-
ធនាគារ វីង និង JETOUR Cambodia សហការផ្តល់កម្ចី១០០% ទិញរថយន្តស៊េរីទំនើប
(ភ្នំពេញ)៖ ធនាគារ វីង (ខេមបូឌា) ម.ក និងក្រុមហ៊ុន ខេ អិន អិន ខេមបូឌា ដែលជាក្រុមហ៊ុនមេរបស់ JETOUR Cambodia បានចុះហត្ថលេខាលើអនុស្សរណៈយោគយល់ ដើម្បីផ្តល់ជម្រើសនៃដំណោះស្រាយហិរញ្ញវត្ថុដ៏មានភាពទាក់ទាញ ដែលអតិថិជនអាចក្លាយជាម្ចាស់រថយន្ត JETOUR ស៊េរីទំនើបគ្រប់ម៉ូឌែលជាមួយកម្ចីពីធនាគារ វីង រហូតដល់ទៅ ១០០% នៃតម្លៃរថយន្ត ។ កិច្ចសហការនេះត្រូវបានរៀបចំធ្វើឡើងដែលមានការអញ្ជើញចូលរួមជាសក្ខីភាពដ៏ខ្ពង់ខ្ពស់ពីសំណាក់អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប និងអ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល ក្រុមហ៊ុន ខេ អិន អិន ខេមបូឌា ព្រមទាំងមានការចូលរួមពីគណៈគ្រប់គ្រងនៃស្ថាប័នទាំងពីរ និងភ្ញៀវកិត្តិយសជាច្រើនផងដែរ។ លោក ហោ ប៊ុនថែ អគ្គនាយករងធនាគារ វីង បានលើកឡើងថា៖ “យើងខ្ញុំពិតជាមានសេចក្តីសោមនស្សរីករាយចំពោះភាពជាដៃជាមួយ JETOUR Cambodia ដែលឥឡូវនេះពលរដ្ឋកម្ពុជាអាចក្លាយជាម្ចាស់រថយន្តក្នុងក្តីស្រមៃ ដោយមិនចាំបាច់ត្រូវចំណាយសាច់ប្រាក់ផ្ទាល់ខ្លួនទាំងស្រុង ឬចំណាយប្រាក់កក់មុនឡើយ។”លោក ហោ ប៊ុនថែ…
-
Vietjet អបអរអ្នកដំណើរ 200 លាននាក់ ជាមួយនឹងការបញ្ចុះតម្លៃសំបុត្រ 20% រយៈពេលមួយខែ
ភ្នំពេញ៖ អ្នកធ្វើដំណើរមកពីប្រទេសកម្ពុជា នៅថ្ងៃទី ២២ ខែសីហា ឆ្នាំ ២០២៤ អាចទាញយកអត្ថប្រយោជន៍ពីការផ្តល់ជូនពិសេសថ្មីរបស់ក្រុមហ៊ុន Vietjet ខណៈដែលក្រុមហ៊ុនអាកាសចរណ៍ប្រារព្ធព្រឹត្តិការណ៍ដ៏សំខាន់របស់ខ្លួន ជាមួយអ្នកដំណើរចំនួន ២០០ លាននាក់ ដោយបើកដំណើរការប្រូម៉ូសិនពិសេសរយៈពេលមួយខែ។ ចាប់ពីថ្ងៃនេះរហូតដល់ថ្ងៃទី ១៥ ខែកញ្ញា ឆ្នាំ ២០២៤ អ្នកដំណើរអាចទទួលបានការបញ្ចុះតម្លៃ ២០% (លក្ខខណ្ឌផ្សេងៗត្រូវបានអនុវត្ត និងចំនួនមានកំណត់) តាមផ្លូវហោះហើរ សៀមរាប-ហាណូយ និងជើងហោះហើរទាំងអស់នៅទូទាំងបណ្តាញដ៏ធំទូលាយរបស់ Vietjet ដោយប្រើលេខកូដ VJ200 នៅពេលកក់តាមរយៈ www.vietjetair.com ឬ Vietjet Air កម្មវិធីទូរស័ព្ទ។ ការផ្តល់ប្រូម៉ូសិនពិសេសនេះ ត្រូវបានផ្តល់ជូនសម្រាប់សំបុត្រប្រភេទ Economic និងមានសុពលភាព សម្រាប់ការធ្វើដំណើរចាប់ពីពេលនេះរហូតដល់ថ្ងៃទី ១៥ ខែវិច្ឆិកា ឆ្នាំ ២០២៤។ នេះ ជាពេលវេលាដ៏ល្អឥតខ្ចោះ ដើម្បីទទួលយកបទពិសោធន៍រដូវស្លឹកឈើជ្រុះដ៏គួរឱ្យគយគន់នៅទូទាំងប្រទេសវៀតណាម និងគោលដៅអាស៊ីផ្សេងទៀត ឬដើម្បីស្វែងយល់ពីនិទាឃរដូវដ៏ស្រស់ស្រាយនៅក្នុងប្រទេសអូស្ត្រាលី។ បច្ចុប្បន្នក្រុមហ៊ុន Vietjet ប្រតិបត្តិការជាង ១៤៩ ផ្លូវនៅទូទាំងប្រទេសវៀតណាម និងអន្តរជាតិ…
-
ទេសាភិបាលធនាគារជាតិនៃកម្ពុជា៖ កម្មវិធីទូទាត់បាគងទេសចរ «Bakong Tourist App» នឹងរួមចំណែកគាំទ្រវិស័យទេសចរណ៍នៅកម្ពុជា
សៀមរាប៖ កម្មវិធីទូទាត់បាគងទេសចរ «Bakong Tourist App» នឹងរួមចំណែកគាំទ្រវិស័យទេសចរណ៍នៅកម្ពុជា តាមរយៈការជួយសម្រួលដល់ការទូទាត់ជាឌីជីថលលើថ្លៃទំនិញ និងសេវារបស់ភ្ញៀវទេសចរអន្តរជាតិ ដែលអញ្ជើញមកកម្សាន្តនៅប្រទេសកម្ពុជា ។ នេះជាការគូសបញ្ជាក់របស់លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា ក្នុងឱកាសសម្ពោធដាក់ឱ្យដំណើរការបឋម កម្មវិធីទាត់បាគងទេសចរ «Bakong Tourist App» នៅរសៀលថ្ងៃទី១៩ ខែសីហា ឆ្នាំ២០២៤ ក្នុងខេត្តសៀមរាប ។ លោកជំទាវបណ្ឌិត ជា សិរី បានមានប្រសាសន៍ថា កម្មវិធីទាត់បាគងទេសចរ «Bakong Tourist App» ជាកម្មវិធីមួយ ដូចនឹងកម្មវិធីបាគង ដែលបាននិងកំពុងប្រើប្រាស់រាល់ថ្ងៃ ។ ចំពោះកម្មវិធីទូទាត់បាគងទេសចរ «Bakong Tourlst App» នឹងផ្ដល់លទ្ធភាពឲ្យទេសចរអាចប្រើប្រាស់ និងមានបទពិសោធន៍ថ្មី នៅពេលដែលពួកគាត់ចូលមកដល់ប្រទេសកម្ពុជា និងសម្រួលដល់ការចាយវាយក្រដាស់ប្រាក់សុទ្ធ។ លោកជំទាវបណ្ឌិត បានបន្តថា ការដាក់ឱ្យដំណើរការ កម្មវិធីទូទាត់បាគងទេសចរ «Bakong Tourist App» មានគោលបំណងលើកកម្ពស់សេវាទូទាត់នៅកម្ពុជាឱ្យកាន់តែប្រសើរ រួមចំណែកគាំទ្រវិស័យទេសចរណ៍នៅកម្ពុជា តាមរយៈការជួយសម្រួល ដល់ការទូទាត់ជាឌីជីថលលើថ្លៃទំនិញ…
-
ធនាគារ វីង ដាក់ឱ្យដំណើរការ វីសាអ៊ីនហ្វីនីតក្រេឌីតកាត ដ៏ប្រណិតបំផុតដំបូងគេនៅកម្ពុជា
