ភ្នំពេញ៖ នាល្ងាច ថ្ងៃទី១២ ខែមករាឆ្នាំ២០២៣នេះ វិទ្យុមិត្តភាពកម្ពុជាចិន បានសហការ ជាមួយសាកលវិទ្យាល័យមេគង្គកម្ពុជា និងសមាគមអ្នកស្រាវជ្រាវវឌ្ឍនភាពកម្ពុជាចិន រៀបចំ បាឋកថា ក្រោមប្រធានបទ “រួមរស់តាមបណ្ដោយ ទន្លេតែមួយ រួមគ្នា សាទរឆ្នាំ ថ្មី ប្រពៃណីចិន” នៅសាកលវិទ្យាល័យ មេគង្គកម្ពុជា ។ និស្សិត និង សាស្ត្រាចារ្យ ជាង ១០០នាក់ នៃសាកលវិទ្យាល័យ មេគង្គកម្ពុជាបានចូលរួមក្នុងកម្មវិធីនេះ ។ កញ្ញា Yao Shiya អ្នកសារព័ត៌មាន នៃ វិទ្យុមិត្តភាពកម្ពុជាចិនបាន រៀបរាប់ អំពីប្រវត្តិទំនៀមទំលាប់ នៃពិធីបុណ្យចូលឆ្នាំប្រពៃណីចិន ព្រមទាំងលក្ខណៈស្រដៀងគ្នា នៃវប្បធម៌កម្ពុជា និងចិនជូនដល់និស្សិត និងសាស្ត្រាចារ្យ នៃសាកលវិទ្យាល័យ មេគង្គកម្ពុជាបានយល់ តាមរយៈការចាក់បញ្ចាំងនូវ ឃ្លីបវីដេអូផ្សព្វផ្សាយ កម្មវិធីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិន បទចម្រៀង «សួស្តីមនុស្សមិនធ្លាប់ស្គាល់គ្នា» ណែនាំ អំពីភាពកាន់តែងាយស្រួលសម្រាប់ទំនាក់ទំនងកម្ពុជាចិន ក្រោយពីប្រទេស ចិនបាន កែសម្រួលនូវគោលនយោបាយបង្ការ និងគ្រប់គ្រងជំងឺរាតត្បាតកូវីដ-១៩ រួចមក…

ខេត្តកំពង់ឆ្នាំង ៖ ស្ពានធ្វើដំណើរបណ្ដោះអាសន្ននៅទំនប់ចាក់ទឹម ស្ថិតនៅក្នុងភូមិកោះខ្ទុម ឃុំជៀប ស្រុកទឹកផុសបានរងការ កាត់ផ្ដាច់សារជាថ្មីម្ដងទៀត បន្ទាប់ពីជំនន់ទឹកភ្លៀងកាលពីយប់ថ្ងៃទី១២ ខែមករា ឆ្នាំ ២០២៣ទាបភ្លឺ ។ រដ្ឋបាលស្រុកទឹកផុស បានឱ្យដឹងថានៅយប់ថ្ងៃទី ១២ ខែមករា ទាបភ្លឺ បន្ទាប់ពីមាន ភ្លៀងធ្លាក់ខ្លាំង បណ្តាលឱ្យកើតមានជំនន់ទឹកភ្លៀង ហូរបុកផ្តាច់ស្ពាន ដែលកសាងបណ្ដោះអាសន្ន សម្រាប់ការធ្វើដំណើរឆ្លងកាត់ជាថ្មីម្ដងទៀត ដែលនេះជាការដាច់លើកទី៣ ហើយ ។ ការដាច់ស្ពានឆ្លងកាត់នេះបណ្ដាលឱ្យជួបបញ្ហាក្នុងការធ្វើដំណើររបស់ប្រជាពលរដ្ឋនៅទីនោះ និងសិស្សទៅមកសាលារៀនពិសេសសម្រាប់ភ្ញៀវទេសចរណ៍ដែលតែងតែទៅលេងកំសាន្តនៅទឹកធ្លាក់ថ្មក្រាលនោះ ។ ទោះយ៉ាងនេះក្តីរដ្ឋបាលសាលាស្រុកទឹកផុស អះអាងថានឹងតភ្ជាប់ឡើងវិញនៅពេលដែលទឹកស្រកអស់។ គួរបញ្ជាក់ដែរថា ទំនប់ចាក់ទឹម គឺជាទំនប់មួយដែលកសាងឡើងក្នុងសម័យខ្មែរក្រហមសម្រាប់ស្ទាក់ទឹកយកទៅធ្វើស្រែ ក្រោយមកទំនប់មួយនេះបានក្លាយទៅជាផ្លូវសម្រាប់ធ្វើដំណើររបស់ប្រជាពលរដ្ឋ និងបានក្លាយទៅជាផ្លូវសម្រាប់ធ្វើដំណើរ ទៅកាន់តំបន់ទេសចរណ៍រមណីយដ្ឋានថ្មក្រាលផងដែរ។ ប៉ុន្តែក្រោយ ពីមានការទប់បិទជាបណ្ដោះអាសន្ន ផ្លូវទឹកមួយនេះ សម្រាប់ការសាងសង់ធារាសាស្ត្រថ្មីមួយនិងបានបង្វែផ្លូវទឹកថ្មី ជំនួសវិញ ពេលភ្លៀងធ្លាក់ខ្លាំងម្ដងៗ មុខទឹកថ្មីមិនអាចទ្រទ្រង់បាន ទើបបណ្ដាលឲ្យបាក់ដាច់ ទំនប់ចាក់ទឹមខាងលើនេះកាលពីយប់ថ្ងៃទី២០ ខែកក្កដា ឆ្នាំ ២០២២ ។ ក្រោយពេលទំនប់ចាក់ទឹមបាក់កាត់ផ្ដាច់មិនអាចធ្វើដំណើរបានអាជ្ញាធរមូលដ្ឋាននិងមន្ត្រីជំនាញបាន កសាងស្ពានបណ្ដោះអាសន្នសម្រាប់ឲ្យប្រជាពលរដ្ឋនិងសិស្ស ធ្វើដំណើរឆ្លងកាត់ ពិសេសសម្រាប់ភ្ញៀវទេសចរណ៍ទៅតំបន់ទឹកធ្លាក់ថ្មក្រាល ផងដែរ។យ៉ាងនេះក្តីការកសាងស្ពានថ្មីនេះបានបាក់ម្ដងជាពីរដងហើយរាប់ទាំងយប់ថ្ងៃទី…

កំពង់ស្ពឺ៖ ព្រឹកថ្ងៃទី១២ ខែមករា ឆ្នាំ២០២៣ ឯកឧត្តម វ៉ី សំណាង អភិបាលខេត្តកំពង់ស្ពឺ ក្នុងដំណើរចុះពិនិត្យស្ថានភាពទឹកជំនន់ទូទាំងខេត្តកំពង់ស្ពឺ ឯកឧត្តមអភិបាលខេត្ត បានជម្រាបជូនដល់ប្រជាពលរដ្ឋនៅតាមតំបន់មួយចំនួនដែលអាចប្រឈមនឹងបញ្ហាគ្រោះថ្នាក់ដោយជំនន់ទឹកភ្លៀង សូមមេត្តាប្រុងប្រយ័ត្ន ដោយសារតែ បច្ចុប្បន្នស្ថានភាពទឹកភ្លៀងកំពុងតែបន្តធ្លាក់ចុះយ៉ាងធ្ងន់ធ្ងរនៅតំបន់មួយចំនួននៃខេត្តកំពង់ស្ពឺ ។ ឯកឧត្តម អភិបាលខេត្ដ សូមអំពាវនាវដល់អាជ្ញាធរកងកម្លាំងប្រដាប់អាវុធគ្រប់ជាន់ថ្នាក់មេត្តាជួយសម្របសម្រួលជូនប្រជាពលរដ្ឋនៅតាមដងផ្លូវសាធារណៈនានា ក៏ដូចជាតំបន់មួយចំនួនដែលត្រៀមនឹងជន់លិចដោយសារភ្លៀង រួចហើយជម្លៀសពួកគាត់ ទៅកាន់ទីទួលសុវត្ថិភាព ដើម្បីធានាឲ្យបាននូវសុខទុក្ខរបស់ពួកគាត់ ។ ឯកឧត្តម បន្តថា នៅក្នុងឱកាសនេះដែរ មេឃកំពុងតែធ្នាក់ភ្លៀងយ៉ាងធ្ងន់ធ្ងរមកលើភូមិសាស្ត្រនៃខេត្តកំពង់ស្ពឺ ជាពិសេសតំបន់មួយចំនួននៃស្រុកឱរ៉ាល់ និងស្រុកភ្នំស្រួច ដែលបណ្តាលឲ្យទឹកលិចផ្លូវ តំបន់ចំការ និងបង្កការជន់លិចផ្នែកខ្លះនៃស្រុកឱរ៉ាល់ ។ ជាក់ស្ដែងតាំងថ្ងៃទី១១ ខែមករា ឆ្នាំ២០២៣ នៅចំណុចភូមិអូរអញ្ចារ ឃុំតាសាល ស្រុកឱរ៉ាល់ ខេត្តកំពង់ស្ពឺ ជំនន់ទឹកភ្លៀងបានបង្កឱ្យលិចកំណាត់ផ្លូវលេខ៤៨-៤ ដែលបានកាត់ផ្ដាច់ការធ្វើចរាចរណ៍របស់បងប្អូនប្រជាពលរដ្ឋមួយរយៈ។ ឯកឧត្តម អភិបាលខេត្ដ សូមអំពាវនាវដោយទទូច សុំឲ្យអាជ្ញាធរភូមិ ឃុំ ស្រុក ប្រើប្រាស់នូវវិធានការសរុប កម្លាំងសរុប មធ្យោបាយសរុបដើម្បីបញ្ជៀសឲ្យបាននូវគ្រោះថ្នាក់ជាយថាហេតុ និងសូមពុកម៉ែ មា មីង បងប្អូន…

