រាជធានីភ្នំពេញ៖ដើម្បីបង្កើននូវវិស័យទេសចរកាន់តែលេចធ្លោបន្ថែមទៀតនោះក្រសួងបរិស្ថាន និង Cambodia Amazing Trip Planner កំពុងសិក្សាស្រាវជ្រាវ និងផ្សព្វផ្សាយទៅលើតំបន់ចំនួន៣គឺតំបន់ការពារឧទ្យានជាតិព្រះជ័យវរ្ម័ននរោត្តមភ្នំគូលែន, តំបន់បេតិកភណ្ឌធម្មជាតិភ្នំត្បែង និងដែនជម្រកសត្វព្រៃ គូលែនព្រហ្មទេព ដើម្បីលើកស្ទួយជីវភាពប្រជាជន និងបង្កើនគោលដៅទេសចរណ៍ធម្មជាតិ។ ពាក់ព័ន្ធក្នុងរឿងនេះក្រសួងបរិស្ថានបានឱ្យដឹងនៅថ្ងៃទី ១៣ ខែ កក្កដាឆ្នាំ ២០២១នេះថាការសិក្សាស្រាវជ្រាវនេះធ្វើឡើងក្នុងដំណាក់កាលទី១ ដែលក្រសួងបរិស្ថាននិង Cambodia Amazing Trip Planner បានចាប់ដៃគ្នាសិក្សា ស្រាវជ្រាវ និងកំណត់ទិសដៅទស្សនាចរ នៅដែនការពារឧទ្យានជាតិព្រះជ័យវរ្ម័ននរោត្តមភ្នំគូលែន តំបន់បេតិកភណ្ឌធម្មជាតិភ្នំត្បែង និងដែនជម្រកសត្វព្រៃ គូលែនព្រហ្មទេព ក្នុងគោលបំណងលើកស្ទួយសេដ្ឋកិច្ចជីវភាពប្រជាជនក្នុងតំបន់ និងចូលរួមអភិរក្សធនធានធម្មជាតិ វប្បធម៌ សាសនា និងប្រវត្តិសាស្រ្ត តាមរយៈវិស័យទេសចរណ៍ធម្មជាតិ នៅក្នុងតំបន់ការពារទាំង៣ខាងលើនេះ។ ក្រសួងបរិស្ថានបានឱ្យដឹងបន្ថែមថា ការសិក្សា និងការអនុវត្តគម្រោងនេះ បានចូលរួមពីក្រុមការងារមន្ត្រីជំនាញថ្នាក់ជាតិ និងថ្នាក់ក្រោមជាតិរបស់ក្រសួងបរិស្ថាន ឧទ្យានុរក្ស ក្រុមការងារបច្ចេកទេសរបស់ Cambodia Amazing Trip Planner តំណាងសហគមន៍មូលដ្ឋាន និងក្រុមយុវជនស្ម័គ្រចិត្ត សរុបចំនួន ២០នាក់ ដោយប្រើប្រាស់ថវិកាបានមកពីការចូលរួមបដិភាគ ពីមូលនិធិបរិស្ថាន និងសង្គមនៃក្រសួងបរិស្ថាន…

ភ្នំពេញ៖ ក្រុមហ៊ុន អិលវីអិមស៊ី ហូលឌីង បានចុះអនុស្សរណៈនៃការយោគយល់គ្នា (MOU) ជាមួយនឹងក្រសួងបរិស្ថាន ស្តីពីកិច្ចសហប្រតិបត្តិការកិច្ចគាំពារបរិស្ថាន និងការផ្គត់ផ្គង់រថយន្តដឹកសំរាម។ ពិធីចុះហត្ថលេខាលើអនុស្សរណៈនៃការយោគយល់គ្នានេះ បានធ្វើឡើងនារសៀលថ្ងៃទី២៩ ខែមិថុនា ឆ្នាំ២០២១ នៅក្រសួងបរិស្ថានតំណាងដោយលោក ជា ស៊ីណា អគ្គនាយក នៃអគ្គនាយកដ្ឋានគាំពារបរិស្ថាន និងក្រុមហ៊ុន អិលវីអិមស៊ីហូលឌីង តំណាងដោយលោកស្រី ម៉ៅ គន្ធា ដែលជាអគ្គនាយកប្រតិបត្ត ក្រុមហ៊ុនអិលវីអិមស៊ី ហូលឌីង។ លោក ជា ស៊ីណា បានឱ្យដឹងថា ការអនុស្សរណៈនៃការយោគយល់គ្នានេះ ដើម្បីបង្កើតសហប្រតិបត្តិការរវាងភាគីទាំងពីរលើការពង្រឹងការគ្រប់គ្រងសំរាម សំណល់រឹងទីប្រជុំជន ក្នុងការបញ្ជាទិញ និងផ្គត់ផ្គង់រថយន្ដដឹកសំរាម រវាងភាគីទាំងពីរ ដើម្បីធ្វើការរួមគ្នាក្នុងការលើកកម្ពស់អនាម័យ សោភ័ណភាព បរិស្ថានចូលរួមលើកកម្ពស់ផលិតផល ដែលផលិតក្នុងស្រុក ជំរុញលើកទឹកចិត្តដល់ប្រជាជនកម្ពុជាអោយមានការស្នេហាជាតិ។ លោកស្រី ម៉ៅ គន្ធា ដែលជាអគ្គនាយកប្រតិបត្តិក្រុមហ៊ុនអិលវីអិមស៊ី ហូលឌីងបានឱ្យដឹងថាក្រុមហ៊ុន អិលវីអិមស៊ីហូលឌីងជាតំណាងចែកចាយផ្តាច់មុខរថយន្ត SsangYong ដែលជារថយន្តសេរីទំនើបមានដូចជា រថយន្តSUV, Compact SUV,រថយន្ត PickUp ដែលពេញនិយមនៅកម្ពុជា និងចែកចាយផ្គត់ផ្គង់រថយន្តដឹកសំរាមដែលតម្លើងនៅក្នុងប្រទេសកម្ពុជា…