រាជធានីភ្នំពេញ៖អង្គការសមាគមអភិរក្សសត្វព្រៃកម្ពុជា(WCS) បានចេញសេចក្តីប្រកាសព័ត៌មានថ្មីមួយរបស់ខ្លួននៅថ្ងៃទី ២៣ខែ កក្កដាឆ្នាំ ២០២១នេះថាចាប់ពីពេលនេះ អ្នកធ្វើដំណើររបស់ក្រុមហ៊ុន Grab (ហ្គ្រែប) នឹងទទួលបាននូវជម្រើសថ្មីមួយសម្រាប់ការធ្វើដំណើររបស់ខ្លួនក្នុងលក្ខខណ្ឌរួមចំណែកកាត់បន្ថយការបំភាយឧស្ម័នកាបូនទៅក្នុងបរិយាកាស តាមរយៈការទិញឥណទានកាបូនពីគម្រោងរេដបូក កែវសីមា ដែលកំពុងអនុវត្តនៅក្នុងខេត្តមណ្ឌលគិរី។ បើយោងតាមសេចក្តីប្រកាសរបស់អង្គការសមាគមអភិរក្សសត្វព្រៃកម្ពុជាបានឱ្យដឹថា អ្នកធ្វើដំណើរដែលប្រើប្រាស់កម្មវិធីភ្ជាប់សេវាយានជំនិះរបស់ក្រុមហ៊ុនGrab នឹងទទួលបាននូវជម្រើសថ្មីសម្រាប់ការធ្វើដំណើរក្នុងលក្ខខណ្ឌរួមចំណែកកាត់បន្ថយការបំភាយឧស្ម័នកាបូនចូលក្នុងបរិយាកាស។ ហើយនេះគឺជាការរួមចំណែកផ្អែកលើគោលការណ៍ស្ម័គ្រចិត្ត ដោយអ្នកធ្វើដំណើរដែលប្រើប្រាស់សេវាកម្មរបស់ក្រុមហ៊ុនGrabទាំងអស់ អាចបញ្ជាទិញឥណទានកាបូនពីគម្រោងរេដបូក កែវសីមា ដែលកំពុងអនុវត្តនៅក្នុងខេត្តមណ្ឌលគិរី សម្រាប់ការធ្វើដំណើររបស់ខ្លួនម្តងៗ។ ពាក់ព័ន្ធក្នុងរឿងនេះឯកឧត្តម ជួប ប៉ារីស អគ្គនាយកនៃអគ្គនាយកដ្ឋានចំណេះដឹង និងព័ត៌មានបរិស្ថានក្រសួងបរិស្ថាននិងជាជនបង្គោលរេដបូកជាតិ បានមានប្រសាសន៍ថា «យើងមានក្តីរំភើបយ៉ាងខ្លាំងដែលក្រុមហ៊ុន Grab បានដាក់បញ្ចូលគំនិតផ្តួចផ្តើមថ្មីនេះនៅក្នុងកម្មវិធីភ្ជាប់សេវាយានជំនិះរបស់ខ្លួន (Grab App) ។ តាមរយៈគំនិតផ្តួចផ្តើមនេះ យើងសង្ឃឹមថា យើងមិនត្រឹមតែបានជួយលើកកម្ពស់ការយល់ដឹងដល់ប្រជាជនកម្ពុជាអំពីបរិមាណកាបូនដែលបានបំភាយចូលក្នុងបរិយាកាសប៉ុណ្ណោះទេ ក៏ប៉ុន្តែថែមទាំងបានបង្ហាញឱ្យឃើញអំពីប្រសិទ្ធិភាពនៃការងារអភិរក្សដែលកំពុងអនុវត្តនៅក្នុងប្រទេសកម្ពុជាផងដែរ។ ឥឡូវនេះ ប្រជាពលរដ្ឋកម្ពុជាខ្លួនឯងផ្ទាល់អាចគាំទ្រយ៉ាងសកម្មចំពោះមរតកធម្មជាតិដ៏ពិសិដ្ឋរបស់ប្រទេសតាមរយៈការជ្រើសរើសមធ្យោបាយធ្វើដំណើរដោយគិតគូរដល់បរិស្ថាន។ យើងសូមលើកទឹកចិត្តដល់ប្រជាពលរដ្ឋគ្រប់ចូលរួមគាំទ្រគំនិតផ្តួចផ្តើមនេះ”។ អង្គការសមាគមអភិរក្សសត្វព្រៃកម្ពុជា(WCS) បានឱ្យដឹងបន្ថែមថា នៅពេលកក់សេវាយានជំនិះ អ្នកប្រើប្រាស់នឹងត្រូវបានណែនាំឱ្យដឹងភ្លាមអំពីវិធីទិញឥណទានកាបូននេះតាមកម្មវិធីហ្គ្រែបអ៊ែប (Grab App)។ នៅពេលដែលលោកអ្នកបានជ្រើសរើសលក្ខខណ្ឌយល់ព្រមនៅក្នុងApp រួច នោះបញ្ជាក់ថាលោកអ្នកបានស្ម័គ្រចិត្តបង់ប្រាក់ផ្ទាល់ខ្លួន ១០០រៀល សម្រាប់ការធ្វើដំណើរម្តង ដែលប្រាក់នេះគឺជាការរួមចំណែកកាត់បន្ថយការបំភាយឧស្ម័នកាបូនចេញពីយានជំនិះដែលលោកអ្នកធ្វើដំណើរម្តងៗ។ នេះគឺជាគំនិតផ្តួចផ្តើមថ្មីមួយរបស់ក្រុមហ៊ុនGrabក្នុងការចូលរួមកាត់បន្ថយការបំភាយឧស្ម័នកាបូន និងផលប៉ះពាល់ដល់បរិស្ថាននៅទូទាំងតំបន់អាស៊ីអាគ្នេយ៍។ គួរបញ្ជាក់ថាគម្រោងរេដបូក…

វិទ្យាល័យ ហ៊ុន សែន វាលរេញកំពុងរៀបចំខ្លួនក្លាយជាសាលាមេត្រីបរិស្ថានគំរូមួយនៅកម្ពុជា។ ថ្មីៗនេះ សាលាបានកំពុងរៀបចំទីលានបាល់ទាត់ និងដាំស្មៅធម្មជាតិលើផ្ទៃដី៥៤០០ម៉ែត្រការ៉េ ជិតរួចរាល់តាមផែនការ។ ក្នុងគម្រោងនេះដែរ សាលារៀបចំសាងសង់ប្រព័ន្ធរំដោះទឹកជុំវិញដើម្បីការពារទឹកជំនន់ រួមជាមួយការរៀបចំកែលម្អសួនជីវៈចម្រុះ និងដំឡើងអំពូលសូឡា នៅក្នុងសាលារៀន ដើម្បីចូលរួមចំណែកបង្កើនភាពបៃតង និងការកាត់បន្ថយការប្រែប្រួលអកាសធាតុ។ បន្ថែមពីនេះទៀត វិទ្យាល័យ ហ៊ុន សែន វាលរេញ គ្រោងនឹងបំពាក់ធុងចម្រោះទឹកស្អាត ដើម្បីលើកកម្ពស់អនាម័យបរិស្ថាន និងសុខភាពរបស់គ្រូបង្រៀន និងសិស្សានុសិស្សថែមទៀតផង។ សូមបញ្ជាក់ថា ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានគាំទ្រ និងឧបត្ថម្ភ ដល់ផែនការសកម្មភាពវិទ្យាល័យ ហ៊ុន សែន វាលរេញ ក្នុងគោលបំណងដើម្បីលើកទឹកចិត្តឲ្យសាលាមួយនេះ ជាកន្លែងសិក្សាប្រកបដោយផាសុខភាព ប្រសិទ្ធភាព គុណភាព និងមានបរិស្ថានស្អាត៕

