ខេត្តកំពតបានរកឃើញករណីវិជ្ជមានកូវីដ-១៩ចំនួន៥៧នាក់បន្ថែមទៀតក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាបុគ្គលិក និងប្រជាពលរដ្ឋដែលបានទៅលេងល្បែងនៅកាស៊ី ណូសុខ គឹមម៉េង ច្រកទ្វារភាគីតន់ហន់ ស្ថិតនៅឃុំព្រែកក្រឹស ស្រុកកំពង់ត្រាច ខេត្តកំពត។

ខេត្តតាកែវ បានរកឃើអ្នកឆ្លងកូវី-១៩ចំនួន៥០នាក់ថ្មី ក្នុងរយៈពេល២៤ម៉ោងចុងក្រោយដែលកើនឡើងជាង ម្សិលមិញ២០នាក់។ កាលពីថ្ងៃច័ន្ទម្សិលមិញ ការឆ្លងថ្មីមានចំនួន៣០នាក់។

ខេត្តសៀមរាប បានរកឃើញអ្នកមានវិជ្ជមានជំងឺកូវី១៩ថ្មី ចំនួន៣នាក់ ក្នុងរយៈពេល២៤ម៉ោងចុងក្រោយដែល ច្រើនជាងកាលពីម្សិលមិញ។ កាលពីថ្ងៃច័ន្ទម្សិលមិញ ខេត្តសៀមរាបមានករណីឆ្លងថ្មីតែម្នាក់ទេ។

ខេត្តកំពង់ចាមបានរកឃើញអ្នកមានវិជ្ជមានកូវីដ១៩ចំនួន៣១នាក់ក្នុងរយៈពេល២៤ម៉ោងចុងក្រោយនេះ ដែល ជាចំនួនថយចុះ១១នាក់បើប្រៀបធៀបនឹងម្សិលមិញ។ ការឆ្លងកាលពីថ្ងៃច័ន្ទកន្លងមកនេះ មានចំនួនច្រើនដល់ ៤២នាក់ ។

ខេត្តស្វាយរៀងរកឃើញអ្នកវិជ្ជមានកូវីដ-១៩ថ្មីចំនួន១៧នាក់ក្នុងរយៈពេល២៤ម៉ោងចុងក្រោយ។ កាលពីម្សិលមិញ រដ្ឋបាលខេត្តបានរកឃើញអ្នកឆ្លងថ្មីមានច្រើនដល់៤៣នាក់ និងការរកឃើញឆ្លងថ្មីថ្ងៃនេះ មានចំនួនថយ ចុះ២៦នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៦៥នាក់ ក្នុងរយៈពេល២៤ម៉ោងចុងក្រោយ នៃដែលជា ចំនួនឆ្លងច្រើនបំផុតមិនធ្លាប់មាននៅក្នុងខេត្តនេះ។ ខេត្តព្រៃវែង កាលពីម្សិលមិញ មានករណីឆ្លងថ្មីតែ២៤នាក់ ទេ។

ឧបករណ៍បរិក្ខាវេជ្ជសាស្រ្តដែលគិតជាទឹកប្រាក់សរុបប្រមាណ៣០ម៉ឺនដុល្លារត្រូវបានសាធារណរដ្ឋកូរ៉េបាន ផ្តល់ជូនដល់ក្រសួងសុខាភិបាលកម្ពុជា។ ពិធីប្រគល់និងទទួល បានធ្វើនៅរសៀលថ្ងៃទី១មិថុនាឆ្នាំ២០២១ នេះនៅទីស្តីការក្រសួងសុខាភិបាលក្រោមអធិបតីភាពរដ្ឋមន្ត្រីក្រសួងសុខាភិបាលលោកសាស្រ្តាចារ្យម៉ម ប៊ុនហេង និងឯកអគ្គរដ្ឋទូតកូរ៉េខាងត្បូងប្រចាំកម្ពុជាលោកផាក ហ៊ឹងគ្យុង។

ការចាក់វ៉ាក់សាំងលើពលរដ្ឋក្នុងតំបន់ប្រឈមហានិភ័យខ្ពស់ក្នុងរាជធានី បានកើនដល់ជាង៩២ម៉ឺននាក់ ក្នុង រង្វង់អ្នកដែលបានចាក់សារុបជាង២លាននាក់រួចមកហើយនេះក្នុងរាជធានីភ្នំពេញ។ រាជធានីភ្នំពេញ បានបែង ចែកតំបន់ដែលមានការឆ្លងខ្លាំង, ការឆ្លងតិច និងតំបន់ដែលមានសុវត្ថិភាព, ចំណែកការចាក់វ៉ាក់សាំងត្រូវបានធ្វើ ក្នុងយុទ្ធសាស្ត្រផ្ការីក ដោយចាប់ផ្តើមចេញពីតំបន់ដែលប្រឈមនឹងហានិភ័យខ្ពស់នោះមក។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួនចំនួន២ម៉ឺន ១៣៩ ករណី និងការស្លាប់ថ្មីមានចំនួន២៧៧នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មីសរុប ចំនួន៦១៦ករណី ក្នុងនោះ៥៨៥ករណីជាការដែលឆ្លងក្នុងសហគមន៍, និង៣១ករណីទៀតជាការនាំចូលពីក្រៅ ប្រទេស។