្តរួមជំនាន់សាលាបាក់ទូកឈ្មោះ លី សារុន ជាមន្ត្រីរាជការបម្រើការនៅ ក្រសួងសេដ្ឋកិច្ច និងហិរញ្ញវត្ថុ ដែលបានជួបឧបទ្ទវហេតុដួលបាក់ដៃ កំពុងសម្រាកព្យាបាល…