ភ្នំពេញ៖ ឧត្តមសេនីយ៍ឯក ឆាយ គឹមខឿន អគ្គស្នងការរង និងជាអ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងថា នៅថ្ងៃទី២៣ ខែកុម្ភៈ ឆ្នាំ២០២២ នគរបាលទូទាំងប្រទេស បានត្រួតពិនិត្យ និងផាកពិន័យ យានយន្តសរុបចំនួន៦៨៤គ្រឿងទៀត ក្នុងនោះមានម៉ូតូ ៤៨១គ្រឿង និងរថយន្ត ២០៣គ្រឿង។ គិតថ្ងៃទី២៣ ខែកុម្ភៈ ក្នុងឆ្នាំ២០២២នេះ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន ៣៤,៨៩៦គ្រឿង ក្នុងនោះមានម៉ូតូ ២៦,៣៥២គ្រឿង និងរថយន្តគ្រប់ប្រភេទ ៨,៥៤៤គ្រឿង។

សៀមរាប ៖ បើយើងធ្វើដំណើរពីខេត្តសៀមរាប ទៅភ្នំពេញ ពីភ្នំពេញ ទៅសៀមរាបនោះ យើងនឹងបានឃើញប្រជាពលរដ្ឋរស់នៅភូមិរកាកំបុត ឃុំត្រពាំងធំ ស្រុកប្រាសាទបាគង និងភូមិក្បូន ឃុំខ្ចាស់ ស្រុកសូទ្រនិគម ខេត្តសៀមរាប បានប្រកបមុខរបរដុតក្រឡានលក់តាមដងផ្លូវជាតិលេខ៦ ។

ភ្នំពេញស្ថិតក្នុងគោលបំណងចូលរួមគាំទ្រការគ្រប់គ្រងសំណល់ក្នុងសហគមន៍ឱ្យកាន់តែប្រសើរនៅកម្ពុជា ក្រុមហ៊ុន កូកា-កូឡា កម្ពុជា បាននិងកំពុងធ្វើការងារយ៉ាងជិតស្និទ្ធជាមួយរដ្ឋបាលរាជធានីភ្នំពេញ ដើម្បីដាក់ពង្រាយធុងបែងចែកសំរាមនៅក្នុងរាជធានី។ ធុងបែងចែកសំរាមចំនួន ៥០ឈុត (១៥០ធុង) នឹងត្រូវដាក់នៅ តាមសួនច្បារសាធារណៈធំៗក្នុងរាជធានីភ្នំពេញ ដើម្បីជួយជំរុញ ការអនុវត្តរបស់ប្រជាពលរដ្ឋឱ្យធ្វើការបែងចែកសំរាមឱ្យបានត្រឹមត្រូវ។ មានប្រសាសន៍ក្នុងពិធីប្រគល់ និងទទួលធុងបែងចែកសំរាមនៅ ថ្ងៃទី២៣ ខែកុម្ភៈ ឆ្នាំ២០២២នេះ ឯកឧត្តម នួន ផារ័ត្ន អភិបាលរង រាជធានីភ្នំពេញបានបញ្ជាក់ថា រដ្ឋបាលរាជធានីភ្នំពេញ បានកំណត់ យុទ្ធសាស្ត្រកាត់បន្ថយ និងគ្រប់គ្រងកាកសំណល់ ដោយចាប់ផ្តើមពី ការអប់រំប្រជាពលរដ្ឋ អំពីការគ្រប់គ្រងសំរាមរបស់ខ្លួន។

