-
ក្រុមការងារបច្ចេកទេសបន្តចុះពិនិត្យការដ្ឋានគម្រោងសាងសង់ស្ពានមិត្តភាពកម្ពុជា-កូរ៉េ ខណៈកំពុងស្ថិតក្នុងដំណាក់កាលសិក្សាលម្អិត
ភ្នំពេញ៖ ក្រសួងសាធារណការ និងដឹកជញ្ជូនបានប្រាប់ឱ្យដឹងនៅថ្ងៃទី២៥ ខែកុម្ភៈ ឆ្នាំ២០២៥នេះថា ឯកឧត្តម ស៊ឹង សុគង់ អនុរដ្ឋលេខាធិការក្រសួងសាធារណការ និងដឹកជញ្ជូន បានដឹកនាំក្រុមការងារបច្ចេកទេសអង្គភាពគ្រប់គ្រងគម្រោង រួមជាមួយក្រុមការងារបច្ចេកទេសអគ្គិសនីកម្ពុជា និងក្រុមហ៊ុនទីប្រឹក្សាបច្ចេកទេស Yooshin JV ចុះពិនិត្យការដ្ឋានរួមគ្នា ដើម្បីពិនិត្យ និងចង្អុលបង្ហាញបណ្តាញបញ្ជូនថាមពលអគ្គិសនីក្រោមដី ដែលមានបច្ចុប្បន្ន ហើយរងប៉ះពាល់ដោយសារគម្រោងសាងសង់ស្ពានមិត្តភាពកម្ពុជា-កូរ៉េ។ ក្នុងឱកាសនេះក្រុមការងារបច្ចេកទេសអគ្គិសនីកម្ពុជាបានបង្ហាញគំនូសប្លង់ទីតាំងបណ្ដាញបញ្ជូនថាមពលអគ្គិសនី ដែលមានស្រាប់ក្នុង និងជុំវិញបរិវេណគម្រោង ជូនក្រសួងសាធារណការ និងដឹកជញ្ជូន និងក្រុមហ៊ុនទីប្រឹក្សាបច្ចេកទេស Yooshin JV ដើម្បីមានមូលដ្ឋានក្នុងការរៀបចំគម្រោង។តាមការពិនិត្យស្ថានភាពជាក់ស្តែង ទីតាំងកប់បណ្ដាញបញ្ជូនថាមពលតំបន់នេះ មានបណ្តាញតង់ស្យុងមធ្យម(MV)នៅកប់ក្រោមដី។ ដោយឡែកនៅត្រើយខាងកើត អាចនឹងមានការប៉ះពាល់ទៅបណ្តាញខ្សែក្រោមដី ឬបង្គោលបណ្តាញអគ្គិសនីរបស់សេវាករ ដែលធ្វើសេវាកម្មផ្គត់ផ្គង់អគ្គិសនី ស្ថិតក្រោមការរគ្រប់គ្រង និងផ្តល់អាជ្ញាបណ្ណដោយអាជ្ញាធរអគ្គិសនីកម្ពុជា។ ប្រភពដដែលបន្តថា ដើម្បីឱ្យការសិក្សាមានលក្ខណៈគ្រប់ជ្រុងជ្រោយ និងទាន់តាមផែនការគ្រោងទុក ក្រសួងសាធារណការ បានស្នើឱ្យក្រុមហ៊ុនទីប្រឹក្សាបច្ចេកទេសបន្តសហការជាមួយអគ្គិសនីកម្ពុជា អាជ្ញាធរអគ្គិសនីកម្ពុជា និងសេវាករ ដែលធ្វើសេវាកម្មផ្គត់ផ្គង់អគ្គិសនីសិក្សាលម្អិតបន្ថែមទៀតផ្នែកវិស្វកម្មគំនូសប្លង់បច្ចេកទេសពាក់ព័ន្ធបណ្តាញដែលប៉ះពាល់សសរគ្រឹះស្ពាន ដើម្បីធានាថា ពេលអនុវត្តគម្រោងមិនខូចខាត