ភ្នំពេញ ៖ បុរសម្នាក់បានស្លាប់ពេលបញ្ជូនទៅដល់មន្ទីរពេទ្យខណៈជិះម៉ូតូលឿនមិនប្រយ័ត្នជ្រុលបុករថយន្តូដឹកទំនិញមួយគ្រឿងដែលបើកឆ្លងផ្លូវកាលពីវេលាម៉ោង១២និង៣០នាទីយប់ថ្ងៃទី ២៩ ខែធ្នូឆ្នាំ២០២០ នៅចំណុចមុខផ្សារសុវណ្ណា តាមបណ្តោយផ្លូវលេខ២៧១ ស្ថិតក្នុងសង្កាត់ទំនប់ទឹក ខណ្ឌបឹងកេងកង ។ តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តដឹកទំនិញមួយគ្រឿង ពាក់ស្លាកលេខតាកែវ3A 0720បើកតាមបណ្តោយផ្លូវលេខ១៩៩ក្នុងទិសដៅពីកេីតទៅលិចខណៈមកដល់ចំណុចកេីតហេតុក៏បានបើកឆ្លងផ្លូវលេខ២៧១បត់ឆ្វេងស្រាប់តែមានបុរសម្នាក់ជិះម៉ូតូអ៊ែរប្ល៊ែកពណ៌ក្រហម ពាក់ស្លាកលេខគ្នំពេញ1HY -7617 តាមបណ្តោយផ្លូវលេខ២៧១ក្នុងទិសដៅពីត្បូងទៅជេីងដោយមានល្បឿនយ៉ាងលឿនក៏ជ្រុលទៅបុកពីចំហៀងពេញទំហឹងបណ្តោលឲ្យអ្នកបើកម៉ូតូស្លាប់ពេលបញ្ជូនទៅដល់មន្ទីរពេទ្យ។ ក្រោយកេីតហេតុសមត្ថកិច្ចបានចុះទៅដល់ធ្វេីការវាស់វែងយករថយន្ត និងម៉ូតូទៅរក្សាទុករង់ចាំដោះស្រាយតាមច្បាប់ ។ ចំណែកសពជនរងគ្រោះត្រូវបានទំនាក់ទំនងទៅក្រុមគ្រួសារយកទៅធ្វេីបុណ្យតាមប្រពៃណី៕ ដោយ៖ ជីម ភារ៉ា

ភ្នំពេញ ៖ បុរសម្នាក់បើកម៉ូតូលឿនវ៉ាជែងមិនប្រយ័ត្ន ក៏ជ្រុលទៅបុកម៉ូតូ១គ្រឿងក្នុងទិសដៅបញ្ច្រាស់គ្នាដួលទៅនឹងថ្នល់ រួចត្រូវរថយន្តធុនធំចាប់ហ្វ្រាំងមិនទាន់ កិនបែកក្បាលស្លាប់យ៉ាងអាណោចអាធម៌ នាវេលាម៉ោង៧នឹង៤០នាទីយប់ ថ្ងៃទី២៨ ខែធ្នូ ឆ្នាំ២០២០ តាមបណ្តោយផ្លូវ៣០ម៉ែត្រ ក្បែរបុរីសន្តិភាព២ ស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ ។ តាមប្រភពព័ត៌មានពីប្រជាពលរដ្ធនៅកន្លែងកើតហេតុដែលបានឃើញហេតុការណ៍នេះបានឲ្យដឹងថា មានបុរសម្នាក់ជិះម៉ូតូFZមួយគ្រឿង ពណ៍ក្រហម ពាក់ស្លាកលេខ ភ្នំពេញ CW-5509 ជិះក្នុងល្បឿនយ៉ាងលឿនទិសដៅពីលិចទៅកើត លុះមកដល់កន្លែងកើតហេតុបានវ៉ាជែងទៅខាងឆ្វេងដៃមិនប្រយ័ត្ន ក៏បានជ្រុលទៅបុកបុរស២នាក់ដែលកំពុងជិះម៉ូតូម៉ាកហុកដាឌ្រីម សេ១២៥ សេរីឆ្នាំ២០១៥ ពាក់ស្លាកលេខ កំពង់ចាម 1N-3144 ក្នុងទិសដៅបញ្ច្រាសគ្នាបណ្តាលឲ្យដួលទៅនឹងថ្នល់តែម្តង ។ ប្រភពបន្តថា បន្ទាប់ពីដួលនោះស្រាប់តែមានរថយន្តធនធំមិនចាំម៉ាកមួយគ្រឿងបើកមកពីក្រោយ ដោយចាប់ហ្វ្រាំងមិនទាន់បានកិនបុរសដែលជិះម៉ូតូFZ ដែលបើកវ៉ាជែងទៅបុកទៅនោះ បែកក្បាលធ្លាយខួរស្លាប់ក្នុងធ្លុកឈាមយ៉ាងអាណោចអាធម៌ភ្លាមៗនៅនឹងកន្លែងកើតហេតុ រួចបន្តដំណើរទៅមុខបាត់ស្រមោល ចំណែកបុរស២នាក់ទៀតបានរងរបួសធ្ងន់ត្រូវបានដឹកយកទៅសង្គ្រោះនៅមន្ទីរពេទ្យ ។ ក្រោយកើតហេតុប្រជាពលរដ្ធបានរាយការណ៍ទៅសមត្ថកិច្ចមូលដ្ឋាន និងទំនាក់ទំនងទៅជំនាញចុះមកធ្វើការវាស់វែង យកម៉ូតូទាំង២គ្រឿងទៅរក្សាទុក ចំណែកសពជនរងគ្រោះធ្វើកំណត់ហេតុប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ដោយ៖ ជីម ភារ៉ា

លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន និងឧត្តមសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគទី៥ នារសៀល ថ្ងៃទី២៨ ខែធ្នូ ឆ្នាំ២០២០ បានអញ្ជើញជាអធិបតីក្នុងពិធីបិទវគ្គហ្វឹកហ្វឺនយោធាទូទៅឆ្នាំ២០២០ នៅវរសេនាតូចលេខ១ តំបន់ប្រតិបត្តិការសឹករងប៉ៃលិន និងសម្ពោធអគារការិយាល័យហ្វឹកហ្វឺន ដោយមានការអញ្ជើញចូលរួម លោកមេបញ្ជាការ មេបញ្ជាការង នាយទាហាន នាយទាហានរង ពលទាហាន និងអាជ្ញាធរដែនដី ។ តាមរបាយការណ៍របស់គណៈគ្រប់គ្រងវគ្គបានឱ្យដឹងថា វគ្គនេះមានរយ:ពេល៣ខែ មានសិក្ខាកាម១០០នាក់ ជាលទ្ធផលទទួលបាននិទ្ទេសល្អ១៥នាក់ ល្អបង្គួរ៣២នាក់ និងមធ្យម៥៣នាក់។ មានមតិសំណេះសំណាលក្នុងឱកាសនោះ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន បានមានប្រសាសន៍កោតសរសើរដល់សិក្ខាកាមទាំងអស់ ដែលបានខិតខំរៀនសូត្រ ហើយក្រោយពីចប់កម្មសិក្សានេះ សូមយកចំណេះវិជ្ជាទៅបម្រើអង្គភាពនិងសង្គមអោយបានល្អរឹងមាំ ត្រូវស្មោះត្រង់ ហ៊ានបូជាជីវិតក្នុងបុព្វហេតុជាតិ មាតុភូមិ គោរពគោលនយោបាយជាតិ និងកម្មវិធីគោលនយោបាយរាជរដ្ឋាភិបាលអាណត្តិទី៦ ការពារអោយបានដាច់ខាតជាតិ សាសនា ព្រះមហាក្សត្រ ច្បាប់រដ្ឋធម្មនុញ្ញ ការពាររាជរដ្ឋាភិបាលស្របច្បាប់ ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតី តេជោ ហ៊ន…