ខេត្តកណ្តាល ៖ ឯកឧត្តម កិត្តិបណ្ឌិត ហ៊ីង ប៊ុនហៀង បានថ្លែងថា ដោយកត្តាសុខសន្តិភាព បានធ្វើឲ្យប្រទេសជាតិមានការរីកចម្រើនលើគ្រប់វិស័យ ពិសេសវិស័យអប់រំ ។ វិស័យអប់រំគឺជាវិស័យអាទិភាពមួយ ដែលរាជរដ្ឋាភិបាល បានយកចិត្តទុកដាក់ ពិសេសក្នុងយុទ្ធសាស្ត្រចតុកោណដំណាក់កាលទី០៤ បន្តអនុវត្តផែនការ ផ្ដល់ឱកាសដល់កុមារ និងយុវជនកម្ពុជាទាំងអស់ ក្នុងការទទួលបានការអប់រំមូលដ្ឋានទាំងក្នុងប្រព័ន្ធ និងក្រៅប្រព័ន្ធ ដោយយកចិត្តទុកដាក់លើការកែលម្អគុណភាពអប់រំ ដើម្បីឆ្លើយតបទៅនឹងសេចក្តីត្រូវការនៃការរីកចម្រើនប្រទេសជាតិ ។

ភ្នំពេញ ៖ កម្លាំងការិយាល័យនគរបាលសណ្តាប់ធ្នាប់ នៃស្នងការដ្ឋាននគរបាលរាជធានីភ្នំពេញ ដឹកនាំកម្លាំងដោយលោកវរសេនីយ៍ឯក អេម សម្បត្តិ នាយការិយាល័យនគរបាលសណ្តាប់ធ្នាប់ ចុះរៀបចំសណ្តាប់ធ្នាប់ នៅតាមបណ្តោយផ្លូវលេខ២៧១ មុខមន្ទីរពេទ្យមិត្តភាព-ខ្មែរសូវៀត និងស្ពានចំរើនផល នៅថ្ងៃទី២២ ខែកុម្ភៈ ឆ្នាំ២០២២ ទាក់ទងទៅនឹងបញ្ហាកកស្ទះចរាចរណ៍ និងធ្វើការផ្សព្វផ្សាយអប់រំណែនាំបងប្អូនអាជីវករ ដោយឱ្យទ្បើងលក់ផុតពីទ្រូងថ្នល់បណ្តោះអាសន្ន ១ភាគ៣ នៃចិញ្ចើមថ្នល់ ដើម្បីកាត់បន្ថយការកកស្ទះចរាចរណ៍ រក្សាសណ្តាប់ធ្នាប់សាធារណៈ និងងាយស្រួលដល់ប្រជាពលរដ្ឋ ក្នុងការធ្វើដំណើរទៅវិញទៅមក។

ភ្នំពេញ ៖ ថ្លែងនៅក្នុងពិធីជួបសំណេះសំណាល និងចែកវត្ថុអនុស្សាវរីយ៍ ជូនដល់សិស្សនិទ្ទេស A និង B ចំនួន ៣៩នាក់ មកពីស្រុកព្រះស្តេច ខេត្តព្រៃវែង នាថ្ងៃទី២២ ខែកុម្ភៈ ឆ្នាំ២០២២ ឯកឧត្តម ហ៊ឺ បាវី ប្រតិភូរាជរដ្ឋាភិបាល ទទួលបន្ទុកប្រធានអគ្គនាយកកំពង់ផែស្វយ័តភ្នំពេញ និងជាប្រធានក្រុមការងារថ្នាក់ជាតិ ចុះជួយមូលដ្ឋានស្រុកព្រះស្តេច បានចាត់ទុកសកម្មភាពនានា របស់រាជរដ្ឋាភិបាល ជាពិសេស សម្តេចតេជោ ហ៊ុន សែន ក្នុងការលើកទឹកចិត្តដល់សិស្សប្រឡងជាប់និទ្ទេសល្អ A និង B តាមរយៈការផ្តល់សម្ភារៈសិក្សា និងប្រើប្រាស់នោះ គឺជាផ្នែកមួយដ៏សំខាន់ ក្នុងការជំរុញដល់សិស្សទាំងអស់ ខិតខំប្រឡងប្រណាំង ក្នុងការសិក្សារៀនសូត្រ ដើម្បីទទួលបាននិទ្ទេសល្អ។