ភ្នំពេញ៖ស្ត្រីម្នាក់ដែលគេដឹងថាមាន កូនតូចអាយុទើប តែ ប្រាំខែបានបាត់បង់ជីវិតក្នុងពេលកំពុងជិះម៉ូតូចេញពីកន្លែងលក់ការហ្វេនៅបុរីសន្តិភាព២ត្រលប់ទៅផ្ទះនៅចំការដូងតែត្រូវរថយន្តបុកពីក្រោយបណ្តាលឱ្យដួលក្បាលស្លាប់ ។ចំណែក រថយន្តបង្កបើកគេចបាត់ស្រមោល។ករណីនេះកើតឡើង កាលពីរំលងអធ្រាត្រឈានថ្ងៃទី២៣ ខែកុម្ភៈ ឆ្នាំ២០២២ ស្ថិតនៅតាមបណ្ដោយផ្លូវ៣០ម៉ែត្រ ត្រង់ចំណុចខាងជើង វត្តធម័ត្រៃយ៍ ក្នុងសង្កាត់ដង្កោ ខណ្ឌដង្កោ ។

ខេត្តកែប ៖ ឯកឧត្តម អ៊ុក ថា អភិបាលខេត្តស្តីទី និងជាអនុប្រធានគណកម្មាធិការជំរឿនខេត្ត បានចូលរួមពិធីបេីកវគ្គបណ្តុះបណ្តាល ដល់មន្រ្តីត្រួតពិនិត្យ មន្រ្តីសម្ភាសន៍ និងមន្រ្តីបម្រុង សម្រាប់កិច្ចការជំរឿនសេដ្ឋកិច្ច ឆ្នាំ២០២២ នៅមន្ទីរផែនការខេត្តកែប មានរយៈ ៤ថ្ងៃ គឺចាប់ពីថ្ងៃទី២២ រហូតដល់ថ្ងៃទី២៥ ខែកុម្ភៈ ឆ្នាំ២០២២ ។

ខេត្តកំពត ៖ លោក សេង សិរីបុត្រ បានជំរុញឱ្យមន្ទីរអង្គភាពជុំវិញខេត្ត អាជ្ញាធរដែនដីគ្រប់លំដាប់ថ្នាក់នៅស្រុកកំពង់ត្រាច មន្ត្រីរាជការ កងកម្លាំងប្រដាប់អាវុធ ដែលប្រចាំការនៅច្រកទ្វារព្រំដែនអន្តរជាតិព្រែកចាក សូមផ្តល់នូវកិច្ចគាំទ្រសហប្រតិបត្តិការ ដើម្បីរួមគ្នាថែរក្សាការពារសន្តិសុខ សណ្តាប់ធ្នាប់ នៅតំបន់ព្រំដែនឲ្យមានសន្តិភាព មិត្តភាពសហប្រតិបត្តិការ និងការអភិវឌ្ឍន៍ ខិតខំប្រមែប្រមូលពន្ធគយ ត្រូវពិនិត្យ យកចិត្តទុកដាក់ចំពោះទំនិញដែល គិចពន្ធ និង ខូចគុណភាពគ្រប់ប្រភេទ នាំឆ្លងកាត់ ចែញ ចូលផងដែរ ។

បន្ទាយមានជ័យ ៖ ពង្រឹងការផ្ដល់សេវា សុខភាពបន្តពូជ សុខភាពមាតា ទារកនិងកុមារនិងការផ្ដល់វ៉ាក់សាំង បង្កាជំងឺកូវីដ19 ជូនស្ត្រីមានផ្ទៃពោះនិងមាតាកំពុងបំបៅកូន ដោយទឹកដោះម្ដាយ នេះគឺជាប្រធានបទនៃទិវាជាតិ សុខភាពមាតា ទារកនិងកុមារ ២១កុម្ភៈ ២០២២ ដែលសាខាកាកបាទក្រហមខេត្តបន្ទាយមានជ័យ បានប្រារព្ធពិធីនិងបានចែកជូននូវអំណោយមនុស្សធម៌ ដល់ស្ត្រីមានផ្ទៃពោះ ទារកនិងកុមារតូចនៅក្នុងស្រុកម៉ាឡៃ នាព្រឹកថ្ងៃទី ២២ ខែកុម្ភៈឆ្នាំ ២០២២។

ភ្នំពេញ ៖ កម្លាំងប៉ុស្តិ៍នគរបាលរដ្ឋបាលផ្សារដើមថ្កូវ សហការជាមួយផ្នែកកម្លាំងនគរបាលព្រហ្មទណ្ឌ នៃអធិការដ្ឋាននគរបាលខណ្ឌចំការមន នៅថ្ងៃទី២១ ខែកុម្ភៈ ឆ្នាំ២០២២ បានធ្វើការស្រាវជ្រាវឃាត់ខ្លួន ជនសង្ស័យចំនួន ៣នាក់ ពាក់ព័ន្ធករណីលួចទ្រព្យសម្បត្តិ និងទទួលផលចោរកម្ម នៅចំណុចអតីតក្រុមហ៊ុនឃ្យូប៊ី (០១៣) ទីតាំងផ្ទះលេខ៨២៥ ABC ផ្លូវព្រះមុនីវង្ស ក្រុម៣២ ភូមិ៥ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ខេត្តបាត់ដំបង ៖ លោក សឿម ប៊ុនរិទ្ធិ អភិបាលរង និងជាតំណាងឯកឧត្តម សុខ លូ អភិបាលខេត្តបាត់ដំបង បានដឹកនាំមន្ត្រីជំនាញ អាជ្ញាធរស្រុក អាជ្ញាធរមូលដ្ឋាន ឃុំធិបតី និងកម្លាំងអធិការដ្ឋានស្រុក បានចុះទៅពិនិត្យមើលទីតាំងប្រព្រឹត្តបទល្មើសក្នុងការកាយយកអាចម៍ដីចំណីមាត់ប្រឡាយមួយកន្លែងស្ថិតក្នុងភូមិសាស្ត្រ ភូមិសំរោង ក្នុងឃុំធិបតី ស្រុកគាស់ក្រឡ ខេត្តបាត់ដំបង នៅព្រឹកថ្ងៃទី២២ ខែកុម្ភៈ ឆ្នាំ២០២២នេះ។

(ស្វាយរៀង) ៖ នាយឧត្តមសេនីយ៍ ពិន ពិសិដ្ឋ អគ្គនាយករងអន្តោរប្រវេសន៍ តំណាង នាយឧត្តមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ លោក តូច ប៉ូលីវ៉ា អភិបាលរងខេត្ត តំណាងឯកឧត្តម ម៉ែន វិបុល អភិបាលខេត្ត កាលពីរសៀលថ្ងៃទី២១ ខែកុម្ភៈ ឆ្នាំ២០២២ បានអញ្ជើញប្រកាសផ្ទេរភារកិច្ចនិងតែងតាំងមុខតំណែងនាយប៉ុស្តិ៍នគរបាលច្រកទ្វារព្រំដែនអន្តរជាតិបាវិត ដែលពិធីនេះបានប្រព្រឹត្តិ ទៅនៅទីស្នាក់ការច្រកទ្វារព្រំដែនអន្តរជាតិបាវិត ក្រុងបាវិតខេត្តស្វាយរៀង។