ខេត្តព្រះវិហារ បានបន្តរកឃើញអ្នកឆ្លងកូវីដ១៩ថ្មី ចំនួន ២នាក់ បន្ថែមទៀតហើយ ក្នុងរយៈពេល២៤ម៉ោង ចុងក្រោយនេះ ដែលជាចំនួនកើនឡើងម្នាក់ បើប្រៀបធៀបនឹងថ្ងៃម្សិលម៉ិញ។ ខេត្តព្រះវិហារកាលពីម្សិលម៉ិញ បានរកឃើញអ្នកឆ្លងកូវីដ១៩តែម្នាក់ប៉ុណ្ណោះ ។

ខេត្តរតនគីរី បានរកឃើញអ្នកឆ្លងកូវីដ១៩ថ្មី ចំនួន ២នាក់ថែមទៀត ក្នុងរយៈពេល ២៤ម៉ោងចុងក្រោយនេះ ។ យោងតាមរដ្ឋបាលខេត្តអ្នកដែលរកឃើញឆ្លងថ្មីនៅថ្ងៃនេះ សុទ្ធតែជាការឆ្លងនៅក្នុងសហគមនទាំងអស់ និងអ្នកទាំង២នាក់នោះ សុទ្ធតែជាអ្នកចំណូលថ្មីមកពីខេត្តផ្សេងផងដែរ ដែលម្នាក់មកពីខេត្តតាកែវ និងម្នាក់ទៀតមកពី ខេត្តកំពង់ធំ ។ អ្នកទាំង២នាក់នោះ ត្រូវគេបញ្ជាក់ថា បានធ្វើដំណើរមកពីរាជធានីភ្នំពេញតាមមធ្យោបាយ ផ្សេង គ្នា។ ខេត្តរតនគីរីមានអ្នកឆ្លងសរុបចំនួន២២នាក់។

ខេត្តសៀមរាបបានរកឃើញអ្នកវិជ្ជមានជំងឺកូវីដ-១៩ថ្មី ចំនួន២៤នាក់ក្នុងរយៈពេល២៤ម៉ោងចុងក្រោយដែល ភាគច្រើនជាការឆ្លងក្នុងស្រុកសូទ្រនិគម។ ស្រុកសូទ្រនិគមនិងស្រុកជីក្រែង គឺជាស្រុកដែលទើបនឹងមានការ ប្រកាសឲ្យប្រុងប្រយ័ត្ននូវការផ្ទុះឆ្លងជម្ងឺរាតត្បាតនេះ។

ខេត្តបាត់ដំបងមានអ្នកឆ្លងកូវីដ១៩ថ្មីចំនួន៣០នាក់ដែលច្រើនជាងម្សិលមិញចំនួន១៦នាក់។ ខេត្តបាត់ដំបង កាលពីម្សិលមិញ មានអ្នកឆ្លងថ្មីចំនួន១៤នាក់។

ខេត្តឧត្តរមានជ័យ បានរកឃើញអ្នកវិជ្ជមានកូវីដ១៩ថ្មីចំនួន១៣នាក់ ក្នុងរយៈពេល២៤ម៉ោងចុងក្រោយនេះ ។ ការឆ្លងថ្មី១៣នាក់ នៅថ្ងៃនេះ ត្រូវគេឃើញថា ជាតួលេខស្រកចុះជាងពីម្សិលម៉ិញចំនួន ២នាក់ ដែលកាលពីថ្ងៃ ច័ន្ទម្សិលម៉ិញនោះ ខេត្តឧត្តមានជ័យបានរកឃើញអ្នកឆ្លងចំនួន១៥នាក់។

ខេត្តកំពត បានបន្តរកឃើញអ្នកវិជ្ជមានកូវីដ-១៩ថ្មី ចំនួន៥៨នាក់ បន្ថែមទៀត ក្នុងរយៈពេល២៤ម៉ោង ចុង ក្រោយនេះ ដែលជាតួលេខថយចុះជាងពីម្សិលម៉ិញតែ១ករណីប៉ុណ្ណោះ ។ កាលពីថ្ងៃទី០៧ មិថុនា ម្សិលម៉ិញ ខេត្តកំពតបានរកឃើញអ្នកឆ្លងកូវីដ១៩ចំនួន ៥៩នាក់ ។

