ខេត្តកំពង់ធំ បានរកឃើញអ្នកឆ្លងកូវីដ១៩ថ្មីចំនួន ២៧នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ នេះគឺជាតួលេខថយចុះចំនួន ៥នាក់ បើធៀបនឹងថ្ងៃម្សិលម៉ិញ ដែលបានរកឃើញអ្នកឆ្លងចំនួន ៣២នាក់ ។

ខេត្តកំពង់ចាមបានរកឃើញអ្នកឆ្លងកូវីដ១៩ថ្មីចំនួន ៤០នាក់ ទៀតហើយ ក្នុងរយៈពេល ២៤ម៉ោងចុងក្រោយនេះ ។ នេះជាតួលេខឆ្លងកើនឡើង៨នាក់ ថែមទៀត បើប្រៀបធៀបនឹងម្សិលមិញដែលមានចំនួនឆ្លង ៣២នាក់។

ខេត្តសៀមរាប បានរកឃើញអ្នកឆ្លងកូវីដ១៩ថ្មី ចំនួន ១២នាក់ ក្នុងរយៈពេល ២៤ម៉ោង ចុងក្រោយនេះ ដែល ជាតួលេខធ្លាក់ចុះជាងពីម្សិលម៉ិញរហូតដល់ ២៣នាក់ ។ យោងតាមរដ្ឋបាលខេត្ត អ្នកឆ្លងថ្មីទាំង ១២នាក់នោះ សុទ្ធតែជាករណីឆ្លងនៅក្នុងសហគមន៍ទាំងអស់ ដែលក្នុងនោះរួមមាន នៅក្រុងសៀមរាបចំនួន ៤នាក់, ស្រុក សូត្រនិគម ៣នាក់, ស្រុកជីក្រែង ២នាក់, ស្រុកប្រាសាទបាគងចំនួនម្នាក់ និងឆ្លងលើពលរដ្ឋចំណូលថ្មីមកពីខេត្ត កំពង់ធំចំនួន ២នាក់ ។

ខេត្តបន្ទាយមានជ័យ បានរកឃើញអ្នកមានវិជ្ជមានកូវីដ-១៩ថ្មីចំនួន៤៩នាក់ក្នុងរយៈពេល២៤ម៉ោងនេះ ដែលជាតួលេខកើនឡើងចំនួន៤នាក់បើប្រៀបធៀបនឹងម្សិលមិញដែលមានចំនួន៤៥នាក់។

ខេត្តប៉ៃលិន បារកឃើញអ្នកឆ្លងកូវីដ១៩ ចំនួន តែម្នាក់ ទេក្នុងរយៈពេល ២៤ម៉ោងចុងក្រោយនេះ ។ យោង តាម រដ្ឋបាលខេត្តអ្នកឆ្លងថ្មីម្នាក់នោះ គឺឆ្លងលើពលករដែលទើបត្រឡប់មកពីប្រទេសថៃ ដែលជាបុរស អាយុ ២៩ឆ្នាំ ជាពលរដ្ឋចំណូលថ្មីមកពីខេត្តព្រៃវែង ៕

ខេត្តបាត់ដំបង បានរកឃើញអ្នកមានវិជ្ជមានជំងឺកូវីដ១៩ ចំនួន៧នាក់ ថ្មីបន្ថែមទៀត និងមានអ្នកស្លាប់ ដោយ សារតែជំងឺកូវីដម្នាក់ផងដែរ ។ តួលេខឆ្លងនៅថ្ងៃនេះ មានការធ្លាក់ចុះជាងម្សិលម៉ិញចំនួន៤នាក់ ដែលម្សិល ម៉ិញនោះខេត្តបាត់ដំបងបានរកឃើញអ្នកឆ្លងកូវីដ១៩ ចំនួន១១នាក់ ។

ខេត្តកំពង់ឆ្នាំង បានរកឃើញករណីឆ្លងជម្ងឺកូវិដ១៩លើមនុស្សចំនួន៩នាក់ ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកជម្ងឺទំាង៩នាក់ គឺជាកសិករ, កម្មកររោងចក្រ និងកុមារ។ អ្នកឆ្លងទំាង៩ រួមមាន មកពីស្រុកកំពង់ត្រឡាចម្នាក់, ក្រុងកំពង់ឆ្នាំង ម្នាក់, ស្រុករលាប្អៀ ២នាក់, ស្រុកសាមគ្គីមានជ័យ ២នាក់ និង ស្រុកទឹកផុស ៣នាក់។

ខេត្តស្វាយរៀង បានរកឃើញអ្នកវិជ្ជមានកូវីដ-១៩ថ្មីចំនួន២២នាក់ ក្នុងរយៈពេល២៤ម៉ោងចុងក្រោយដែលជាតួ លេខថយចុះ៩នាក់បើប្រៀបធៀបនឹងម្សិលមិញដែលមានការឆ្លងចំនួន៣១នាក់នោះ។

ខេត្តព្រៃវែង បានរកឃើញអ្នកវិជ្ជមានកូវីដ-១៩ ចំនួន៥៦នាក់ បន្ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឡើងខ្ពស់ជាងពីម្សិលម៉ិញចំនួន ២៣នាក់ ។ កាលពីថ្ងៃអង្គារម្សិលម៉ិញខេត្តព្រៃវែងបានរក ឃើញអ្នកឆ្លងកូវីដ១៩ចំនួន៣៣នាក់និងស្លាប់ម្នាក់ ។

មនុស្សជាង៧ម៉ឺននាក់បានទទួលការចាក់វ៉ាក់សាំងបង្កាកូវីដ១៩បន្ថែមទៀតក្នុងរយៈ២៤ម៉ោងកន្លងមកនេះ ដែលនាំឲ្យចំនួនពលរដ្ឋដែលបានចាក់វ៉ាក់សាំងទូទាំងប្រទេសបានកើនដល់៣លាន៧ម៉ឺន៦ពាន់៧៧៥នាក់ហើយ។ កម្ពុជាបានដាក់គម្រោងការណ៍ចាក់វ៉ាក់សាំងលើមនុស្ស១០លាននាក់ ដែលរំពឹងថាកម្ពុជានឹងសម្រេចបាន រហូត ដល់ខែវិច្ឆិកា។