រាជធានីភ្នំពេញ៖ក្រសួងបរិស្ថាន សហការជាមួយអង្គការជីវិតធម្មជាតិនៅកម្ពុជា និងអង្គការជីវិតសត្វស្លាបអន្តរជាតិ ដោយមានការគាំទ្រពីអង្គការ IUCN-Netherland បានផ្តួចផ្តើមធ្វើស្រូវមិត្តក្រៀល ក្នុងគោលបំណងដើម្បីលើកកម្ពស់ជីវភាពសហគមន៍មូលដ្ឋាន និងការអភិរក្សសត្វក្រៀលនៅកម្ពុជា។ សត្វក្រៀលដែលជាប្រភេទសត្វស្លាបមួយដែលមានវត្តមាននៅតំបន់អាស៊ីអាគ្នេយ៍ ហើយត្រូវបានចាត់ជាប្រភេទសត្វស្លាបងាយរងគ្រោះក្នុងបញ្ជីក្រហមរបស់អង្គការសហភាពអន្តរជាតិដើម្បីការអភិរក្សធម្មជាតិ( IUCN Red List)។ នេះគឺជាការថ្លែងឱ្យដឹងរបស់ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាននៅថ្ងៃទី២៣ ខែកក្កដា ឆ្នាំ២០២១ នៅអំឡុងពេលទស្សនកិច្ចពិនិត្យមើលគម្រោងស្រូវមិត្តក្រៀលនិងពិធីផ្តល់អំណោយបន្ទាន់ជូនពលរដ្ឋដែលមានជីវភាពខ្វះខាតដែលរស់នៅជុំវិញតំបន់ការពារទេសភាព អន្លង់ព្រីងក្នុងភូមិសាស្ត្រឃុំបឹងសាលាខាងត្បូង ស្រុកកំពង់ត្រាច ខេត្តកំពត។ ឯកឧត្តមរដ្ឋលេខាធិការបានបញ្ជាក់ឱ្យដឹងថាកិច្ចផ្តួចផ្តើមនេះមិនត្រឹមតែផ្តល់អត្ថប្រយោជន៍ដល់កសិករនៅមូលដ្ឋាន ថែមទាំងផ្តល់សារៈសំខាន់ ដល់សត្វក្រៀល និងសត្វស្លាបតំបន់ដីសើមផ្សេងទៀតដែលមានវត្តមាននៅតាមវាលស្រែ។ ឯកឧត្តម នេត្រ ភក្ត្រា បានថ្លែងថា បច្ចុប្បន្ននេះ ក្រសួងបរិស្ថាន និងអង្គការដៃគូបាននឹងកំពុងអនុវត្តគម្រោងសាកល្បងធ្វើស្រូវមិត្តក្រៀល ដែលមានការចូលរួមពីកសិករមូលដ្ឋាននៅជុំវិញតំបន់ការពារទេសភាពអន្លង់ព្រីង។ ចំពោះប្រភេទស្រូវ ដែលដាំគឺជាប្រភេទពូជស្រូវប្រចំាតំបន់ និងជាពូជស្រូវដែលសត្វក្រៀលចូលចិត្តស៊ី ហើយការធ្វើស្រូវមិត្តក្រៀលនេះ គឺគោរពលក្ខខណ្ឌមិនបរបាញ់ មិនដាក់អន្ទាក់ ឬប្រើថ្នាំពុលដើម្បីចាប់សត្វស្លាប  មិនពង្រីកដីដំណាំរបស់ខ្លួនលើតំបន់អភិរក្ស និងជាស្រូវសរីរាង្គ មិនអនុញ្ញាតឱ្យប្ប្រាស់ថ្នាំពុលកសិកម្ម និងជីគីមីឡើយ។ ជាមួយគ្នានេះឯកឧត្តមបានឱ្យដឹងថាចំពោះស្រែដែលបានជួលពីប្រជាពលរដ្ឋ នៅពេលស្រូវទុំ ប្រមាណជា ៥០% ត្រូវបានច្រូតនិងវេចខ្ចប់ដាក់លក់លើទីផ្សារ និងដោយឡែកប្រមាណ ៥០% ទៀត…