ឬដាច់ខ្សែបណ្តាញចរន្តអគ្គិសនីជាយថាហេតុ។ សូមបញ្ជាក់ គម្រោងសាងសង់ស្ពានមិត្តភាពកម្ពុជា-កូរ៉េ បច្ចុប្បន្នកំពុងស្ថិតក្នុងដំណាក់កាលសិក្សាលម្អិត ជាគម្រោងទទួលបានហិរញ្ញប្បទានរបស់ធនាគារអាហរ័ណ-នីហរ័ណ នៃសាធារណរដ្ឋកូរ៉េ មានទីតាំងស្ថិតនៅផ្សាររាត្រី-ជ្រោយចង្វារ-អរិយក្សត្រ (ភ្នំពេញ-ក្រុងអរិយក្សត្រ…
-
គណៈកម្មការអន្តរក្រសួងចុះពិនិត្យទីតាំងសម្រាប់គម្រោងព្រែកជីកហ្វូណនតេជោកំណាត់ទី២ក្នុងភូមិសាស្ត្រខេត្តកំពត
កំពត៖គណៈកម្មការអន្តរក្រសួងបានចុះពិនិត្យទីតាំងសម្រាប់គម្រោងព្រែកជីកហ្វូណនតេជោកំណាត់ទី២ ក្នុងភូមិសាស្ត្រខេត្តកំពត ឯកឧត្តម ម៉ៅ ធនិន អភិបាលខេត្តកំពត លោក អូន ខន អភិបាលស្រុកកំពង់ត្រាច រួមជាមួយមន្រ្តីនៃមន្ទីរ អង្គភាពពាក់ព័ន្ធ បានចូលរួមនិងពិភាក្សាលើការងារមួយចំនួន ដើម្បីបម្រើឱ្យការជីកព្រែកហ្វូណនតេជោប្រព្រឹត្តទៅដោយជោគជ័យ។ នៅក្នុងដំណើរចុះពិនិត្យ ឯកឧត្តម ម៉ៅ ធនិន អភិបាលខេត្តកំពត បានស្នើដល់ក្រុមការងារគណៈកម្មការអន្តរក្រសួង និងក្រុមហ៊ុនជីកព្រែកជីកហ្វូណនតេជោ ពិនិត្យឱ្យបានល្អិតល្អន់ចំពោះតម្រាយផ្លូវនៃព្រែកជីក និងសិក្សាពីផលប៉ះពាល់ផ្សេងៗឱ្យបានច្បាស់លាស់ក្នុងភូមិសាស្ត្រខេត្ត ដើម្បីឱ្យការជីកព្រែកដំណើរការដោយរលូន។ចំណែកអាជ្ញាធរខេត្ត ស្រុក រួមនឹងមន្ទីរជំនាញពាក់ព័ន្ធរង់ចាំសម្របសម្រួលការងារជានិច្ច។ សូមបញ្ជាក់ថា គម្រោងព្រែកជីកហ្វូណនតេជោមានប្រវែង ១៨០គីឡូ ម៉ែត្រ ចាប់ពីព្រែកតាកែវ នៃទន្លេមេគង្គ ឆ្លងកាត់តាមព្រែកតាឯក នៃទន្លេបាសាក់ ចូលតាមព្រែកតាហ៊ីងនៃទន្លេបាសាក់ ស្រុកកោះធំ និងបន្តរហូតដល់សមុទ្រ ខេត្តកែប ដោយឆ្លងកាត់ខេត្ត ៤ រួមមាន៖ ខេត្តកណ្តាល តាកែវ កំពត និងខេត្តកែប ដែលមានប្រជាជនសរុបប្រមាណ ១,៦លាននាក់ រស់នៅអមសងខាងផ្លូវទឹកនេះ។ ផ្លូវទឹកនេះមានទទឹងមុខកាត់ផ្នែកខាងលើ ប្រវែង ១០០ម៉ែត្រ និងមុខកាត់ផ្នែកខាងក្រោម ប្រមាណ៨០ម៉ែត្រ និងជម្រៅទឹកប្រមាណ ៥,៤ម៉ែត្រ…
-
