ផលិតផលស៊ីហ្សា និងបារីអេទ្បិចត្រូនិចខុសច្បាប់ជិត៥០តោន ត្រូវគណៈកម្មាធិការប្រយុទ្ធប្រឆាំងផលិតផលក្លែងក្លាយ បង្ក្រាបបាន នៅតាមបណ្តារាជធានី-ខេត្ត។

ថ្ងៃអង្គារទី២៩ ខែធ្នូ ឆ្នាំ២០២០ លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញដឹកនាំមន្ត្រីចុះពិនិត្យទីតាំងដែលស្នើសូមសិទ្ធិកាន់កាប់ដីធ្លី ស្ថិតនៅឃុំជីក្រោម ស្រុកស្រែអំបិល។ លោក សុខ សុទ្ធី អភិបាលរងខេត្តកោះកុង ដោយមានការអនុញ្ញាត និងតាមការណែនាំដ៏ខ្ពង់ខ្ពស់របស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានដឹកនាំមន្ត្រីពាក់ព័ន្ធ រួមមាន លោកអភិបាលស្រុកស្រែអំបិល ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី អនុប្រធានមន្ទីរបរិស្ថាន នាយកទីចាត់ការអន្តរវិស័យ មន្ត្រីជំនាញភូមិបាល មេឃុំ និងអ្នកពាក់ព័ន្ធ ចុះពិនិត្យទីតាំងដីជាក់ស្តែង ដែលឈ្មោះ ហួត ដានួន និងឈ្មោះ កែវ វុត្ថា ស្នើសូមសិទ្ធិកាន់កាប់ដីមានទីតាំងស្ថិតនៅ ភូមិតាបែន ឃុំជីខក្រោម ស្រុកស្រែអំបិល ខេត្តកោះកុង។ តាមការចុះពិនិត្យទីតាំងដីជាក់ស្តែង ក្រុមការងារពិនិត្យឃើញថា ទីតាំងដីដែលស្នើសូមសិទ្ធិកាន់កាប់ដីនោះ ជាចំការកៅស៊ូពេលដាំដុះហើយទុកចោលមិនមានការថែទាំ ដោយសារមានការហាមឃាត់ ព្រោះទីតាំងដីនេះស្ថិតនៅក្នុងតំបន់ការពារដែលគ្រប់គ្រងដោយក្រសួងបរិស្ថាន។ បន្ទាប់ពីបានចុះពិនិត្យស្ថានភាពទីតាំងដីជាក់ស្តែងរួចមក លោក សុខ សុទ្ធី…

ភ្នំពេញ ៖ កម្លាំងនាយកដ្ឋាននគរបាលព្រហ្មទណ្ឌ បានចាប់ខ្លួនជនសង្ស័យម្នាក់ដែលបង្កើតគណនី Facebook ក្លែងក្លាយប្រើប្រាស់រូបភាពនារីស្អាតៗ ហើយឆាតលួងលោមបុរសៗ ដើម្បីបានវីដេអូ និងរូបភាពអាក្រាតកាយ រួចគំរាមបង្ហោះចែកចាយជាសាធារណៈបើជនរងគ្រោះមិនផ្ដល់លុយ តាមអ្វីដែលគេទាមទារនោះ ។ ការចាប់ខ្លួនជនសង្ស័យខាងលេីនេះ គឺនៅរសៀលថ្ងៃទី២៨ ខែធ្នូ ឆ្នាំ២០២០ ស្ថិតក្នុងភូមិទួលរកា១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។ ក្នុងប្រតិបត្តិការនេះដែរ បានធ្វើឡើងក្រោមការបញ្ជាផ្ទាល់នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, ឧត្តមសេនីយ៍ឯក អ៉ិន បូរ៉ា អគ្គស្នងការរងនគរបាលជាតិ និងមានការចង្អុលបង្ហាញពី លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ រួចលោកឧត្តមសេនីយ៍ទោ ជាវ វិបុល អនុប្រធាននាយកដ្ឋាននគរបាលព្រហ្មទណ្ឌ និងលោកវរសេនីយ៍ឯក ហែម បូណា នាយការិយាល័យនគរបាលព្រហ្មទណ្ឌកម្រិតធ្ងន់ បានចុះបង្ក្រាបផ្ទាល់តែម្ដង ។ ជនសង្ស័យមានឈ្មោះ ម៉ាក់ ហាក់ចិត្រា អាយុ២៣ឆ្នាំ មានស្រុកកំណើតនៅភូមិផ្សារថ្មី ឃុំ១៣មករា ក្រុងបាត់ដំបង ខេត្តបាត់ដំបង។ ការចាប់ខ្លួននេះ…

