កែប៖អំបិលខេត្តកែបឆ្នាំនេះទទួលបានទិន្នផលខ្ពស់គួរឱ្យកត់សម្គាល់ ។គិតត្រឹមរយៈពេលជិតពីរខែដើមឆ្នាំនេះ អំបិលប្រមូលបាន ជិតបួន ពាន់តោន ដែលទិន្នផលនេះ កើនឡើងស្មើនឹង១០០ដង បើធៀបជា មួយរយៈពេលដូចគ្នាក្នុងឆ្នាំ២០២៣។ នេះបើយោងតាមអ្នក ផលិត អំបិលអះអាង ។ ឯកឧត្តម សោម ពិសិដ្ឋ អភិបាលខេត្តកែបក្នុងពេលអញ្ជើញពិនិត្យ ដំណើរការផលិតអំបិលនៅក្នុងខេត្តកែបរសៀលថ្ងៃទី២៦ ខែកុម្ភៈ ឆ្នាំ២០២៤ បានពេញចិត្តចំពោះលទ្ធផលដែលទទួលបាន។ឯកឧត្តមក៏បានលើកទឹកចិត្តដល់ម្ចាស់ស្រែអំបិលបន្តផលិតបន្ថែមទៀត ព្រោះនេះជាកេរដំណែលពីដូនតាបន្សល់ទុក។ផលិតផលអំបិលនេះដែរ រាជរដ្ឋាភិបាលចាត់ទុកជាទំនិញយុទ្ធសាស្រ្ត។ តាមតួលេខមន្ទីរឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ ខេត្តកែប បានឱ្យដឹងថា បច្ចុប្បន្នខេត្តកែប មានទីតាំងផលិត អំបិល ចំនួនប្រាំពីរទីតាំងលើផ្ទៃដីផលិតជាក់ស្តែងចំនួន ៣៣១ហិកតា នៃផ្ទៃដីសរុប៤៩៧ ហិកតា។ ក្នុងនោះឃ្លាំងស្តុកអំបិលមាន ចំនួន ៤៤ឃ្លាំង ដែលបានផ្ដល់ការងារចំនួន១៩៣នាក់៕ ដោយ៖ សិលា សារិន

(ខេត្តកោះកុង)៖ បន្ទាប់ពីគ្រំចំពុះទា ឬអ្នកស្រុកហៅថាខ្យងចំពុះទាត្រូវបានផ្សព្វផ្សាយយ៉ាងទូលំទូលាយមក នាពេលបច្ចុប្បន្នគ្រំមួយប្រភេទនេះកាន់តែទទួលការនិយមបរិភោគច្រើនឡើង ពីសំណាក់ពលរដ្ឋកម្ពុជាមិនថាក្នុងរាជធានីភ្នំពេញ ឬតាមបណ្តាខេត្តមួយចំនួនទៀតក្នុងប្រទេសកម្ពុជាឡើយ។ លោក វង្ស តារា អនុប្រធានតំបន់ការពារធម្មជាតិ ពាមក្រសោប ស្រុកមណ្ឌលសីមា ខេត្ត កោះកុង បានឱ្យដឹងថា”នាពេលនេះពលរដ្ឋកម្ពុជាបានចាប់អារម្មណ៍ និងចូលចិត្តបរិភោគគ្រំចំពុះទា កើនឡើង។ យើងឃើញថា ការគាំទ្ររបស់អតិថិជន ក្នុងស្រុកបានកើនឡើងប្រមាណ ២៥ភាគរយដែលកាលពីមុនការលក់ក្នុងស្រុកបានតែប្រមាណ១០ ទៅ ១៥ភាគរយប៉ុណ្ណោះ។ ការលក់គ្រំចំពុះទា ក្នុងស្រុកច្រើនតែតាមផ្សារទំនើបតូចធំ ភោជនីយដ្ឋាន ។ ពេលនេះគ្រំចំពុះទាដែលកែច្នៃរួចហើយលក់ចេញក្នុងមួយខែបានជិត ២តោន និង ក្នុងនេះបើគិតជាឆ្នាំនេះវិញគឺបានប្រមាណជិត ២០តោន”។ ទោះបីយ៉ាងណា