ឯកឧត្តមរដ្ឋមន្រ្តី ហែម វណ្ណឌី ៖ ឆ្នាំ២០២៤ សេដ្ឋកិច្ចកម្ពុជា សម្រេចបានអត្រាកំណើនក្នុងរង្វង់ ៦% ហើយត្រូវបានព្យាករថានឹងមានកំណើន ៦,៣% នៅឆ្នាំ២០២៥
(ភ្នំពេញ)៖ បើទោះបីសេដ្ឋកិច្ចសកលនៅបន្តមានបញ្ហាប្រឈមខ្ពស់យ៉ាងណាក្តី សេដ្ឋកិច្ចកម្ពុជានៅតែអាចរក្សាបាននូវស្ថិរភាពម៉ាក្រូសេដ្ឋកិច្ច ទាក់ទាញការវិនិយោគ និងបង្កើតរោងចក្រ-សហគ្រាសជាបន្តបន្ទាប់ ដែលបានគាំទ្រកំណើនដែលជំរុញដោយការនាំចេញរបស់កម្ពុជា។ ក្នុងឆ្នាំ២០២៤ សេដ្ឋកិច្ចកម្ពុជាសម្រេចបានអត្រាកំណើនក្នុងរង្វង់ ៦% និងត្រូវបានព្យាករថា នឹងមានកំណើន ៦,៣% នៅឆ្នាំ២០២៥ ដោយក្នុងនោះវិស័យឧស្សាកម្មបានរួមចំណែកប្រមាណ ៨,៥% នៅឆ្នាំ២០២៤ និងព្យាករថាមានកំណើនប្រមាណ ៨,៦% នៅក្នុងឆ្នាំ២០២៥។ នេះបើតាមការលើកឡើងរបស់ ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងពិធីបើក “សន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥” នៅថ្ងៃទី២៥-២៦ ខែកុម្ភៈ ឆ្នាំ២០២៥ ដោយមានការចូលរួមពីថ្នាក់ដឹកនាំ និងតំណាងមកពីក្រសួង-ស្ថាប័ន វិស័យឯកជន និងដៃគូអភិវឌ្ឍន៍ប្រមាណ ៦០០នាក់ ដោយផ្តោតលើការពិនិត្យវាយតម្លៃសមិទ្ធផល បញ្ហាប្រឈម និងកំណត់អាទិភាពសម្រាប់ឆ្នាំខាងមុខ ។ ឯកឧត្តមរដ្ឋមន្រ្តី ហែម វណ្ណឌី បន្តថា ៖ “សន្និបាតរយៈពេល ២ថ្ងៃនេះផ្តល់ជាវេទិកាដ៏មានសារៈសំខាន់មួយសម្រាប់ថ្នាក់ដឹកនាំ និងមន្ត្រីរាជការរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងតំណាងក្រសួង-ស្ថាប័នពាក់ព័ន្ធ វិស័យឯកជន…
-
NEA បន្តរៀបចំវេទិកា ការងារដោយនាំយកឱកាសការងារថ្មីបន្ថែមទៀតចំនួនជាង ១៥០០កន្លែង សម្រាប់យុវជន
(ភ្នំពេញ)៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជាវិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ នឹងរៀបចំវេទិកាការងារ និងឱកាសកម្មសិក្សាការងារ នៅថ្ងៃព្រហស្បតិ៍ ទី២៧ ខែកុម្ភៈ ឆ្នាំ២០២៥ ខាងមុខនេះ ដោយនាំយកក្រុមហ៊ុនធំៗចំនួន១០ ដើម្បីផ្តល់ឱកាសការងារថ្មីបន្ថែមទៀតចំនួន១៥៣៦ កន្លែង សម្រាប់យុវជន សិស្ស/និស្សិត និងអ្នកកំពុងស្វែងរកការងារធ្វើ ។ ក្រុមហ៊ុនធំៗទាំង១០ ដែលនឹងចូលរួមក្នុងវេទិកាការងារនេះមានដូចជា៖ គ្រឹះស្ថានមីក្រូហិរញ្ញវត្ថុ ជេកស៍ (ខេមបូឌា) ម.