ភ្នំពេញ ៖ កម្លាំងនគរបាលប៉ុស្ដិច្រាំងចំរេះ១ ខណ្ឌឬស្សីកែវ បានបង្រ្កាបជាក់ស្ដែងករណីជួញដូរដោយខុសច្បាប់នូវសារធាតុញៀន នៅថ្ងៃទី២១ ខែកុម្ភៈ ឆ្នាំ២០២២ វេលាម៉ោង ៩និង ៣០នាទី នៅចំណុចដីផ្នូរខ្មោចក្រុម១ភូមិ២ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ ដោយឃាត់ខ្លួន ជនសង្ស័យម្នាក់ ដកហូតបានក្រាមពណ៌សថ្លាសង្ស័យជាគ្រឿងញៀនមួយចំនួន ។

សៀមរាប ៖ នៅព្រឹកថ្ងៃទី២១ ខែកុម្ភៈ ឆ្នាំ២០២២ នៅវេលាម៉ោង០៤:០០នាទី ពលរដ្ឋបានប្រទះឃើញសាកសពបុរសម្នាក់ជនជាតិចិនបានស្លាប់នៅក្នុងស្ទឹងសៀមរាប ត្រង់ចំណុចទល់មុខផ្សារវត្តពោធិលង្កា ស្ថិតនៅភូមិបឹងដូនប៉ា សង្កាត់ស្លក្រាម ក្រុង-ខេត្តសៀមរាប។

ភ្នំពេញ ៖ លោកវរសេនីយ៍ឯក សុខ ហេង អធិការនគរបាលខណ្ឌទួលគោក បានបញ្ជាឱ្យកម្លាំងប៉ុស្តិ៍នគរបាលរដ្ឋបាលបឹងកក់ទី១ ចុះធ្វើការរៀបចំសណ្តាប់ធ្នាប់ ទាក់ទងទៅនឹងបញ្ហាកកស្ទះចរាចរណ៍ នៅព្រឹកថ្ងៃទី២១ ខែកុម្ភៈ ឆ្នាំ២០២២ នៅចំណុចភូមិសាស្ត្រសង្កាត់បឹងកក់ទី១ ខណ្ឌទួលគោក រាជធានីភ្នំពេញ។

ភ្នំពេញ ៖ ជនសង្ស័យមួយក្រុមបានធ្វើសកម្មភាពឆក់ទូរសព្ទពីជនគ្រោះកំពុងជិះម៉ូតូតាមដងផ្លូវបានសម្រេច រួចបម្រុងជិះម៉ូតូរត់ តែទាក់ដៃចង្កូតគ្នាជាមួយនឹងម៉ូតូជនរងគ្រោះ ដួលទៅលើដងផ្លូវ យកបានតែទូរសព្ទរត់ឡើងជិះម៉ូតូបក្ខពួកគេចខ្លួនមិនបានប៉ុន្មានម៉ោងផង ត្រូវសមត្ថកិច្ចខណ្ឌដង្កោ ស្រាវជ្រាវចាប់ខ្លួនបានម្នាក់ កាលពីថ្ងៃទី២០ ខែកុម្ភៈ ឆ្នាំ២០២២ ត្រង់ចំណុចផ្លូវ២១៧ ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។

ភ្នំពេញ ៖ ទីតាំងល្បែងសុីសងតាមប្រព័ន្ធអ៊ីនធឺណិតចំនួន ២កន្លែង ត្រូវបានកម្លាំងគណៈបញ្ជាការឯកភាពខណ្ឌដូនពេញ ចុះបង្ក្រាបកាលពីរសៀលថ្ងៃទី២០ ខែកុម្ភៈ ឆ្នាំ២០២២ ដោយឃាត់ខ្លួនមនុស្សចំនួន ១៧នាក់ ។

