ខេត្តឧត្តរមានជ័យ បានរកឃើញអ្នកឆ្លងកូវីដ១៩ ចំនួន១២នាក់ ថែមទៀតនៅក្នងរយះពេល ២៤ម៉ោងចុងក្រោយនេះ ដែលជាតួលេខខ្ពស់ជាងម្សិលម៉ិញចំនួន ៧នាក់។ ខេត្តឧត្តមានជ័យ កាលពីថ្ងៃច័ន្ទម្សិលម៉ិញ បាន រកឃើញអ្នកឆ្លងកូវីដ១៩ ចំនួន ៥នាក់ ។

ខេត្តកំពង់ធំ បានរកឃើញអ្នកវិជ្ជមានជំងឺកូវីដ១៩ ចំនួន ៣២នាក់ ថែមទៀត ក្នុងរយៈពេល ២៤ម៉ោងចុងក្រោយ នេះ ដែលជាតួលេខឆ្លងខ្ពស់ជាងពីម្សិលម៉ិញច្រើនរហូតដល់១៣នាក់ ។ ខេត្តកំពង់ធំ កាលពីម្សិលម៉ិញបានរក ឃើញអ្នកឆ្លងកូវីដ១៩ ចំនួន ១៩នាក់ ។

ខេត្តបន្ទាយមានជ័យបានរកឃើញឆ្លងកូវីដ១៩ចំនួន ៤៥ នៅក្នុងរយៈពេល ២៤ម៉ោងចុងក្រោយនេះ ដែលជាចំនួនច្រើនជាងម្សិលម៉ិញចំនួនម្នាក់ ។ កាលពីម្សិលម៉ិញខេត្តបន្ទាយមានជ័យបានរកឃើញអ្នកឆ្លងកូវីដ១៩ចំនួន ៤៤នាក់ ។

ខេត្តសៀមរាប មានអ្នកវិជ្ជមានជំងឺកូវីដ ថ្មី ចំនួន៣៥នាក់ ក្នុងរយៈពេល២៤ម៉ោងចុងក្រោយ។ យោងតាម រដ្ឋបាលខេត្ត ក្នុងចំណោមអ្នកឆ្លងថ្មីទាំងនោះ មានអ្នកមកពីប្រទេសថៃចំនួន១៧នាក់ និង១៨នាក់ទៀត ជាករណី ឆ្លងក្នុងសហគមន៍ ដែលក្នុងនោះរួមមាន នៅស្រុកសូទ្រនិគមចំនួន៣នាក់, ស្រុកជីក្រែង១០នាក់, ក្រុងសៀមរាប ចំនួន៣នាក់, ស្រុកប្រាសាទបាគងម្នាក់, និងមកពីខេត្តកំពង់ធំម្នាក់។

ខេត្តក្រចេះ បានរកឃើញអ្នកឆ្លងកូវីដ១៩ ចំនួន ៣នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ យោងតាមរដ្ឋបាលខេត្តអ្នកឆ្លងថ្មីទាំង ៣នាក់ សុទ្ធតែជាការឆ្លងនៅក្នុងសហគមនទាំងអស់ ។ អ្នកជំងឺទាំង ៣ នាក់ នោះមានអាសយដ្ឋាននៅក្នុងស្រុក ឆ្លូងនៃខេត្តក្រចេះ ។

ខេត្តកំពង់ចាមរកឃើញអ្នកមានវិជ្ជមានកូវីដថ្មីចំនួន៣២នាក់បន្ថែមទៀត ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើនឡើង១៣នាក់ថែមទៀត បើប្រៀបធៀបនឹងម្សិលមិញដែលមានចំនួនតែ១៩នាក់ទេ។

ខេត្តព្រៃវែងរកឃើញអ្នកឆ្លងជំងឺកូវីដ-១៩ថ្មីចំនួន៣៣នាក់ និងអ្នកស្លាប់ម្នាក់ក្នុងរយៈពេល២៤ម៉ោងចុងក្រោយនេះ។ នេះជាតួលេខ ថយចុះចំនួន៨នាក់បើប្រៀបធៀបនឹងម្សិលមិញ ដែលមានអ្នកឆ្លង៣៩នាក់និងមនុស្ស ស្លាប់២នាក់ដោយសារកូវីដ១៩។

ខេត្តស្វាយរៀង បានរកឃើញអ្នកមានវិជ្ជមានជំងឺកូវីដ-១៩ ចំនួន ៣១ នាក់ ក្នុងរយៈពេល ២៤ម៉ោង ចុងក្រោយនេះ ដែលជាលេខឆ្លងខ្ពស់ជាងពីម្សិលម៉ិញរហូតដល់ ១៧នាក់ ។ កាលពីថ្ងៃច័ន្ទម្សិលម៉ិញ ខេត្តស្វាយរៀងបាន រកឃើញអ្នកឆ្លងកូវីដ១៩ ចំនួន ១៤នាក់ ។

ការឆ្លងចូលក្នុងសហគមន៍នៅថ្ងៃទី១៥មិថុនានេះមានតួលេខថយចុះចំនួន៥៤ករណីបើប្រៀបធៀបនឹងម្សិលមិញ។ ការចូលក្នុងសហគមន៍កាលពីថ្ងៃច័ន្ទមានចំនួន៥០៥ករណី, ចំណែកការឆ្លងក្នុងសហគមន៍នៅថ្ងៃអង្គារនេះ មានចំនួន៤៥១ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ បានកើនឡើងដល់៣ម៉ឺន ៨ពាន់១១នាក់ហើយ។