ភ្នំពេញ ៖ ធនាគារ វីង (ខេមបូឌា) ម.ក ជាធនាគារឌីជីថលរីកចម្រើនយ៉ាងឆាប់រហ័សមួយនៅកម្ពុជា បានសហការជាមួយក្រុមហ៊ុន វីសា ដែលជាក្រុមហ៊ុននាំមុខគេក្នុងបច្ចេកវិទ្យាទូទាត់សាច់ប្រាក់តាមរយៈឌីជីថល បានដាក់ឱ្យដំណើរការ វីងវីសាអ៊ីនហ្វីនីតក្រេឌីតកាត តែមួយគត់ ក្នុងព្រះរាជាណាចក្រកម្ពុជា ដែលផ្តល់ជូនម្ចាស់កាតនូវបទពិសោធន៍កម្រិតពិភពលោក។ ពិធីដ៏អធិកអធមនេះត្រូវបានរៀបចំឡើងក្រោមវត្តមានអ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប និងលោកជំទាវអ្នកឧកញ៉ា ម៉ៅ ចំណាន ព្រមទាំងភ្ញៀវកិត្តិយស និងឥស្សរជនជាច្រើនរូបទៀត។លោក ហាន ប៉េងក្វាង អគ្គនាយកធនាគារ វីង បានលើកឡើងថា៖ “វីងវីសាអ៊ីហ្វីនីតក្រេឌីតកាត របស់ធនាគារ យើងខ្ញុំ ផ្តល់ជូនលោកអ្នកនូវការប្រើប្រាស់ឥណទានដែលគ្មានគូប្រៀប អាចធ្វើប្រតិបត្តិការតាមអនឡាញ និងទីតាំងហាងដោយផ្ទាល់យ៉ាងរលូន ក៏ដូចជាអត្ថប្រយោជន៍នៃការធ្វើដំណើរដែលសក្តិសមឥតខ្ចោះសម្រាប់បំពេញតម្រូវការជូនអតិថិជនរបស់យើង។ ”មានត្រឹមតែ វីងវីសាអ៊ីនហ្វីនីតក្រេឌីតកាត នៅក្នុងដៃ ម្ចាស់កាតមានលទ្ធភាពទទួលបានហិរញ្ញវត្ថុកាន់តែច្រើន ដោយអាចស្នើទំហំឥណទានរហូតដល់១លានដុល្លារអាមេរិក និងទទួលបានការអនុគ្រោះមិនបង់ការប្រាក់រយៈពេល៥៥ថ្ងៃ ដែលជួយឱ្យអតិថិជនអាចធ្វើការគ្រប់គ្រងរំហូរសាច់ប្រាក់របស់ពួកគេបានយ៉ាងងាយស្រួលបន្ថែមទៀត។អ្នកស្រី Ivana Tranchini នាយិកាគ្រប់គ្រងក្រុមហ៊ុន វីសា ប្រចាំប្រទេសកម្ពុជាបានមានប្រសាសន៍ថា៖ “វីសាអ៊ីនហ្វីនីតក្រេឌីតកាត របស់ធនាគារ វីង តំណាងឱ្យការរួបរួមគ្នានៃដំណោះស្រាយទូទាត់តាមរយៈឌីជីថលដ៏ទំនើប…
-
កម្ពុជាមានសុខសន្តិភាព មានស្ថិរភាពនយោបាយធ្វើឱ្យវិស័យអចលនទ្រព្យរីកដុះដាលពេញផ្ទៃប្រទេស
ភ្នំពេញ៖ អគារលំនៅឋានប្រណីតដំបូងគេនៅប្របមហាវិថីព្រះមុនីវង្ស ដែលមានកម្ពស់ខ្ពស់កប់ពពក នៅកណ្តាលរាជធានីភ្នំពេញ បានលេចរូបរាងយ៉ាងត្រដែតត្រដឹម ហើយត្រូវបានសាងសង់បញ្ចប់ដល់ជាន់លើបំផុតប្រកបដោយជោគជ័យ។ ថ្លែងនៅក្នុងពិធីបិទបញ្ចប់ការសាងសង់ជាន់ដំបូលអគា“The Pinnacle Residence” គម្រោងទី១ នាយកប្រតិបត្តិក្រុមហ៊ុនលោក Edward Lee បានថ្លែងអំណរគុណ ចំពោះរាជរដ្ឋាភិបាលកម្ពុជា ដែលធ្វើឱ្យប្រទេសមានសុខសន្តិភាព មានស្ថិរភាពនយោបាយ ហើយបើកទូលាយឱ្យមានការវិនិយោគលើគ្រប់វិស័យ ពិសេសវិស័យអចលនទ្រព្យដែលជាទន្ទល់ដ៏រឹងមាំនៃសេដ្ឋកិច្ច បាននិងកំពុងរីកដុះដាលពាសពេញប្រទេស។ លោកបានលើកឡើងពីសំខាន់របស់គម្រោងក្នុងការលើកកម្ពស់មុខមាត់អគារខ្ពស់របស់រាជធានីភ្នំពេញនិងបទពិសោធន៍នៃការរស់នៅដែលមិនអាចប្រៀបផ្ទឹមបាន ។ជាខុនដូ ដ៏ប្រណិតផ្តល់ជូនអតិជនក្នុងទីក្រុង ប្រកបស្តង់ដារគុណភាពខ្ពស់ និងធានាបាននូវការបញ្ចប់ទាន់ពេលវេលា ដើម្បីបំពេញតាមក្តីស្រមៃរបស់ម្ចាស់ផ្ទះនីមួយៗ។ ចំណែកលោក Xiao Haibo បានលើកឡើងថា ការបញ្ចប់ទាន់ពេលវេលាជាន់ដំបូលអគារទី១របស់គម្រោងនេះគឺជាលទ្ធផលនៃកិច្ចខិតខំប្រឹងប្រែងរួមគ្នារបស់ក្រុមការងារទាំងអស់។ សូមបញ្ជាក់ថា ខុនដូ The Pinnacle Residence មានទីតាំងស្ថិតនៅចំណុចប្រសព្វនៃមហាវិថីព្រះមុនីវង្ស មហាវិថីយោធពលខេមរភូមិន្ទ និងមហាវិថីសម្តេច ហ៊ុន សែន៕ ដោយ៖ ហេង សម្បត្តិ
-
ធនាគារជាតិ នៃកម្ពុជា បានកំពុងពង្រឹងក្របខ័ណ្ឌបទប្បញ្ញត្តិ ដើម្បីប្រកួតប្រជែងស្មើភាព ក្នុងវិស័យហិរញ្ញវត្ថុ
(ឧត្តរមានជ័យ)៖ ធនាគារជាតិនៃកម្ពុជា បានកំពុងពង្រឹងក្របខ័ណ្ឌ បទប្បញ្ញត្តិ និងត្រួតពិនិត្យធនាគារ ក្នុងទិសដៅធានាឱ្យបាន នូវការប្រកួតប្រជែងស្មើភាព សុចរិតភាព តម្លាភាព និងគិតគូរ ដល់អ្នកប្រើប្រាស់សេវាហិរញ្ញវត្ថុ និងការរីកចម្រើនប្រព័ន្ធធនាគារ ប្រកបដោយចីរភាព និងការអភិវឌ្ឍ ។ នេះជាការគូសបញ្ជាក់របស់ ឯកឧត្តម រ័ត្ន សុវណ្ណនរៈ ទេសាភិបាលរងធនាគារជាតិ នៃកម្ពុជា នៅក្នុងសិក្ខាសាលាផ្សព្វផ្សាយ ស្ដីពី “វិស័យមីក្រូ ហិរញ្ញវត្ថុនៅកម្ពុជា” នៅខេត្តឧត្តរមានជ័យ នាព្រឹកថ្ងៃទី១៦ ខែសីហា ឆ្នាំ២០២៤ ។ ឯកឧត្តមទេសាភិបាលរង បានមានប្រសាសន៍ថា ជុំវិញវិស័យហិរញ្ញវត្ថុនេះ បានកំពុងទទួលរង នូវការចោទប្រកាន់មិនមានមូលដ្ឋានជាក់លាក់ និងការព្រួយបារម្ភពីអង្គការសង្គមស៊ីវិលមួយចំនួន ពាក់ព័ន្ធនឹងការបញ្ចេញឥណទានហួសពីតម្រូវការ ដែលជាកត្តាជំរុញឱ្យគ្រួសារក្រីក្រ ជាប់បំណុលលើសលប់ និងការអនុវត្តសកម្មភាពប្រមូលបំណុល ដែលមានលក្ខណៈ គំរាមកំហែង ការបង្ខំឱ្យគ្រួសារក្រីក្រកាត់បន្ថយរបបអាហារ លក់ដីធ្លី ឬធ្វើចំណាកស្រុកខុសច្បាប់ ឬជំរុញឱ្យមានការបោះបង់ ការសិក្សា និងការជិះជាន់លើពលកម្មកុមារ ដើម្បីអាចទូទាត់សងប្រាក់ ។ ឯកឧត្តម បន្តថា បញ្ហាចម្បងៗ ដែលជាដើមហេតុ នៃការចោទប្រកាន់ទាំងនេះរួមមាន៖…
