ការឆ្លងចូលក្នុងសហគមន៍រយៈ២៤ម៉ោងចុងក្រោយនេះ មានចំនួន៥៨៥ករណី ដែលថយចុះ៥០ករណីប្រៀប ធៀបនឹងម្សិលមិញ។ កាលពីថ្ងៃច័ន្ទ ការឆ្លងចូលក្នុងសហគមន៍មានចំនួន៦៣៥ករណី។ នេះជាការឆ្លងចូលក្នុង ថ្ងៃដំបូងនៃខែថ្មីគឺខែមិថុនានេះ ចាប់តាំងពីកម្ពុជាបានប្រឈមនឹងរលកវាយលុកជាលើកទី៣ក្នុងសហគមន៍ចាប់ តាំងពីថ្ងៃទី២០កុម្ភៈនោះមក។

មេដឹកនាំប្រទេសកម្ពុជាបានថ្លែងចូលរួមជាមួយនឹងមេដឹកនាំពិភពលោកដែលបានបញ្ជាក់នូវការសន្យានិងតាំង ចិត្តចំពោះការឆ្លើយតបលើបញ្ហាប្រែប្រួលអាកាសធាតុក្នុងតំបន់និងពិភពលោក។ សម្តេចនាយករដ្ឋមន្ត្រីហ៊ុន សែន ក្នុងកិច្ចប្រជុំកំពូល សេអ៊ូលP4G ឆ្នាំ២០២១ ដែលអញ្ជើញចូលរួមពីមេដឹកនាំចំនួនប្រមាណជិត៧០ប្រទេស កាលពីថ្ងៃទី៣១ឧសភាបានថ្លែងប្តេជ្ញាថាកម្ពុជាលើកកម្ពស់នូវលទ្ធភាពកាត់បន្ថយ និងបន្ស៊ាំទៅនឹងបំរែបំរួល អាកាសធាតុ តាមរយៈការអភិរក្សធនធានធម្មជាតិ, ការអភិវឌ្ឍទីក្រុង និងឧទ្យានបៃតង, និងការអភិវឌ្ឍសមត្ថ ភាពស្ថាប័នឱ្យកាន់តែរឹងមាំលើការស្រាវជ្រាវ ដើម្បីឆ្លើយតបនឹងការប្រែប្រួលអាកាសធាតុ និង តម្រូវការក្នុងការ គ្រប់គ្រងគ្រោះមហន្តរាយធម្មជាតិ។

កម្មវិធីព័ត៌មានអប្សរាណិត មានការផ្សាយជូនទស្សនាជារៀងរាល់ថ្ងៃចន្ទ ដល់ ថ្ងៃសុក្រ វេលាម៉ោង៨:៣០នាទី ដល់ម៉ោង៩:៣០នាទីយប់ ដែលមានការផ្សាយលើកញ្ចក់ទូរទស្សន៍អប្សរា និងធ្វើការLive នៅលើ Facebook Page AMS Central & Page Apsara TV11។

គណៈកម្មការ ប្រកួត បាល់ទាត់ជាតិកម្ពុជា-CNCC បាន ប្រកាសរៀបចំពានរង្វាន់ថ្មីមួយដែលមាន ឈ្មោះ CNCC League Cup 2021 ដោយមាន បេក្ខភាពចូលរួម ប្រកួតប្រជែង ចំនួន ៨ ក្លិប និង ប្រើ រយៈពេល ប្រកួត ជិត ១ ខែដែលនឹងចាប់ផ្ដើម នាថ្ងៃ ទី ៥ ខែ មិថុនា ក្នុងចុង សប្ដាហ៍ នេះ។ បេក្ខភាព ក្លិបចូលរួម ប្រកួតពានរង្វាន់ ថ្មីនេះ រួមមាន ក្លិប ព្រះខ័នរាជស្វាយរៀង , ភ្នំពេញក្រោន , បឹងកេត , វិសាខា , កងយោធពលខេមរភូមិន្ទ , ខេត្តព្រៃវែង , ក្រុម ISI ដង្កោ សែនជ័យ និង ក្រុមយុវជន…

ក្រុមបាល់ទាត់ជម្រើសជាតិកម្ពុជា កំពុងធ្វើការហ្វឹកហាត់ លើកដំបូង នៅប្រទេសបារ៉ែន ដើម្បីត្រៀមប្រកួត ជាមួយម្ចាស់ផ្ទះបារ៉ែន នៅថ្ងៃទី០៣ ខែមិថុនា ឆ្នាំ២០២១ បៅក្នុងវគ្គជម្រុះជុំទី២ ក្នុងពូល C នៃព្រឹត្តិការណ៍បាល់ ទាត់ពិភពលោក នៅប្រទេសកាតា ឆ្នាំ២០២២ FIFA WORLD CUP QATAR 2022។ ក្រុមជម្រើសជាតិកម្ពុជា មានកីឡាករ២៤នាក់ ដែលដឹកនាំដោយគ្រូបង្គោលជនជាតិជប៉ុន លោករ៉ាយូ ហ៊ីរ៉ូស និងអ្នកចាត់ការទូទៅ លោកកេស៊ួគី ហុងដា រួមទាំងគ្រូជំនួយ បានចាប់ផ្តើមហ្វឹកហាត់ត្រៀមប្រកួត ជាមួយម្ចាស់ផ្ទះ បារ៉ែន មុនគេ នា វេលាម៉ោង ១១កន្លះយប់ ម៉ោងនៅកម្ពុជា នាថ្ងៃទី៣ ខែមិថុនា ឆ្នាំ២០២១។

