ខេត្តកែបបានរកឃើញករណីវិជ្ជមានកូវីដ-១៩ចំនួន៧នាក់បន្ថែមទៀតក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត អ្នកឆ្លងទាំង៧នាក់នោះ គឺជាពលរដ្ឋរស់នៅឃុំពងទឹក ស្រុកដំណាក់ចង្អើ ខេត្តកែប។ អ្នកទាំងនោះ ត្រូវគេរាយការណ៍ថា គឺធ្លាប់បានទៅលេងល្បែងនៅកាស៊ីណូសុខ គឹមម៉េង នៃច្រកទ្វារភាគីតន់ហន់ ស្ថិតនៅឃុំព្រែក ក្រឹស ស្រុកកំពង់ត្រាច ខេត្តកំពត។

ខេត្តកំពត បានរកឃើញអ្នកឆ្លងកូវីដ១៩ថ្មីចំនួន ៦០នាក់ បន្ថែមទៀត ក្នុងរយៈពេល២៤ម៉ោង ចុងក្រោយនេះ ។ យោងតាមរដ្ឋបាលខេត្ត អ្នកឆ្លងថ្មីទាំង៦០នាក់នោះ សុទ្ធតែជាករណីឆ្លងនៅក្នុងសហគមន៍ទាំងអស់ ដែលរួម មានស្រ្តីចំនួន៣៤នាក់ និងបុរស២៦នាក់ ។

ខេត្តតាកែវបានរកឃើអ្នកឆ្លងកូវី-១៩ថ្មីចំនួន៤៧នាក់ក្នុងរយៈពេល២៤ម៉ោងចុងក្រោយនេះ និងមានករណី មនុស្សម្នាក់បានស្លាប់ផងដែរ។ ខេត្តតាកែវកាលពីម្សិលមិញ ចំនួនមនុស្សឆ្លងថ្មី ត្រូវគេរកឃើញមានច្រើនដល់ ៥០នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ១៩ថ្មីចំនួន១៦នាក់ ក្នុងរយៈពេល២៤ម៉ោងចុងក្រោយនេះ ដែលជា តួលេខថយចុះ៤៩នាក់បើប្រៀបធៀបនឹងម្សិលមិញ។ កាលពីថ្ងៃទី១មិថុនា ការឆ្លងថ្មីក្នុងខេត្តព្រៃវែងត្រូវគេរក ឃើញឆ្លងខ្ពស់ដល់ចំនួន៦៥នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន២ពាន់៦០៩ ករណី និងការស្លាប់ថ្មីមានចំនួន៥០៦នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុប ចំនួន៧៥០ករណី ក្នុងនោះ៧១៦ករណីជាការឆ្លងក្នុងសហគមន៍, និង៣៤ករណីទៀតជាការនាំចូលពីក្រៅ ប្រទេស។

រដ្ឋបាលរាជធានី បានកាត់បន្ថយតំបន់លឿងទុំមួយចំនួននិងបានរក្សាជាតំបន់លឿងវិញ ក្នុងពេលដែលគោល ការណ៍កំណត់ភូមិសាស្ត្រហានិភ័យក្នុងរាជធានីនឹងត្រូវផុតសុពលភាពវេលាម៉ោង១២យប់ឈានចូលថ្ងៃទី៣មិថុនា។

អ្នកទោសក្នុងពន្ធនាគារខេត្តកំពង់ស្ពឺម្នាក់ ត្រូវគេរាយការណ៍ថាបានបាត់បង់ជីវិតដោយសារតែជម្ងឺកូវីដ១៩។ អភិបាលខេត្តកំពង់ស្ពឺ លោក វ៉ី សំណាង ត្រូវបានបណ្តាញសារព័ត៌មានក្នុងស្រុកដកស្រង់សម្តីដែលបញ្ជាក់ថាពិតជា មានស្ត្រីអ្នកទោសអាយុ៦៦ឆ្នាំម្នាក់បានស្លាប់ដោយសារតែជម្ងឺកូវីដ១៩នោះមែន។

ពលរដ្ឋច្រើនម៉ឺននាក់ទៀតរួមទាំងជនបរទេសរស់នៅក្នុងប្រទេសកម្ពុជាផងដែរ បាននិងកំពុងរង់ចាំការចាក់ វ៉ាក់សាំងដូសទី២ ក្នុងខណ្ឌមួយចំនួនក្នុងរាជធានីភ្នំពេញ។