កំពត ៖ ដើម្បីសម្រួលដល់ការលំបាករបស់អាជីវករ ប្រជាពលរដ្ឋទូទៅឲ្យមានភាពងាយស្រួលក្នុងការយកទំនិញ និងកសិផលផ្សេងៗមកលក់នៅផ្សារដងទង់ ស្រុកដងទង់ ខេត្តកំពត អភិបាលខេត្តកំពតបានអះអាងថា នឹងរៀបចំសណ្តាប់ធ្នាប់ ជួសជុលកែលម្អសោភ័ណ្ឌភាព និងអនាម័យផ្សារឲ្យល្អប្រសើរជូនអាជីវករ និង ប្រជាពលរដ្ឋ។

ភ្នំពេញ ៖ បុរសម្នាក់រួមដំណើរដោយស្ត្រីពីរ នាក់បើករថយន្តស៊េរីទំនើបម៉ាកអូឌីឆ្លងផ្លូវក្នុងល្បឿនលឿនមិនប្រយ័ត្នត្រូវបានយុវជន ៣នាក់ជិះម៉ូតូមួយគ្រឿងបុកពីចំហៀងពេញទំហឹងបណ្ដាលឲ្យរងរបួសធ្ងន់ពីរនាក់និងស្រាលម្នាក់ កាលពីវេលាម៉ោង ១២ យប់រំលងអាធ្រាត្រឈានចូលថ្ងៃទី ២៨ ខែកុម្ភៈ ឆ្នាំ ២០២២នៅត្រង់ចំណុចផ្លូវលេខ១០០៧កែងនឹងផ្លូវ១៩៨០ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ហើយរថយន្តបង្កមិនបានឈប់នៅកន្លែងកើតហេតុព្យាយាមបើករត់ត្រូវបានប្រជាពលរដ្ឋដេញឃាត់បានមកវិញ។

ស្រ្តីមានផ្ទៃពោះ ស្រ្តីទើបសម្រាលកូន-កូនតូច សរុប ៣០គ្រួសារ បានទទួលអំណោយ ក្នុងទិវាជាតិសុខភាពមាតា ទារក និងកុមារ និងពិធីប្រគល់និងទទួលស្ថានីយ៍លាងដៃ(ឡាបូលាងដៃ) ដែលរៀបចំឡើង នៅព្រឹកថ្ងៃទី២៧ ខែកុម្ភៈ ឆ្នាំ២០២២ ក្នុងបរិវេណសាលាបឋមសិក្សាចុងព្រែក សង្កាត់ក្តុល-ដូនទាវ ក្រុង-ខេត្តបាត់ដំបង ក្រោមអធីភាព ឯកឧត្តម សុខ លូ ប្រធានគណៈកម្មាធិការសាខាកាកបាទក្រហមកម្ពុជាខេត្ត និងជាអភិបាលខេត្តបាត់ដំបង ។

ព្រះវិហារ៖ កម្លាំងកងរាជអាវុធហត្ថស្រុកជាំក្សាន្ត ខេត្តព្រះវិហារ កាលពីវេលាម៉ោង១៤.០០នាទី រសៀលថ្ងៃទី២៦ ខែកុម្ភៈ ឆ្នាំ២០២២ម្សិលមិញ បានឆ្មក់ចុះបង្ក្រាបករណីរក្សាទុកគ្រឿងញៀន និងធ្វើការឃាត់ខ្លួនជនសង្ស័យចំនួន ២នាក់ នៅចំណុច ភូមិកោងយោង ឃុំយាង ស្រុកជាំក្សាន្ត ខេត្តព្រះវិហារ ។