ខេត្តតាកែវ បានរកឃើញអ្នកឆ្លងកូវីដ១៩ ចំនួន៤១នាក់បន្ថែមទៀត ក្នុងរយៈពេល២៤ម៉ោងចុងក្រោយនេះ ដែលជាតួលេខមានការស្រកចុះចំនួន១៤នាក់ បើប្រៀបធៀបនឹងថ្ងៃម្សិលម៉ិញ ។ យោងតាមរដ្ឋបាលខេត្ត អ្នកឆ្លង កាលពីច័ន្ទម្សិលម៉ិញ ត្រូវបានគេរកឃើញចំនួន៥៥នាក់ ។

ខេត្តបន្ទាយមានជ័យ បានរកឃើញអ្នកវិជ្ជមានកូវីដ១៩ថ្មីចំនួន ៤២នាក់ថែមទៀតនៅថ្ងៃនេះ ដែលជាតួលេខ មានការកើនឡើងចំនួន ១១នាក់ បើប្រៀបធៀបនឹងម្សិលម៉ិញ ។ ខេត្តបន្ទាយមានជ័យកាលពីថ្ងៃច័ន្ទ បានរក ឃើញអ្នកឆ្លងកូវីដ១៩ចំនួន៣១នាក់ ។

ខេត្តស្វាយរៀង បានរកឃើញអ្នកមានវិជ្ជមានជំងឺកូវីដ-១៩ថ្មី ចំនួន ២១នាក់ ក្នុងរយៈពេល២៤ម៉ោង ចុងក្រោយ នេះ ដែលជាចំនួនថយចុះជាងកាលពីម្សិលម៉ិញរហូតដល់ ២២នាក់ ។ ខេត្តស្វាយរៀងកាលពីថ្ងៃច័ន្ធម្សិលម៉ិញ បានរកឃើញអ្នកឆ្លងកូវីដ១៩ ចំនួន ៤៣នាក់ ។

ខេត្តកំពង់ចាមបានរកឃើញអ្នកវិជ្ជមានកូវីដ-១៩ថ្មី ចំនួន២៨នាក់បន្ថែមទៀតក្នុងរយៈពេល២៤ម៉ោង ចុង ក្រោយនេះដែលជាចំនួនថយចុះមួយករណីបើប្រៀបធៀបនឹងម្សិលមិញ។ កាលពីថ្ងៃទី០៧ មិថុនា ម្សិលម៉ិញ ខេត្តកំពង់ចាមបានរកឃើញអ្នកឆ្លងកូវីដ១៩ ចំនួន ២៩នាក់ ។ យោងតាមរដ្ឋបាលខេត្ត អ្នកឆ្លងថ្មីទាំងនេះ គឺ ស្ថិតក្នុងរង្វងការធ្វើតេស្តលើមនុស្សសង្ស័យចំនួន ៨១៤នាក់។ ក្នុងចំណោមអ្នកឆ្លងថ្មីទាំង២៨នាក់នោះ រួម មាននៅស្រុកបាធាយ៦នាក់, ស្រុកជើងព្រៃ២នាក់, ស្រុកចំការលើម្នាក់, ស្រុកព្រៃឈរ៥នាក់, ស្រុកកងមាស ៣នាក់, ស្រុកស្រីសន្ធរ២នាក់,ស្រុកកំពង់សៀម៨នាក់ និងមកពីខេត្តត្បូងឃ្មុំម្នាក់។ ខេត្តកំពង់ចាម មានអ្នកឆ្លង ជំងឺកូវីដ-១៩ចំនួន១ពាន់៩៦នាក់,  ព្យាបាលជាសះស្បើយ ចំនួន៦៦៤នាក់ក្នុងនោះរួមការព្យាបាលជាសះស្បើយ ៣០នាក់រយៈពេល២៤ម៉ោងចុងក្រោយនេះទៀត។