ខេត្តប៉ៃលិននៅក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងកូវីដ១៩ថ្មីចំនួន ៨នាក់ ដែល ជាតួលេខថយចុះជាងកាលពីម្សិលមិញចំនួនម្នាក់ ។ ខេត្តប៉ៃលិនកាលពីទី៩មិថុនា បានរកឃើញអ្នកមានវិជ្ជមាន កូវីដ១៩ ចំនួន៩នាក់ ។

ខេត្តកំពង់ឆ្នាំង បានផ្អាកការធ្វើដំណើរតាមរថយន្តតាក់ស៊ីទំាងអស់ពីក្រុងកំពង់ឆ្នាំង ទៅកាន់រាជធានីភ្នំពេញ ក្រោយការរកឃើញមានអ្នកឆ្លងតាមរយៈក្រុមបើកបរតាក់ស៊ី។ សេចក្តីជូនដំណឹងរបស់សាលាក្រុងកំពង់ឆ្នាំង ថ្ងៃទី១០មិថុនា បានបញ្ជាក់ថា ការផ្អាកនេះដោយសារជម្ងឺកូវិដ១៩បច្ចុប្បន្ន កំពុងឆ្លងរាលដាលយ៉ាងខ្លាំង តាម រយៈអ្នកបើកបររថយន្តតាក់ស៊ី។

ភាពពាក់ព័ន្ធនឹងបុរសម្នាក់ដែលបានស្លាប់ដោយសារជម្ងឺកូវីដ១៩នៅក្នុងខេត្តសៀមរាប បានជម្រុញឲ្យរដ្ឋបាល ខេត្តត្រូវដាក់ភូមិចំនួន៤ជាតំបន់ក្រហម។យោងតាមរដ្ឋបាលខេត្តភូមិទាំង៤ដែលកំណត់ជាតំបន់ក្រហមនៅថ្ងៃទី ១០មិថុនានោះ គឺភូមិរការធំ, ភូមិព្រៃធំ, ភូមិចន្លោង និងភូមិស្រងែ ដែលស្ថិតក្នុងសង្កាត់ស្រងែ ក្រុងសៀមរាប។

ខេត្តឧត្តរមានជ័យបានរកឃើញអ្នកឆ្លងកូវីដ១៩ ចំនួន៥នាក់ បន្ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាចំនួនស្រកចុះជាងពីម្សិលមិញចំនួនម្នាក់ ។ ខេត្តឧត្តរមានជ័យ កាលពីម្សិលម៉ិញបានរកឃើញអ្នក ឆ្លងកូវីដថ្មីចំនួន៦នាក់ ។

ខេត្តកំពង់ស្ពឺ បានរកឃើញអ្នកឆ្លងកូវីដ១៩ថ្មីចំនួន ៣០នាក់ ក្នុងរយៈពេល២៤ម៉ោងចុងក្រោយនេះ។ យោងតាម រដ្ឋបាលខេត្ត នៅក្នុងរយៈពេល២៤ម៉ោងចុងក្រោយនេះ ក៏មានអ្នកជំងឺចំនួន ៥០នាក់ បានជាសះស្បើយផងដែរ ដែលនាំអោយអ្នកជាសះស្បើយសរុបក្នុងខេត្តមួយនេះ បានកើនចំនួនដល់ ៥៧៥នាក់ហើយ។ គិតត្រឹមថ្ងៃនេះ ខេត្តកំពង់ស្ពឺនៅមានសល់អ្នកជំងឺកំពង់ទទួលការព្យាបាលនៅមន្ទីរពេទ្យចំនួន ១ពាន់ ៦៨១ នាក់ទៀត ៕

ខេត្តកំពង់ចាមបានរកឃើញអ្នកឆ្លងកូវីដ១៩ចំនួន ២០នាក់ទៀតហើយ នៅក្នុងរយៈពេល ២៤ ម៉ោងចុងក្រោយ នេះ ដែលជាតួលេខកើនជាងពីម្សិលម៉ិញចំនួន២នាក់ ។ ខេត្តកំពង់ចាមកាលពីម្សិលម៉ិញបានរកឃើញអ្នកឆ្លង កូវីដថ្មីចំនួន១៨នាក់ ។

ខេត្តស្វាយរៀងបានរកឃើញអ្នកមានវិជ្ជមានកូវីដថ្មីចំនួន២៨នាក់ ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកឆ្លងទាំងនោះ រួមមាន១៦នាក់ជាកម្មករនិងកម្មការិនីនៅតាមរោងចក្រនានា និងក្រៅ ពីនោះអ្នកឆ្លងមាននៅក្រុងស្វាយរៀង៣នាក់, ស្រុកស្វាយជ្រំ២នាក់, ស្រុកចន្ទ្រាម្នាក់, និងស្រុករមាសហែក ម្នាក់។

ខេត្តព្រៃវែង បានរកឃើញអ្នកវិជ្ជមានកូវីដ-១៩ ចំនួន៤០នាក់ បន្ថែមទៀត ក្នុងរយៈពេល២៤ម៉ោងចុងក្រោយនេះ ដែលជាតួលេខឡើងខ្ពស់ជាងពីម្សិលម៉ិញរហូតដល់២១នាក់ ។ ខេត្តព្រៃវែងកាលពីថ្ងៃពុធម្សិលម៉ិញបានរកឃើញអ្នកឆ្លងកូវីដថ្មីតែ១៩នាក់នោះទេ ។

ការចាក់វ៉ាក់សាំងក្នុងយុទ្ធសាស្ត្រផ្ការីក បានឈានចេញដល់ខេត្តកណ្តាលនៅថ្ងៃនេះហើយ។ ក្រុងតាខ្មៅនិង ស្រុកទាំង១០ក្នុងខេត្តកណ្តាល បានទទួលការចាក់វ៉ាក់សាំងលើពលរដ្ឋចាប់ពីផ្តើមពីថ្ងៃទី១០មិថុនានេះហើយ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៥ពាន់៧ករណី និងការ ស្លាប់ថ្មីមានចំនួន៤៦៥នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុបចំនួន៤២៦ករណី ក្នុងនោះ៣៨០ករណីជាការឆ្លងក្នុងសហគមន៍, និង៤៦ករណីទៀតជាការនាំចូលពីក្រៅប្រទេស។