ភ្នំពេញ ៖ ស្ថានីយ៍ប្រព្រឹត្តកម្មទឹកកខ្វក់ជើងឯក គ្រោងនឹងបើកការដ្ឋានសាងសង់នៅព្រឹកថ្ងៃទី២២ ខែកុម្ភៈ ឆ្នាំ២០២២ ក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា ។ បើតាម លោក សាំពិសិដ្ឋ ប្រធានមន្ទីរសាធារណការ និងដឹកជញ្ជូន រាជធានីភ្នំពេញ ថា គម្រោងនេះនឹងបញ្ចប់ការសាងសង់នៅថ្ងៃទី១៥ ខែវិច្ឆិកា ឆ្នាំ២០២៣ ក្រោមហិរញ្ញប្បទានសហប្រតិបត្តិការឥតសំណងរបស់រដ្ឋាភិបាលជប៉ុន ដែលមានសមត្ថភាពប្រព្រឹត្តកម្មទឹកកខ្វក់បានចំនួន ៥.០០០ម៉ែត្រគូប ក្នុងមួយថ្ងៃ លើផ្ទៃដីទំហំ ៣ហិចតា ដែលមានទីតាំង ស្ថិតនៅភូមិព្រែកតាគង់១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។

កំពង់ឆ្នាំង ៖ លោកជំទាវ កែ ច័ន្ទមុន្នី បាននាំយកអំណោយរបស់សម្តេចគិត្តិព្រឹទ្ធបណ្ឌិត ប៊ុនរ៉ានី ហ៊ុនសែនប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកកម្មរួមអគ្គលេខាធិការសហប្រជាជាតិដើម្បីសុខភាពស្រ្តី និងកុមារ ជូនស្រ្តីមានផ្ទៃពោះ ស្រ្តីកំពុងបំបៅដោះកូន និងគ្រួសារជួបការលំបាក មកពី ៧ឃុំ ក្នុងស្រុកកំពង់លែង ខេត្តកំពង់ឆ្នាំងសរុបចំនួន ៩៣នាក់ ។

ភ្នំពេញ ៖ បេីយោងតាមរបាយការណ៍របស់នគរបាលខណ្ឌបឹងកេងកង បានឲ្យដឹងនៅព្រឹកថ្ងៃទី២០ ខែកុម្ភៈ ឆ្នាំ២០២២នេះ កម្លាំងជំនាញព្រហ្មទណ្ឌ និងកម្លាំងប៉ុស្ដិ៍នគរបាលរដ្ឋបាលបឹងកេងកងទី១ បានធ្វើការឃាត់ ខ្លួនជនសង្ស័យចំនួន០១នាក់ ពីបទ៖ អំពើលួច ( ទូរទស្សន៍) ប្រព្រឹត្តិនៅចំណុចហាងម៉ូតូហុងដាផ្ទះលេខ៣៦៤ផ្លូវ ព្រះមុនីវង្ស ភូមិ២ សង្កាត់បឹងកេងកងទី១ ខណ្ឌបឹងកេងកង កាលពីថ្ងៃទី១៩ ខែកុម្ភៈ ឆ្នាំ២០២២ វេលាម៉ោង២០:០០នាទី ។

ភ្នំពេញ ៖ លោក ហម ម៉េងសែ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនជនត្រូវចោទឈ្មោះ លឹម សុវណ្ណ ហៅ ផេង ភេទប្រុសអាយុ៤០ឆ្នាំ ជនជាតិខ្មែរ មុខរបរ អ្នកបកប្រែ ដាក់ពន្ធនាគាររាជធានីភ្នំពេញ(PJ) នៅថ្ងៃទី១៩ ខែកុម្ភៈឆ្នាំ២០២២ ជាបណ្ដោះអាសន្ន ក្រោមការចោទប្រកាន់ពីបទ. ឆបោក និងមិនបំពេញកាតព្វកិច្ចចំពោះឧបករណ៍ដែលអាចជួញដូរបាន ប្រព្រឹត្តនៅរាជធានីភ្នំពេញតាំងពីអំឡុងឆ្នាំ២០២០ ដល់ថ្ងៃទី១៥ ខែសីហាឆ្នាំ២០២១ បទល្មើសដែលមានចែងឲ្យផ្តន្ទាទោសតាមបញ្ញត្តិមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ និងមាត្រា២៣១ ច្បាប់ស្តីពីឧបករណ៍ដែលអាចជួញដូរបាន និងប្រតិបត្តិការទូរទាត់សងប្រាក់។