ខេត្តរតនគីរី បានរកឃើញការឆ្លងកូវីដ១៩ថ្មីម្នាក់ ដែលជាការឆ្លងចូលក្នុងសហគមន៍រយៈពេល២៤ម៉ោងចុង ក្រោយនេះ។ យោងតាមរដ្ឋបាលខេត្ត អ្នកឆ្លងថ្មីនោះ គឺជាស្ត្រីអាយុ២៨ឆ្នាំ ដែលជាពលរដ្ឋក្នុងស្រុកអូរជុំ ដែល មានប្រវត្តិដើរច្រើនកន្លែង ហើយនៅថ្ងៃទី៣១ឧសភាដែលបានវិលត្រឡប់មកស្រុកកំណើតវិញ ស្ត្រីនោះបាន ធ្វើដំណើរមកពីរាជធានីដែលជាតំបន់មានការផ្ទុះឆ្លងខ្លាំង។ ខេត្តរតនគីរី មានករណីឆ្លងកូវីដ១៩សរុបចំនួន១៨ នាក់, ការព្យាបាលជាសះស្បើយចំនួន៥នាក់, និង១៣នាក់ទៀតកំពុងសម្រាកព្យាបាល។

ខេត្តស្វាយរៀងបានរកឃើញករណីឆ្លងថ្មីចំនួន៣៣នាក់នៅថ្ងៃនេះដែលជាតួលេខកើនខ្ពស់ជាងម្សិលមិញ១៦ នាក់។ កាលពីថ្ងៃទី៣មិថុនា ខេត្តស្វាយរៀងមានអ្នកឆ្លងថ្មីចំនួន១៧នាក់។

ខេត្តព្រៃវែងបានរកឃើញករណីឆ្លងកូវីដ១៩ថ្មីចំនួន៣៨នាក់ ដែលជាករណីថយចុះចំនួន៧នាក់បើប្រៀបធៀប នឹងម្សិលមិញ។ កាលពីថ្ងៃទី៣មិថុនា ខេត្តព្រៃវែងបានរកឃើញការឆ្លងថ្មីមានចំនួនច្រើនដល់៤៥នាក់។

ខេត្តបាត់ដំបងបានរកឃើញការឆ្លងកូវីដ១៩ថ្មីចំនួន២៦នាក់ថែមទៀតនៅថ្ងៃនេះដែលជាតួលេខថយចុះចំនួន ៦៦នាក់។ ខេត្តបាត់ដំបងកាលពីម្សិលមិញ ការឆ្លងត្រូវគេរកឃើញជាបន្តបន្ទាប់មានចំនួន៩២នាក់។

ខេត្តសៀមរាប​បានដកចេញនូវបំរាមគោចរដែលបានដាក់ចេញប្រមាណប្រមាណ៥៦ថ្ងៃមកហើយដើម្បីការ បង្កាទប់ស្កាត់កូវីដ១៩។ សេចក្តីសម្រេចរបស់រដ្ឋបាលខេត្តថ្ងៃទី៤មិថុនានេះ បានសរសេរបញ្ជាក់ត្រូវ បានបញ្ចប់ ការអនុ វត្តវិធានការរដ្ឋបាលជាបណ្តោះអាសន្នចាប់ពីថ្ងៃនេះតទៅ។

ខេត្តបន្ទាយមានជ័យ បានរកឃើញការឆ្លងថ្មីចំនួន៣៩នាក់ ដែលជាតួលេខថយចុះ២នាក់បើប្រៀបធៀបម្សិលមិញ។ កាលពីម្សិលមិញ ខេត្តបន្ទាយមានជ័យបានរកឃើញការឆ្លងថ្មីចំនួន៤១នាក់។

ខេត្តកំពង់ចាម ក្នុងរយៈពេល២៤ម៉ោងចុងក្រោយនេះ បានរកឃើញអ្នកឆ្លងកូវីដ១៩ថ្មីចំនួន ៤៨នាក់ បន្ថែមទៀត ដែលកើនលើសពីម្សិលមិញ។ ខេត្តកំពង់ចាមក្នុងរយៈពេល៣ថ្ងៃជាប់មកនេះ តួលេខនៃការឆ្លងមានត្រឹមរង្វង់ ៣០នាក់ ប៉ុន្តែការឆ្លងនៅថ្ងៃនេះ ឈានចូលដល់ខ្ទង់សែហើយ។

ខេត្តកោះកុងបានរកឃើញការឆ្លងថ្មីចំនួន៦នាក់នៅថ្ងៃនេះ ដែលជាតួលេខឆ្លងច្រើនជាងម្សិលមិញដែលមាន តែចំនួន២នាក់នោះទេ។ យោងតាមរដ្ឋបាលខេត្តការឆ្លងថ្មិ៦នាក់នៅថ្ងៃនេះ គឺជាការឆ្លងលើពលរដ្ឋក្នុងស្រុក ស្រែអំបិល។ ខេត្តកោះកុងក្នុងរយៈពេល៣ថ្ងៃជាប់គ្នានេះ មានការឆ្លងលើពលរដ្ឋចំនួន២០នាក់។

ខេត្តកែបបានរកឃើញការឆ្លងថ្មីចំនួន៣នាក់នៅថ្ងៃនេះ ដែលជាតួលេខថយចុះចំនួន៣នាក់។ កាលពីថ្ងៃទី៣មិថុនាខេត្តកែប បានរកឃើញអ្នកឆ្លងថ្មីចំនួន៦នាក់។

ខេត្តកំពង់ស្ពឺ បានរកឃើញអ្នកឆ្លងថ្មីចំនួន៩០នាក់ក្នុងរយៈពេល២៤ម៉ោងចុងក្រោយនេះ ដែលជាតួលេខខ្ពស់មួយគួរឲ្យព្រួយបារម្ភ។ យោងតាមរដ្ឋបាលខេត្ត ការឆ្លងសរុបក្នុងខេត្តកំពង់ស្ពឺមានចំនួន១ពាន់៣១៧នាក់, ការព្យាបាលជាសះស្បើយមានចំនួន៣៦១នាក់, កំពុងសម្រាកព្យាបាលមានចំនួន៩៣១នាក់, ផ្ទេរទៅព្យាបាលនៅ ខេត្តផ្សេងមានម្នាក់ និងផ្ទេរព្យាបាលទៅរាជធានីភ្នំពេញចំនួន៩នាក់។ ខេត្តកំពង់ស្ពឺ មានករណីស្លាប់ចំនួន១៨ នាក់។ ខេត្តកំពង់ស្ពឺនៅថ្ងៃនេះ បានប្រកាសបើកដំណើរការឡើងវិញនូវផ្សារចំនួន២ផងដែរនៅក្នុងស្រុកភ្នំស្រួច ក្រោយការបិទមានរយៈពេល២៤ថ្ងៃ កន្លងមក។