ក, ក្រុមហ៊ុន ត្រាំ ហ្វីតនេស ឯ.ក , ក្រុមហ៊ុនហ្គោលហ្វាយនេនសល់គ្លូប៊លអ៊ិនវេសម៉ិន, ក្រុមហ៊ុន ក្រៀលកម្ពុជា, ក្រុមហ៊ុន Mengly J Quach Education Plc, ក្រុមហ៊ុន ហ៊ួស៊ីន អ៊ិនធើណេសិនណល ស្គូល(ខេមបូឌា), ក្រុមហ៊ុន ICE Electronics ,គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី,…
-
ឆ្នាំ២០២៤ការផលិតអំបិលទៅខេត្តកែបកើនឡើងជាងបីម៉ឺនតោន
កែប៖ខេត្តកែបកាលពីឆ្នាំ២០២៤កន្លងទៅប្រមូលផលអំបិលបានចំនួន ៤០ ៤០៨តោន លើផ្ទៃដីជាង៣០០ហិកតា។ចំនួននេះបានកើនឡើង ៣៧ ៣៨២តោន ស្មើនឹង ១.២៣៥ភាគរយបើធៀបនឹងឆ្នាំ២០២៣ ដែលផលិតបានត្រឹមចំនួន ៣ ០២៦តោនប៉ុណ្ណោះ។ ក្នុងពិធីបិទសន្និបាតប្រជុំបូកសរុបលទ្ធផលការងារឆ្នាំ២០២៤ និងលើកទិសដៅអនុវត្តការងារឆ្នាំ២០២៥ របស់មន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ខេត្តកែបកាលពីថ្ងៃទី២៤ ខែកុម្ភៈ ឆ្នាំ២០២៥ឯកឧត្តមបណ្ឌិត សោម ពិសិដ្ឋ អភិបាលខេត្តកែបបានលើកឡើងថា សកម្មភាពសេដ្ឋកិច្ចរបស់ប្រជាពលរដ្ឋក្នុងខេត្តបានដំណើរការយ៉ាងមមាញឹក តាមរយៈការបង្កើត និងបន្តដំណើរការសហគ្រាស សិប្បកម្ម និងសេវាកម្មនានា ។ជាក់ស្តែងទូទាំងខេត្តមានមូលដ្ឋានផលិតកម្ម, រោងចក្រ, សហគ្រាស និងសិប្បកម្មចំនួន ១៩៩ទីតាំង និងបង្កើតការងារជិត៧០០នាក់ ។បណ្ដាសកម្មភាពសេដ្ឋកិច្ចទាំងនេះប្រើប្រាស់ទុនវិនិយោគប្រមាណជាង ២,៩លានដុល្លារ ជាពិសេសគឺសិប្បកម្មផលិតអំបិល កំពុងធ្វើសកម្មភាពផលិតយ៉ាងផុលផុស សម្រាប់ផ្គត់ផ្គង់លើទីផ្សារទូទាំងប្រទេស។ លោក ភោគ សុខេន ប្រធានមន្ទីរឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានឱ្យដឹងថា ខេត្តកែបមានផ្ទៃដីស្រែអំបិលសរុប ៤៩៧.៨៧ ហិកតា ផ្ទៃដីស្រែផលិតជាក់ស្តែងមានចំនួន ៣៥១.៥ហិកតា ខណៈដីស្រែអំបិលផ្សេង ទៀតទុកចោលមិនផលិត ។…