ភ្នំពេញ ៖ ផ្អែកលើស្មារតីម្ចាស់ការ និងទំនួលខុសត្រូវ ដើម្បីការពារសន្តិសុខ សុវត្ថិភាពជូនបងប្អូនប្រជាពលរដ្ឋ ខណៈបញ្ហាសន្តិសុខសុវត្ថិភាពសង្គម គឺជាកត្តាសំខាន់ និងសម្បងជាងគេបង្អស់សម្រាប់ការរស់នៅរបស់បងប្អូន ពលរដ្ឋទូទៅ មិនថានៅទីជិតទីឆ្ងាយ តំបន់មានមនុស្សរស់នៅតិច ឬទីប្រជុំជននោះឡើយ ហើយបញ្ហានេះ អាជ្ញាធរគ្រប់លំដាប់ថ្នាក់ នៅតាមមូលដ្ឋាន ឬឋិតនៅក្រោមការគ្រប់គ្រងរបស់ខ្លួន ត្រូវអនុវត្តន៍ភារកិច្ចជានិច្ច ក្នុងការថែរក្សាសន្តិសុខសុវត្ថិភាពសង្គមនេះ លោក ចេង មុនីរ៉ា អភិបាលខណ្ឌច្បារអំពៅ បានដាក់បទបញ្ជារយ៉ាងម៉ឺងម៉ាត់ ដល់កម្លាំងសាធារណះដែលឋិតក្រោមដែនឱវាទរបស់លោក ក្នុងនោះ មានកម្លាំងកងរាជអាវុធហត្ថ និងកម្លាំងនគរបាលជាដើម ធ្វើយ៉ាងខិតខំបង្កើនសមត្ថភាពការពាររបស់ខ្លួនបន្ថែមទៀត ក្នុងការ ការពារដល់សុខសុវត្ថិភាពពលរដ្ឋក្នុងមូលដ្ឋាន និងទប់ស្កាត់ នូវរាល់បទល្មើសខុសច្បាប់ទាំងឡើយកុំអោយកកើតមាន ដើម្បីធានាបានចំពោះការរស់នៅរបស់ពលរដ្ឋ ពិសេសសង្គមជាតិទាំងមូលផងដែរ អោយសមនឹងពាកក្យស្លោក ថា « ភូមិសង្កាត់មានសុវត្ថិភាព » សម្រាប់ឆ្នាំថ្មី ២០២១ ដែលខិតនឹងចូលមកដល់ឆាប់ៗប៉ុន្មានថ្ងៃខាងមុខនេះ ។ លោកអភិបាលខណ្ឌ បានថ្លែងបែបនេះ នៅក្នុងកិច្ចប្រជុំ គណះបញ្ជាការឯកភាពខណ្ឌ នាព្រឹកថ្ងៃទី២៨ ខែធ្នូ ឆ្នាំ២០២០ ក្រោមវត្តមានចូលរួមពីសំណាក់ លោកលោកស្រីអភិបាលរងខណ្ឌ , អធិការនគរបាលខណ្ឌ…

ភ្នំពេញ៖ គ្រាន់តែ១យប់ ថ្ងៃទី២៦ ខែធ្នូ ឆ្នាំ២០២០ សោះ ក្រុមចោរ បានលួចម៉ូតូអស់ចំនួន៥គ្រឿង ដោយសុវត្ថិភាព នៅចំណុចភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល ដោយក្រុមចោរបានឆ្កឹះសោរបងចូលលួច ម៉ូតូទាំង៥គ្រឿង នេះ ចេញពីបរិវេណក្រុមហ៊ុនលាយបេតុង មួយកន្លែង ដែលម្ចាស់បានដេកលង់លក់ រហូតព្រឹកថ្ងៃទី២៧ ខែធ្នូ ឆ្នាំ២០២០ ទើបបង្កការភ្ញាក់ផ្អើល ។ តាមប្រភពព័ត៌មានពីម្ចាស់ម៉ូតូ បានអោយដឹងថា ម៉ូតូចំនួន៥គ្រឿង មានម៉ាកហុងដាឌ្រីម ចំនួន៤គ្រឿង និង ម៉ាកស្មាស់វី ចំនួន១គ្រឿង ដោយម្ចាស់ជាបុគ្គលិកបើកបររថយន្តដឹកបេតុង ត្រូវបានជនសង្ស័យលួចយកទៅបាត់ ក្នុងពេលតែមួយ ។ ក្រុមម្ចាស់ម៉ូតូ បានបន្តថា មុនពេលកើតហេតុ ម៉ូតូហុងដាឌ្រីម ចំនួន៣គ្រឿង ដាក់មុខបន្ទប់ កន្លែងធ្វើការ ។ ចំណែក២គ្រឿងទៀត ម៉ាកហុងដាឌ្រីម និង ម៉ាកស្មាស់វី ដាក់ក្រោមដើមឈើ តែស្ថិតនៅក្នុងបរិវេណ ក្រុមហ៊ុនទាំងអស់ ។ នាល្ងាចថ្ងៃទី២៦ ខែធ្នូ ឆ្នាំ២០២០ ក្រោយបញ្ចប់ម៉ោងការងារ…