លោកបានត្អូញត្អែរដែរថា ការនាំចេញទៅកាន់ប្រទេសថៃ និង វៀតណាម ក្នុងឆ្នាំនេះ មានការថយចុះខ្លាំង។ ធ្វើឱ្យគ្រំចំពុះទាមានការកកស្ទះ ហើយទីផ្សារក្នុងស្រុកក៏ស្រូបទាញយកមិនអស់ធ្វើឱ្យប្រជាសហគមន៍ក្នុងឆ្នាំនេះជួបបញ្ហាលំបាកច្រើន ។លោកបានបញ្ជាក់ប្រាប់ថា”សម្រាប់ទីផ្សារប្រទេសថៃឆ្នាំនេះអត់ឃើញគេចុះមកទិញទេ ហើយបើប្រទេសវៀតណាមវិញគឺគេបានទៅទិញនៅសហគមន៍ជ្រោយប្រស់។សហគមន៍ការពារធម្មជាតិពាមក្រសោប ឆ្នាំនេះអត់ឃើញគេចុះមកទិញទេ”។ លោក វង្ស តារា អនុប្រធានតំបន់ការពារធម្មជាតិ ពាមក្រសោបបានលើកឡើងឱ្យដឹងផងថា៖ សម្រាប់គ្រំចំពុះទា ស្រស់ទាំងសំបក អាចលក់បានក្នុងតម្លៃជាង ១០០០រៀល ទៅ២០០០រៀលក្នុងមួយគីឡូក្រាម។ ចំណែកសាច់គ្រំសុទ្ធដែលបកសំបករួចហើយ…

(ភ្នំពេញ) ៖ ក្រុមហ៊ុនវៀតធេលកម្ពុជា ក្រោមស្លាកយីហោ មិត្តហ្វូន បានប្រារព្ធពិធីអបអរសាទរខួបលើកទី១៥ឆ្នាំរបស់ខ្លួន(២០០៩-២០២៤) នៃការបើកសម្ពោធបណ្តាញសេវាមិត្តហ្វូន ក្រោមគំនិត “The Met’s Sonata” កាលពីថ្ងៃទី ១៩ ខែកុម្ភៈ ឆ្នាំ២០២៤ ក្រោមអធិបតីភាព ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងដោយមានការអញ្ជើញចូលរួមពី រដ្ឋមន្រ្តី ឥស្សរជនជាន់ខ្ពស់នៃកម្ពុជា ឯកអគ្គរដ្ឋទូតវៀតណាមប្រចាំកម្ពុជា លោក Nguyen Huy Tang ប្រធាន និងនាយកប្រតិបត្តិក្រុមហ៊ុន Viettel Group លោក Tao Duc Thang និងឥស្សរជនជាច្រើនរូបផ្សេងទៀត។ លោក កៅ ម៉ាញ ដឹក (Cao Manh Duc) នាយកប្រតិបត្តិក្រុមហ៊ុន បានបញ្ជាក់អោយដឹងថា៖ មិត្តហ្វូនត្រូវបានបើកដំណើរការជាផ្លូវការនៅព្រះរាជាណាចក្រកម្ពុជា ថ្ងៃទី ១៩ ខែកុម្ភៈ ឆ្នាំ២០០៩ អស់រយៈពេល ១៥ឆ្នាំចាប់តាំងពីការចាប់ផ្តើមរបស់ខ្លួន…

(ភ្នំពេញ)៖ លោកជំទាវ ឌិត នីតា ត្រូវបានសមាជិកបោះឆ្នោតជ្រើសរើសជាប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា (CMA) សម្រាប់អាណត្តិថ្មី ឆ្នាំ២០២៤-២០២៥ ខណៈដែល លោក សុខ វឿន ក៏ត្រូវបានបោះឆ្នោតជ្រើសតាំងជាអនុប្រធានក្រុមប្រឹក្សាភិបាលសមាគម។ នេះបើយោងតាមសេចក្តីប្រកាសព័ត៌មានរបស់សមាគមមីក្រូហិរញ្ញវត្ថុកម្ពុជា