-
ពិព័រណ៍ពាណិជ្ជកម្មថៃ BCG ផលិតផលមិនប៉ះពាល់បរិស្ថាន និងជួយដល់ពិភពលោក ២២០ក្រុមហ៊ុន បង្ហាញខ្លួននៅកោះពេជ្រ រយៈពេល៤ថ្ងៃ
(ភ្នំពេញ)៖ ពិធីសម្ពោធបើកជាផ្លូវការ “ពិព័រណ៍ពាណិជ្ជកម្មថៃ BCG Thai Festive Fair 2024” ដើម្បីផ្តល់ជាវេទិកាសម្រាប់ពង្រីកទំនាក់ទំនងពាណិជ្ជកម្ម និងការតភ្ជាប់ពាណិជ្ជកម្មរវាងកម្ពុជា-ថៃ ជាពិសេស ប្រជាជនកម្ពុជា នឹងមានឱកាសជ្រើសរើសទិញផលិតផលថៃ ដែលមានគុណភាពល្អនិងតម្លៃសមរម្យ។ ឯកឧត្តម ឆឺតគៀត អាត់ថៈកន ឯកអគ្គរាជទូតថៃប្រចាំព្រះរាជាណាចក្រកម្ពុជា បានថ្លែងឱ្យដឹងថា ស្ថានទូតថៃរបស់ខ្លួនទទួលបានសិទ្ធរៀបចំកម្មវិធី “ពិព័រណ៍ពាណិជ្ជកម្មថៃ BCG Thai Festive Fair 2024” រយៈពេលបីថ្ងៃ ចាប់ពីថ្ងៃទី១៥ ដល់ ទី១៨ សីហា ឆ្នាំ២០២៤ នៅមជ្ឍមណ្ឌលពិព័រណ៌កោះពេជ្ររាជធានីភ្នំពេញ ដែលជាប្រភេទពិរព័ណដោយនាំយកប្រភេទទំនិញថៃ ម៉ាកល្បីៗ មកដាក់បង្ហាញ លក់និងរកតំណាងដៃសហការចែកចាយនៅកម្ពុជា ។ គោលបំណងក្នុងការរៀបចំ «ពិព័រណ៍ពាណិជ្ជកម្មថៃ BCG Thai Festive Fair 2024 នាលើកនេះគឺ ដើម្បីផ្សព្វផ្សាយផលិតផលរបស់ថៃ ដែលជាផលិតផលមានគុណភាពល្អ តម្លៃសមរម្យ និងមិនប៉ះពាល់ដល់បរិស្ថានហើយដើម្បីជាការអរគុណដល់អតិថិជនដែលជាពលរដ្ឋកម្ពុជាគាំទ្រទំនិញថៃឲ្យមានឳកាសបានទិញទំនិញពីម្ចាស់រោងចក្រដោយផ្ទាល់ក្នុងតម្លៃសមរម្យ ព្រមទាំងពង្រីកទំហំពាណិជ្ជកម្មរវាងប្រទេសទាំងពីរ អោយកាន់កើនឡើង និងដើម្បីរឹតចំណងមិត្តភាពរវាងប្រទេសនិងប្រជាជនទាំងពីរឲ្យកាន់តែល្អប្រសើរថែមទៀត។ ជាមួយគ្នានោះ លោក…
-
ក្រុមហ៊ុន រ៉ូយ៉ាល់គ្រុប អន្តរជាតិ និង Marriott International ប្រកាសពីការនាំយកយីហោសណ្ឋាគារ & រេស៊ីដេនលំដាប់ផ្កាយ6 The Ritz-Carlton ចូលមកប្រទេសកម្ពុជា
