សម្តេចម៉ែដែលនឹងមានព្រះជន្មគម្រប់៨៥ព្រះវស្សានៅថ្ងៃទី១៨មិថុនាខាងមុខនេះ បានទទួលការថ្វាយព្រះពរ ពីឯកអគ្គរដ្ឋទូតចិនប្រចាំប្រទេសកម្ពុជា។ សម្តេចព្រះមហាក្សត្រីនរោត្តម មុនីនាថសីហនុ ទ្រង់ព្រះប្រសូតនៅថ្ងៃទី ១៨មិថុនាឆ្នាំ១៩៣៦។

ពិធីទទួលពានរង្វាន់នេះបានប្រារព្ធធ្វើឡើងនៅក្រសួងសុខាភិបាល នៅថ្ងៃទី១១ ខែមិថុនា ឆ្នាំ២០២១នេះក្រោម អធិបតីភាពរដ្ឋមន្ដ្រីក្រសួងសុខាភិបាល

គ្រឿងញៀនជិត៤គីឡូក្រាមត្រូវបានរឹបអូសក្នុងការបង្ក្រាប៣ករណីផ្សេងគ្នាក្នុងរាជធានីភ្នំពេញ។យោងតាមមន្ទីរ ប្រឆាំងបទល្មើសគ្រឿងញៀន ការបង្ក្រាបក្នុង ករណីទី១ធ្វើឡើងនៅវេលាម៉ោង៨កន្លះថ្ងៃទី៤មិថុនាឆ្នាំ២០២១ នៅចំណុចផ្ទះជួល ស្ថិតក្នុងភូមិប៉ប្រក សង្កាត់កាកាប ក្នុងខណ្ឌពោធិ៍សែនជ័យ។ ក្នុងប្រតិបត្តិការនោះ សមត្ថកិច្ច បានឃាត់ខ្លួនជនសង្ស័យ២នាក់ ឈ្មោះ សេងស៊ីនួន ហៅ ម៉ាលីស ភេទស្រី អាយុ ៣២ឆ្នាំ និងឈ្មោះ អ៊ុក ធី ភេទប្រុស អាយុ ៣៧ឆ្នាំ។ សមត្ថិច្ចបានរឹបអូសវត្ថុតាងគ្រឿងញៀនប្រភេទមេតំហ្វេតាមីន(ICE) ទម្ងន់១គីឡូ ក្រាម៥៨៧ក្រាម និង៨៤មីលីក្រាម។

ក្រសួងអប់រំគ្រោងនឹងរៀបចំព្រឹត្តិការណ៍ប្រកួតសិស្សឆ្នើមទូទាំងប្រទេសលើកទី១តាមវេទិកាឌីជីថល ដើម្បីលើកកម្ពស់ការសិក្សា របស់សិស្សដែលរៀនតាមវិធីសាស្ត្រថ្មី។ ក្រសួងអប់រំបានជួនដំណឹងនៅថ្ងៃទី១០មិថុនានេះជុំ វិញគម្រោងមួយ ឈ្មោះ “បំណងប្រាថ្នា” សម្រាប់សិស្សានុសិស្សពីថ្នាក់ទី៧ដល់ទី១២ មកពីគ្រឹះស្ថានសិក្សា រដ្ឋ និងឯកជនទូទាំង ប្រទេស។

សមាជិកភាគច្រើនរួមទាំងកម្ពុជាផងដែរ បានជំទាស់នឹង សំណើរបស់វៀតណាមដែលចង់ពន្យាការប្រកួត ស៊ីហ្គេមដែលត្រៀមធ្វើនៅចុងឆ្នាំ២០២១។ ប្រទេសវៀតណាម ដែលគ្រោងធ្វើជាម្ចាស់ផ្ទះនៃការប្រកូតកីឡាស៊ី ហ្គេមលើកទី៣១រវាងពីថ្ងៃទី២១វិច្ឆិកា ដល់ថ្ងៃទី២ធ្នូ ឆ្នាំ២០២១ បានស្នើដល់បណ្តាប្រទេសជាសមាជិក រកការ លើកពេលទៅធ្វើនៅឆ្នាំ២០២២ជំនួសវិញ ដោយសារតែវិបត្តិ ជំងឺកូវីដ-១៩។ ការស្នើនោះ បានជម្រុញឲ្យ ការិយា ល័យសហព័ន្ធកីឡាស៊ីហ្គេមបានធ្វើការកោះប្រជុំបន្ទាន់ មួយកាលពីថ្ងៃពុធ។ អគ្គលេខាធិការគណៈកម្មាធិការ ជាតិអូឡាំពិកកម្ពុជាលោក វ៉ាត់ ចំរើន បានថ្លែងថាប្រទេសភាគច្រើនជាសមាជិករបស់កីឡាស៊ីហ្គេមបានជំទាស់ ចំពោះសំណើនោះ។

អាជ្ញាធរខណ្ឌឫស្សីកែវ បានចុះរំលឹកដាស់តឿនអ្នកធ្វើសំណង់បណ្តែតទឹកក្នុងទន្លេត្រូវរុះរើជាបន្ទាន់ ទន្ទឹមនឹង ឳសានវាទថ្ងៃទី១២មិថុនាកាន់តែកៀកជិតមកដល់។ ក្នុងខណ្ឌឫស្សីកែវតែមួយ សំណង់អនាធិបតេយ្យបណ្តែត ទឹកក្នុងទន្លេងត្រូវគេរាយការណ៍មានច្រើនជាង១០០សំណង់។

កម្ពុជាបានចុះហត្ថលេខាទទួលយកវត្ថុបុរាណខ្មែរចំនួន២៧រូបពីសហរដ្ឋអាមេរិក។ ឯកអគ្គរាជទូតកម្ពុជាប្រចាំសហរដ្ឋអាមេរិកលោក ជុំ សុន្ទរី និងរដ្ឋអាជ្ញានៃការិយាល័យរដ្ឋអាជ្ញាប្រចាំសង្កាត់ញូយ៉កលោក Cyrus Vance នៅថ្ងៃទី៩មិថុនាឆ្នាំ២០២១ បានចុះហត្ថលេខាលើកិច្ចព្រមព្រៀងស្ដីពីការផ្ទេរសិទ្ធិគ្រប់គ្រងវត្ថុបុរាណរបស់កម្ពុជា ដែលត្រូវបានជួញដូរទាំង២៧រូបនោះ ប្រគល់មកឲ្យកម្ពុជាវិញ។

ខេត្តព្រះសីហនុ មានការឆ្លងថ្មីចំនួន៤៨នាក់នៅថ្ងៃនេះ ដែលជាតួលេខកើន១១នាក់បើប្រៀបធៀបនឹងម្សិលមិញ។ កាលពីថ្ងៃពុធទី៩មិថុនា ខេត្តព្រះសីហនុមានការឆ្លងថ្មីចំនួន៣៧នាក់។ យោងតាម រដ្ឋបាលខេត្ត ក្នុងចំណោមការឆ្លងថ្មីចំនួន៤៨នាក់នេះ រួមមានការឆ្លងក្នុងក្រុងព្រះសីហនុ២៥នាក់និងនៅឆ្លងក្នុង ស្រុកព្រៃ នប់ចំនួន២៣នាក់។