ភ្នំពេញ៖ រថយន្តម៉ាកហ្វដមួយគ្រឿងបើកបុករថយន្តនិងម៉ូតូជាច្រើនគ្រឿងតាំងពីខណ្ឌដូនពេញរហូតដល់ខណ្ឌសែនសុខ ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៥និង៣០នាទីល្ងាចថ្ងៃទី២៧ ខែកុម្ភៈ ឆ្នាំ២០២២ តាំងពីចំណុចបឹងកក់សង្កាត់ស្រះចក ខណ្ឌដូនពេញរហូតមកដល់ផ្លូវលេខ១០១១កែងនឹងផ្លូវលេខ១៩៧៨ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ភ្នំពេញ ៖ លោកវរសេនីយ៍ទោ អ៊ុក បូនីន អធិការនគរបាលខណ្ឌមានជ័យ បានបញ្ជាឱ្យកម្លាំងផ្នែកសណ្តាប់ធ្នាប់ នៃអធិការដ្ឋាននគរបាលខណ្ឌមានជ័យ ចុះរៀបចំសណ្តាប់ធ្នាប់ នៅតាមបណ្តោយផ្លូវលេខ២១៧ ថ្ងៃទី២៥ ខែកុម្ភៈ ឆ្នាំ២០២២ ទាក់ទងទៅនឹងបញ្ហាកកស្ទះចរាចរណ៍ នៅចំណុចស្ពានដែក ភូមិឬស្សី សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ។

ភ្នំពេញ៖ ស្ត្រីម្នាក់ ជាអ្នកលក់ខ្ចងនិងក្ដាមប្រៃ បានស្លាប់ភ្លាមៗនៅនឹងកន្លែង ខណៈជិះម៉ូតូចេញពីលក់ដូរត្រូវរថយន្ត FUSO បុករះម៉ូតូ និងរថយន្ត ២គ្រឿងផ្សេងទៀតពីក្រោយកំពុងឈប់ស្តុប កាលពីវេលាម៉ោង ១៤ និង ១០នាទីរសៀល ថ្ងៃទី២៥ ខែកុម្ភៈ ឆ្នាំ២០២២ នៅចំណុចស្ទុបផ្លូវ៥០ម៉ែត្រ កែងផ្លូវ៦០ម៉ែត្រ ក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល ។ សពស្ត្រីរងគ្រោះមានឈ្មោះ វ៉ាន់ នីការ អាយុជាង ៣០ឆ្នាំ មុខរបបលក់ដូរ នៅផ្សារតាខ្មៅ រស់នៅស្រុកបាទី ខេត្តតាកែវ ។

ភ្នំពេញ ៖ ក្នុងឆ្នាំ២០២១ ក្រុមហ៊ុន ខ្មែរ ប៊ែវើរីជីស បានបំពេញសកម្មភាពផ្ដល់ត្រឡប់ទៅសង្គមវិញជាហូរហែ តាមរយៈគម្រោងនានា មានដូចជា៖ ១. យុទ្ធនាការទឹកចិត្តកម្ពុជា ដើម្បីចូលរួមចំណែកក្នុងទឹកចិត្តក្លាហានរបស់វីរៈជនជួរមុខ ទប់ទល់ជំងឺកូវីដ-១៩ និងផ្តល់កម្លាំងចិត្តដល់ស្ថាប័នជាច្រើន ដោយបរិច្ចាគទឹកបរិសុទ្ធ កម្ពុជា ចំនួន ៨៣,៥៨៤កេស និងភេសជ្ជៈ ចំនួន ២,៣៩៦កេស ដល់បុស្តិ៍នគរបាលសម្រួលចរាចរណ៍ផ្លូវគោកទូទាំងប្រទេស មន្ទីរពេទ្យ និងមណ្ឌលសុខភាពនានា ក្រុមគ្រូពេទ្យស្ម័គ្រចិត្តយុវជនសម្ដេចតេជោ (TYDA) កងកម្លាំងប្រចាំការតាមទីតាំងបិទខ្ទប់ ព្រមទាំងរដ្ឋបាលខេត្ត និងស្រុកមួយចំនួន ។

ភ្នំពេញ ៖ រថយន្តបែនដឹកខ្សាច់មួយគ្រឿងបានបើកបុកម៉ូតពីក្រោយ បណ្ដាលឲ្យយុវជនម្នាក់ស្លាប់ពេលបញ្ជូនទៅដល់មន្ទីរពេទ្យ កាលពីវេលាម៉ោង៦និង៣០នាទីព្រឹក ថ្ងៃទី២៥ ខែកុម្ភៈ ឆ្នាំ២០២២ ស្ថិតនៅតាមបណ្តោយផ្លូវ៦០ម៉ែត្រកែងនឹងផ្លូវលេខ២៧១ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។