ខេត្តកោះកុងបានរកឃើញអ្នកឆ្លងកូវីដ១៩ ចំនួន ៩៩ នាក់ថែមទៀត នៅក្នុងរយៈពេល ២៤ម៉ោង ចុងក្រោយនេះ ។ នេះជាតួលេខមានការឡើងចំនួន ៣៨នាក់ ដែលធៀបនឹងម្សិលម៉ិញ ដែលបានរកឃើញអ្នកឆ្លងចំនួន ៦១នាក់ ។

ខេត្តបន្ទាយមានជ័យ បានរកឃើញការឆ្លងកូវីដ១៩ លើមនុស្សចំនួន ៤០នាក់ ទៀតហើយ ក្នុងរយៈពេល ២៤ម៉ោងចុងក្រោយនេះ ។ ចំនួនអ្នករកឃើញឆ្លងថ្ងៃនេះគឺតិចជាងម្សិលម៉ិញចំនួន ៨នាក់ ដែលម្សិលម៉ិញនោះ បានរកឃើញអ្នកឆ្លងចំនួន ៤៨នាក់ ។

ខេត្តបាត់ដំបង បានរកឃើញអ្នកឆ្លងកូវីដ១៩ថ្មីចំនួន ១២នាក់ថែមទៀត និងមានអ្នកស្លាប់ម្នាក់ នៅក្នុងរយៈពេល ២៤ម៉ោងចុងក្រោយនេះ ។ នេះជាតួលេខថយចុះចំនួន ៦នាក់ បើប្រៀបធៀបនឹងម្សិលម៉ិញ ដែលបានរកឃើញ អ្នកឆ្លងចំនួន ១៨នាក់ ។

ខេត្តកំពង់ឆ្នាំងបានរកឃើញអ្នកឆ្លងកូវីដថ្មីចំនួន១៣នាក់ក្នុងរយៈពេល២៤ម៉ោងកន្លងមកនេះ។ យោងតាមរដ្ឋបាលខេត្ត អ្នកឆ្លងទាំង១៣នាក់នោះ រួមមាននៅក្នុងស្រុកកំពង់ឆ្នាំង, រលាប្អៀ, ស្រុកសាមគ្គីមានជ័យ និងមកពី ខេត្តកណ្តាលនិងខេត្តកំពង់ស្ពឺ។

ខេត្តសៀមរាប បានរកឃើញអ្នកឆ្លងកូវី១៩ថ្មីចំនួន ១១នាក់ ក្នុងរយៈពេល ២៤ម៉ោងចុងក្រោយនេះ ដែលជា តួលេខថយចុះ ២នាក់ បើធៀបនឹងម្សិលម៉ិញដែលបានរកឃើញឆ្លង ១៣នាក់ ។

ខេត្តព្រៃវែង បានរកឃើញករណីអ្នកវិជ្ជមានកូវីដ-១៩ ចំនួន២៤នាក់បន្ថែមទៀត និងអ្នកស្លាប់ម្នាក់ ក្នុងរយៈពេល ២៤ម៉ោងចុងក្រោយនេះ ។ ការរកឃើញឆ្លងថ្មីនៅថ្ងៃនេះ មានចំនួនថយចុះ៧នាក់ បើប្រៀបធៀបនឹងម្សិល ម៉ិញ ដែលបានរកឃើញចំនួន ៣១នាក់ ។

ខេត្តស្វាយរៀង បានរកឃើញអ្នកឆ្លងថ្មីចំនួន៦៥នាក់និងមានស្លាប់ម្នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋ បាលខេត្ត អ្នកឆ្លងថ្មីទាំងនោះ រួមមាននៅក្នុងស្រុករមាសហែក, ក្រុងបាវិត, ស្រុកចន្ទ្រា, ស្រុក ស្វាយជ្រំ, ក្រុង ស្វាយរៀង, ស្រុកកំពង់រោទិ៍, ស្រុករំដួល និងស្រុកស្វាយទាប។

ខេត្តកំពង់ធំបានរកឃើញអ្នកឆ្លងជំងឺកូវីដ១៩ ចំនួន ១៦នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ។ នេះជាតួលេខឆ្លងធ្លាក់ចុះចំនួន ៧នាក់ បើធៀបនឹងម្សិលម៉ិញដែលបានរករកឃើញអ្នកឆ្លងចំនួន ២៣នាក់ ។

ខេត្តកំពង់ចាម បានរកឃើញអ្នកឆ្លងកូវីដ១៩ថ្មីចំនួន ៤០នាក់ ថែមទៀត និងមានអ្នកស្លាប់ម្នាក់ ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងនៅថ្ងៃនេះ មានការថយចុះចំនួន ៥នាក់ បើធៀបហ្នឹងម្សិលម៉ិញដែលបាន រកឃើញចំនួន ៤៥នាក់ ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៨ម៉ឺន៩ពាន់ ៧៨៩ ករណី និងការស្លាប់ថ្មីមានចំនួន១ពាន់៦២៤នាក់។