-
ផ្កាបំពង់ក្រឡោមសម្បូរដុះច្រើនតំបន់ នៅលើភ្នំខ្នងព្រះ ខេត្តពោធិ៍សាត់
(ខេត្តពោធិ៍សាត់)៖ ផ្កាបំពង់ក្រឡោម អ្នកខ្លះហៅថា បំពង់ ស្រមោច ឬខ្លះទៀតហៅថា ផ្កាបំពង់លុក ឬ «ផ្កាក្រឡូមពារ» គឺជាពួករុក្ខជាតិស៊ីសាច់ដែលគេបានដឹងតិចតួចណាស់នៅកម្ពុជា។ ផ្កានេះភាគច្រើនគេឃើញដុះ នៅតាម ទីតំបន់ភ្នំ ខ្ពស់ៗ ហើយមានរូបរាងគួរជាទីចាប់អារម្មណ៍ ដោយសារតែវាមាន រូបរាងស្រដៀងទៅនឹងអវយវៈភេទបុរស។ កន្លងមកផ្កាបំពង់ក្រឡោម គេបានចាប់អារម្មណ៍វា ដោយឃើ ញដុះតែតំបន់មួយចំនួនប៉ុណ្ណោះដូចជានៅតំបន់ភ្នំពពកវិល វាលស្រែ៥០០ វាលស្រែ១០០ នៃឧទ្យាន ជាតិ ព្រះមុនីវង្ស «បូកគោ» ឬតំបន់ភ្នំខ្នងក្រពើ ខ្នងវិហារ ខ្នងផ្សារជាដើម។សម្រាប់នៅលើខ្នងភ្នំព្រះ ខេត្តពោធិ៍សាត់ ក៏គេឃើញមានដុះយ៉ាងច្រើន និងបញ្ចេញសម្រស់យ៉ាងស្រស់ស្អាតលាយឡំជាមួយប្រភេទរុក្ខជាតិផ្កាព្រៃជាច្រើនទៀតសម្រាប់ទទួលភ្ញៀវទេសចរផងដែរ។ លោក សាវ ធីម ប្រធានក្រុមអ្នកនាំផ្លូវ សហគមន៍ភ្នំព្រះដែលស្ថិតនៅឃុំថ្មដា ស្រុក វាលវែង ខេត្តពោធិ៍សាត់បានប្រាប់ថា ផ្កាបំពង់ក្រឡោម នេះមានដុះយ៉ាងច្រើននៅលើខ្នងភ្នំព្រះ ហើយឱ្យតែមានទីវាលចាប់ពីលើភ្នំកំពស់៣០០ម៉ែត្រទៅគឺមានដុះហើយ ។ ផ្កាប្រភេទនេះដុះរីកស្គុះស្គាយល្អបំផុតគឺចាប់ពីខែ១០ ដល់ខែ១២ ហើយនៅតំបន់នេះឃើញមានដុះ២ប្រភេទ គឺផ្កាពណ៌ក្រហម និងបៃតង។ផ្កាបំពង់ក្រឡោមនៅទីនេះខ្លះរីកធំៗរហូតដល់ទំហំប៉ុនក៏ដៃក៏មានដែរ ដោយសារតែតំបន់នេះមានអាកាសធាតុត្រជាក់ និងដីមានជីជាតិល្អ។ ប្រធានក្រុមអ្នកនាំផ្លូវរូបនេះបានបញ្ជាក់ប្រាប់បន្ថែមថា”ផ្កានេះធ្វើឱ្យអ្នកទេសចរចាប់អារម្មណ៍ខ្លាំងណាស់។ពិសេសអ្នកទេសចរស្រីៗតែងចំអែចំអន់គ្នា ហើយតែងថតរូបទុកជាអនុស្សាវរីយ៍មិនដែលភ្លេចសោះឡើយ”។ លោក…
-
រដ្ឋមន្រ្តីក្រសួងបរិស្ថាន៖ ការចិញ្ចឹមឃ្មុំ និងការយកទឹកឃ្មុំ តាមធម្មជាតិ ជាជម្រើសមុខរបរជួយដល់ការលើកកម្ពស់ជីវភាពប្រជាសហគមន៍មូលដ្ឋាន