ភ្នំពេញ ៖ កាលពី វេលាម៉ោង ១០ ននិង៣០នាទី យប់ ថ្ងៃទី២៨ខែធ្នូ ឆឆ្នាំ២០២០ កម្លាំងចម្រុះ នៃគណៈបញ្ជាការ ឯកភាព ខណ្ឌ ទួលគោក បានឆ្មក់ ចុះបង្ក្រាបទីតាំងអ៉ិនធើណេត គ្មា ន យីហោ មួយ កន្លែងខាងក្រោយ វត្ត នាគវ័ន្ត តាមបណ្ដោយផ្លូវលេខ១៣២ ផ្ទះ គ្មាន លេខ សង្កាត់បឹងកក់២ ខណ្ឌ ទួលគោក ដោយឃាត់ខ្លួនមនុស្សប្រុសស្រីចំនួន១៨នាក់ និងដកហូតសម្ភារៈមួយចំនួន។ តាមប្រភព ព័ត៌មានពីមន្ត្រីសាលាខណ្ឌទួលគោក បានបង្ហេីបប្រាប់ ឲ្យដឹងថា ប្រតិបត្តិការ បង្ក្រាប នេះ គឺក្រោយពីទទួលបានបញ្ជាពីលោក ឯក ឃុនដឿន អភិបាលខណ្ឌទទួលគោក កម្លាំងគណៈបញ្ចាការឯកភាពខណ្ឌទួលគោកចុះ បង្ក្រាប ជាក់ស្ដែង ឃាត់ ខ្លួន បាន មនុស្ស ប្រុស ស្រី ញៀន ល្បែង កំពុង…

ភ្នំពេញ៖ Facebook ទណ្ឌិត សមរង្ស៊ី ប្រមាថយ៉ាងធ្ងន់ធ្ងរម្តងទៀត ចំពោះព្រះមហាក្សត្រកម្ពុជា ដោយមានខ្លឹមសារថា៖ «ឥឡូវនេះ ហ៊ុន សែន ស្ងាត់ជ្រាបក្នុងរឿងនេះ ហើយគាត់ត្រៀមសងលុយសប្បុរសជន ដែលចាញ់បោកគាត់មានទាំងស្តេចទីងមោងផងដែរ»។ លោក កើត រិទ្ធ រដ្ឋមន្រ្តីក្រសួងយុត្តិធម៌ បានចាត់ទុកថា «ខ្លឹមសារនៃសារដែលឈ្មោះសម រង្ស៉ី បាននិងកំពុងផ្សព្វផ្សាយជាសាធារណៈតាមរយៈបណ្តាញសង្គមនេះ គឺជាការប្រមាថចំពោះអង្គព្រះមហាក្សត្រ ដោយបានធ្វើឱ្យប៉ះពាល់យ៉ាងធ្ងន់ធ្ងរដល់សេចក្តីថ្លៃថ្នូរ និងព្រះកិត្តិនាមរបស់ ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុតរបស់ប្រជារាស្រ្តខ្មែរទូទាំងប្រទេស»។ សូមបញ្ជាក់ថា ទណ្ឌិត សម រង្ស៊ី ជនឧទ្ទាមក្រៅច្បាប់ តែងបង្កើតនូវសារបំពុលសង្គម ក្នុងចេតនាទុច្ចរិត ធ្វើឲ្យប្រជាពលរដ្ឋមានការយល់ច្រឡំ ពិសេសទណ្ឌិតរូបនេះ បានប្រើប្រាស់នូវភាសាអសីលធម៌ ម្ដងហើយម្ដងទៀតលើ facebook របស់ខ្លួន គ្មានសមជាមនុស្សដែលមានឧត្តមគតិ និងគុណធម៌ ស្ទើរក្លាយទៅជាបុគ្គលម្នាក់ជាជនអវិជ្ជា៕ ដោយ ៖ បញ្ញា