ភ្នំពេញ ៖ មានការភ្ញាក់ផ្អេីលទាំងព្រឹកមួយ ខណៈប្រជាពលរដ្ឋបានប្រទះឃេីញសពបុរសម្នាក់ដេកស្លាប់នៅក្នុងរថយន្តតាក់សុី កាលពីវេលាម៉ោង ៦និង៣០ នាទីព្រឹក ថ្ងៃទី២៨ ខែធ្នូ ឆ្នាំ២០២០ ស្ថិតតាមបណ្តោយផ្លូវលេខ៥១ សង្កាត់បឹងរាំង ខណ្ឌដូនពេញ រាជធានីភ្នំពេញ។ សាកសពជនរងគ្រោះមានឈ្មោះ នួន រ៉ាន អាយុ៥១ឆ្នាំ មុខរបរអ្នករត់ តាក់សុី ស្នាក់នៅផ្ទះលេខ១៤០ ផ្លូវលំ ភូមិសាងួន សង្កាត់កាកាបទី១ ខណ្ឌពោធិសែនជ័យ រាជធានីភ្នំពេញ។ បេីតាមប្រភពព័ត៌មាននៅកន្លែងកើតហេតុបានប្រាប់ឱ្យដឹងថា ជនរងគ្រោះ ដែលជាអ្នករត់តាក់សុី បានចេញពីផ្ទះមករត់តាក់សុីហើយមិនឃើញត្រឡប់ទៅផ្ទះវិញចំនួន២ថ្ងៃកន្លះហើយក្រុមគ្រូសារក៏ព្យាយាមទំនាក់ទំនងទូរស័ព្ទទៅជនរងគ្រោះដែរ តែជនរងគ្រោះមិនលើក រហូតដល់ព្រឹកថ្ងៃទី២៨ ខែធ្នូ ឆ្នាំ២០២០ ទើបអ្នករត់តាក់សុីដូចគ្នា ឃើញរថយន្តជនរងគ្រោះមកចតនៅចញ្ចើមផ្លូវ តាមបណ្ដាយផ្លូវលេខ៥១គាត់ក៏ចុះពីលើរថយន្តដើរទៅមើល ស្រាប់តែឃើញជនរងគ្រោះស្លាប់ដោយសភាពហើមបាត់ទៅហើយ ។ ហើយរូបគាត់បានទំនាក់ទំនងទៅក្រុមអ្នករត់តាក់សុីដូចគ្នាឲ្យចុះមកកន្លែងកើតហេតុ និងទាក់ទងទៅក្រុមគ្រួសារគាត់ឲ្យមកកន្លែងដែលគាត់ដេកស្លាប់រួចក៏រាយការណ៍ទៅសមត្ថកិច្ចប៉ុស្តិ៍បឹងរាំងឲ្យមកពិនិត្យ ។ ក្រោយពេលកើតហេតុ សមត្ថកិច្ចជំនាញ បានចុះមកដល់កន្លែងកើតហេតុ និង បានធ្វើការ ត្រួតពិនិត្យ កោសល្យវិច្ឆ័យ នៅវត្តតាំងក្រសាំង និង បានប្រគល់សពជូនដល់ក្រុមគ្រួសារយកទៅធ្វើបុណ្យតាមប្រពៃណី៕ ដោយ៖ ភារ៉ា និងប៊ុនធី

ភ្នំពេញ៖ បេីយោងតាមរបាយការណ៍ពីលោក ប៊ុត សត្យា នាយការិយាល័យព្រហ្មទណ្ឌកម្រិតស្រាលរាជធានីភ្នំពេញ បានឲ្យដឹងនៅថ្ងៃទី២៨ ខែធ្នូ ឆ្នាំ ២០២០នេះ កម្លាំងជំនាញរបស់ការិយាល័យបានសហការជាអធិការនគរបាលខណ្ឌឬស្សីកែវ និងខណ្ឌជ្រោយចង្វា ស្នងការនគរបាលខេត្តកណ្តាល និងស្នងការនគរបាលខេត្តបន្ទាយមានជ័យ ស្រាវជ្រាវឃាត់ខ្លួន ជនសង្ស័យបានជាបន្តបន្ទាប់ចំនួន ០៥ នាក់ ដែលពាក់ព័ន្ធប្រព្រឹត្តបទល្មើស ឆបោក , រំលោភលើទំនុកចិត្ត (យករថយន្ត) និងក្លែងបន្លំឯកសារសាធារណៈ(ក្លែងប័ណ្ណសម្គាល់យានយន្ត) នៅក្នុងរាជធានីភ្នំពេញ ចំនួន ០៤ករណី និងចាប់យកវត្ថុតាង បញ្ជូនមកការិយាល័យចាត់ការតាមនីតិវិធីមាន៖ សមត្ថកិច្ចបានឲ្យដឹងថា ជនសង្ស័យចំនួន៥នាក់ដែលត្រូវឃាត់ខ្លួនរួមមាន ៖ ទី១-ឈ្មោះ រឿន ចាន់រី ភេទ ប្រុស អាយុ ៣៣ ឆ្នាំ ជនជាតិ ខ្មែរ មុខរបរ កសិករស្នាក់នៅផ្ទះមិនចាំលេខ ផ្លូវលេខ៥៧ ភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង ។ ទី២-ឈ្មោះ ខុន រតនៈ ភេទ ប្រុស អាយុ…

បាត់ដំបង៖ ឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ និងជាប្រធានក្រុមការងារ ថ្នាក់ជាតិចុះជួយមូលដ្ឋានស្រុកបវេល អមដំណើរដោយឯកឧត្តម ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល នៃក្រសួងមហាផ្ទៃ និងឯកឧត្តម ណុប ដារ៉ា អភិបាលរង នៃអភិបាលខេត្ត បានអញ្ជើញចុះត្រួតពិនិត្យដំណើរការនៃការជួសជុលអគារសិក្សា ខ្លោងទ្វារ សួនច្បារ ក្នុងបរិវេណ វិទ្យាល័យបវេល និងសាលាបឋមសិក្សាកោះរៀម ខេត្តបាត់ដំបង កាលពីថ្ងៃអាទិត្យ ទី២៧ ខែធ្នូ ឆ្នាំ២០២០ ។ នៅក្នុងឱកាសចុះពិនិត្យការដ្ឋានសាងសង់វិទ្យាល័យបវេល និងសាលាបឋមសិក្សាកោះរៀមនេះ ឯកឧត្តម សក់ សេដ្ឋា បានណែនាំដល់មន្ត្រីពាក់ព័ន្ធ និងក្រុមជាងសាងសង់ទាំងអស់ សូមឱ្យគិតពី គុណភាពជាចម្បង និងធ្វើយ៉ាងណា ឱ្យទាន់កាលកំណត់ ចៀសវាងការយឺតយ៉ាវ នាំឱ្យខកខានដល់ ការសិក្សារបស់សិស្សានុសិស្ស ៕ ដោយ វណ្ណលុក

ភ្នំពេញ ៖ យោងតាមរបាយការណ៍របស់លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឬស្សីកែវ បានឲ្យដឹងនៅព្រឹកថ្ងៃទី ២៨ ខែធ្នូ ឆ្នាំ ២០២០នេះ មានករណីលួចឆ្កឹះសោរទ្វាលួចសម្ភារ ថ្ងៃទី២៥ ខែធ្នូ ឆ្នាំ២០២០ វេលាម៉ោង០២ និង៣០នាទីនៅចំណុចផ្ទះលេខ ផ្លូវបេតុង ក្រុមទី១៤ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ត្រូវបានកម្លាំងជំនាញចាប់ខ្លួនជនសង្ស័យបាន២នាក់ ។ ជនរងគ្រោះឈ្មោះសុខ ដេម៉ា ភេទស្រី អាយុ55 ឆ្នាំមុខរបរចៅសង្កាត់រង ស្នាក់នៅផ្ទះលេខ92E ផ្លូវជាតិលេខ5 ក្រុមទី1 ភូមិស្ពានខ្ពស់ សង្កាត់គីឡូម៉ែត្រ៦ ខណ្ឌឫស្សីកែវ រាជធានីភ្នំពេញ ។ ចំណែកជនសង្ស័យ មានឈ្មោះប្រាក់ សារឿន ហៅអឿន ភេទប្រុស ជនជាតិខ្មែរ អាយុ50ឆ្នាំ របរមិនពិតប្រាកដ ស្នាក់នៅផ្ទះលេខ ផ្លូវលំ ក្រុម6 ភូមិក្រោលគោ សង្កាត់គីឡូម៉ែត្រ6 ខណ្ឌឬស្សីកែវ រាជធានីភ្នំពេញ មានសារធាតុញៀន(ឃាត់ខ្លួន)។ ទី២…