(ភ្នំពេញ)៖ ក្នុងឱកាសទទួលជួប លោក គ្រុយ សារិត នារសៀល ថ្ងៃចន្ទទី២៤ ខែកុម្ភៈ ឆ្នាំ២០២៥ នាទីស្តីការក្រសួងបរិស្ថាន ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា «ការងារអភិរក្ស និងការចិញ្ចឹមឃ្មុំព្រៃ ដើម្បីយកទឹកឃ្មុំតាមធម្មជាតិ ផ្ដល់ជម្រើសមុខរបរបន្ថែម និងការលើកកម្ពស់ជីវភាពរបស់ប្រជាពលរដ្ឋ នៅតាមសហគមន៍មូលដ្ឋាន» ។ ឯកឧត្តមបណ្ឌិត អ៊ាង សុផល្លែត បានគាំទ្រគំនិតផ្តួចផ្តើមឱ្យមានគម្រោងអភិរក្សឃ្មុំព្រៃ នៅក្នុងភូមិសាស្រ្តឃុំអូរសោម ខេត្តពោធិ៍សាត់ ដែលនឹងរួមចំណែកបំពេញបន្ថែម លើកិច្ចខិតខំប្រឹងប្រែងរបស់ក្រសួងបរិស្ថាន ដោយផ្តល់កាលានុវត្តភាពថ្មី បន្ថែមដល់សហគមន៍មូលដ្ឋាន ជាពិសេសការផ្ដល់ជម្រើសមុខរបរថ្មី បង្កើតឱកាសការងារ និងប្រាក់ចំណូលបន្ថែម ដើម្បីលើកកម្ពស់ជីវភាព ប្រជាពលរដ្ឋ នៅតាមសហគមន៍មូលដ្ឋាន កាន់តែប្រសើរ។ ឯកឧត្តមរដ្ឋមន្រ្តីបានថ្លែងបន្ថែមថា លើសពីនេះ គម្រោងចូលរួមការពារ និងអភិរក្សធនធានធម្មជាតិ ដោយបានផ្ដល់ជម្រើសសេដ្ឋកិច្ច ដែលមិនប៉ះពាល់ ដល់បរិស្ថាន រួមទាំងការអភិវឌ្ឍគោលដៅលំហែបៃតង ដែលក្រសួងបរិស្ថាន បានដាក់ចេញ ដោយបង្រៀនសហគមន៍ឱ្យចេះផ្តល់សេវាកម្ម និងបង្កើតផលិតផល ទេសចរណ៍ ដែលផ្អែកលើធម្មជាតិ និងការពារ ទប់ស្កាត់ការបាត់បង់ព្រៃឈើ…
-
ម៉ាឡេស៊ីមានបំណងចង់ទិញអង្ករ និងត្រីរ៉ស់កម្ពុជា ទៅបំពេញតម្រូវការ របស់ប្រទេសខ្លួន ដែលមានការខ្វះខាត
(ភ្នំពេញ)៖ ភាគី ម៉ាឡេស៊ី មានបំណងចង់ទិញអង្ករ និងត្រីរ៉ស់កម្ពុជា ទៅបំពេញតម្រូវការរបស់ប្រទេសខ្លួន ដែលមានការខ្វះខាត។ ជាមួយគ្នានេះ ប្រទេសម៉ាឡេស៊ី បានបង្ហាញចំណាប់អារម្មណ៍លើការវិនិយោគផលិតទឹកដោះគោស្រស់ ក្នុងប្រទេសកម្ពុជាផងដែរ ។ នេះបើយោងតាមកិច្ចពិភាក្សា រវាង ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និង ឯកឧត្តមរដ្ឋមន្រ្តីកសិកម្មនៃប្រទេសម៉ាឡេស៊ី Seri Haji