សម្ដេចតេជោហ៊ុន សែន នៅថ្ងៃ២៩ធ្នូឆ្នាំ២០២០ បានប្រកាសកំណត់យកថ្ងៃ១១មករាឆ្នាំ២០២១ ជាថ្ងៃបើកបវេសនកាលឆ្នាំ២០២១ ប៉ុន្តែត្រូវអនុវត្តតាមគន្លងថ្មី ដោយក្រសួងសុខាភិបាលជួយរៀបចំវិធានការសុខភាព។ ក្រោយការប្រកាសរបស់សម្ដេចតេជោ ក្រសួងអប់រំ យុវជន និងកីឡា បានចេញសេចក្ដីជូនដំណឹងមួយកំណត់យកថ្ងៃទី១១ខែមករាឆ្នាំ២០២១ ជាកាលបរិច្ឆេតនៃការបើកបវេសនកាលឆ្នាំសិក្សា២០២០-២០២១ សម្រាប់គ្រឹះស្ថានសិក្សាចំណេះទូទៅសាធារណៈ។ រឹះស្ថានសិក្សាសាធារណៈទាំងអស់ ត្រូវបន្តអនុវត្តគោលការណ៍ប្រតិបត្តិស្ដង់ដា (SOP) សម្រាប់ដំណើរការសាលារៀនឡើងវិញក្នុងបរិបទកូវីដ-១៩ និងរក្សាគម្លាតសុវត្ថិភាពសង្គម និងបុគ្គល។ ក្នុងករណីចាំបាច់ ត្រូវពាក់ម៉ាសការពារនៅក្នុងបរិវេណរបស់គ្រឹះស្ថានសិក្សា។ ក្រសសួងអប់រំក៏បានអំពាវនាវដល់មន្ទីរអប់រំ យុវជន និងកីឡា រាជធានី ខេត្ត គណៈគ្រប់គ្រងគ្រឹះស្ថានសិក្សា បុគ្គលិកអប់រំ មាតាបិតា អ្នកអាណាព្យាបាល និងសាធារណជន ចូលរួមសហការអនុវត្តប្រកបដោយស្មារតីទទួលខុសត្រូវខ្ពស់៕

ព្រឹកថ្ងៃអង្គារទី២៩ ខែធ្នូ ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សារបាយការណ៍លទ្ធផលចុះអង្កេតស្រាវជ្រាវករណីសារព័ត៌មានបានចុះផ្សាយថា មានទីតាំងហ្គេមបាញ់ត្រីចំនួន៥កន្លែង ស្ថិតនៅក្នុងខណ្ឌដូនពេញ រាជធានីភ្នំពេញ ខណៈអាជ្ញាធរមិនបានចុះបង្ក្រាប ដែលទីតាំងទាំង៥នោះស្ថិតនៅក្នុងសង្កាត់ផ្សារថ្មីទី១,ទី២,ទី៣និងក្បែរវិទ្យាល័យព្រះស៊ីសុវត្ថិ។ កិច្ចប្រជុំនេះប្រព្រឹត្តទៅនៅសាលប្រជុំរបស់អគ្គាធិការដ្ឋាន និងមានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕ ដោយ -រ៉ាវុធ

ភ្នំពេញ ៖ បុរសម្នាក់បានស្លាប់ពេលបញ្ជូនទៅដល់មន្ទីរពេទ្យខណៈជិះម៉ូតូលឿនមិនប្រយ័ត្នជ្រុលបុករថយន្តូដឹកទំនិញមួយគ្រឿងដែលបើកឆ្លងផ្លូវកាលពីវេលាម៉ោង១២និង៣០នាទីយប់ថ្ងៃទី ២៩ ខែធ្នូឆ្នាំ២០២០ នៅចំណុចមុខផ្សារសុវណ្ណា តាមបណ្តោយផ្លូវលេខ២៧១ ស្ថិតក្នុងសង្កាត់ទំនប់ទឹក ខណ្ឌបឹងកេងកង ។ តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តដឹកទំនិញមួយគ្រឿង ពាក់ស្លាកលេខតាកែវ3A 0720បើកតាមបណ្តោយផ្លូវលេខ១៩៩ក្នុងទិសដៅពីកេីតទៅលិចខណៈមកដល់ចំណុចកេីតហេតុក៏បានបើកឆ្លងផ្លូវលេខ២៧១បត់ឆ្វេងស្រាប់តែមានបុរសម្នាក់ជិះម៉ូតូអ៊ែរប្ល៊ែកពណ៌ក្រហម ពាក់ស្លាកលេខគ្នំពេញ1HY -7617 តាមបណ្តោយផ្លូវលេខ២៧១ក្នុងទិសដៅពីត្បូងទៅជេីងដោយមានល្បឿនយ៉ាងលឿនក៏ជ្រុលទៅបុកពីចំហៀងពេញទំហឹងបណ្តោលឲ្យអ្នកបើកម៉ូតូស្លាប់ពេលបញ្ជូនទៅដល់មន្ទីរពេទ្យ។ ក្រោយកេីតហេតុសមត្ថកិច្ចបានចុះទៅដល់ធ្វេីការវាស់វែងយករថយន្ត និងម៉ូតូទៅរក្សាទុករង់ចាំដោះស្រាយតាមច្បាប់ ។ ចំណែកសពជនរងគ្រោះត្រូវបានទំនាក់ទំនងទៅក្រុមគ្រួសារយកទៅធ្វេីបុណ្យតាមប្រពៃណី៕ ដោយ៖ ជីម ភារ៉ា