ខេត្តពោធិ៍សាត់ កំពុងតាមចាប់ខ្លួនបុរសអាយុ៣៨ឆ្នាំម្នាក់ ក្រោយមានសេចក្តីរាយការណ៍ថាបុរសនេះបាន សម្លាប់ភរិយារបស់ខ្លួនដោយប្រើពូថៅ។ ស្រ្តីជាភរិយា ឈ្មោះ ស៊ុ ចាន់នី អាយុ៣០ឆ្នាំ ត្រូវបានគេសម្លាប់ដោយ ការកាប់ពូថៅត្រូវចំក្បាល, ដៃទាំងសង្ខាង និងដងខ្លួនបានរងសុះដោយស្នាមពូថៅ ដែលគេជឿថាជាអំពើរបស់ បុរសជាប្តីឈ្មោះ ឡូញ ធារ៉ា ដែលកំពុងស្ថិតក្រោមការស្វែងរកនិងតាមចាប់ខ្លួនពីកម្លាំងមានសមត្ថកិច្ច។ ហេតុការណ៍កាប់សម្លាប់នោះ ត្រូវគេប្រទះឃើញវេលាព្រឹកថ្ងៃទី៣១ឧសភានេះ នៅចំណុចភូមិស្ថានីយ៍, សង្កាត់ ស្វាយអាត់ ក្នុងក្រុងពោធិ៍សាត់។

កម្ពុជាបានឃើញនូវកំណើនតួលេខភ្ញៀវទេសចរណ៍តិចតួចនៅក្នុងខែឧសភា ក្នុងពេលដែលការរឹតបន្តឹងបាន បន្ធួរបន្ថយតិចតួចនៅតាមកន្លែងមួយចំនួនដែលមិនប្រឈមហានិភ័យ។ យោងតាមក្រសួងទេសចរណ៍ ក្នុងខែឧសភាឆ្នាំ២០២១ ចំនួនភ្ញៀវទេសចរណ៍ទូទាំងប្រទេសមានសរុប១៩ម៉ឺន៤ពាន់២៥នាក់, ក្នុងនោះរួមមានភ្ញៀវ ជាតិ១៩ម៉ឺន១ពាន់៨២០នាក់ និងភ្ញៀវបរទេសផ្ទៃក្នុង ២ពាន់២០៥ នាក់។

ការជួសជុលផ្លូវជាតិលេខ៣ពីភ្នំពេញទៅក្រុងកំពត បានសម្រេចជិត១០០%ហើយ គិតរហូតមកទល់ចុងខែឧស ភានេះ។ យោងតាមក្រសួងសាធារណការ និងដឹកជញ្ជូន គម្រោងធ្វើឱ្យប្រសើរឡើងផ្លូវជាតិលេខ៣ពីភ្នំពេញ ទៅ ក្រុងកំពត សម្រេចបាន៩៨,០៤%ហើយ ដោយបច្ចុប្បន្នក្រសួងកំពុងបន្តពន្លឿនការងារ បំពាក់កាមេរ៉ាចាប់ ល្បឿនយានយន្ត, ការបំពាក់កាមេរ៉ាសុវត្ថិភាព, ការដាក់ឧបករណ៍ត្រួតពិនិត្យជញ្ជីងថ្លឹងទម្ងន់ក្រោមដី និងជញ្ជីង ថ្លឹងទម្ងន់នៅក្នុងតាមស្ថានីយ៍ពាក់ព័ន្ធ និងដោយឡែកសំណង់ ស្ពានអាកាសថ្មើជើងនៅលើកំណាត់ផ្លូវជាតិលេខ ៣ នៅម្ដុំត្រាំខ្នា គ្រោងនឹងបញ្ចប់ការងារទាំងស្រុងក្នុងចុងខែមិថុនាខាងមុខនេះ។

ច្រកទ្វារព្រំដែនអន្តរជាតិ ម៉ឺនជ័យ-តឺនណាម រវាងខេត្តព្រៃវែងរបស់កម្ពុជា និងខេត្តតៃនិញ ប្រទេសវៀតណាម ត្រូវបានប្រកាសដាក់ឲ្យដំណើរការជាបណ្តោះអាសន្ន ចាប់ពីថ្ងៃដំណាច់ខែឧសភានេះ។ អភិបាលខេត្តព្រៃ វែង លោកជា សុមេធី នៅព្រឹកថ្ងៃទី៣១ឧសភាឆ្នាំ២០២១ បានអញ្ជើញជាអធិបតីក្នុងពិធីប្រកាសដាក់ឲ្យដំណើរ ការ ច្រកទ្វារព្រំដែនអន្តរជាតិម៉ឺនជ័យ-តឺនណាម បណ្តោះអាសន្ន ត្រឹមកម្រិតថ្នាក់ខេត្តសិន គឺរវាងខេត្តព្រៃ វែង នៃ ប្រទេសកម្ពុជា និងខេត្តតៃនិញនៃប្រទេសវៀតណាម។ ច្រកទ្វារព្រំដែនអន្តរជាតិម៉ឺនជ័យ មានទីតាំងភូមិសាស្ត្រ ផ្នែកខាងកើតទល់នឹងស្ទឹងឆ្លងស្ពានថ្មជាប់នឹងប៉ុស្តិ៍ ៨៣៣ ស្ថិតនៅក្នុងភូមិតាំងណាម ឃុំតឹងប៊ិន, ស្រុក តឹងបៀង ខេត្តតៃនិញនៃប្រទេសវៀតណាម។