ភ្នំពេញ ៖ ក្រុមហ៊ុន រ៉ូយ៉ាល់គ្រុប អន្តរជាតិ ដែលជាក្រុមហ៊ុនអាជីវកម្មចម្រុះឈានមុខគេនៅកម្ពុជាមានសេចក្តីរំភើបរីករាយក្នុងការប្រកាសពីការចុះហត្ថលេខាកិច្ចព្រមព្រៀងភាពជាដៃគូដ៏សំខាន់ជាមួយ Marriott International ដើម្បីនាំយកម៉ាកយីហោ The Ritz-Carlton មកកាន់រាជធានីភ្នំពេញ។ នេះជាព្រឹត្តិការណ៍ដ៏អស្ចារ្យដែលម៉ាកយីហោ ប្រណីតល្បីល្បាញលំដាប់ថ្នាក់ពិភពលោក The Ritz-Carlton ឈានជើងចូលមកក្នុងព្រះរាជាណាចក្រកម្ពុជា។ ម៉ាកយីហោសណ្ឋាគារ & រេស៊ីដេន The Ritz- Carlton ទាំងពីរនេះបានត្រៀមខ្លួនរួចជាស្រេចដើម្បីលើកកម្ពស់ស្តង់ដានៃប្រណីតភាព និងភាពល្អឥតខ្ចោះនៅក្នុងប្រទេសកម្ពុជា។ ឧកញ៉ា គិត ស៊ូឡា នាយកគ្រប់គ្រងផ្នែកប្រតិបត្តិការ នៃក្រុមហ៊ុន រ៉ូយ៉ាល់គ្រុប អន្តរជាតិ មានមោទនភាពក្នុងការប្រកាសពីកិច្ចព្រមព្រៀងថ្មីនេះ។ ឧកញ៉ា គិត ស៊ូឡា បានមានប្រសាសន៍ថា៖ “នេះគឺជាលទ្ឋផលការងារយ៉ាងសកម្មរយៈពេល 6 ខែ ដើម្បីកំណត់ទីតាំងយុទ្ឋសាស្ត្រនៃការអភិវឌ្ឍរបស់យើង។ ការជ្រើសរើសដៃគូជាមួយ The Ritz-Carlton បានឆ្លុះបញ្ចាំងពីមហិច្ឆតាលើឧត្តមភាព និងស្របតាមចក្ខុវិស័យនៃការផ្លាស់ប្តូរតាមរយៈការបង្កើតស្នាដៃថ្មីៗ។ កិច្ចព្រមព្រៀងនេះគឺជាព្រឹត្តិការណ៍ដំបូងដ៏សំខាន់នៃសករាជថ្មីលើវិស័យបដិសណ្ឋារកិច្ចកម្ពុជា!”។ស្ថិតនៅចំបេះដូងនៃរាជធានី សណ្ឋាគារ Ritz-Carlton Phnom Penh នឹងផ្តល់នូវទស្សនីយភាពជាមួយទេសភាពនៃអគារដ៍ល្បីក្នុងទីក្រុងភ្នំពេញ រួមមានព្រះបរមរាជវាំង និងទន្លេមេគង្គដ៏ធំ និងមានភាពស្រស់ស្អាត។…
-
ធនាគាជាតិ ស្នើដល់គ្រឹះស្ថានហិរញ្ញវត្ថុ ហាមប្រើឈ្មោះអាជ្ញាធរ ដើម្បីដាក់សម្ពាធ ដល់អតិថិជន ក្នុងការប្រមូលឥណទាន
(សៀមរាប)៖ មន្រ្តីធនាគាជាតិ នៃកម្ពុជា ស្នើឱ្យគ្រឹះស្ថានធនាគារ និងហិរញ្ញវត្ថុទាំងអស់ ដែលផ្តល់ឥណទានជូនអតិថិជន ត្រូវចៀសវាងការស្នើសុំឱ្យអាជ្ញាធរមូលដ្ឋាន ឬប្រើឈ្មោះអាជ្ញាធរ ដើម្បីដាក់សម្ពាធណាមួយដល់អតិថិជនក្នុងដំណើរការប្រមូលឥណទាន ។ នេះជាការគូសបញ្ជាក់របស់លោក ម៉ែន ភក្តី ប្រធាននាយកដ្ឋាន គ្រប់គ្រងទិន្នន័យនិងវិភាគម៉ាក្រូ ធនាគារជាតិនៃកម្ពុជា លើកឡើង នៅក្នុងសិក្ខាសាលាផ្សព្វផ្សាយស្តីពី «វិស័យមីក្រូហិរញ្ញវត្ថុនៅកម្ពុជា» ក្នុងស្រុកប្រាសាទបាគង ខេត្តសៀមរាប នាថ្ងៃទី១៤ ខែសីហា ឆ្នាំ២០២៤ ។ លោក ម៉ែន ភក្តី បានលើកឡើងថា កន្លងមក ធនាគារជាតិ នៃកម្ពុជា តែងតែយកចិត្តទុកដាក់ក្នុងការអនុវត្តសកម្មភាព