សត្វព្រៃក្នុងដែនជម្រកគូលែន ព្រហ្មទេព ត្រូវគេរាយការណ៍ជុំវិញការគំរាមកំហែងពីក្រុមព្រានព្រៃដើរប្រមាញ់។ មន្ត្រីជាន់ខ្ពស់ក្រសួងបរិស្ថានបានអំពាវនាវប្រជាពលរដ្ឋ សួមចូលរួមការពារសត្វស្លាប ពិសេស សត្វត្មាត ជាប្រភេទសត្វកម្រ ដោយបញ្ឈប់សកម្មភាពបរបាញ់ ឬការជួញដូរសត្វព្រៃ និងអភិរក្សធនធានធម្មជាតិ និងជីវៈ ចម្រុះ ទំាងអស់គ្នា ដើម្បីធានាបានសុវត្ថិភាពនិងធនធានធម្មជាតិដល់កូនចៅជំនាន់ក្រោយ៕

ពានរង្វាន់ពិភពលោក២ ក្នុងចំណោមពានរង្វាន់ ពិភពលោកចំនួន៦ សម្រាប់ជ័យលាភីទិវាពិភពលោកគ្មានថ្នាំជក់ ឆ្នាំ២០២១ក្នុងតំបន់អាស៊ីប៉ាស៊ីហ្វិក ត្រូវបានប្រគល់មកឲ្យកម្ពុជា ក្នុងនោះអ្នកទទួលបានគឺរដ្ឋមន្ត្រីក្រសួងសុខាភិបាលកម្ពុជាលោក ម៉ម ប៊ុនហេង និងម្នាក់ទៀតជាអភិបាលរងនៃខេត្តកំពង់ចាម។ ពានរង្វាន់ពិភពលោកទាំង២ នេះ ត្រូវបានធ្វើពិធីប្រគល់និងទទួលនៅថ្ងៃនេះក្នុងរាជធានីភ្នំពេញ។

ខេត្តព្រះវិហារ ក្នុងរយៈពេល ២៤ម៉ោងចុងក្រោយនេះ បានរកឃើញអ្នកឆ្លងជំងឺកូវីដ១៩ ចំនួន២នាក់ ដែលជាតួ លេខស្រកចុះជាងពីម្សិលម៉ិញចំនួន ៦នាក់ ។ ខេត្តព្រះវិហារ កាលពីម្សិលម៉ិញបានរកឃើញអ្នកឆ្លងកូវីដ១៩ ចំនួន ៨នាក់ ។

ខេត្តកោះកុងបានរកឃើញអ្នកវិជ្ជមានកូវីដ១៩ថ្មី ចំនួន៥នាក់ និងមានអ្នកស្លាប់ដោយសារជំងឺកូវីដ១៩ ម្នាក់ ក្នុងរយៈពេល២៤ម៉ោងចុងក្រោយនេះ ។ ការរកឃើញឆ្លងកូវីដ១៩ថ្មីចំនួន៥នាក់ នៅថ្ងៃនេះគឺជាតួលេខកើនខ្ពស់ ជាងពីម្សិលម៉ិញចំនួន៤នាក់ ដែលកាលពីម្សិលម៉ិញខេត្តកោះកុងបានរកឃើញអ្នកឆ្លងកូវីដ១៩ ចំនួនតែម្នាក់ នោះទេ ។

ខេត្តបន្ទាយមានជ័យ បានរកឃើញអ្នកវិជ្ជមានកូវីដ១៩ចំនួន ៣៤នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខថយចុះចំនួន ៣នាក់ បើប្រៀបធៀបនឹងម្សិលមិញ ។ ខេត្តបន្ទាយមានជ័យកាល ពី ម្សិលមិញបានរកឃើញអ្នកឆ្លងកូវីដ១៩ ចំនួន ៣៧នាក់ ។

ខេត្តកំពង់ធំ បានរកឃើញអ្នកឆ្លងជំងឺកូវីដ១៩ ចំនួន១២នាក់ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខថយចុះចំនួន៧នាក់ បើធៀបនឹងម្សិលមិញ ។ ខេត្តកំពង់ធំកាលពីម្សិលមិញបានរកឃើញអ្នក ឆ្លងកូវីដ១៩ចំនួន ១៨នាក់ ។