ខណ្ឌឫស្សីកែវ បានបើកដំណើរការឡើងវិញទីតាំង១៣កន្លែង ក្រោយការបិទមួយរយៈពេលដោយសារតែការ ឆ្លងជម្ងឺកូវីដ១៩។

រដ្ឋមន្ត្រីការបរទេសកម្ពុជា និងវៀតណាមបានជួបពិភាក្សាគ្នា​នៅក្នុងប្រទេសចិន និងបានបញ្ជាក់សាជាថ្មីពីការ ប្ដេជ្ញាចិត្តបន្តពង្រឹងនិងពង្រីកទំនាក់ទំនងទ្វេភាគីនិងកិច្ចសហប្រតិបត្តិការលើគ្រប់វិស័យ។

កម្ពុជានិងចិនបានចុះហត្ថលេខារួមគ្នាលើឯកសារកិច្ចសហប្រតិបត្តិការទ្វេភាគីមួយចំនួនក្នុងឳកាសដែល រដ្ឋមន្ត្រី ការបរទេសកម្ពុជាលោក ប្រាក់ សុខុន បានបំពេញទស្សនកិច្ចជាផ្លូវការក្នុងប្រទេសចិននាពេលនេះ។

ខេត្តឧត្តមានជ័យ បានរកឃើញអ្នកឆ្លងកូវីដ១៩ថ្មីចំនួន៦នាក់បន្ថែមទៀត ក្នុងរយៈពេល២៤ម៉ោងចុងក្រោយនេះ ដែលជាចំនួនថយចុះជាងកាលពីម្សិលម៉ិញចំនួន៧នាក់ ។ ខេត្តឧត្តមានជ័យ កាលពីម្សិលម៉ិញបានរកឃើញ អ្នកឆ្លងកូវីដ១៩ ចំនួន ១៣នាក់ ។

ខេត្តព្រះវិហារ ក្នុងរយៈពេល២៤ម៉ោងចុងក្រោយនេះ ការរកឃើញអ្នកឆ្លងកូវីដ១៩ថ្មី ចំនួនម្នាក់ដែលជា តួលេខថយចុះ បើធៀបនឹងម្សិលម៉ិញ ។ ខេត្តព្រះវីហារ កាលពីថ្ងៃអង្គារ បានរកឃើញអ្នកឆ្លងកូវីដ១៩ ចំនួន២នាក់ និងនៅថ្ងៃនេះបានរកឃើញអ្នកឆ្លងកូវីដ១៩ថ្មី តែម្នាក់ទេ និងជាការឆ្លងលើពលករដែលទើបវិលត្រមកពីប្រទេស ថៃ ។

ខេត្តកំពង់ធំ តួលេខឆ្លងកូវីដ១៩ថ្មី ក្នុងរយៈពេល២៤ម៉ោងចុងក្រោយនេះ មានការកើនខ្ពស់ជាងពីម្សិលម៉ិញ ចំនួន ៨នាក់ ។ នៅថ្ងៃនេះ ខេត្តកំពង់ធំបានរកឃើញអ្នកឆ្លងកូវីដ១៩ថ្មីចំនួន ១៨នាក់ និងកាលពីម្សិល ម៉ិញ បានរកឃើញអ្នកឆ្លងថ្មីចំនួន១០នាក់ ។

ខេត្តប៉ៃលិនបានបន្តរកឃើញអ្នកឆ្លងកូវីដ១៩ ចំនួន ៩នាក់ ក្នុងរយៈពេល២៤ម៉ោងចុងក្រោយនេះ ដែលជាចំនួន កើនលើសជាងកាលពីម្សិលម៉ិញចំនួន៤នាក់។ កាលពីម្សិលម៉ិញខេត្តប៉ៃលិនបានរកឃើញអ្នកឆ្លងកូវីដ១៩ ចំនួន ៥នាក់ ។

ខេត្តសៀមរាប ក្នុងរយៈពេល២៤ម៉ោងចុងក្រោយនេះ បានរកឃើញអ្នកមានវិជ្ជមានកូវីដ១៩ថ្មីចំនួន៤៩នាក់។ ការឆ្លងដែលមានចំនួនច្រើនយ៉ាងនេះ បានជម្រុញឲ្យរដ្ឋបាលខេត្តចាប់ផ្តើមចុះផាកពិន័យ អ្នកដែលមិនពាក់ម៉ាស និងការពាក់ម៉ាសមិនត្រឹមត្រូវ នៅក្នុងភូមិ សាស្ត្រខេត្តសៀមរាបនោះ។

ខេត្តបន្ទាយមានជ័យ បានរកឃើញអ្នកឆ្លងថ្មីកូវីដ១៩ ចំនួន៣៥នាក់ ថែមទៀត ក្នុងរយៈពេល២៤ម៉ោង ចុង ក្រោយនេះ ដែលជាចំនួនឆ្លងតិចជាងពីម្សិលម៉ិញចំនួន៧នាក់ ។ ខេត្តបន្ទាយមានជ័យកាលពីថ្ងៃម្សិលម៉ិញបាន រកឃើញអ្នកឆ្លងកូវីដ១៩ ចំនួន៤២នាក់ ។

ខេត្តត្បូងឃ្មុំបានរកឃើញអ្នកឆ្លងកូវីដ១៩ថ្មីចំនួន ១២នាក់ នៅក្នុងរយៈពេល២៤ម៉ោងចុងក្រោយនេះ ។ យោងតាមរដ្ឋបាលខេត្ត អ្នកដែលទើបរកឃើញឆ្លងថ្មីទាំង១២នាក់នៅថ្ងៃនេះ គឺជាករណីឆ្លងនៅក្នុងសហគមនទាំងអស់ ដែលពលរដ្ឋទាំងនោះរួមមានស្រ្តី៨នាក់ និងបុរស ៤នាក់ ។