Mohamad bin Sabu កាលពីថ្ងៃទី២៤ ខែកុម្ភៈ ឆ្នាំ២០២៥ នាទីស្តីការក្រសួងកសិកកម្ម ។ ឯកឧត្តមរដ្ឋមន្ត្រី ឌិត ទីណា បញ្ជាក់ថា ប្រទេសទាំងពីរមានចំនុចបំពេញឱ្យគ្នាច្រើនទៅវិញទៅមក ដោយប្រទេសកម្ពុជា មានសក្ដានុពលលើការដាំដុះស្រូវនិងផលិតកម្មអង្ករមានគុណភាព ព្រមទាំងសំបូរត្រី ស្របពេលដែលប្រទេសម៉ាឡេស៊ី មានតម្រូវការ។ ដូចនេះប្រទេសទាំងពីរនឹងសហការគ្នា ដោយកម្ពុជាស្នើឱ្យភាគីម៉ាឡេស៊ីបន្ធូរបន្ថយរបាំងបច្ចេកទេស ដូចជា របាំងអនាម័យ ភូតគាមអនាម័យ ដើម្បីសម្រួលដល់ការនាំចេញកសិផលកម្ពុជាទៅប្រទេលម៉ាឡេស៊ី។ ឯកឧត្តមរដ្ឋមន្ដ្រី បានសាទរដល់ប្រទេសម៉ាឡេស៊ី ដែលចង់បានអង្ករប្រណិតប្រកបដោយគុណភាពខ្ពស់ ខណៈដែលស្រូវអង្ករកម្ពុជា ជាផលិតផលប្រណិត មានគុណភាពល្អ និងរសជាតិឆ្ងាញ់…
-
ទំនប់ស្ទាក់ទឹកស្ទឹងស្ទោង នឹងផ្តល់ឱកាសស្រោចស្រពដំណាំ ស្រូវជាង មួយម៉ឺនហិកតានៅកំពង់ធំ
កំពង់ធំ៖ខណៈការដ្ឋានសាងសង់ទំនប់ស្ទាក់ទឹកស្ទឹងស្ទោង ឬដែលហៅរត់ មាត់ថា ពាម សង់រួចរាល់នោះ នឹងធានាដល់ការ ដាំដុះស្រូវបានពីរ ដង ក្នុងមួយឆ្នាំដោយសុវត្ថិភាពលើផ្ទៃដីប្រមាណមួយម៉ឺនហិកតា ។ទំនប់ស្ទាក់ ទឹកស្ទឹងស្ទោង ស្ថិតនៅភូមិ ប្រកៀប ឃុំម្សាក្រង ស្រុកស្ទោង ខេត្តកំពង់ធំ ។ លោក សាយ គឹមឡម អភិបាលស្រុកស្ទោង បានប្រាប់ឱ្យដឹងកាល ពីចុង សប្ដាហ៍កន្លងទៅថា ទំនប់ស្ទាក់ទឹកស្ទឹងស្ទោងជា ប្រព័ន្ធធារាសាស្ត្រដ៏ សំខាន់មួយ ដែលនឹងជួយលើកកម្ពស់សេដ្ឋកិច្ចកសិកម្មក្នុងតំបន់។កសិករអាចធ្វើស្រែបានពីរដងក្នុងមួយឆ្នាំ ខណៈទំនប់ផ្តល់នូវការ ស្រោចស្រពលើផ្ទៃដីជាងមួយម៉ឺនហិកតា។ ទំនប់ស្ទាក់ទឹកនេះ ត្រូវបានស្ថាបនាក្រោមការគាំទ្រពីរាជរដ្ឋាភិបាលកម្ពុជា តាមរយៈឯកឧត្តម ថោ ជេដ្ឋា រដ្ឋមន្ត្រីក្រសួងធនធាន ទឹកនិងឧតុនិយម។វាមានតួនាទីយ៉ាងសំខាន់ក្នុងការស្តុកទឹកសម្រាប់កសិករនិងជាប្រព័ន្ធធារាសាស្ត្រដ៏មានសក្តានុពល។លើសពីនេះទំនប់ស្ទាក់ទឹកនឹងបង្កើត តំបន់ សេដ្ឋកិច្ចកសិកម្មស្នូលមួយក្នុងស្រុកស្ទោង