ដើម្បីជួយសម្រួល និងដោះស្រាយបញ្ហា ប្រឈមនានា ដែលមានក្នុងប្រព័ន្ធធនាគារ។ ជាក់ស្ដែង ធនាគារជាតិ បាននិងកំពុងពង្រឹងក្របខ័ណ្ឌបទប្បញ្ញត្តិ និងត្រួតពិនិត្យ ធនាគារ ក្នុងទិសដៅធានាឱ្យបាននូវការប្រកួតប្រជែងដែលស្មើភាព សុចរិតភាព តម្លាភាព និងគិតគូរដល់អ្នកប្រើប្រាស់សេវាហិរញ្ញវត្ថុ និងការរីកចម្រើនប្រព័ន្ធធនាគារប្រកបដោយចីរភាព និងការអភិវឌ្ឍ ។ លោកបន្តថា ធនាគារជាតិនៃកម្ពុជា បានកំពុងយកចិត្តទុកដាក់ ក្នុងការបញ្ជ្រាបចំណេះដឹងផ្នែកហិរញ្ញវត្ថុ ដើម្បីលើកកម្ពស់ការ ប្រើប្រាស់សេវាហិរញ្ញវត្ថុ…
-
អភិបាលរងរាជធានីភ្នំពេញ៖ កិច្ចសហការជំរុញពាណិជ្ជកម្ម និងផ្លាស់ប្តូរវប្បធម៌រវាងភ្នំពេញ-សានថូវ នឹងរួមចំណែកពង្រឹង និងពង្រីកផ្នែកធុរកិច្ច និងវិនិយោគនៅកម្ពុជា
ភ្នំពេញ៖ អភិបាលរងរាជធានីភ្នំពេញ បានលើកឡើងថា កិច្ចសហប្រតិបត្តិការជំរុញពាណិជ្ជកម្ម និងផ្លាស់ប្តូរវប្បធម៌ រវាងរដ្ឋបាលរាជធានីភ្នំពេញ និងរដ្ឋបាលទីក្រុងសានថូវ ប្រទេសចិន នឹងរួមចំណែកក្នុងការស្វែងរកកាលានុវត្តភាពថ្មី សម្រាប់ពង្រឹង និងពង្រីកកិច្ច សហប្រតិបត្តិការផ្នែកធុរកិច្ច និងវិនិយោគនៅកម្ពុជា ពិសេសផ្តោតសំខាន់លើវិស័យទេសចរណ៍ អចលទ្រព្យ ហេដ្ឋារចនា សម្ព័ន្ធរូបវន្ត សេវាកម្ម វាយនភណ្ឌ ពាណិជ្ជកម្ម និងឧស្សាហកម្មមួយចំនួនទៀត។ នេះជាការលើកឡើងរបស់ឯកឧត្តម សេង វណ្ណៈ ក្នុងឱកាសអញ្ជើញជាតំណាងឯកឧត្តម ឃួង ស្រេង អភិបាលរាជធានីភ្នំពេញ ក្នុងកម្មវិធីសន្និសីទជំរុញកិច្ចសហប្រតិបត្តិការពាណិជ្ជកម្ម និងផ្លាស់ប្តូរវប្បធម៌រវាង រដ្ឋបាលរាជធានីភ្នំពេញ នៃកម្ពុជា និងរដ្ឋបាលទីក្រុងសានថូវ ខេត្តក្វាងតុង នៃចិន នារសៀលថ្ងៃទី១២ ខែសីហា ឆ្នាំ២០២៤ នៅសាលបុរីកោះពេជ្រ ខណ្ឌចំការមន ។ ឯកឧត្តម សេង វណ្ណៈ មានប្រសាសន៍ថា បច្ចុប្បន្ន រដ្ឋបាលរាជធានីភ្នំពេញ បាននឹងកំពុងខិតខំពន្លឿនការអភិវឌ្ឍដោយផ្តោតយ៉ាងសំខាន់ទៅលើការកសាងហេដ្ឋារចនាសម្ព័ន្ធរូបវន្តជាច្រើន ដែលសមិទ្ធផលទាំងអស់នេះ បានបង្កើននូវទំនុកចិត្តពីសំណាក់អ្នកវិនិយោគ ពាណិជ្ជករ និងធុរជន ឱ្យចូលមកបណ្តាក់ទុនធ្វើអាជីវកម្ម ក្នុងរាជធានីភ្នំពេញកាន់តែច្រើនឡើងៗ ហើយបានធ្វើឱ្យទីក្រុងនេះ…