កម្ពុជាមានសិក្ខាកាមយោធាថ្មីចំនួន៧នាក់ទៀតហើយ ដែលបានបញ្ចប់ការសិក្សាកម្រិតថ្នាក់បច្ចេកទេស Specialist ពីវិទ្យាស្ថានវិស្វកម្មកាំភ្លើងធំនិងកាំជ្រួចមីស៊ីលរបស់សហព័ន្ធរុស្ស៊ី។ ប្រទេសរុស្ស៊ី ត្រូវគេចាត់ទុកជា ប្រទេស ដែលមានទំនើបនីយកម្មផ្នែកយោធានិងអាវុធបច្ចេកវិទ្យាខ្ពស់លំដាប់ធំទី២លើសកលលោកនិងជាប្រទេសដែលមានឃ្លាំងស្តុកអាវុធនុយក្លេអ៊ែ័រដ៏ធំបំផុតថែមទៀតក្នុងពិភពលោកនោះ។ សមាគមនិស្សិតខ្មែរប្រចាំ សហព័ន្ធរុស្ស៊ី បានសរសេរបញ្ជាក់ក្នុងសប្តាហ៍នេះថា សិក្ខាកាមយោធាកម្ពុជាទាំង៧រូបដែលបានបញ្ចប់ការសិក្សាកម្រិតថ្នាក់ បច្ចេកទេស Specialist ពីវិទ្យាស្ថានវិស្វកម្មកាំភ្លើងធំនិងកាំជ្រួចមីស៊ីលរបស់សហព័ន្ធរុស្ស៊ីនោះ រួមមានលោក ហែម នរៈសត្យា, លោក ផុន ណារិទ្ធ, លោក កែវ ផល្លី, លោក អ៊ឹង មេងលី, លោក ឱ សុវណ្ណបញ្ញា, លោក មាស សុជាត្ថា, និងលោក ងឿន ប៊ុនថេន។ សញ្ញាបត្រថ្នាក់ Specialist degree ទាំងអស់ដែលចេញដោយ ស្ថាប័នអប់រំរុស្ស៊ី គឺមានតម្លៃស្មើនឹងសញ្ញាបត្រថ្នាក់អនុបណ្ឌិតនៅប្រទេសកម្ពុជា។

អាជ្ញាធរបានចាប់អនុវត្តការរុះរើសំណង់បណ្តែតទឹកអនាធិបតេយ្យក្នុងទន្លេនៅរាជធានីភ្នំពេញហើយក្រោយ ឳសានវាទបានបិទបញ្ចប់កាលពីចុងសប្តាហ៍កន្លងមកនេះ។ ការអនុវត្តច្បាប់ចុះរុះរើនេះ បានធ្វើឡើងក្រោយ ឳសានវាទបិទបញ្ចប់កាលពីថ្ងៃទី១២មិថុនានោះ បានរំលងផុតហើយ ប៉ុន្តែនៅតែមានសំណង់បណ្តែតទឹកជា ច្រើនទៀត មិនព្រមធ្វើការរុះរើសំណង់អនាធិបតេយ្យនោះដោយខ្លួនឯងឡើយ។

ក្រសួងពាណិជ្ជកម្មកម្ពុជា បានឲ្យដឹងថា ទំហំពាណិជ្ជកម្មកម្ពុជា និងកូរ៉េខាងត្បូង សម្រេចបានជាង៣០២ លានដុល្លារក្នុងរយៈពេល៥ខែ ដើមឆ្នាំ២០២១បើទោះបីជាកម្ពុជានិងពិភពលោកបានរងនឹងការគំរាមវិបត្តិកូវីដ១៩ ។ គួរបញ្ជាក់ថាទំហំពាណិជ្ជកម្មទ្វេភាគីរវាងប្រទេសកម្ពុជា និងកូរ៉េខាងត្បូង ក្នុងឆ្នាំ២០២០ មានទំហំ ៨៨៤ លាន ដុល្លារអាមេរិក ក្នុងនោះកម្ពុជានាំចេញទំនិញទំហំ៣១៧លានដុល្លារ និងនាំចូលពីកូរ៉េមានទំហំ ៥៦៧លាន ដុល្លារ។

អ្នកដែលមានទំនាក់ទំនងជាមួយបុគ្គលិកធ្វើការនៅ Star Mart នៃស្ថានីយ៍ប្រេងឥន្ធនៈកាល់តិច សាខាបឹងត្រ បែក ត្រូវប្រញាប់ធ្វើចត្តាឡីស័ក និងតាមដានសុខភាព។ Star Mart នៃស្ថានីយ៍ប្រេងឥន្ធន:កាល់តិច សាខាបឹង ត្របែក មានទីតាំងស្ថិតនៅផ្លូវព្រះមុនីវង្ស សង្កាត់បឹងត្របែក នៃខណ្ឌចំការមន។

អ្នកដែលមានទំនាក់ទំនងជាមួយបុគ្គលិកធ្វើការនៅ ក្រុមហ៊ុន ឌីអេហ្វអាយ ឡាក់គី Private Ltd. ត្រូវប្រញាប់ ធ្វើចត្តាឡីស័ក និងតាមដានសុខភាព។ ក្រុមហ៊ុន ឌីអេហ្វអាយ ឡាក់គី Private Ltd. មានទីតាំងស្ថិតនៅផ្លូវលេខ ៥៥P សង្កាត់ទឹកថ្លា នៃខណ្ឌសែនសុខ។

អ្នកដែលបានទៅហាង Baby Care សាខាផ្សារសុវណ្ណា ត្រូវប្រញាប់ធ្វើចត្តាឡីស័ក និងតាមដានសុខភាព។ ហាង Baby Care សាខាផ្សារសុវណ្ណា មានទីតាំងស្ថិតនៅផ្ទះលេខ៨៩A, ផ្លូវ២៧១ សង្កាត់ទំនប់ទឹក នៃខណ្ឌបឹងកេងកង។

អ្នកដែលដែលមានទំនាក់ទំនងជាមួយបុគ្គលិកធ្វើការនៅ ធនាគារអេស៊ីលីដា សាខាវិមានឯករាជ្យ ត្រូវប្រញាប់ ធ្វើចត្តាឡីស័ក និងតាមដានសុខភាព។ ធនាគារអេស៊ីលីដា សាខាវិមានឯករាជ្យ មានទីតាំងស្ថិតនៅផ្ទះលេខ ១២៩, ផ្លូវព្រះនរោត្តម, សង្កាត់បឹងកេងកង១ នៃខណ្ឌបឹងកេងកង។

អ្នកដែលដែលមានទំនាក់ទំនងជាមួយបុគ្គលិកធ្វើការនៅ ហាង KOI សាខាទួលគោក ត្រូវប្រញាប់ធ្វើចត្តាឡីស័ក និងតាមដានសុខភាព។ ហាងKOI សាខាទួលគោក មានទីតាំងស្ថិតនៅផ្លូវ៣១៥ ក្នុងសង្កាត់បឹងកក់២ នៃខណ្ឌ ទួលគោក។