ភ្នំពេញ ៖ បុរសម្នាក់បើកម៉ូតូលឿនវ៉ាជែងមិនប្រយ័ត្ន ក៏ជ្រុលទៅបុកម៉ូតូ១គ្រឿងក្នុងទិសដៅបញ្ច្រាស់គ្នាដួលទៅនឹងថ្នល់ រួចត្រូវរថយន្តធុនធំចាប់ហ្វ្រាំងមិនទាន់ កិនបែកក្បាលស្លាប់យ៉ាងអាណោចអាធម៌ នាវេលាម៉ោង៧នឹង៤០នាទីយប់ ថ្ងៃទី២៨ ខែធ្នូ ឆ្នាំ២០២០ តាមបណ្តោយផ្លូវ៣០ម៉ែត្រ ក្បែរបុរីសន្តិភាព២ ស្ថិតក្នុងសង្កាត់ចោមចៅ២ ខណ្ឌពោធិ៍សែនជ័យ ។ តាមប្រភពព័ត៌មានពីប្រជាពលរដ្ធនៅកន្លែងកើតហេតុដែលបានឃើញហេតុការណ៍នេះបានឲ្យដឹងថា មានបុរសម្នាក់ជិះម៉ូតូFZមួយគ្រឿង ពណ៍ក្រហម ពាក់ស្លាកលេខ ភ្នំពេញ CW-5509 ជិះក្នុងល្បឿនយ៉ាងលឿនទិសដៅពីលិចទៅកើត លុះមកដល់កន្លែងកើតហេតុបានវ៉ាជែងទៅខាងឆ្វេងដៃមិនប្រយ័ត្ន ក៏បានជ្រុលទៅបុកបុរស២នាក់ដែលកំពុងជិះម៉ូតូម៉ាកហុកដាឌ្រីម សេ១២៥ សេរីឆ្នាំ២០១៥ ពាក់ស្លាកលេខ កំពង់ចាម 1N-3144 ក្នុងទិសដៅបញ្ច្រាសគ្នាបណ្តាលឲ្យដួលទៅនឹងថ្នល់តែម្តង ។ ប្រភពបន្តថា បន្ទាប់ពីដួលនោះស្រាប់តែមានរថយន្តធនធំមិនចាំម៉ាកមួយគ្រឿងបើកមកពីក្រោយ ដោយចាប់ហ្វ្រាំងមិនទាន់បានកិនបុរសដែលជិះម៉ូតូFZ ដែលបើកវ៉ាជែងទៅបុកទៅនោះ បែកក្បាលធ្លាយខួរស្លាប់ក្នុងធ្លុកឈាមយ៉ាងអាណោចអាធម៌ភ្លាមៗនៅនឹងកន្លែងកើតហេតុ រួចបន្តដំណើរទៅមុខបាត់ស្រមោល ចំណែកបុរស២នាក់ទៀតបានរងរបួសធ្ងន់ត្រូវបានដឹកយកទៅសង្គ្រោះនៅមន្ទីរពេទ្យ ។ ក្រោយកើតហេតុប្រជាពលរដ្ធបានរាយការណ៍ទៅសមត្ថកិច្ចមូលដ្ឋាន និងទំនាក់ទំនងទៅជំនាញចុះមកធ្វើការវាស់វែង យកម៉ូតូទាំង២គ្រឿងទៅរក្សាទុក ចំណែកសពជនរងគ្រោះធ្វើកំណត់ហេតុប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕ដោយ៖ ជីម ភារ៉ា