ឧក្រិដ្ឋជនគ្រឿងញៀនម្នាក់ និងថ្នាំញៀនជិត៧គីឡូក្រាម ត្រូវបានកម្លាំងមន្ទីរប្រឆាំងគ្រឿងញៀន ស្រាវជ្រាវបង្ក្រាបបាន ក្នុងប្រតិបត្តិការបានធ្វើឡើងកាលពីថ្ងៃទី១២ ខែឧសភា ឆ្នាំ២០២១ វេលាម៉ោង ១១នឹង៣៥នាទី នៅចំណុចបេនឡានអូរឫស្សី ផ្លូវលេខ១០៥ សង្កាត់បឹងព្រលិត ខណ្ឌ៧មករា និងបន្តឆែកឆេរលំនៅដ្ឋាន ផ្ទះលេខ៤៨២BIS ផ្លូវទន្លរមេគង្គ សង្កាត់/ខណ្ឌជ្រោយចង្វារ រាជធានីភ្នំពេញ។ សមត្ថកិច្ចបានឱ្យដឹងថា ប្រតិបត្តិការបង្ក្រាបករណីខាងលើ ដោយអនុវត្តតាមបញ្ជា ឯកឧត្តម នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ ឯកឧត្តម ឧត្ដមសេនីយ៍ឯក ឡឹក វណ្ណៈ នាយក មន្ទីរប្រឆាំងបទល្មើសគ្រឿងញៀន។ កម្លាំងជំនាញរបស់មន្ទីរប្រឆាំងបទល្មើសគ្រឿងញៀន (ក៥) ដឹកនាំដោយលោក ឧត្តមសេនីយ៍ទោ សាន សុទ្ធី នាយករងមន្ទីរ និងលោក វរសេនីយ៍ឯក ជាវ វណ្ណា នាយការិយាល័យ (ក៥) ព្រមទាំងដឹកនាំសម្របសម្រួលពី…

ភ្នំពេញ៖ កម្លាំងសមត្ថកិច្ច បានបន្ដនាំខ្លួនកូនស្រីបង្កើតរបស់ឧកញ៉ា ហេង សៀ ពាក់ព័ន្ធរួមគំនិតគ្នាជាមួយប្ដីជួលមនុស្សប្រុស-ស្រី ថតរូបភាពអាសអាសភាសដើម្បីបំភ័ន្តសាធារណជន និងបំផ្លាញកិត្តិយសកញ្ញាមានពេជ្ររីតា។ សមត្ថកិច្ចបានឲ្យដឹងថា កូនស្រីបង្កើតរបស់ឧកញ៉ា ហេង សៀ ដែលត្រូវឃាត់ខ្លួននៅយប់ថ្ងៃទី១៥ ខែឧសភា ឆ្នាំ២០២១ ឈ្មោះ តាំង គីមហៀង ពាក់ព័ន្ធរួមគំនិតជាគ្នាជាមួយប្ដី ដើម្បីបំផ្លាញកិត្តិយសកញ្ញាមានពេជ្ររីតា។ ការនាំខ្លួននេះធ្វើឡើងនៅទីតាំងក្រុមហ៊ុនកញ្ចក់ ហេង ស្រេង ហុង តាមបណ្ដោយផ្លូវមុនីរ៉េត សង្កាត់ស្ទឹងមានជ័យខណ្ឌមានជ័យ។ គួរបញ្ជាក់ថា កាលពីល្ងាចមិញថ្ងៃទី១៥ ខែឧសភា ឆ្នាំ២០២១នេះ កម្លាំងនគរបាលបានចាប់ខ្លួនកូនប្រសាររបស់លោកឧកញ៉ា ហេង សៀ ឈ្មោះ ឃន ឈុន ដារ៉ាដែលត្រូវជាប្ដីរបស់ឈ្មោះ តាំង គីមហៀង ៕

ភ្នំពេញ៖ កម្លាំងស្នងការនគរបាលរាជធានីភ្នំពេញ វាយខ្នោះកូនប្រសារឧកញ៉ា ហេង សៀ ដែលជួល មនុស្សប្រុស-ស្រី ថតរូបអាសអាភាស បន្លំភ្នែកមហាជន និងអ្នកប្រើប្រាស់បណ្ដាញសង្គមហ្វេសប៊ុក ដែលបានធ្វើ ឲ្យប៉ះពាល់ដល់កិត្ដិយសកញ្ញា មាន ពេជ្ររីតា ដែលជាពិធីការនីទូរទស្សន៍ My TV និងជាតារាម៉ូឌែល យ៉ាងធ្ងន់ធ្ងរ។ លោក ស ថេត អគ្គស្នងការរង និងជាស្នងការនគរបាលរាធានីភ្នំពេញ បានបញ្ជាក់ថា ការឃាត់ខ្លួន ឃន ឈុនដារ៉ា នេះ ធ្វើឡើងតាមដីកាតុលាការដោយ ជនសង្ស័យរូបនេះជា “អ្នកផ្ដួចផ្ដើមគំនិតដើម្បីថតរូបអាសអាភាស។ មានបក្ខពួក២នាក់ទៀត និង៣នាក់ (រួម)ទាំងគាត់” ។ “យើងទើបតែឃាត់ បានម្នាក់ទេ។ ហើយនឹងបន្ត (ស្វែងរក) តទៅទៀត”។ យោងតាម៣៩នៃក្រមព្រហ្មទណ្ឌ គឺមានទោស ពី១ខែ ទៅ១ឆ្នាំ និងពិន័យជាប្រាក់ពី ២០ម៉ឺនរៀល ទៅ២លានរៀល។ ជនសង្ស័យ ត្រូវបានបញ្ជូន មកសាកសួរនៅ ស្នង ការដ្ឋាន នគរបាល រាជធានីភ្នំពេញ…

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ផ្ញើសារលិខិតជូនពរ ជូនកងកម្លាំងនគរបាលជាតិ ក្នុងទិវារំឭកខួបអនុស្សាវរីយ៍លើកទី ៧៦ ថ្ងៃកំណើតនគរបាលជាតិ៕ ដោយ -រ៉ាវុធ

ភ្នំពេញ ៖ កម្លាំងប៉ុស្តិ៍នគរបាលរដ្ឋបាលភ្នំពេញថ្មី នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យម្នាក់ នៅវេលាម៉ោង ០៥ និង៣០នាទី ថ្ងៃទី១៥ ខែឧសភា ឆ្នាំ ២០២១ ត្រង់ចំណុច បន្ទប់មុខហាងនំបុ័ងបាយ័ន ផ្លូវ១០១៩ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ពាក់ព័ន្ធ ករណីប៉ុនប៉ងលួចទ្រព្យសម្បត្តិ និងកាន់កាប់អាវុធគ្មានច្បាប់អនុញ្ញាតិ (ដាវកែច្នៃ) ។ ជនសង្ស័យខាងលេីមាន ឈ្មោះ ចាប ម៉ាឡៃ ភេទប្រុស អាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ(គ្មានសារធាតុញៀន) ធ្វើសកម្មភាពប៉ុនប៉ងលួចទ្រព្យសម្បត្តិតាទីសាធារណៈ ។ សម្ភារៈបន្សល់ទុក ម៉ូតូរ០១គ្រឿង ម៉ាកសេសេ១២៥ ពណ៌ខ្មៅ ផលិតឆ្នាំ២០១៥ ពាក់ស្លាកលេខកំពុងស្ពឺ1F-4109 របស់ជនសង្ស័យ ។ បច្ចុប្បន្ននេះ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធីច្បាប់ ៕ ដោយ ៖ ភារ៉ា និងប៊ុនធី