ដែលអាចបង្កើនផលិតភាព នៃការដាំស្រូវនិង ដំណាំផ្សេងៗ។ ក្រៅពីការជួយដល់ការធ្វើកសិកម្មនៅឃុំម្សាក្រង និងស្រុកស្ទោងទាំងមូល ទំនប់នេះក៏ផ្ដល់នូវអត្ថប្រយោជន៍ជាផ្លូវគមនាគមន៍ និងបម្រើឱ្យវិស័យ ទេសចរណ៍ផងដែរ។ទំនប់ស្ទាក់ទឹកស្ទឹងស្ទោង ក៏ជាផ្លូវភ្ជាប់ពីស្រុក ស្ទោងខេត្តកំពង់ធំ ទៅស្រុកជីក្រែង ខេត្តសៀមរាប។ តើទំនប់ស្ទាក់ទឹកស្ទឹងស្ទោងឬ ពាម មានលក្ខណៈបច្ចេកទេសអ្វីខ្លះ? ទំនប់ស្ទាក់ទឹកស្ទឹងស្ទោងមានប្រវែង…
-
ធនាគារកណ្តាលម៉ាដាហ្កាស្កា ស្វែងយល់ពីប្រព័ន្ធទូទាត់បាគង របស់ធនាគារជាតិ នៃកម្ពុជា
(ភ្នំពេញ)៖ ធនាគារជាតិនៃកម្ពុជា និងធនាគារកណ្តាល នៃប្រទេសម៉ាដាហ្កាស្កា បានចុះអនុស្សរណៈយោគយល់គ្នា ដើម្បីផ្តល់លទ្ធភាពដល់សមភាគីម៉ាដាហ្កាស្កា សិក្សាស្វែងយល់អំពីប្រតិបត្តិការនៃប្រព័ន្ធបាគង ការគ្រប់គ្រងទុនបម្រុងអន្តរជាតិ និងការអនុវត្តនយោបាយរូបិយវត្ថុរបស់ប្រទេសកម្ពុជា។ ពិធីចុះអនុស្សរណៈយោគយល់គ្នា បានធ្វើឡើងនៅរាជធានីភ្នំពេញ កាលពីល្ងាចថ្ងៃទី១៨ ខែកុម្ភៈ ឆ្នាំ២០២៥ លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា និង ឯកឧត្តម Hon. Aivo H. Andrianarivelo ទេសាភិបាល ធនាគារកណ្តាលម៉ាដាហ្កាស្កា ក្នុងក្របខ័ណ្ឌនៃកិច្ច សហប្រតិបត្តិការគ្នាលើគម្រោងសិក្សាស្រាវជ្រាវ គម្រោងតភ្ជាប់និងនវានុវត្តន៍ហិរញ្ញវត្ថុ ប្រព័ន្ធទូទាត់បាគង ជាដើម ។ ឯកឧត្តម ទេសាភិបាលធនាគារកណ្តាល នៃប្រទេសម៉ាដាហ្កាស្កា បានវាយតម្លៃខ្ពស់ចំពោះការអភវិឌ្ឍសេដ្ឋកិច្ច និងប្រព័ន្ធធនាគារកម្ពុជា ជាពិសេសប្រព័ន្ធទូទាត់ បាគង ព្រមទាំងការគរពូនទុនបម្រុងអន្តរជាតិរបស់ប្រទេសកម្ពុជា។ ឯកឧត្តម ក៏បានបង្ហាញ សុទិដ្ឋិនិយម ចំពោះកិច្ចសហប្រតិបត្តិការជាមួយធនាគារជាតិនៃកម្ពុជា ដែលនឹងផ្តល់អត្ថ ប្រយោជន៍ទៅវិញទៅមកទាំងផ្នែកសេដ្ឋកិច្ច និងផ្នែកសង្គម ដូចជា វិនិយោគ ពាណិជ្ជកម្ម និងទេសចរណ៍ ជាដើម ។ នៅក្នុងឱកាសនេះដែរ លោកជំទាវបណ្ឌិត…