ខេត្តមណ្ឌលគិរី មានការឆ្លងកូវីដ១៩ថ្មីចំនួន១១នាក់ និងមានករណីអ្នកកើតកូវីដ១៩នាក់បានស្លាប់នៅថ្ងៃនេះ។ យោងតាម រដ្ឋបាលខេត្តការឆ្លងទាំង១១នាក់នោះ គឺជាការឆ្លងចូលក្នុងសហគមន៍ ។

ខេត្តកំពតបានរកឃើញអ្នកឆ្លងកូវីដ-១៩ថ្មីចំនួន៨១នាក់បន្ថែមទៀតក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត អ្នកឆ្លងទាំងនោះ គឺជាកម្មករ កម្មការិនី នៅរោងចក្រឈ្មោះ ពូចិន ដែលស្ថិតនៅស្រុក កំពង់ត្រាច។

ខេត្តកំពង់ចាមរកឃើញអ្នកវិជ្ជមានកូវីដថ្មីចំនួន១៩នាក់បន្ថែមទៀត ក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្តការរកឃើញថ្មីទាំងនេះ គឺស្ថិតក្នុងរង្វង់ការធ្វើតេស្តលើមនុស្សសង្ស័យ៦២៨នាក់។ ក្នុងចំណោមអ្នកឆ្លងថ្មីទាំង១៩នាក់នោះរួមមាននៅស្រុកកោះសូទិនម្នាក់, ក្រុងកំពង់ចាម២នាក់, ស្រុកស្រីសន្ធរ៥ នាក់, ស្រុកជើងព្រៃ៥នាក់, និងស្រុកចំការលើ៦នាក់។

ខេត្តកំពង់ឆ្នាំង ក្នុងរយៈពេល២៤ម៉ោងចុងក្រោយនេះ មានអ្នកឆ្លងកូវីដ១៩ចំនួន១១នាក់។ យោងតាមរដ្ឋបាល ខេត្តក្នុងចំណោមអ្នកឆ្លងទាំងនោះ រួមមានស្ត្រី៧នាក់ដែលជាអ្នកលក់ផលិតផល និងក្រៅពីនោះ គឺជាកម្មកររោង ចក្រ, អ្នកបើកតាក់ស៊ី និងកុមារផងដែរ។

ខេត្តបាត់ដំបង បានរកឃើញអ្នកមានវិជ្ជមានកូវីដ-១៩ ចំនួន៩នាក់បន្ថែមទៀត ក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត អ្នកឆ្លងថ្មីនោះ គឺជាអ្នកលក់ដូរ, ជាកម្មករ និងជាពលករមកពីប្រទេសថៃ។

ខេត្តបន្ទាយមានជ័យបានរកឃើញអ្នកឆ្លងកូវីដថ្មី ចំនួន៤៤នាក់ ក្នុងរយៈពេល២៤ម៉ោងចុងក្រោយនេះ និងក៏មានករណីអ្នកស្លាប់ម្នាក់ដោយសារជម្ងឺកូវីដនោះផងដែរ។ យោងតាមរដ្ឋបាលខេត្ត ក្នុងចំណោមអ្នកកឆ្លងថ្មីទាំងនោះ មានករណីឆ្លងសហគមន៍ចំនួន២៥នាក់, និងឆ្លងលើកម្មករខ្មែរមកពីប្រទេសថៃចំនួន១៩នាក់។

ខេត្តសៀមរាប បានរកឃើញអ្នកវិជ្ជមានជំងឺកូវីដ-១៩ ថ្មី ចំនួន៣៦នាក់ ក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត ក្នុងចំណោមអ្នកឆ្លងថ្មីទាំងនោះ រួមមាននៅស្រុកជីក្រែង៣នាក់, ក្រុងសៀមរាបចំនួន ១៩នាក់, ស្រុកប្រាសាទបាគងម្នាក់, ស្រុកក្រឡាញ់៥នាក់,ស្រុកវ៉ារិន២នាក់,ស្រុកពួកម្នាក់, ស្រុកស្រីស្នំ៣នាក់ និងមកពីខេត្តកំពង់ធំចំនួន២នាក់។ អ្នកឆ្លងកូវីដទាំង៣៦នាក់នោះ រួមមានពលករមកពីប្រទេសថៃចំនួន១២នាក់ និង២៤នាក់ទៀតជាករណីឆ្លងក្នុងសហគមន៍។