រាជធានីភ្នំពេញ៖«សត្វក្រៀលគឺជាប្រភេទសត្វកម្រ និងជាសត្វស្លាបដែលមានកម្ពស់ខ្ពស់ជាងគេនៅលើពិភពលោក ហើយអាចហើរបាន ត្រូវបានរកឃើញថាមាននិន្នាការធ្លាក់ចុះខ្លាំង ក្នុងនោះសត្វក្រៀលនៅកម្ពុជាក៏មានចំនួនធ្លាក់ចុះដែរ ដែលយើងទាំងអស់គ្នាចាំបាច់ត្រូវចូលរួមការពារ និងអភិរក្សប្រភេទសត្វដ៏កម្រនេះ ទាំងការថែរក្សាទីជម្រកពងកូន និងតំបន់ដីសើមដែលជាកន្លែងស្វែងរកចំណីរបស់សត្វក្រៀលនិងសត្វស្លាបផ្សេងៗទៀត»។ នេះគឺជាការថ្លែងរបស់រដ្ឋលេខាធិការ និងជាមន្ត្រីនាំពាក្យក្រសួងបរិស្ថាននៅថ្ងៃទី១៩ ខែកក្កដា ឆ្នាំ២០២១នេះ។  ឯកឧត្តមរដ្ឋលេខាធិការ នេត្រ ភក្ត្រា បានឱ្យដឹងថា យោងតាមជំរឿនសត្វក្រៀលនៅចុងឆ្នាំ២០១៩ និងដើមឆ្នាំ២០២០ សត្វក្រៀលចំនួន ១៩៤ ក្បាលត្រូវបានកត់ត្រានៅប្រមាណ ១០ទីតាំងខុសៗគ្នានៅក្នុងប្រទេសកម្ពុជា។ ការជំរឿននេះ ធ្វើឡើងនៅរាល់ខែធ្នូ ដល់ខែឧសភា នៃឆ្នាំនីមួយៗ ដើម្បីអាចឱ្យយើងប៉ាន់ស្មាន និងពិនិត្យតាមដានពីចំនួនសត្វក្រៀលថាតើវាកើនឡើង ឬថយចុះ និងដើម្បីរៀបចំយន្តការ និងផែនការការពារនិងអភិរក្សបន្ថែមទៀត។ ឯកឧត្តមរដ្ឋលេខាធិការក្រសួងបរិស្ថាន បានថ្លែងឱ្យដឹងថា យោងតាមទិន្នន័យសិក្សាដោយអ្នកជំនាញ ចំនួនសត្វក្រៀល នៅលើពិភពលោកនាពេលបច្ចុប្បន្ននេះ មានចំនួនចន្លោះពី ១៣.០០០ ទៅ១៥.០០០ ក្បាលដែលកំពុងរស់នៅក្នុងប្រទេសឥណ្ឌា ប្រទេសអូស្ត្រាលី ប្រទេសវៀតណាម ប្រទេសឡាវ និងប្រទេសកម្ពុជា។ សត្វក្រៀលមានវត្តមាននៅក្នុងប្រទេសកម្ពុជាតាំងពីយូរលង់ណាស់មកហើយ។ ប្រសិនបើសិនយើងបានទស្សនាប្រាសាទបាយ័ននៅ ខេត្តសៀមរាប យើងនឹងឃើញរូបចំលាក់សត្វក្រៀលដែលត្រូវបានឆ្លាក់ជាប់នឹងផ្ទាំងថ្ម។ នៅក្នុងទ្វីបអាស៊ី សត្វក្រៀលគឺជានិមិត្តរូបនៃជោគវាសនាល្អ និងអាយុយឺនយូរ។ ពួកវាក៏ត្រូវបានគេគិតថាជានិមិត្តរូបនៃមនោសញ្ចេតនាស្នេហាស្ម័គ្រស្មោះ ដោយយោងទៅតាមការភ្ជាប់ចំណងមេត្រីភាពរបស់ពួកវា។ នៅក្នុងប្រទេសភូមា…