ការឆ្លងចូលក្នុងសហគមន៍នៅកម្ពុជា បានកើនឡើងលើស៤ម៉ឺន១ពាន់ករណីហើយ។ ការឆ្លងចូលក្នុងសហ គមន៍កាលពីថ្ងៃអាទិត្យមានចំនួន៦០៧ករណី ចំណែកការឆ្លងនៅថ្ងៃច័ន្ទនេះមានចំនួន៧០៨ ករណីដែលកើន ឡើងលើសម្សិលមិញចំនួន១០១ករណី។

ប្រជាពលរដ្ឋជាង៣លាន៣សែននាក់ហើយបានទទួលការចាក់វ៉ាក់សាំងកូវីដ-១៩នៅទូទាំងប្រទេស គ្រាដែល រាជរដ្ឋាភិបាលកំពុងសម្រុកការចាក់វ៉ាក់សាំងលើមនុស្សឲ្យបានដល់ដប់លាននាក់រហូតដល់ខែវិច្ឆិកា។

រដ្ឋមន្ត្រីការបរទេសអង់គ្លេសលោកដូមីនីក រ៉ាអាប់ គ្រោងនឹងបំពេញទស្សនកិច្ចនៅកម្ពុជាក្នុងសប្ដាហ៏នេះហើយ តបតាមសំណើរបស់រដ្ឋមន្ត្រីក្រសួងការបរទេសកម្ពុជា។ ដំណើរទស្សនកិច្ចរបស់រដ្ឋមន្ត្រីការបរទេសអង់គ្លេស បានទន្ទឹមនឹងការធ្វើចត្តាឡីស័ករបស់សម្តេចនាយករដ្ឋមន្ត្រីនៃប្រទេសកម្ពុជាដោយសារតែសម្តេចតេជោ ហ៊ុន សែន ត្រូវគេរាយការណ៍ថាបានជាប់ពាក់ព័ន្ធដោយប្រយោលជាមួយអ្នកឆ្លងកូវីដ១៩។

ខេត្តសៀមរាប បានរកឃើញអ្នកមានវិជ្ជមានជំងឺកូវីដ-១៩ ថ្មី ចំនួន២៦នាក់ក្នុងរយៈពេល២៤ម៉ោងចុងក្រោយ ក្នុងនោះករណីឆ្លង២ ត្រូវគេរកឃើញថាជាវីរុសបំប្លែងថ្មីរបស់ប្រទេសឥណ្ឌា។ វីរុសបំប្លែងថ្មីធ្លាប់កើតក្នុងប្រទេស ឥណ្ឌា ត្រូវបានក្រុមវិទ្យាសាស្ត្រកន្លងមកដាក់ឈ្មោះថា B.1.617.2 ឬ ឈ្មោះDelta variant និងវិរុសបំប្លែងថ្មី ឥណ្ឌានោះ ត្រូវគេចាត់ទុកជាវីរុសកាចសាហាវដែលបានធ្វើឲ្យពលរដ្ឋឥណ្ឌាប្រឈមនឹងមហន្តរាយកូវីដ១៩។ ប្រធានមន្ទីរ សុខាភិបាលខេត្តសៀមរាប លោកវេជ្ជបណ្ឌិត ក្រូស សារ៉ាត់ តាមរយៈទំព័រហ្វេសប៊ុកនារសៀល ថ្ងៃទី១៨មិថុនា នេះ បានបញ្ជាក់ថា ខេត្តសៀម រាបបានរកឃើញ ករណីវិជ្ជមានកូវីដ-១៩ ប្រភេទឥណ្ឌាបំប្លែងថ្មី នោះ មានចំនួន២ ករណី។

អគ្គនាយកដ្ឋានអន្តោប្រវេសន៍កម្ពុជាក្រៅពីការជម្រុញការបញ្ជួនជនជាតិវៀតណាមខុសច្បាប់ចេញពីកម្ពុជានៅ បានជម្រុញក្រសួងសន្តិសុខសាធារណ:ចិន ក្នុងការពន្លឿនការធ្វើបែបបទនីតិវិធីនាំជនជាតិចិនខុសច្បាប់ចេញពី ប្រទេសកម្ពុជាថែមទៀត។ ការជម្រុញនោះ បានធ្វើកាលពីថ្ងៃទី១៧មិថុនាក្នុងជំនួបមួយរវាងនាយឧត្តមសេនីយ៍ គៀតច័ន្ទថារិទ្ធ ជាមួយនឹងមន្ត្រីតំណាងក្រសួងសន្តិសុខសាធារណ:ចិនលោក Wu JianMin ក្នុងរាជធានីភ្នំពេញ។

