ការឆ្លងជម្ងឺកូវីដ១៩ចូលក្នុងសហគមន៍នៅថ្ងៃទី១៧មិថុនានេះ បានថយចុះចំនួន៦៩ករណីបើប្រៀបធៀបនឹង ម្សិលមិញ។ ការឆ្លងចូលក្នុងសហគមន៍កាលពីថ្ងៃពុធមានចំនួន៦៦០ករណី ចំណែកការឆ្លងក្នុងសហគមន៍នៅថ្ងៃ ព្រហស្បតិ៍នេះមានចំនួន៥៩១ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ បានកើន ឡើងដល់៣ម៉ឺន៩ពាន់២៦២នាក់ហើយ។

មនុស្ស៦ម៉ឺន១ពាន់៨០៩នាក់បន្ថែមទៀតបានទទួលការចាក់វ៉ាក់សាំងក្នុងរយៈពេល២៤ម៉ោងចុងក្រោយនេះ ដែលនាំឲ្យចំនួនពលរដ្ឋដែលបានចាក់វ៉ាក់សាំងទូទាំងប្រទេសបានកើនដល់៣លាន១សែន៣ម៉ឺន៨ពាន់៥៨៤នាក់។ កម្ពុជាបានដាក់គម្រោងការណ៍ចាក់វ៉ាក់សាំងលើមនុស្ស១០លាននាក់ ដែលរំពឹងថាកម្ពុជានឹងសម្រេចបាន រហូតដល់ខែវិច្ឆិកា។

មន្ត្រីតំណាងគណបក្សប្រជាជនកម្ពុជា បានចូលរួមកិច្ចសន្ទនានយោបាយ នាឱកាសនៃពិធីប្រារព្ធខួបអនុស្សាវរីយ៍លើកទី១០០ឆ្នាំនៃបក្សកុម្មុយនីស្តចិន តាមប្រព័ន្ធវីដេអូ។ លោកស្រីកិត្តិសង្គហបណ្ឌិត ឃួន សុដារី អនុប្រធានទី២នៃរដ្ឋសភានៅយប់ថ្ងៃទី១៦មិថុនាឆ្នាំ២០២១ ត្រូវបានអញ្ជើញចូលរួមជាភ្ញៀវឥស្សរជនជាន់ខ្ពស់តំណាង ឱ្យគណបក្សប្រជាជនកម្ពុជា ក្នុងកិច្ចសន្ទនានយោបាយពិសេស តាមប្រព័ន្ធវីដេអូ ក្រោមចំណងជើងថា “រឿងរ៉ាវ របស់គណបក្សកុម្មុយនិស្សចិន៖សមិទ្ធផលរបស់ក្រុងសៀងហៃក្នុងការអនុវត្តគំនិតស៊ី ជីនភីង ស្តីពីសង្គមនិយម មានលក្ខណៈពិសេសចិនសម្រាប់យុគ្គសម័យថ្មី” ។ កិច្ចសន្ទនា ផ្តោតលើប្រធានបទ “ធ្វើឱ្យសុបិន្តក្លាយជាការពិត ចែករំលែកភាពអស្ចារ្យ” ដែលប្រព្រឹត្តធ្វើឡើងនៅទីក្រុងសៀងហៃ សាធារណរដ្ឋប្រជាមានិតចិន។ ក្នុងកិច្ចសន្ទនានោះផងដែរក៏មានការអញ្ជើញចូលរួមពីមេដឹកនាំគណបក្សនយោបាយចំនួន៧៥ ព្រមទាំងស្ថាប័ន និងអង្គការផ្សេងៗ ចំនួន៥៤ មកពីជិត១០០ប្រទេស។

សមត្ថកិច្ចបានឃាត់ខ្លួនជនសង្ស័យចំនួន១៥នាក់ នៅក្នុងការបង្រ្កាបគ្រឿងញៀនទូទាំងប្រទេសនៅថ្ងៃ ទី១៦ មិថុនា ។ ក្នុងចំណោមជនសង្ស័យដែលបានឃាត់ខ្លួនទាំង១៥នាក់មានមុខសញ្ញាជួញដូរគ្រឿងញៀនចំនួន ១៣នាក់ និងអ្នកប្រើប្រាស់២នាក់ ។ វត្ថុតាំងដែលបានចាប់សរុបក្នុងថ្ងៃទី១៦មិថុនានេះ រួមមាន មេតំហ្វេតាមីន ICE ទម្ងន់ជាង ៥៨ក្រាម ។ការបង្ក្រាបគ្រឿងញៀននៅថ្ងៃនេះរួមមានមន្ទីប្រឆាំងគ្រឿងញៀនខេត្តកណ្តាល, ខេត្តកំពង់ស្ពឺ, ខេត្តតាកែវ, ខេត្តពោធិ៍សាត់, ខេត្តបាត់តំបង និងខេត្តបន្ទាយមានជ័យ ។

អ្នកដែលដែលធ្លាប់បានទៅ ហាងកាហ្វេ BROWN ទួលទំពូង ត្រូវប្រញាប់ធ្វើចត្តាឡីស័ក និងតាមដានសុខភាព។ ហាងកាហ្វេ BROWN ទួលទំពូង មានទីតាំងស្ថិតនៅផ្លូវលេខ១៥៥ សង្កាត់ទួលទំពូង១ ក្នុងខណ្ឌចំការមន។

អ្នកដែលដែលធ្លាប់បានទៅ ហាងឈ្មោះ RAMA HOUSEត្រូវប្រញាប់ធ្វើចត្តាឡីស័ក និងតាមដានសុខភាព។ ហាង RAMA HOUSE មានទីតាំងស្ថិតនៅផ្លូវ១៣៥ សង្កាត់ទួលទំពូង១ ខណ្ឌចំការមន រាជធានីភ្នំពេញ។

អ្នកដែលដែលធ្លាប់បានទៅឬមានទំនាក់ទំនងជាមួយបុគ្គលិកនៅស្ថានីយ៏កាល់តិច បឹងត្របែកត្រូវប្រញាប់ធ្វើ ចត្តាឡីស័ក និងតាមដានសុខភាព។ ស្ថានីយ៏កាល់តិច បឹងត្របែក មានទីតាំងស្ថិតនៅផ្លូវព្រះមុនីវង្ស សង្កាត់បឹងត្របែក ក្នុងខណ្ឌចំការមន។

អ្នកដែលដែលធ្លាប់បានទៅហាងលក់សម្លៀកបំពាក់ TEN11 ទួលទំពូង ត្រូវប្រញាប់ធ្វើចត្តាឡីស័ក និងតាម ដានសុខភាព។ ហាងលក់សម្លៀកបំពាក់ TEN11 ទួលទំពូង មានទីតាំងស្ថិតនៅផ្លូវលេខ១៥៥ សង្កាត់ទួល ទំពូង១ ក្នុងខណ្ឌចំការមន។

អ្នកដែលដែលធ្លាប់បានទៅហាងលក់សម្លៀកបំពាក់ Zando ទួលទំពូង ត្រូវប្រញាប់ធ្វើចត្តាឡីស័ក និងតាមដាន សុខភាព។ ហាងលក់សម្លៀកបំពាក់ Zando ទួលទំពូង មានទីតាំងស្ថិតនៅផ្លូវលេខ១៥៥ កែងផ្លូវលេខ៤៥៤ សង្កាត់ទួលទំពូង១ ក្នុងខណ្ឌចំការមន។