ខេត្តព្រះសីហនុ មានការឆ្លងថ្មីចំនួន៣៧នាក់នៅថ្ងៃនេះដែលជាតួលេខធ្លាក់ចុះ៤២នាកបើប្រៀបធៀបនឹង ម្សិលមិញ។ ការពីថ្ងៃអង្គារ៍ទី៨មិថុនាកន្លងមកនេះ ខេត្តព្រះសីហនុមានការឆ្លងថ្មីចំនួន៧៩នាក់។

ខេត្តកំពតមានការឆ្លងថ្មីចំនួន៤៩នាក់ ក្នុងរយៈពេល២៤ម៉ោងចុងក្រោយនេះ។ ការឆ្លងនៅថ្ងៃនេះ មានតូលេខ ថយចុះ៩នាក់បើប្រៀបធៀបនឹងម្សិលមិញដែលមានការរកឃើញឆ្លងថ្មីដល់ទៅ៥៨នាក់នោះ។

ខេត្តកំពង់ចាម បានរកឃើញអ្នកឆ្លងកូវីដ១៩ថ្មី ចំនួន ១៨នាក់ បន្ថែមទៀត ក្នុងរយៈពេល ២៤ម៉ោងចុងក្រោយ នេះ ដែលជាចំនួនថយចុះរហូតដល់ទៅ ១០នាក់ បើធៀបនឹងម្សិលម៉ិញ ។ កាលពីម្សិលម៉ិញខេត្តកំពង់ចាម បានរកឃើញអ្នកឆ្លងកូវីដ១៩ ចំនួន ២៨នាក់ ។ យោងតាមរដ្ឋបាលខេត្ត អ្នកឆ្លងថ្មីទាំងនេះ គឺ ស្ថិតក្នុងរង្វង់ការធ្វើ តេស្តលើមនុស្សសង្ស័យចំនួន ៥៨០នាក់។

ខេត្តស្វាយរៀង នៅក្នុងរយៈពេល២៤ម៉ោង ចុងក្រោយនេះ បានរកឃើញអ្នកឆ្លងកូវីដ១៩ថ្មី ចំនួន៣៨នាក់ដែល ជាចំនួនកើនខ្ពស់ចំនួន១៧នាក់ បើធៀបនឹងការរកឃើញឆ្លងនៅថ្ងៃម្សិលម៉ិញ ។ កាលពីថ្ងៃអង្គារម្សិលម៉ិញ ខេត្ត ស្វាយរៀងបានរកឃើញអ្នកឆ្លងកូវីដ១៩ ចំនួនតែ២១នាក់ទេ ។

ខេត្តព្រៃវែង បានរកឃើញ អ្នកវិជ្ជមានកូវីដ-១៩ ចំនួន១៩នាក់ និងមានមានអ្នកស្លាប់ម្នាក់ ក្នុងរយៈពេល២៤ម៉ោង ចុងក្រោយនេះ ។ តួលេខឆ្លងថ្មីក្នុងខេត្តព្រៃវែងនៅថ្ងៃនេះ គឺថយចុះជាងកាលពីម្សិលម៉ិញចំនួន៥នាក់ដោយកាល ពីម្សិលម៉ិញនោះ ខេត្តព្រៃវែងបានរកឃើញអ្នកឆ្លងកូវីដ១៩ចំនួន ២៤នាក់ ។ ខេត្តព្រៃវែងនាប៉ុន្មានថ្ងៃបន្តបន្ទាប់គ្នានេះ ត្រូវគេសង្កេតឃើញថា តួលេខនៃការឆ្លងមានការថយចុះជាលំដាប់ ។

ការបន្តឆ្លងនៅមិនទាន់ឈប់ឈរក្នុងរង្វង់ចំណោមក្រុមកម្មករ បានតម្រូវឲ្យរដ្ឋបាលរាជធានីបានស្នើ ក្រសួង ការងារនិងបណ្តុះបណ្តាលវិជ្ជាជីវៈ ចាត់វិធានការប្រមូលស្រង់តួលេខនិងទិន្នន័យស្នាក់នៅពិតប្រាកដរបស់ កម្មករ។

រាជធានីភ្នំពេញបានបន្ថែមផ្នែកខ្លះទៀតក្នុងខណ្ឌពោធិ៍សែនជ័យជាតំបន់លឿងទុំ ក្រោយការរកឃើញករណី ឆ្លងនៅទីនោះមិនទាន់ធ្លាក់ចុះ។ កាលពីម្សិលមិញ អភិបាលខណ្ឌពោធិ៍សែនជ័យលោក ហែម ដារិទ្ធ ត្រូវគេរាយការណ៍ថាបានរងការឆ្លងនឹងជម្ងឺកូវីដ១៩ផងដែរ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ មានការឆ្លងកូវីដ១៩ថ្មី មានចំនួន២ម៉ឺន៣ ពាន់ ២៩ករណី និងការស្លាប់ថ្មីមានចំនួន៤២០នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៧២៩ ករណី ក្នុងនោះ៦៧១ករណីជាការឆ្លងក្នុងសហគមន៍, និង៥៨ករណីទៀតជាការនាំ ចូលពី ក្រៅប្រទេស។

ក្រសួងមហាផ្ទៃបានពង្រឹងចំណាត់ការជួយព្យាបាលអ្នកទោសឆ្លងកូវីដ១៩ ក្រោយសេចក្តីរាយការណ៍ ជាបន្តបន្ទាប់ជុំវិញអ្នកទោសដែលបានឆ្លងកូវីដ១៩ និងមានករណីស្លាប់ផងដែរក្នុងពន្ធនាគារកន្លងមកនេះ។

ចំនួនមនុស្សដែលបានចាក់វ៉ាក់សាំងក្នុងប្រទេសកម្ពុជាបានប្រមាណ ២៧,៧០% នៃចំនួនប្រជាជនដែលគ្រោង នឹងចាក់ជាង១០លាននាក់ ខណៈបណ្តាប្រទេសមួយចំនួននៅលើសកលលោកនៅតែប្រឈមនឹងកង្វះវ៉ាក់សាំង នៅឡើយនោះទេ។