ឯកអគ្គរដ្ឋទូតវៀតណាមលោក វូគ័ងមីង បានអញ្ជើញជួបមន្ត្រីគ្រប់គ្រងអគ្គនាយកដ្ឋានអន្តោប្រវេសន៍ក្នុងរង្វង់ ដែលកម្ពុជាកំពុងចាត់វិធានការណ៍បោសសំអាតសំណង់បណ្តែតទឹកអនាធិបតេយ្យដែលក្នុងនោះរួមមានទាំង សំណង់បណ្តែតទឹករបស់ជនជាតិវៀតណាមផងដែរ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៣ម៉ឺន៥៧៩ករណី និងការស្លាប់ថ្មីមានចំនួន៥១០នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសារុបចំនួន ៧៩៩ករណី ក្នុងនោះ៧០២ករណីជាការឆ្លងក្នុងសហគមន៍, និង៩៧ករណីទៀតជាការនាំចូលពីក្រៅប្រទេស។

ការឆ្លងកូវីដ១៩ចូលក្នុងសហគមន៍នៅថ្ងៃទី១៨មិថុនានេះបានកើនលើសចំនួន១១១ករណីបើប្រៀបធៀបនឹង ម្សិលមិញ។ កាលពីថ្ងៃព្រហស្បតិ៍ការឆ្លងមានចំនួន៥៩១ករណី ចំណែកការឆ្លងក្នុងសហគមន៍នៅថ្ងៃសុក្រ នេះ មានចំនួន៧០២ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈ១១៨ថ្ងៃមកនេះ បាន កើនឡើងដល់៣ម៉ឺន៩ពាន់៩៦៤នាក់ហើយ។

មនុស្ស៦ម៉ឺន១ពាន់៥៨នាក់បន្ថែមទៀត បានទទួលការចាក់វ៉ាក់សាំងក្នុងរយៈពេល២៤ម៉ោងចុងក្រោយនេះ ដែលនាំឲ្យចំនួនពលរដ្ឋដែលបានចាក់វ៉ាក់សាំងទូទាំងប្រទេសបានកើនដល់៣លាន១សែន៩ម៉ឺន៩ពាន់៦៤២នាក់ ។ កម្ពុជាបានដាក់គម្រោងការណ៍ចាក់វ៉ាក់សាំងលើមនុស្ស១០លាននាក់ ដែលរំពឹងថាកម្ពុជានឹងសម្រេចបាន រហូតដល់ខែវិច្ឆិកា។

កម្លាំងក្រុមគ្រូពេទ្យយោធាមួយចំនួន ដែលនឹងបញ្ចប់ការចាក់វ៉ាក់សាំងក្នុងរាជធានី នឹងត្រៀមចេញបន្តចាក់តាម គោលដៅនៃបណ្តាខេត្តនានាចាប់ពីសប្តាហ៍ក្រោយ។ ក្រសួងការពារជាតិនៅព្រឹកថ្ងៃទី១៨មិថុនា ឆ្នាំ២០២១ បានបើកកិច្ចប្រជុំពិភាក្សាអំពីការងាររៀបចំប្រុងប្រៀបចាត់តាំងប្រធាន, អនុប្រធានក្រុមការងារ និងក្រុមគ្រូពេទ្យកង ទ័ពរបស់ក្រុមការងារប្រតិបត្តិចាក់វ៉ាក់សាំងការពារជំងឺកូវី-ដ១៩ របស់ក្រសួងការពារជាតិ ដើម្បីចុះទៅផ្តល់វ៉ាក់ សាំងជូនដល់ប្រជាពលរដ្ឋនៅតំបន់ប្រឈមហានិភ័យខ្ពស់ក្នុងភូមិសាស្ត្រមួយចំនួនរបស់ខេត្តចំនួន៥ ដែលរួម មានខេត្តព្រះសីហនុ, ខេត្តកំពង់ស្ពឺ, ខេត្តតាកែវ, ខេត្តកំពង់ចាម.និងខេត្តស្វាយរៀង។