ចេញផ្សាយនៅថ្ងៃទី១៦ ខែកុម្ភៈ ឆ្នាំ២០២៤នេះ។ ការបោះឆ្នោតជ្រើសរើសអ្នកដឹកនាំក្នុងអាណត្តិថ្មីឆ្នាំ២០២៥-២០២៥នេះ ត្រូវបានធ្វើឡើងក្នុងមហាសន្និបាតប្រចាំឆ្នាំ២០២៤ នៃសមាគមមីក្រូហិរញ្ញវរត្ថុកម្ពុជា នៅសណ្ឋាគារ ហ្កាឌិន ស៊ីធី នាថ្ងៃទី១៦ ខែកុម្ភៈ ឆ្នាំ២០២៤ ដោយមានការចូលរួមពីសមាជិក-សមាជិកាមកពីជាង ១០០ គ្រឹះស្ថាន។ សម្រាប់អាណត្តិឆ្នាំ២០២៤-២០២៥ តំណាងគ្រឹះស្ថានដែលជាសមាជិកសមាគម បានបោះឆ្នោតជ្រើសប្រធាន, អនុប្រធាន និងសមាជិកក្រុមប្រឹក្សាភិបាលសរុបចំនួន ១៣រូប រួមមាន៖១.លោកជំទាវ ឌិត នីតា ប្រធានក្រុមប្រឹក្សាភិបាល មកពីគ្រឹះស្ថាន ខេមា មីក្រូហិរញ្ញវត្ថុ លីមីធីត២.លោក សុខ វឿន អនុប្រធានក្រុមប្រឹក្សាភិបាល មកពីគ្រឹះស្ថាន អិលអូអិលស៊ី (ខេមបូឌា)ភីអិលស៊ី៣.ឧកញ៉ា ឈុន សុភ័ក្រ្ត ជាសមាជិក មកពីគ្រឹះស្ថានមីក្រូហិរញ្ញវត្ថុ មហានគរ ម.កលោក…

(ភ្នំពេញ)៖ ដើម្បីចូលរួមចំណែកជាមួយរាជរដ្ឋាភិបាល និងអាណាព្យាបាលទាំងអស់ ក្រុមហ៊ុន អង្គរ ឌែរី ប្រូដាក ខូអិលធីឌី ដែលជារោងចក្រផលិតផលិតផលទឹកដោះគោដ៏ធំតែមួយគត់ នៅ កម្ពុជា ដែលមានទីតាំងរោងចក្រស្ថិតនៅតំបន់សេដ្ឋកិច្ចពិសេស រ៉ូយ៉ាល់គ្រុបភ្នំពេញ តាមបណ្តោយផ្លូវជាតិលេខ៤ ខណ្ឌកំបូល រាជធានីភ្នំពេញ បានយកចិត្តទុកដាក់យ៉ាងខ្លាំង ចំពោះប្អូនៗកុមារ អំពីបញ្ហាអាហាររូបត្ថម្ភ។ លោក កុយ សុវណ្ណ តំណាងនាយកដ្ឋានផ្នែកលក់ និងទីផ្សារ របស់ក្រុមហ៊ុន អង្គរ ឌែរី ប្រូដាក ខូអិលធីឌី បានបញ្ជាក់នៅក្នុងសន្និសិទសារព័ត៌មានថា៖ ក្រុមហ៊ុន អង្គរ ឌែរី ប្រូដាក ខូអិលធីឌី បាននឹងបន្តបន្ថែមទុនវិនិយោគឥតឈប់ឈរ ដែលមកដល់ពេលនេះ ទុនវិនិយោគរបស់ ក្រុមហ៊ុនបានកើនដល់ ៤១លានដុល្លារសហរដ្ឋអាមេរិក ហើយផ្ទៃដីផលិតរបស់រោងចក្រ កើនឡើងដល់ ៦ហិចតា ដោយផលិតទឹកដោះគោ ដែលមានម៉ាកយីហោ “អង្គរមីល” ហើយបាន និងកំពុងផ្តល់ការងារជូនកម្មករនិយោជិតចំនួន ៦១៣ នាក់ និងបានចូលរួមចំណែក បង់ពន្ធចូលថវិកាជាតិ ចន្លោះពី ៨-១១លានដុល្លារសហរដ្ឋអាមេរិក ក្នុងមួយឆ្នាំៗ។…