ការឆ្លងចូលក្នុងសហគមន៍នៅថ្ងៃទី១០មិថុនានេះបានថយចុះចំនួន២៩១ករណីបើប្រៀបធៀបនឹងម្សិលមិញ។ ការចូលក្នុងសហគមន៍កាលពីថ្ងៃពុធមានចំនួន៦៧១ករណី ចំណែកការឆ្លងក្នុងសហគមន៍នៅថ្ងៃព្រហស្បតិ៍ នេះ មានចំនួន៣៨០ករណី។ នេះជាតួលេខថយចុះខ្លាំងបំផុតមួយបើប្រៀបធៀបនឹងការឆ្លងក្នុងខែឧសភាដែលក្នុង មួយថ្ងៃៗការឆ្លងគិតជាមធ្យមធ្លាប់តែមានជាង៥០០ករណីនោះ។ ក្នុងខែឧសភាកន្លងមកនេះ ការឆ្លងពេញមួយ ខែមានចំនួន១ម៉ឺន៦ពាន់៣៤៨ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈរយៈពេល ១១០ថ្ងៃមក បានកើនឡើងដល់៣ម៉ឺន៥ពាន់៤១៨នាក់ហើយ។

គណៈកម្មាធិការជាតិរៀបចំការបោះឆ្នោត បានចេញលិខិតសម្រេចការលុបចោលការបោះឆ្នោតសាកល្បង ជ្រើសរើសក្រុមប្រឹក្សាឃុំសង្កាត់ ក្រោយលិខិតស្នើមួយរបស់នាយករដ្ឋមន្ត្រីនៃប្រទេសកម្ពុជា។

ចំនួនមនុស្សដែលបានចាក់វ៉ាក់សាំងក្នុងប្រទេសកម្ពុជាបានប្រមាណ២៧,៧៦% នៃចំនួនប្រជាជនដែលគ្រោង នឹងចាក់ជាង១០លាននាក់ ខណៈបណ្តាប្រទេសមួយចំនួននៅលើសកលលោកនៅតែប្រឈមនឹងកង្វះវ៉ាក់សាំង នៅឡើយនោះទេ។

សាច់ប្រាក់ចំនួន១៦ពាន់លានរៀលដែលស្មើនឹងប្រមាណ៤លានដុល្លារអាមេរិក នឹងគ្រោងចែកផ្តល់ឧបត្ថម្ភ ដល់គ្រួសារជាង៦ម៉ឺនគ្រួសារដែលជួបការលំបាកនិងស្លាប់ដោយសារជម្ងឺកូវីដ១៩។ ទំហំសាច់ប្រាក់ឧបត្ថម្ភនេះ ត្រូវបានលើកឡើងក្នុងសន្និសីទកាសែតមួយដែលមានការអញ្ជើញចូលរួមពីរដ្ឋមន្ត្រីក្រសួងសង្គមកិច្ចនិងអតីត យុទ្ធជន លោកវង សូត្រ នៅថ្ងៃទី១០មិថុនានេះ។

រាជធានីភ្នំពេញ បានប្រញាប់ចុះទៅពន្យល់កម្មករនិងកម្មការីនីក្នុងរោងចក្រហ្វ័រត្រេស ក្នុងខណ្ឌដង្កោនៅថ្ងៃទី ១០មិថុនានេះ ក្រោយមានហេតុការណ៍រត់គេចរបស់កម្មករទាំងនោះក្នុងពេលមានក្រុមគ្រួពេទ្យចុះយកសំណាក រកកូវីដ១៩។

រដ្ឋមន្ត្រីការបរទេសកម្ពុជានិងថៃ បានជួបពិភាក្សាទ្វេភាគីរវាងគ្នានៅក្នុងដំណើរទស្សនកិច្ចក្នុងប្រទេសចិននា សប្តាហ៍នេះ និងភាគីទាំង២ បានជម្រុញទំហំពាណិជ្ជកម្មឲ្យកើនដល់១៥ពាន់លានដុល្លារកំណត់ដោយប្រមុខដឹក នាំរាជរដ្ឋាភិបាលនៃប្រទេសទាំង២។

+មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ១. រាជរដ្ឋាភិបាលបញ្ជាក់គម្រោងឧបត្ថម្ភ៤លានដុល្លារដល់ពលរដ្ឋប៉ះពាល់ជាង៦ម៉ឺនគ្រួសារដោយសារកូវីដ១៩

គ្រោះថ្នាក់ចរាចរណ៍នៅថ្ងៃទី០៩មិថុនាឆ្នាំ២០២១នេះ បានបង្កអោយមានមនុស្សស្លាប់០២នាក់ និងមានអ្នករង របួសធ្ងន់និងស្រាលចំនួន៩នាក់ ។ សេចក្តីរាយការណ៍ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស បាន បញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុប១១នាក់នៅថ្ងៃនេះ គឺកើតឡើងដោយសារ ហេតុការណ៍ប៉ះទង្គិចចំនួន០៤លើក។

មន្ត្រីកម្ពុជានិងថៃក្នុងខេត្តឧត្តរមានជ័យ បានសន្យាបន្តពង្រឹងកិច្ចសហការគ្នាពង្រីកសក្ដានុពលពាណិជ្ជកម្ម នៅ តាមច្រកទ្វារអន្តរជាតិព្រំដែន។ ការសន្យាពង្រឹងសក្តានុពលពាណិជ្ជកម្មនេះ បានធ្វើឡើងកាលពីថ្ងៃទី៨មិថុនា ក្នុងពេលអភិបាលខេត្តឧត្តរមានជ័យ បានជួបជាមួយឯកអគ្គរាជទូតថៃប្រចាំកម្ពុជាក្នុងពេល ជួបពិភាក្សាការងារ បញ្ហានៅព្រំដែននៃខេត្តភាគឧត្តរប្រទេស។

គ្រាប់មីននិងគ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់ទៀត ត្រូវបានគេប្រទះឃើញកប់នៅក្រោមគុម្ពឫស្សីនៅ ខេត្តបាត់ដំបង។ សេចក្តីរាយការណ៍បានបញ្ជាក់ថា គ្រាប់មិនទាន់ផ្ទុះទាំងនោះត្រូវគេរកឃើញ កាលពីថ្ងៃទី ៨ខែ មិថុនា ស្ថិតនៅភូមិផ្លូវមាស, ឃុំផ្លូវមាស នៃស្រុករតនមណ្ឌល។