ភំ្នពេញ ៖ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ និងជាប្រធានក្រុមការងារស្រាវជ្រាវ ដើម្បីលើកកម្ពស់គុណភាព ប៉ុស្តិ៍នគរបាល រដ្ឋបាលឃុំ-សង្កាត់ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ កាលពីថ្ងៃទី១១ ខែមករា ឆ្នាំ២០២៣ បានអញ្ជើញជាអធិបតី ក្នុងកិច្ចប្រជុំឆ្លងរបាយការណ៍ ចុះសិក្សាស្រាវជ្រាវ ដើម្បីលើកកម្ពស់គុណភាពប៉ុស្តិ៍នគរបាលរដ្ឋបាលឃុំ-សង្កាត់ នៅនាយកដ្ឋានកិច្ចការប៉ុស្តិ៍នគរបាលរដ្ឋបាល នៃអគ្គស្នងការដ្ឋាននគរបាលជាតិ។ តាមរយៈការចុះសិក្សា ស្រាវជ្រាវ និងត្រួតពិនិត្យអំពីវឌ្ឍនភាពប៉ុស្តិ៍នគរបាលរដ្ឋបាល ក្រុមការងារពិនិត្យឃើញចំណុចខ្លាំង ចំណុចខ្សោយ និងបញ្ហាប្រឈមមួយចំនួន និងដើម្បីពង្រឹងយន្តការដឹកនាំការងាររបស់ប៉ុស្តិ៍នគរបាលរដ្ឋបាល ឆ្លើយតបទៅនឹងសំណូមពរក្នុងការធានាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គមស្របតាមគោលនយោបាយ «ភូមិ-ឃុំ-សង្កាត់មានសុវត្ថិភាព» ឯកឧត្តម ឧត្តមសេនីយ៍ឯក ឆាយ គឹមខឿន បានដាក់ទិសដៅបន្តចំនួន ៤ចំណុចដូចខាងក្រោម៖ ១.ចុះបើកវគ្គបំប៉នបន្ថែម ស្តីពីតួនាទីភារកិច្ចរបស់ប៉ុស្តិ៍នគរបាលរដ្ឋបាល ជូនដល់មន្ត្រីនគរបាលប៉ុស្តិ៍រដ្ឋបាល ដែលមិនទាន់បានទទួលការបំប៉ន។ ២.ចុះត្រួតពិនិត្យ តម្រង់ទិស ក្នុងការអនុវត្តតួនាទីភារកិច្ចរបស់ប៉ុស្តិ៍នគរបាលរដ្ឋបាល ជាពិសេសការអនុវត្តគោលនយោបាយ «ភូមិ-ឃុំ-សង្កាត់មានសុវត្ថិភាព» និងទម្រង់ការងារនគរបាល និងសហគមន៍។…

ភ្នំពេញ៖ ក្នុងដំណើរការរៀបចំផលិត «មេដាយ និងពាន» សម្រាប់ប្រគល់ជូនម្ចាស់ជ័យលាភីក្នុងការប្រណាំងរថយន្ត Off Road ត្រូវបានគិតគូតយ៉ាងល្អិតល្អន់អំពីគុណតម្លៃ សូម្បីតែការបង្ហាញអត្តសញ្ញាណជាតិខ្មែរ រំលេចអត្ថន័យ និងអត្ថរស និងការរចនា គឺសុទ្ធតែធ្វើឡើងយ៉ាងយកចិត្តទុកដាក់។ នេះបើតាមលោក ឡយ ភាល័យ ប្រធានក្រុម CamCar និងជាសហការីនៅទីលាន១២ម៉ូទ័រផាក ហើយក៏ជាអ្នកចូលរួមក្នុងការផលិតមេដាយ និងពាននេះផងដែរ។ គួរជម្រាបថា មេដាយ និងពានខាងលើនេះនឹងត្រូវប្រគល់ជូនម្ចាស់ជ័យលាភី និងអ្នកចូលរួមប្រណាំងរថយន្ត Off Road រថយន្ត Rally និងម៉ូតូ Cross ក្នុងព្រឹត្តិការណ៍ប្រណាំងរថយន្ត Off Road សន្តិភាព ២០២៣ នៅខេត្តមណ្ឌលគិរី ដែលនឹងខិតជិតមកហើយ ពោលគឺចាប់ពីថ្ងៃទី១៣-១៥ ខែមករា ឆ្នាំ២០២៣។ ថ្លែងប្រាប់អ្នកព័ត៌មាននាថ្ងៃទី១២ ខែមករា ឆ្នាំ២០២៣នេះ លោក ឡយ ភាល័យ បានឱ្យដឹងថា ក្រុមការងារទីលាន១២ម៉ូទ័រផាកកំពុងគិតគូរអំពីការផ្ដល់មេដាយអនុស្សាវរីយ៍ និងពានរង្វាន់ ដើម្បីត្រៀមប្រគល់ជូនកីឡាករ និងសម្រាប់កីឡាករជ័យលាភី ដែលចូលរួមក្នុងព្រឹត្តិការណ៍ប្រណាំងរថយន្ត Off Road…