ខេត្តបាត់ដំបង បានរកឃើញអ្នកវិជ្ជមានកូវីដ-១៩ថ្មីចំនួន១៤នាក់បន្ថែមទៀត ក្នុងរយៈពេល២៤ម៉ោងចុង ក្រោយនេះ។ យោងតាមរដ្ឋបាលខេត្ត ក្នុងចំណោមអ្នកឆ្លងថ្មីនោះ មាន៥នាក់ជាករណីឆ្លងក្នុងសហគមន៍ និង ៩នាក់ជាអ្នកដំណើរមកពីប្រទេសថៃ។

ខេត្តកំពង់ចាម បានរកឃើញអ្នកឆ្លងកូវីដ១៩ថ្មី ៣៨នាក់ ទៀត និងជាមួយអ្នកស្លាប់ដោយសារជំងឺកូវីដ១៩ម្នាក់ ក្នុងរយៈពេល២៤ម៉ោង ចុងក្រោយនេះ ។ ការឃើញឆ្លងថ្មីចំនួន ៣៨នាក់ នៅថ្ងៃនេះ គឺតួលេខឆ្លងខ្ពស់ជាងម្សិល ម៉ិញរហូតដល់ទៅ១៨នាក់ ដែលកាលពីម្សិលម៉ិញនោះ ខេត្តកំពង់ចាមបានរកឃើញអ្នកឆ្លងកូវីដ១៩ចំនួន ២០ នាក់ ។

ខេត្តព្រៃវែង បានរកឃើញ អ្នកវិជ្ជមានកូវីដ-១៩ ចំនួន៤២នាក់បន្ថែមទៀត ក្នុងរយៈពេល២៤ម៉ោងចុងក្រោយនេះ ដែលជាតួលេខកើនឡើងជាងម្សិលមិញចំនួន២នាក់ ។ ខេត្តព្រៃវែងកាលពីម្សិលមិញបានរកឃើញអ្នកឆ្លងកូវីដ ១៩ចំនួន ៤០នាក់ ។

ខេត្តសៀមរាប បានរកឃើញអ្នកឆ្លងកូវីដ១៩ ចំនួន ៤៥នាក់ នៅក្នុងរយៈពេល២៤ម៉ោងចុងក្រោយនេះ ដែលជា តួលេខថយចុះចំនួន៤នាក់ បើប្រៀបធៀបនឹងថ្ងៃម្សិលមិញ ។ ខេត្តសៀមរាបកាលពីម្សិលម៉ិញបានរកឃើញអ្នក ឆ្លងកូវីដ១៩ចំនួន៤៩នាក់ ។

ការជម្រុញការរុះរើសំណង់អនាធិបតេយ្យបណ្តែតទឹកក្នុងទន្លេក្នុងរាជធានីភ្នំពេញបានបន្តថែមទៀត។ សេចក្តីរាយការណ៍បានបង្ហាញថាក្នុងខណ្ឌចំនួន៥ សំណង់បែត្រីខុសច្បាប់ជាង៨០០កន្លែង ទើបតែបានរុះរើស្ម័គ្រចិត្ត ចំនួនជាង៨០កន្លែងទេ, ចំណែកសំណង់ផ្ទះបណ្តែតទឹកជាង៧៨០កន្លែងទៀតទើបបានរើចំនួនជិត៩០កន្លែង ផងដែរសរុបជាង១៧០កន្លែងក្នុងចំណោមសំណង់អនាធិបតេយ្យច្រើនពាន់កន្លែងនៅលើផ្ទៃទឹកទន្លេ។ អាជ្ញាបានដាក់ឳសានវាទការរុះរើដោយស្ម័គ្រចិត្តនោះ ត្រឹមថ្ងៃទី១២មិថុនា នៅមុនការប្រើកម្លាំងចុះរុះរើតាមការអនុវត្ត ច្បាប់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៤ពាន់ ៨៦៨ ករណី និងការស្លាប់ថ្មីមានចំនួន៥១៥នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុប ចំនួន៦៥៥ករណី ក្នុងនោះ៦០៦ករណីជាការឆ្លងក្នុងសហគមន៍, និង៤៩ករណីទៀតជាការនាំចូលពីក្រៅប្រ ទេស។

ការឆ្លងចូលក្នុងសហគមន៍នៅថ្ងៃទី១១មិថុនានេះបានកើនឡើងចំនួន២២៦ករណីបើប្រៀបធៀបនឹងម្សិលមិញ។ ការឆ្លងចូលក្នុងសហគមន៍កាលពីថ្ងៃព្រហស្បតិ៍មានចំនួន៣៨០ករណី ប៉ុន្តែការឆ្លងចូលក្នុងសហគមន៍នៅថ្ងៃ សុក្រនេះ មានចំនួន៦០៦ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ បានកើនឡើង ដល់៣ម៉ឺន៧ពាន់៣២១នាក់ហើយ។

ចំនួនមនុស្សដែលបានចាក់វ៉ាក់សាំងក្នុងប្រទេសកម្ពុជាក្នុងរយៈពេល២៤ម៉ោងចុងក្រោយនេះ បានកើនបន្ថែម ០កណ្តក់សញ្ញា១៩ភាគរយបន្ថែមទៀត។ យោងតាមរបាយការណ៍របស់ក្រសួងសុខាភិបាល គិតត្រឹមថ្ងៃទី ១០មិថុនាឆ្នាំ២០២១ កម្ពុជាបានចាក់វ៉ាក់សាំងជូនប្រជា ពលរដ្ឋបានចំនួន២លាន៧សែន៩ម៉ឺន៤ពាន់៨៩៤នាក់ ហើយដែលស្មើនឹង២៧,៩៥%នៃចំនួនប្រជាជនដែលគ្រោងនឹងចាក់ជាង១០លាននាក់ ក្នុងនោះអ្នកបានចាក់ វ៉ាក់សាំងដូសទី២រួចមានចំនួន២លាន៣សែន៣ម៉ឺន៣ពាន់៤១៦នាក់។ កម្ពុជាកំពុងសម្រុកបង្ហើយចុងក្រោយ នៃការចាក់វ៉ាក់សាំងឈានរកការបញ្ចប់ដំណាក់កាលទី១នៅក្នុងរាជធានីនិងខេត្តកណ្តាល។

ស្ថានទូតអាមេរិកបានថ្លែងនៅថ្ងៃនេះថា ដំណើរទស្សនកិច្ចរបស់មន្ត្រីសេនានុព័ន្ធយោធាលោកវរសេនីយឯក Marcus M. Ferrara នៅក្នុងមូលដ្ឋានកងទ័ពជើងទឹករាម មិនបានចូលពិនិត្យគ្រប់ទីកន្លែងពេញលេញឡើយ និង ស្ថានទូតបានស្នើរកការកំណត់កម្មវិធីទស្សនកិច្ចក្នុងតំបន់មូលដ្ឋានជើងទឹករាមនោះសាឡើងវិញដោយអនុញ្ញាតការដើរមើលគ្រប់កន្លែង។

កម្ពុជាបានប្រកាសលើកដំបូងនូវលទ្ធភាពអាចផលិតមាសសុទ្ធ បានចំនួន៣តោន ក្នុងមួយឆ្នាំ ដែលជាលើកដំបូង បំផុតក្នុងប្រវត្តិសាស្ត្របន្ទាប់ពីអាជីវកម្មរ៉ែប្រេងកាត។